Ka Leo o ka Lahui, Volume II, Number 431, 13 ʻApelila 1892 — Page 1
| This text was transcribed by: | Lyn Kuda |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
---
Buke II. HONOLULU APERILA 18, 1892. Helu 431
---
HE MOOLELO
--:NO KE KEIKIALII:--
AWAREDA!
---
a me
KA UI LEILA
o Noremadi.
---
(Kaka[@]ia no Ka Leo.)
---
MOKUNA IV.
Ka Hooiliikaua Weliweli a me Kona Hopena Kumakena.
---
Aha! wahi ana i namunamu liilii ae ai, me ka hamo ana o kona mau lima ma o a maanei o ka uhi bela, o kela kekahi o na hauna koi lua ole o ka ikaika!
Aia aku la i hea ua nunui Wolefa nei?
E hahai mai ia'u i na mea a pau. Aia no anei ke ola la kuu keiki?--Kuu keika aloha? Ua eha anei oia?
Pehea, ua make?
Aole, aole--aole o kuu keiki! O Wolefa ka i make! O! e hoomaikai ia na lani! Ae, e hoomaikai ia na lani, oiai ke lohe nei au i ka hooho hanoli o na naita no ko Noremadi lanakila!
I ka pau ana o keia mau olelo olalau, haule aku la ua moi poino la iloko o ka aina o na moeuhane pahaohao, e hoonipo ana hoi me Niolopua, oiai aia no iloko o kona mau aa-koko kahi i moelolii ai kekahi mau kulu o ka laau hoohiamoe.
No Avareda nae, aole he mau manao e ae i ulu ae iloko o kona noonoo, koe wale no, o ka moe ana no paha keia o kona makuakane, pau ka noonoo ana mai iaia he keiki, nolaila, ua hookaumaha loa ia kona uhane.
A oiai o na huaolelo ana i lohe ai mai ka waha mai o kona makuakane i na minute mamua iho, he mau mea no ka la i hala; nolaila ua haule nui mai la kona mau waimaka iaia i hoomanao ae ai, iloko o na minute maopopo ole o ka pono o kona makuakane, aole oia i hoopoina iaia,--aole po hoi'i ka hooili kaua o ka la i hala, a pela no hoi me ka lanakila haaheo i loaa ia Noremadi.
oiai ua moi poino nei e hiamoe ana, hiolo mai la na omaka hou o ke ola mai kona lae kahania mai, aole ke keikiaili i [@@@] i ka nohe kiai ana ma ka aone o kona makuakane no kekahi mau hora loihi.
Ina e hoopupu ke ola iloko ona a hala ka la apopo, alaila pau ko kakou hopohopo ana nona, wahi a ke kauka i olelo mai ai i ke keikialii oiai laua e ala ana.
Nolaila, ina oe e makemake e hoi e hooluolu i kou mau lihilihi na ke koena o keia poi ua hiki no; a na'u e hoomanawanui aku a hiki i ke ao ana, wahi hou a ke kauka i hoomau mai ai.
Mahoope auanei ala mai aole au? wahi a ke keikialii.
Aole oia e ala koke mai no kekahi mau hora, wahi a ke kauka.
Ina he oiaio, e loaa ana iaia he moe oluolu ana mai keia manawa aku a hiki i ka oili ana mai o ka la i ke kakahiaka, wahi a Avareda, alaila e hoi io au e hooiuolu.
No ka mea, ua ike no oe aole i loaa ia'u he hoomaha maikai ana mahope iho o na hana weli weli o ka la i nehinei.
No keia mau olelo a ke keikialii, olelo aku la ke kauka:
E hoi oe e hooluolu. aole e pilikia ka moi me a'u a hiki i kou oluolu ana.
A loaa hou mai no anei oia ia'u me ke ola ke ala mai au i ke kakahiaka o ka la apopo?
Ae, mai hopohopo oe no ia mea. waki a ke kauka.
Ina pela, alaila ua ko ka'u mea i paakiki iho nei, oia hoi aole oia e make ana mamuli o kela wahi eha uuku wale no, aka e ola ana no kona eha?
I ka - lohe ana o ua kauka poohina la, ka mea hei a na mea e ae a pau o Wavele i nana mai ai ma ke ano he makua no ka wa popilikia, luliluli ae la kona poo me ka ulalu ana iho o kona mau kuemaka, a nana mai la i ke keikialii me ke kaumaha.
Ua lilo keia mau kahoaka maluna o ke kauka i mau mea hoouaueue ikaika i ka umauma o Avareda, iaia i ku ae ai a haalele aku la i ka aoao o ka moe o kona makuakane e moe ana no ka hoi ana no kona rumi moe.
A, e ka makamaka heluhelu. ua hoea mai kaua i ka pewa hiu o keia mokuna, a na ia mokuna hou aku e hoike mai i ka hopena o ka moi poina a me na ono e ae.
---
KA HOOLELO HOONANEA
O KA EUEU
MASANERO.
---
Ke Kameha'i o Italia.
---
A I OLE,
O ka Lawai'a Kaulana loa o Napela.
---
MOKUNA XIII.
Ka Halepule o Sana Chiara--Cosila ka opukeemoa--Isabela ma ke alo o ke Kanaka Lawaia me na kikoni olelo walohia nui ana.
---
Auwe! Ua akamai loa mai nei ka hoi oe i ke kamailio ana i ka olelo a ka Mea Mahaloia ke Duke o Acosa. Me ko iliwai nahaehae, h[@]kaei ulaula a me ko wahi lakeke lop[@], a i ka nana aku ua kupono loa maoli no oe ke kapa ia he Vikeloe liilii. Wahi a Cosila me ka aka hene iki ana iho ia Masanero.
Akaaka paha oe e like me kou makemake a lawa, aka ma ke koi--na aku o ia aka ana. e hai aku au ia oe, aole loa oe e haalele iho i ke kulanakauhale o Napela me ke ola, a hiki i kou hoolohe ana mai i na kauoha a ua Vikeloe liilii la, ka mea nana e rula aku ia oe e ke kanaka pakaha wale.
E, ina o kou ake nui ia e hoolohe aku au i kau mau kanoha. alaila e pono oe e uku mua mai ia makou i kela mau ducata he ekolu haneri tausani aia maluna o na aumoku o Fanedesa i pau mai nei i ke ahi. a ano i aha iho la kau dala e hiki ai e uku mai ia makou e like me kau olelo kaena? Wahi a Cosila me ka hoonaukiuki ana ia Masanero.
E uku ia aku ana kou mau kanaka, a heaha la kou noonoo nui no ia mea au e kolokolo mai nei?
Pehea e hiki ai, a me ke aha oe i manao ai e hiki ia oe ke hana mai pela iwaena o keia mau lehulehu o na koa a pau?
No kou ake nui e Cosila i na pomaikai hikiwawe, nolaila aohe oe manao ae i ka pono kumau o ka lehulehu.
Ae, a ua hiki no ke komo mai na poe haowale, ina paha no kekahi Moi a he Duke paha, a i ole paha he Barona, a mao Sana Januari, e hana aku ana au ia oe e like me ke Duke o Acosa.
E Cosila, mae ka Madona Hemolele la, e li ia aku ana oe e a'u ma ka makeke.
No keia mau olelo a Masanero, ua akeaka loa o Cosila me ka henehene launa ole i ke Kanaka Lawaia me ka i pu ana ae:
Ua hana no hoi ka Nepolitana i ka mea eleu, he mau koa lawaia ae nei hoi ma kahi o na koa Sepania i lukuia me na aahu nani o ka oihana kaua.
o ua mau kahiko nani la o na kanaka o ua moi la o Sepania, a o ka makemake o ka lahui, aole loa i kaulike; a oia ka lakou i hana iho nei. Wahi a Masanero.
Alakai ae la oia, ia Cosila ma ka puka aniani e huli pono aku ana i ka aekai, ma kahi hoi a Paolo e ku pani pu ana i ke kahakai. a kuhikuhi ae la kona lima me ka pane nu ana iho:
E nana oe ana e Cosila, ua paa pu ke kahakai i na koa, a ua hiki loa ia lakou ke hoopuni ae i kou mau wahi kanaka a like me he ia la i puni i ka upena kuu a ka lawakua pohinahina, a ke hoike wale aku auanei au la he wahi heailona. a o ko oukou hamo ia mai no ia a hoi uhane i ke kulanukauhale.
Ua kumakaia ia ka makou. Wahi a Cosila i namunamu iho ai.
E haalele koke iho ia Napela, a hikki i kuu kahea hou ana aku ia oe a e hoomanao iho oe, e uku ana au ia oukou i iwakalua tausani ducata na kou iahi.
Ike iho la ua Cosila la. aohe ana haua pono e ae, o ka hoolohe wale no i ke kauoha a Masanero.
Haalele iho la o Masanero i kona kamailio pu ana me Cosila, a kaha aku la oia e hele no ka halepule o Sana Chiara kahi a Pietero e kali mai la iaia.
Hoea io aku la keia ma ka luakini, ike aku la keia ua makaukau kamaaina e ohaoha mai i ka eueu Masanero, a oia no kana i ake lea aku ai e hui me kona kaikuahine, a i ko Iane ike ana mai i kona kaikunane, ua pae koke mai la no na lee heahea a ke aloha.
Mai! mai! e kuu kaikunane, na wae mai ke Akua Ola ia oe i mea nana e hapai kekahi hana nui a kaulana no ke kuokoa o ka aina, a ke hauoli nei au me ka hanohano nui i kuu hanau ia ane mai he kaikuahine nou, a ke ikemaka nei au i kou hooikaika pauaho ole ana no ka pone o ka lehulehu a me na hanauna a pau mahope o kakou, a o kau i hana iho nei, aole loa e hiki ke hoonalo ia a puni ke ao.
---
OHE HAWAII.
---
E loaa no ma ka Halekuai Haukilima o HART & Co. na ohe ku pono i ka hana ia papala a hana peahi. E kipa mai e ike nou iho, oiai he oluolu na kuka aua, a he oluolu no hoi ka ahuau.
Honolulu, Feb. 15, 1892.
389d-3ts.
---
Kauka Yong Kam Pung.
(APANA.)
---
Helu 43, Alanui Maunakea.
Ke Kauka Loea o ka
Aina Pua!
---
Ua hiki ke hoola ia kela a me keia ano
ma'i, mai ko na kane , wahine a [@@@]
na keiki liihi. O na ma'i ha-no
ua hiki loa ia hoh[@@@]la ia me
ka ma[@]l[@]hi. A o ne ma'i
e pili ana i ka maha
pau pu ia i ke
ola. Ke ho-
ike ia aku nei,
ma ke ola ia nei, me
ka oluolu pu o kahi au-
hau. Ka poe pilikia hanau
keiki a hele nui paha o ke koko
a paa a lohi paha ka hanau ana, pa
paha o ka waiu, e hele nui mai i o'a ne
E KIPA mai e ka noi i hool[@@@] lua ia me na haawina pilihua a ka mai a na'u oukou e hooluolu aku.
KAUKA YONG KAM PUNG.
Honolulu Sept. 2, 1891. 272-d3m*
---
E Kuai Hoopau Ana!
---
Na Kaa Huila Lua
---
a me
Ili Kaa Malalo o ke Ku mu Lilo
---
Ma kahi o--
S.G. Schuman.
---
Alanui Hotele kokoke i ke kihi o Alanui Papu.
[@@@]wd.