Ka Leo o ka Lahui, Volume II, Number 420, 29 Malaki 1892 — Page 3
| This text was transcribed by: | Rosemary Mccune |
| This work is dedicated to: | Kaelene Ahu Rey |
KA LEO O KA LAHUI.
"E Mau ke Ea o ka Aina i ka Pono."
========================
NU HOU KULOKO
-
[pointing finger] Oiai, ua waiho mai o D. M. Punini Jr., i kona noho lawelawe ana no keia nupepa ma na ano a pau, nolaila ke kauohaia aku nei na poe a pau he koena aie, e hookaa pololei mai ma keia Keena, a o na hookaa ana mawaho ae, aole ia me makou. Ma ke Kauoha.
Mar. 28, 1892.
---o-o-o---
He mau wahi la helu koe a puehu ae keia mahina.
---o-o-o---
Mawaena o ka poai aloha ole ia Hawaii nei, he nui ko KA LEO mau enemi.
---o-o-o---
Ua puehu aku ma ka la onehinei ka mokuahi Kalaudine no kona mau awa maa mau.
---o-o-o---
Ma ka Poakai io la, ua koho pono ia o J W Naukana i hoa ekolu o ka Papa Kula.
---o-o-o---
He papaaina aloha hope ka i haawi ia e ka Moiwahine ma ke kakahiaka o ka Poakahi nei, no ka hanohano o ke Kanikela Fareni. Mons. M. d'Anglade.
---o-o-o---
Ma ka la i nehinei i malamaia ai ka hihia o kela mau haole hoeha me ka mea make a makou i hoike mua aku ai, imua o Lunakanawai Foster o ka Aha Hoomalu.
---o-o-o---
I ka po hookahi no, ua ku ae la a paa he heiau nui o Mookini i ka lima o na menehune, a he hookahi ao hoi @o ku ana ke ahua o ke eke one. Keu ka hoi ka like pu.
---o-o-o---
Ua kaili aku ka make ma ka la 27 iho neoi ia Mina, hapua kaikamahine a Mr. me Mrs. J. Hoting i ka elua o na makahiki o kona hanu ana i na ea oluolu o keia ao inea. I nehinei i malamaia ai ka kuakai aialo hope loa maluna o kona kino.
---o-o-o---
E malama hou ana ka aoao Liberala Hawaii he halawai h@u i ka Poaha iho ma ka Hale Paikau Kahiko ma alanui Moiwahine Ma ia halawai e kamailio ai o
C W Akipoka a me na hoa e ae o ka hui no na mea e pili ana i ka pono o ka lahui.
---o-o-o---
Eia ke hoomaka hou nei ka aihue moa ma Honolulu nei i keia mau ia. Ma ka po Poalima o ka pule i hala, ua komo aihue ia ka hala hanai moa a W. R. Kakela, a ma kahi o ke kaau hookahi ka nui o na moa i lilo i ka aihue ia.
---o-o-o---
He mea maikai no na hoaui hoonanea ana, na luana walea ana, aka, e na makamaka, mai haualaoa a keu wale aku. Ma Makaaho ae nei, ua akoakoa ae na lala o ka hui hoomakeaka o ka la "Ka Hui Ole-ne o na Fulene" me na luana maikai ana. Mahalo ia oukou, aka o na fu-lene hoi e luana pu mai ana, e hoi iho a ke kamumumu o ke aheahe malie. E ai iho i ka hilu i ka ia no'eno'e o ka moana, mai lapaku ae oe, he lapa manu ole ia e na fulene.
---o-o-o---
Ma ka la Sabati nei i malamala ai ka Hoike Hapaha o na Kula Sabati o Kaumakapili malalo o ka alakai ana a Mrs. Dilinahama. A na malama pu aenohoi ka Papu kaua o hawaiahao i ko lakou hoike papaha e like me ko Kaumakapili. malalo o ka alakai ana a W. R. Kakela. O na mea e pili ana i ka o ike o Kawaiahao wahi a ka lono, malalo o na hoonohonoho ana a na lunakanawai o ka la, ua lilo ia Maunakiekie ka helu ekahi, Pauoa ka helu elua, a o Kamoiliili ka helu ekolu.
[second column]
Ma keia pule iho la, ua kipa ae la ma ka home noho o Rev. J. Kekahuna ka anela o ka make a huki aku la i ka hanu makamae o kana keiki kamakahi i aloha nui ai, Daniela Kekahuna. E ka makua, e hoolana oe i ka manao, na ke Akua e holoi ae ina waimaka.
===============================
HAULE! HAULE!
-
Ua haule i keia maa la koke aku nei no kekahi LEI GULA me kekalu mea gula lewalewa mai i na nei la i kahaia i ka moa LILIAN. E loaa no ka makana kupono i ka mea e hoihoi ana i ka lei ia a ma kahi o G W Makapolena ma.
McTIGHE.
Honolulu Mar. 23, 1892. mar231w.
--------------------------------------------
HE HOOLOAHA I KE AKEA.
-
E ike ananei na ano lahui a pau, e noho ana me ka Aupuni Hawaii, mai na kane, wahine a me na keiki; i loa@ i na ma'i o kela a me keia ano, e nane mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino aki iloko o ka iwi, eha o ka poo, ma'iwahine a pela aku. Mai hoololohe aku e na hoa, hele mai hookahi,hele mai elua, hele mai no a pau loa; he oluolu ka auhau, ke hui me ai ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawae loa, he makamaka a he hoaloha maikai no oukou a na Hawaii.
Owou iho no,
DR. LEONG KENG TONG.
Helu 40, Huina o na alanui Kamika me Hotele,
Honolulu Oahu. Aug. 31 1@
-------------------------------------------------
OLELO HOOLAHA.
-
Ke papa loa aku nei au i na ano kanaka a pau e noho ana ma keia Paeaina, aole e hoaie mai i kuu wahine mare ia ANE PAHIA ma ko'u mea a ke papa pu ia aku nei no hoi, aole e malama iaia a o ka mea hoolohe ole i keia, alaila e hoopii ia ana lakou ma ke anawai oiai @a haalele kumu ole mai oia ia'u.
Owau no ma ka oiaio.
G. H. PAHIA.
Honolulu. Maraki 2, 1892. mar.2tf
----------------------------------------------------
HOOLAHA! HOOLAHA!
-
Ke kauoha ia aku nei na mea a pau no lakou na uwati a mea gula e waiho nei ma ko'u Hale Hana Uwati, e pono i kii koke mai iloko o keia mau la a hiki i ka la 9 o Maraki. Ua hala anei ka mahina okoa in kahea ia ai o ka poe i kuleana, a ina aole e kii mai ka poe mea uwati a mea gula, alaila, e hoolilo aku ana no wau ma ia hope aku.
FAI KEE & CO.
Helu 37 Alanui Nuuanu. 9t-d.
-----------------------------------------
[two columns wide]
HOOLAHA HOU!
E ALA, E ALA.
B. F. Ehlers & Co -PAINAPA.
HELU 99 Alanui Papu.
MA KA HALEKUAI O PAINAPA I KEIA MANAWA UA HOEMI HOU IHO MAKOU I NA KUMUKUAI O NA LOLE WAHINE, KANE,
ME KO KAMALII, MA KE KUMUKUAI MAKEPONO LOA, NO KA MEA, HE WA PILIKIA KEIA. NOLAILA KE KUMU O NA HOEMI
NAAUPO ANA:
Na Palule $2.50 he $1.50 wale no, a o na Palule $1.50 he $1.00 wale @. Ke ike mai la oukoui ka emi loa ana.
Kupaianaha maoli keia emi naaupo ana e hele koke mai, o nele auanei oukoa.
B. F. EHLERS & CO
============================================
Na PaikiNi Hou
Na Paikini Hou
O NA ANO A PAU, E KINIKOHU AI O KE ANO AHIAHI, E LOAA NO MA KAHI -
Chas. Fishels,
KIHI O ALANUI PAPU A ME HOTELE,
Ko makou halekuai hoopau nui, ma o MR. CHAS. J. FISHELS la, he mau waiwai hou loa ko makou, i loaa mai nei mai ka hikina mai, o na ano like ole he nui wale. Eia ma ko makou halekuai nei na paa lole o linohau ai o na Koonimana a luhiehu o na Lede, na aulii o na Kamalii -
Na KINAMU Na ALAPIA
Na KALAKOA Malina Na KIHEI Silika
NANAHE o na ano he nui A pela wale aku.
E huea pau ia aku ana keia mau waiwai a pau imua ou, aole hoi o ee wale ona Lede kekahi, pau pu aku hoi me na keiki, nau o wae nou ihno i na anoai a kea
puu-wai, oia ha papa loi o Apua la ke anapa nei ka wai
Hele i Mana.
[pointing finger] E hele mai i hookahi, e hele mai no a pau loa,maikenui a ka liilii.
Chas. J.Fishels.
350-tfd Halekuai alakai o na kumukuai hoohaa loa.
==============================================
[column three]
HE LIO AUWANA.
E ike auanei na ano kanaka a pau, eia ma ko'u lima kahi @aa ai o kekahi lio auwana, o ka mea nona keia lio,k e pono oia e kii koke mai, me ka hooia pu mai i na ano a pau e pili ana i ka lio, a me kekahi mau waiwai e ae e kau ana maluna o kona kua, me ka uku pu mai i ko'u ma lilo o ka maiama ana i keia lio. Ina e hala na la he 15 e lilo loa ana ia'u keialio.
Owau no me kaoiaio.
J. KEAO KEKIPI JR.
Uano o Kamika, Maraki 18, 1892
mar21 1week
-------------------
He Mau Hana Hoonanea.
-
AHA MELE MA NA AHIAHI POAONO.
-
Ma ka Hale Halawai maluna ae o ka Rumi Kuai I X L Kihi Alanuio Nuuanu a me Moi. Malaila ka Bana e hool@ wa ai i ka lakou mau meme a me na leo hone o na pila vaiolina. He hulahula mai ka hora 9 aku a ka hora 11. He mau kii Hoolele Aka o "Na Wahi a puni ka Honua." a Mr. D. M. Crowley.
-
UKU KOMO 50 Kenetam Hoomaka ma ka hora 7:30.
mar17 tf.
------------------------------------------------------------------
OLELO HOOLAHA.
-
Ma keia ke papa loa a aku nei na kanaka a pau i ka hele ana maluna o ka aina o Waiakekua a me na alua a pau e pili ana, e waiho la mawaena o ka aina o
C P Iaukea ma Kahoiwai a me ka aina o Waaloa i kuai ia ia E H Rodgers, ma ke awawa o Manoa, Oahu, me ka loaa ole o ka palapala ae mai ka mea nona ka inoa malalo iho, ina e kue ia e hoopii ia no ke komo hewa.
J @ BOYD
Honolulu Mar 7,1892. mar 8 1m.
-------------------------------------------------
MAU AINA PA HALE.
-
He mau aina Pahale keia ma ke Alanui Makiki, a o ka poe e makemake ana i ka aina i wahi noho no lakou, e ninau mai ia.
R. W. WILIKOKI.
mar15 2wksd.
-------------------------
OLELO HOOLAHA.
-
Ke hai ia aku nei ka lohe i na mea a pau e makamake ana e loaa na upena "aei" i hanaia a makaukau na kui ia a paa me ka lihilihi, a o na laau wale kau e hookomo ae a lawaia aku. E loaa no ma kuu halekuai ma ke kihi o alanui Moiwahine a me Maunakea, mauka iho o ka makiekie kuai ia o Ulakoheo, no na ano upeoa a pa. Me ka mahalo.
LUM KOI
Honolullu, Maraki 4, 1892 mar.4tf.
=========================
[two columns wide]
NA SILIKA WAILIUILA
Na Silika Aulii o na Lede!!
-
A NA KEONIMANA A ME NA LEDE, E MAKAUKAU, @ ka nani ke alohi nei i ka Papalohi o Maukele; a ma he mau okeni kau,
e kipa mai ma ka HALEKUAI o S. N. SACHS.
Ke Alakai ona Kumukuai emi o keia Taona.
Honolulu, Alanui Papu, Helu 104.
E HOOKO IA no kou makemake ke kipa mai oe io makou nei. Eia na SILIKA nahee ona ano like ole he 60 keneta wale no ke kumukuai o ka I-a. Eia hou no na SILIKA i miloia me na lopi huluhulu o Inia Komohana, e loaa no ia oe ma ke kumukai haahaa loa, he 75 keneta malalo oke kumukaui mua.
Eia hou mai: Na SILIKA Aulii o Inia Hikina, he aulii a he milolii ke nana iho a he 50 keneta ke emi malalo o ke kumukuai mau; a he helu ekahi hoi o ka nana ke ike iho. Aole hoiu o ia wale, oia iho na HULUHIPA o na kahakahana like ole a nau no e wae e like me hou makemake, he 50 keneta no ka I-a. Na KINAMU pahee, i miloia me na lopi lilina, he 50 keneta a 75 keneta o ka I-a.
O na Ano Aaahu Aulii a Pau,
O na ano like ole, eia la ua ku ke ahna. Na AI-KALA, he elua pua no 25 keneta; a e loaa no hoi ia oe he 5 paa no $1.00, o ke ano a ka iini e lia ai. Eia hou na
A-IKALA Aulii o Carolina Hema, i loaa mailoko mai o na lopi aulii o Marina, a i hanaia hoi me ka mikioi, he 15 keneta a hiki i ke 35 keneta.
Na SILIKA WAILUILA, he 35 a ke 50 keneta o ka I-a, he mau mea hou wale no. Na VELEVETA nani lua oi@, he Omaomao, he Hauliuli, he Kaima,
he Keokeo, he Haulaula.
Eia hoi na PAPALE hulu nana he lehulehu wale, e hoohuelo ai o na Lede maka onaona; na aulii hoi o no kama a kakou, eia ke alohi mai nei na papale like ole o na
ano helehlehu wale.
Na Palemai kane o luna, o na ano a pau, ne 50 cts o ka PALEMAI a o ka oi loa aku i ko na wahi e ae.
Na PALEMAI wawae, o na ano a pau, na Palemai wawae huluhulu Canton, no 50 cts; na Palemai wawae ean mai ke 50 ahiki i ke 75cts. o ka mea hookahi.
Na KAKINI o na kane, o na ano a pau i loaa ole ma ka wahi e ae, ke kuai nei makou he 2 paa no 25 cts.; aka, e hele mai a ike kumaka nou iho ke kuai nei makou he 5 paa no $1.00 he makepono loa.
Na Papale maNu o na kane na Papale manu o na kamalii, a me na Papale hulu o na ano a pau.
Na Paiki ili pahee e kohu ai ka huakai hele, a me na Eke paa lima a na Lede e hoomahie ai. A ina e makemake kou e ike ika oiaio o ka makou, e kipa mai e ikemaka,
oiai ke hoemi nei makou i ke kumukuai o keia mau waiwai, i loaa ke kowa kaawalo no na waiwai hou e hoahu aku ai.
[pointing finger] E na hoaloha, e kipa, e ike kumaka ika nana o Aipo, he @e ka lohe pepeiao.
-------------------: N. S. SACHS:---------------------
373-stf. 104 Aloanui Papa, Honolulu.
===========================================
HOOLAHA NO KA MANAWA.
-
EGANA & GUNN.
[pointing finger] ALANUI PAPU, Na Hale Hou o BURUA MA, Helu 100 [updside down pointing finger]
MAI A MAHOPE AKU O KA LA EKAHI O APERILA, E HOOKELE ANA MAKOU I KA MAKOU KUAI ANA MA KE DALA KUIKE WALE NO.
Ua makemake makou e hookaa ia na bila e aie nei ia makou ma ia wa E hoomau ia aku no ko makou, kuai hoopau ana a hiki i ka la mua o Aperila.
I loaa aihoi ha kowa kupono no na WAIWAI HOU o kela ano keia ano he nui loa, i kupono hoi no ko Kau e Enohau ai:
---
Na Mikilima aulii,
Na Ribine hoohuelo,
Na lei-a'i, na Silika pahea.
Na Paa Lole Huluhulu pahea onaano like ole.
Na Kaai@ o na ano a pau,
Na Paku nanahe no na moe e hooopulelo ai,
Na pale puka-aniani a me an pale puka komo, e kinikohu ai ke nana aku.
Na Paa lole hoopumehana o na ka@a a kakou hui pu hoi me ka panio o na papale.
Na Papale Kapu.
Na Papale hulu.
Na Eke paa lima,
Na Paiki ili palua i kupono no ka holomoku,
Na A'ikala o na ano a pau,
Na Kakini hoopumehana o na ane @o @.
A PELA AKU, A PELA AKU.
HELE MAI HOOKAHI, HELE MAI ELUA, HELE MAI NO A PAU LOA. E WAE OE NOU IHO A KU I KE KOIIKOI.
ALAILA HIU AE LAWE NO A LILO.
E hele mai e ike i nakuai hoohaule nui ana a makou e kukula nei i ke akea.
EGAN A ME GUNN
ALANUI PAPU, HELU 100. @-3wd.