Ka Leo o ka Lahui, Volume II, Number 415, 22 March 1892 — Page 3
| This text was transcribed by: | Cyndi Defenbaugh |
| This work is dedicated to: | Kumu Hula Pohai Souza |
KA LEO O KA LAHUI.
"E Mau ke Ea o ka Aina i ka Pono."
NU HOU KULOKO
E haawi ana na kaikamahine o ke Kula Hanai o Kawaiahao he Aha Mele maloko o ka luakini o Kawaiahao i keia Poaono ae.
He wahi olai uuku ka i hoonaue ae ma Ulupalakua, Maui, ma ke kakahi ka o ka Poakolu o kela pule aku nei, la 16 o keia mahina.
Ma ka Ema Kuea ka houhene a ka Bana Hawaii i ka po nei, a ua nui no hoi ka poe i hiki kino ae malaila no ka hoohala ana i kekahi mau hora o ka po.
Eia ke pii mau nei ka maemae a me ka holomua o ke Alanui Kaahumanu i kela a me keia la, malalo o na lawelawe maiau ana a ko kakou Luna Alanui hou.
Nui ka hoohaunaele o kekahi poe ma ke kahua o ka Mere-gorauna i ka po Poaono iho nei, a ua lilo maoli ka maluhia oia wahi i mea ole i ka poe inu rama a me na hana pelapela e ae.
Mea mai hoi a Pilaii, e haawi ana ka na Kuhina o ka Moiwahine i po Hulahula Europa nui ma keia mua koke iho. Aole keia o ka hula hoowali hea, aka, o ka hula wili me ke hoa.
He kaa holo nui kai paa i ka hopu ia ma ke Alanui Moi i ke ahiahi Sabati nei, kokoke i ke kihi o Pawaa. Aole he mau poino i ike ia mahope iho o ka ahai ana o ka lio mai ke alanui Nuuanu mai.
He kilakila a haaheo ke kulana o ka hale opuu kalaunu e ku nei ma ke kihi-hema o ke kahua palahalaha o ka Hotele Hawaii i keia kakahiaka, iloko o kona kuka pena panio, e kaha ai ka maka o ka malihini ke ike aku.
Ma ke ku ana mai o Kalaudine i ka Poaono nei, ku ka paila hana ka haawe o na ukana ana i hoolue mai no keia awa, a ma ia la no hoi i hai ia ae nei, i hiu loa ia aku ai oia noluna o ke ala ulili o Nualolo, no ka lapaau ana i na palapu o kona iwikaele.
Nui ka hamabaga mau ia o na kapena o na moku okohola e poalo mai nei mawaho o keia mau kaiaulu, mamuli o ka mahuka pinepine mau o ko lakou mau luina, e ole nae hoi ia ola ka la makaponiuniu o kekahi poe o kakou, e imi mai nei i na h@ holo malu nei.
Ma ka Halekoa ka Rana o ka mokukaua Amerika Kapalakiko kahi i hoomaamaa ai ma ke kakahiaka onehinei, a i ka hoolohe aku, ua loaa no ka nunulu me ka nonolo. He mau liuliu e paha keia ola honua no ka hiki aku i ka manawa e uniki ai na kani me ko uka uei mau loea o na ohe.
Ke hoike aku nei makou i kekahi o na pake aihue i ka moa a kekahi kanaka elemakule a holo aku la oia me ka moa ana i aihue ai a nalowale oia. Hoea wale iho la no kahi elemakule, nalowale kahi pake, ko kami aku la kahi olomana, i mai la kahi luahine, auhea aku la aohe wahi a pane mai o kahi olomana, o ka na mea he hu@, i ka pau o ka i ala moa.
Ma ka Haelakala ka Bana Hawaii kahi i puhi ai ma ke kekahiaka nui o neinei, i kokua pu ia e na kaula eono o Uwehone.
He mau hoohalahala kekahi i loaa mai ia makou mai a Mrs. Naheana mai, e pili ana i ke ano o ka malama ia ana o na mai maloko o ka Halemai Moiwahine, no ka huhu ia o ka ai i ka poe mai, e na wahine lawelawe o loko o ia halenai. E pono e hoopau koko ia kela mau ano hana.
Kuai Kudala
--O NA--
Lako Gula a me Uwati.
Mamuli o ke kauoha o FAI KEE Ma, e kuai kudala no au ma ko lakou Halelekuai Helu 37, Alanui Nuuanu, ma ka POAHA, Mar. 10, ma ka hora 10 A.M., i ka huina pau o ko lakou Waiwai Gula a me NA LAKO HOOLUU IA ME NA WAI DALA A ME GULA.
NA LAKO HALEKUAI.
E kii mai ka poe no lakou na uwati e hooponoponoia nei, mamua ae o ke kuai ana.
JAS. F. MORGAN.
Luna Kudala.
mar. 1 tf.
OLELO HOOLAHA.
Ke papa loa aku nei au i na ano kanaka a pau e noho ana ma keia Paeaina, aole e hoaie mai i kuu wahine mare ia ANE PAHIA ma ko’u inoa a ke papa pu ia aku nei no hoi, aole e malama iaia a o ka mea hoolohe ole i keia, alaila e hoopii ia ana lakou ma ke anawai, oiai ua haalele kumu ole mai oia ia’u.
Owau no me ka oiaio.
G. H. PAHIA.
Honolulu, Maraki 2, 1892. mar. 2ti.
HE HOOLAHA I KE AKEA.
E ike auane, na ano lahui a pau, e noho ana ma ke Aupuni Hawaii, mai na kane, wahine a me na keiki; i loa i na ma’i o kela a me keia ano, e nane mai i ko’u Keena hana, a na’u e hoopau aku i na ehaeha a ka ma’i maluna o oukou e na makamaka, he hiki ia’u ke lapaau i na ano ma’i a pau, ma’i iloko o ka opu hu’i ke kino aki iloko o ka iwi, eha o ke poo, ma’i wahine a pela aku. Mai hoololohe aku o na @oa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mau mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.
Owou iho no,
DR. LEONG KENG TONG
Helu 40, Huina ona alanui Kamika no Hotele, Honolulu, Oahu. Aug. 31. ly
HOOOLAHA HOU
E ALA, E ALA.
B. F. Ehlers & Co.---PAINAPA.
HELU 99 Alanui Papu.
MA KA HALEKUAI O PAINAPA I KEIA MANAWA, UA HOEMI HOU IHO
MAKOU I NA KUMUKUAI O NA LOLE WAHINE, KANE, ME KO KAMALII,
MA KE KUMUKUAI MAKEPONO LOA, NO KA MEA, HE WA PILIKIA
KEIA, NOLAILA KE KUMU O KA HOEMI NAAUPO ANA:---
Na Palule $2.50 he $1.50 wale no, a o na Palule $1.50, he $1.00 wale no. Ke ike mai
la oukou i ka emi loa ana.
Kupaianaha maoli keia emi naaupo ana e hel koke mai, o nele auanei oukou.
B. F. EHLERS & CO.
Na PaikiNi Hou
Na Paikini Hou
O NA ANO A PAU, E KINIKOHU AI O KE ANO AHIAHI, E LOAA NO MA KAHI--
Chas. Fishels,
KIHI O ALANUI PAPU A ME HOTELE.
Ko makou halekuai hoopau nui,k ma o MR. CHAS. J. FISHELS la he mau waiwai hou loa ko makou, i loaa mai nui mai ka hikina mai, o na ano like ola he nui wale. Eia ma ke makou halekuai nui na paa lole e linohau ai o na Kuai@@@ a luhilohia a o na Lede,na aulii o na Kamalii.--
Na KINAMU Na ALAMA
Na KAKAKOA Malima Na KIHKI Silika
NANAHE o na ano he nui A pela wale aku.
E huea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nou o wae nou iho i na anei a kou puuwai, oia ka papa lohi o Apua la, he wai @@@@
A hele mai i hookahi, a hele mai no a pau loa, mai no mai a ma liilii.
Chas. J. Fishels.
330-tsd. Halekuai alakai o na kumukuai haahaa loa.
NA SILIKA WAILIULA !
Na Silika Aulii o na Lede !!
E NA KEONIMANA A ME NA LEDE, E MAKAUKAU IA ka nani ke alohi nei i ka Papalohi o
Mauhele; a ma he mau okoui kau, e kipa mai ma ka HALEKUAI.
S. N. SACHS,
Ke Alakai o na Kumukuai emi o kela Taena.
Honolulu, Alanui Papu, Helu 104.
E HOOKO IA no kou makemake ke kipa mai no ia makou nui. Eia na SILIKA wahee o na ano liho ole, he 60 keneta wale no he kumukuai o ka I-a. Eia hou no na SILIKA i @oiloia me na lopi hulahula o Iuia Kemohana, e loaa no ia oe ma ke kumukai heahea loa, he 75 keneta malalo o ke kumukuai mua.
Eia hou mai: Na SILIKA Aulii o Iaia Hikina, he aulii a he milolii ke nana iho, a he 50 keneta ke emi malalo o he kumukuai mea; a he helu ekahi hoi o ka nani ke ike iho. Aole hoi o ia wale, aie iho na HULUHIPA o na kahakaha like ole a nou no o wae o like me hou makemake, he 50 keneta no ka I-a. Na KINAMU pahee, i mailoia me na lopi lilina, he 50 a 75 keneta o ka I-a.
O na Ano Aaahu Aulii a Pau,
O na ano like ole, oia la ua ku ke ahua. Na AI-KALA, he elua paa no 25 keneta; a o loaa no hoiia oe he 5 paa no $1.00, o he ano a ka iiai e lia ai. Kia hou na A-IKALA Aulii o Carolina Hema, i loaa mailoko mai o na lopi aulii o Marina, a i hanaia hoi me ka mikioi, he 15 keneta a hiki i ke 35 keneta.
Na SILIKA WAILIULA, he 35 a ke 59 keneta o ka I-a, he mau mea hou wale no. Na VELEVETA nani lua ole, he Omaomao, he Hauhuli, he Kalina, he Keokeo, he Haulaula.
Eia hoi na PAPALE hulu nani he lehulehu wale, e hoohuele ai o na Lede maka onaona; na aulii hoi o no kama a kakou, eia ke alohi mai nei na papale like ole o na ano he lehulehu wale.
Na Palema kane o luna, o na ano a pau, he 50 cts. o ka PALEMAI a o ka oi loa aku i ke na wahi e me.
Na PALEMAI wawae, o na ano a pau, na Palemai wawae huluhulu Canton, no 50 cts.; na Palemai wawae Jean mai ke 50 ahiki i ke 75 cts. o ka mea hookahi.
Na KAKINI o na kane, o na ano a pau, i loaa ole ma na wahi e ae ke kuai nei makou he 2 paa no 25 cts.; aka, e hele mai a ike kumaka nou iho ke kuai nei makou he 3 paa no $1.00 he makepono loa.
Na Papale mauu o na kane, na Pale mauu o na kamalii, a me na Papale hulu o na ano a pau.
Na Paiki ili pahee e kohu ai ka huakai hele, a nee na Eke paa lima a na Lede e hoomahie ai. A ina he makemake kou e ike i ka oiaio o ka makou, e kipa mai e ikemaka, oiai ke hoemi nei makou i ke kumukuai o keia mau waiwai, i loaa ke kowa kaawale no na waiwai hou e hoahu aku ai.
E na hoaloha e kipa, e ike kumaka i ka nani o Aipo, he me ka lohe pepeiao.
N. S. SACHS
373-dtf 104 Alanui Papu, Honolulu
HOOLAHA NO KA MANAWA.
EGANA & GUNN.
ALANUI PAPU, Na Hale Hou o BURUA MA, Helu 100
MA A MAHOPE AKU O KA LA EKAHI O APERILA, E HOOKELE ANA MAKOU I KA
MAKOU I KA MAKOU KUAI ANA MA KE DALA KU IKE WALE NO.
Ua makemake makou e hookaa ia na bila o aie nei ia makou ma ia wa.
E hoomau ia aku no ko makou kuai hoopuu ana a hiki i ka la mua o Aperila.
I loaa ai hoi he kowa kupono no na WAIWAI HOU o kela ano keia ano he nui loa,
i kupono hoi no ke Kau o linohau ai:
Na Mikilima aulii,
Na Ribine hoohuelo,
Na Lei-a’i, na Silika pahee,
Na Paa Lole Huluhulu pahee o na ano like ole.
Na Kaaimea o na ano a pau,
Na Paku nanahe no na moe e hoopulele ai.
Na pale puka-aniani a me na pale puta hema, e kinikohu ai ke nana aku.
Na Paa lole hoopumehana o na kama a kakou, hui pu hoi ae ka paule o na papale.
Na Papale Kupu.
Na Papale Hulu,
Na Ike paa lima,
Na Paiki ili palua i kupono no ka holomoku,
Na A’ikala o na ano a pau,
Na Kakini hoopumehana, o na ano he nui.
A PELA AKU, A PELA AKU.
HELE MAI HOOKAHI, HELE MAI ELUA, HELE MAI NO A PAU LOA. E WAE OU NOU
IHO A KU I KE KOUKOI
ALAILA HIU AE, LAWE NO A LILO
E hele mai o ike i uakuai hoohaule nui ana a makou o kukala aku nui i he akea:
EGANA ME GUNN,
ALANUI PAPU, HELU 100 @@@@