Ka Leo o ka Lahui, Volume II, Number 421, 30 Malaki 1892 — Page 1

KA LEO O KA LAHUI.

"E Mau ke Ea o ka Aina i ka Pono."

 

 

Buke II. HONOLULU MARAKI 30, 1892. Helu 421

 

HE MOOLELO

-:NO KE KEIKIALII:-

AWAREDA!

a me

KA UI LEILA

o Noremadi.

(Kakauia no Ka Leo.)

 

MOKUNA IV.

Ka Hooilikaua Weliweli a me Kona Hopena Kumakena.

            Ae, nolaila e lawe oe i kou kulana kue i na enemi i kokua ia e kou mau naita ma kahi hahana loa o ke kaua, kahi hoi a ko kaua mau kanaka e luku ia mai la, aia a ike aku au e hakaka ana oe me Wolefa ka pilikua, alaila o ko'u manawa ia e kokua aku ai ia oe me koʻu mau naita kahiko i wae pono ai.

            Aka, ina he mea hiki i kou wiwo ole e kuu keiki ke wawahi aku i na laina o na Denemaka a puehu liilii me he opala la e puhi ia ana e ka makani nui, he nani loa hoi ia;-a e hana aku pela oiai au e ola ana.

            No ka mea, makemake au kou makuakane e ike i kou koa a me kou wiwo ole e kuu keiki mamua o ka napoo ana o ka la i keia la.

            Me na maka piha uwila, a me ka puuwai hoi e lalana ia ana e ke ahi o ka hopo ole, haawi aku la na Avereda nei i ka pane i kulike me ka mea e pana ana ilkoko o kona makuakane; alaila huli mai la oia a olelo mai la i kona mau naita:

            E hilinai mai oukou a pau maluna o'u e like me ka na kupuna o oukou i hana ai maluna o Korana ka Wiwo ole, a e ike auanei oukou, ua papalua aku ko'u wiwo ole mamua o umi kanaka e like me ia.

            Nolaila, e hahai mai mahope o'u, a na'u oukou e alakai aku imua o ka enemi ma na ano a pau, a mai poina i ka'u olelo hope, e hana ai, pela auanei e hiki ai ia kakou ke kaiehu aku i ko kakou mau enemi mai na kapakai aloha aku o ko kakou @ makuahine.

            No'u iho, aia ko'u ola iloko o ko oukou mau poho lima, nolaila me oukou au i na manawa a pau no ke ola a me ka make; ina oukou e make, hookahi ko kakou make puana.

            Oiai ua ike no oukou, he mea makehewa ia'u ke ola iho ma ke ano he keikialii i nele me na makaainana aloha.

            Me keia mau olelo a ua Avareda nei imua o kona mau naita, huli ae la oia a alakai aku la ia lakou iloko o ko lakou mau leo ahiu hae o ke kaua no ke kihi akau o ka enemi, kahi hoi o ka hahana loa o ke kaua.

            Oiai ua opio nei e hooko ana i ka makemake o kona luaui makuakane, nalu ino la oia iloko ona penei:

            E Leila, aole au i poina ia oe. He oiaio, eia au ke mauna nei i kuu kino na ka make, o ka'u mau hoomanao ana no nae, aia mau no ia maluna ou, e like me ka l@ui o ke ola iloko o'u.

            O! e ke au kokoia o ka manawa, aole anei au e ike hou ana i kou mau maka,-a e na ao hakumakuma o ka ino, ahea pau kau kaoh@ ana ia'u?

            Auwe! he ekolu no a'u hauna pahi e kau nui nei no ko makou lanakila e ka ipo no@ ea, he hookahi no ke kalaunu o kuu makuakane, he hookahi nou no ka mea a'u i aloha ai, a he hookahi no ko'u ola iho, oia hoi ka'u hauna pani hope loa.

            Iloko o keia manawa a ka nunui Woleta e luku nei me ka mainoino i na naita o Noremadi e keakea aku ana mamua o kona alahele, he kohu paka na lani pili na pua e haule ana ma kona mau aoao, a oiai ke kani o na metala kila e haehae ana i ka iewa no ka manawa mua loa, a o ka kaua Avareda pa kekahi iloko o ke huikau a ka awaawa.

            Ua olelo ia ma kela me @ like ua alakai opio nei @ manawa me kekahi makani puahiohio e luku hele ana i na enemi me kana pahikaua, a he heluna nui o ka poe i make ma ka aoao o ka poe Denemaka i hoonele ia me ke poo ole.

            No keia mau hana lua ole o ka koa a me ka wiwo ole a ua Avareda nei, ike iho ia kona mau naita kakaikahi he hana maikai ole na lakou ka hookuu hookahi ana i ke keikialii e aloalo ana i ka nui alu a na enemi, ua ukali like mai, la lakou mahope ona no ka hakaka pu ana me na enemi.

 

KA MOOLELO HOONANEA

O KA EUEU

MASANERO.

Ke Kameha'i o Italia.

A I OLE.

O ka Lawai'a Kaulana loa o Napela.

 

MOKUNA XI.

Hakaka ma ka Moana, a lilo i mau

Moepuu ma ka Hohonu-Ka

Papu Mauu ma ka Ilikai.

Kanaenae Ola n@ @ Kanaka Lawaia.

 

            Ma ka mokuna i haia hope iho la, ua ike kaua, ua kaua a ke kanaka lawaia i kekahi o kona mau hoa lawaia e hoomakaukau i moku a me 20 kanaka, a e holo aku e halawai pu me luana Fanedesa, a ma keia mokuna e ike aha la kou i ka mua o ia mau hana.

            O ka inoa o na kanaka la a Masanero i hoouna ai, oia no o Genero, nona na makahiki he kanakolu, a nona na oiwi kino i hiki ke kapa pono ia, he Macaia no he kahua mokomoko o ka la.

            Ua wae io ae la ua Genero la he 20 mau kanaka koa ma ke kapakahakai, a e holo io aku ana lakou no na aumoku sepania e hekau mai ana ma ke kaikuono o Napela, me na lako waiwai hao wale pu no e hoopu malie mai ana, aka o ka hapanui o na koa malalo o Fanedesa, ua hala nui aku la ma kela huli o ke kaikuono, e nanea ana i na oaniani makani e kaomi hui iho ana i ka iwi hilo, a koe kakaikahi wale iho no na aliimoku a me kekahi mau koa.

            Hoopiaaia iho @ @ Genero nei @ @ ma @wa a @ . Ke nana @ @ la i hookahuaia ma ka ilikai.

            I ka pau ana o keia mau mea i ka hanaia, ua haawi ae ia ua Genero la i kana mau olelo hoolana i kona mau kanaka:

            O keia mau mea a pau a kakou i hoomakaukau iho la, ua makemake au ia oukou a pau he 20 e @ ae malalo o keia ahua mauu e kau nei maluna o ko kakou nei moku, a o malama loa oukou i ole e onioni ka mauu, a aole hoi e ike ia kahi lihi iki o ko oukou mau kino mawaho o ka mauu, a pela kakou e holo aku au a hiki i kuu kahea ana aku ia oukou, alaila o ko kakou wa no ia e haehae ai ka maau, no ka mea ke hele mai nei ka wai a aleale i ka lau o ka hau.

            Baravisimo! Pono! E hooko no makou. Wahi a na lazaroni i hooho like mai ai.

            Pau ae la ua poe lazaroni la i ke kau iluna o ka moku, a he mau minute pokole wale no, ua pau ae la lakou a pau i ka naholo malalo o ka puu mauu, a he neo wale la no, a koe wale no o Genero a me elua mau wahi kanaka lawelawe maluna o ka moku hookalakupua o ua Genero.

            Holo lai aku la kahi moku o lakou nei, a holoholo nae ia, na wahi sela iki maalea, a e kipu hoolai ana hoi ua Genero la ma ka hoeuli, a nee aku la ka moku me ka papu maua, e nee pahaohao ana, a no ke kahua o ka enemi ka pahu hopu.

            Ia lakou nei e holo aku nei, ke nana mai la na kanaka o Dona Iuana Fanedesa i keia mea nui e pane aku nei, me ka manao ole ae, he ulumano aku keia.

            Aia no hoi o Fanedesa ke hoonohonoho mai la iluna o ka moku, me ka ike ole ae ua kokoke mai la kona wa e lulu ia ai a lilo i mau ko'a ako'ako'a ma ka hohonu o ke kai ilalo lilo.

            He kanaka opio wale no o Dona Iuana Fanedesa, a he mau hiona o ka olali paani o na pua, a e aahu ana i kona kahiko piha o ka oihana kaua, a i hiki i mai no hoi oia e manai pu ae i kona lima akau me ko Isabela nohea mau lima palupalu, aka hoea e hoi ke kona.

            @o lohe wale no oia he kaua kuloko kai hoalaia ma na alanui o ke kulanakauhale o Napela, aole nae i maopopo loa, a o kana ia e ake aku la e lohe maopopo.

            I ka moku me ka papu mauu i ka @lo ae ai ma ka aoao o ka moku @ keikialii Fanedesa, kahea mai @ lakou ia Genero:

            Hooloi mai i kaula!

            O! Aohe @ manawa.

            E hele ana ka hoi ko oukou moku ihea?

            E holo ana makou i Cepari.

            Peia iho, makemake au e kamailio aku ia oe.

            Aole hiki.

            Mao Sana James la! Aole ka he hiki, a i ole oe e ae mai, e kiola koke aku no wau i poka pu i ou 'la.

            Kiola paha oe-alia, he mea inu no nae paha ko oukou o luna o ko oukou moku?

            Ae, he malaga waina a he k@ no hoi, aia no paha i kau mea e makemake ai.

 

OHE HAWAII.

            E loaa no ma ka Halekuai Haukilima o HART & Co. na ohe kupono i ka hana ie papale a hana peahi. E kipa mai e ike nou iho, oiai he oluolu na kuka ana, a he oluolu no hoi ka ahuau.

            Honolulu, Feb. 15, 1892.

389d-3ts

 

Kauka Yong Kam Pung

(APANA.)

Helu 53, Alanui Maunakea.

Ke Kauka Loea o ka

Aina Pua!

 

Ua hiki ke hoola ia kela a me keia ano

ma'i, mai ko na kane, wahine a me

na keiki liilii. O na ma'i ha-no

ua hiki loa ia ke hoola ia me

ka maalahi. A o na ma'i

e pili ana i ka maka

pau pu ia i ke

ola. Ke ho-

ike ia aku nei,

eia ke ola ia nei, me

ka oluolu pu o kahi au-

hau. Ka poe pilikia hanau

keiki a hele nui paha o ke koko

a paa a lohi paha ka hanau ana, pa

paha o ka waiu, e hele nui mai i o'u nei.

 

E KIPA mai e ka poe i hooluuluu ia me na haawina pilihua a ka mai a na'u oukou e hooluolu aku.

KAUKA YONG KAM PUNG.

Honolulu Sept. 2, 1891. 272-d3m.

 

E Kuai Hoopau Ana!

Na Kaa Huila Lua

a me

Ili Kaa Malalo o ke Kumu Lilo

Ma kahi o-

S.G. Schuman.

Alanui Hotele kokoke i ke kihi o Alanui Papu. 328-1wd.