Ka Leo o ka Lahui, Volume II, Number 411, 16 Malaki 1892 — Page 1

KA LEO O KA LAHUI.

"E Mau ke Ea o ka Aina i ka Pono."

 

KA LEO O KA LAHUI.

"E Mau ke Ea o ka Aina i ka Pono."

Buke II.                                   HONOLULU MARAKI 16, 1892.                           Helu 411

 

HE MOOLELO

 

NO KE KEIKIALII

 

AWAREDA!

 

a me

 

KA UI LEILA

 

o Noremadi

 

(Kakauia no Ka Leo.)

 

MOKUNA II.

 

Ka Olelo Wanana a ke Kahuna nui.

 

            Nolaila, e noonoo oe mai keia manawa aku a hiki i ka piha ana o ka mahina hookahi mai keia la aku. alaila, e hoea hou aku ana keia ninau hookahi Imua ou e like me ka'u i ninau aku nei ia oe i keia mau wa a ma ia manawa au e ike ai i kou aloha ia'u a me ka ole, ma ka hooko ana i ka makemake o na lani.

            Ua kuhihewa, a i ole ua poina paha oe e kuu makuakane, no ka mea aole i pili iki kela mau hoike a ka po ia'u.

            Oia kou ike ole, e kuu keiki. wahi a ka moi Koratina me ka huhu. me he mea la ua pau i ke @hi, oiai kona mau maka e hoopupu ana. aole anei ou noonoo ua pili kela hoike a na lani i ko'u noho alii?

            He oiaio. na pili i ka nohoalii, aole ia'u.

            Manao anei oe e kuu keiki. he makemake au i poe okoa i pili ole ia'u, na moi o Noremadi nei ma keia mua aku. a o oe hoi ka mea i hemo mailoko aku o'u, e lilo i mea ilikole a nele i ka nohoalii ole?

            Imua o kuu kino ola nei, aole loa pela' no ka mea he mau lima no ko u i hanau ia mai ai e ko'u makuahine.

            Nani ko'u hauoli i ko'u lohe ana i kela mau huaolelo mai kou waha ponoi mai; nolaila ina aole ou makemake i ke kaili ia o kou kuleana mai ia oo aku, alaila o ka'u alanui maalahi wale no e noonoo nei, a o ka kana hana kupono wale no hoi ia e hana ai, oia ka'u hoomale ana aku ia oe me--

            Iloko o keia manawa a ka moi e kamailio nei. hanu kaumaha iho la ke keikialii me ka haikea pu ana ae o kona mau helehelena me he mea make la. no ia mea punuku koke iho la ua Koratina nei i kana kamailio ana aole i hoomau aku.

            E ae maopopo mai ia'u no kela mahina hookahi e kuumakuakane, a e ka piha ana o ia manawa, mai hoahewa hou mai oe ia'u kau keiki.

            Ua nui loa paha kela mahina hookahi, aole anei he pono ke hoemi iki mai?

            I manawa hoi paha kekahi no'u mawaho ae e ka noonoo ana i ka'u haina no kau ninau.

            Aole.--aole au e ae ana pela.

            Aole, ua pono io ka oe e kuu keiki, nolaila ke haawi aku nei au ia oe i hookahi mahina e like me kau noi--no ka mea he pono ke loaa pu i manawa nou mawaho ae no ka imi ana i kela mau kanaka na laua i powa o Leila

            Ia oe nae e hana ana ia hana. mai palaka oe i ka noonoo ana i kau pane.

            Me keia mau olelo, hooki pu iho la ua moi nei i kana kamailio ana. me ka huila pu ana ae maluna o kona mau kapuai e haalele iho la i ke keikialii.

            No ua Awareda nei hoi. mahope iho o @lowale ana aku o kona makuakane. huli ae la oia a pii aku la oia wale no iloko o ka ululaau. no kana puni o ka wa kamalii he hahai holoholona.

            Ua ka e like me kana i makemake ai, oia hoi aia mamua ona he mahina hookahi ana e noonoo ai i kana pane imua o kona mauakane, a ua lana kona manao e loaa ana iaia ka maha a me ka palekana ana mai ka hopena mai ana i koho wale ai e kau mai ana maluna ona.

            Oia hoi kona hahaki ana i kana olelo paa naua ole--owai ka mea hiki ke kuai@o mai--he hiki anei ia oe e ka mea heluhelu ke hahai mai?

            No keia mau ninau, na ke ko ana a ke an o ka kaua moolelo e kuailo mai i ka mea oiaio, oiai oia kakou ke hookokoke aku nei i ka Mokuna III, kahi hoi o kekahi mea huna pohihihi loa. a ku no hoi i ka weliweli' aka, e ka makamaka heluhelu, e hoomanawanui mai kaua, mai pulale e mai hoi oe.

            O ka hopena keia o ka Mokuna II, a ka la apopo hoi e kilohi pu iho a hoonuu pu iho ai no hoi kaua i na ono o ia mokuna hou.

 

KA MOOLELO HOONANEA

 

O KA EUEU

 

MASANERO.

 

Ke Kameha'i O

 

Italia.

 

A I OLE.

 

O ka @awai'a Kaulana loa o Napela.

 

MOKUNA IX.

 

Masanero ma Napela -- Hoalaia ke

kaua--Kahe-a wai ke koko ma

na alanui--Masanero me

ka hae o ka @

 

            Me keia mau leo hooho a na koa o ke kanaka lawaia, me @ hua a e kanono mau ana ma na poo o ua poe kaualio la, me ko lakou hooikaika ana mai i ko lakou mau lo. aka me ke kamahao, ua hoomaka mai la na hooholo @o e hololei ma na lio mai me he mau hua @ku opiopio la i kona wa e hooluli ia ana e ka makani. a @ mai la na @ulu koko e hapala mai ma na alanui o Na@ela, a o ka hoomaka pu mai la no ia e a@ me ka weliweli nui.

            He minute hookahi wale no mahope ilo, aole loa ho hookahi @ i koe ma ke kahua k@ma ka makeke.

            Ma keia wa koke no i hoike koke no i haawi ae ai o Masanero i ka hoailona o ka lanakila, a o ka wa no ia i kuupau mai ai ke kani olioli ana o ka hele nui o ka halepule o ka moneka.

            Mai ka puka mai o Marina, ua ike ia uku la o Salaveta Rosa ma ke poo o kona laina koa, a pela pu no hoi me Kosila e maki pololei mai ana no ka makeke. me na hiohiona manuheu ole iho.

            Hoakoakoa hou ae la lakou a pau ma ke kahua o ka makeke, me ka manao la hoi ua kuu ka luhi, ao@- ka @.

            Aole i hala ka hapa hora, ua ike koke aku la o Masanero i kekahi o na mahele koa ka@alio e oili hou mai ana, a o ka makaukau koke iho la no ia aku aku imua o na enemi. a me na kukai leo. ole, na halawai koke ae la na aoao a elua. a o ka hoomaka iho la no ia e haukawewe aole i kanamai.

            Pohapoha ae la na@ a hihio ae la na poka ma ka lewa, a he oi loa aku keia o ka hahana i ko ka wa mua; a ma ka makeke a puni, he haneri o na hale hoopaa holoholona a me na waiwai e ae o ka makeke, a ua homohia aku la ia mau hale e na koa o ke kanaka lawaia a loaa mai la ia lokou he mau polohuku waapa, na kui o, a me ia mau mea i noke ia ai na koa kaualio i ka ulupa a mokaki ana ilalo. Ma na welau o ka puali o ua Masanero la. ua ike ia aku la o Rosa a me Kosila imua o ka enemi me he uhini la e hoapau ana i ka weuweu, a o Masanero hoi ma kona mahele iho me he iliohae la e haehae ana i ke kao keiki.

            Oiai no ka make e haluku la ma ka aoao o na koe o ka Vikeloe, ua lohea ia he leo kuahaua mai a Masanero ae:

            Uoki! Uoki! Mai luku hou aku e na hoahanau, ua auhee kokakou poe enemi!

            Hooki ia ne la ka luku ana ua akoakoa hou ae la na koa lawaia a pau a hooho ae la lakou me na leo o ka hauoli:

            E hoomaikai ia na laAi. no ka loaa ana ia kakou he halakila kamahao i keia la. oiai kakou me na aaahu weluwelu, a e komo mau aku ana kakou me ka aahu olinolino o ke kuokoa mau ana

            Ua ulii paa pu ia ae la ka ili leno me ko koko, a kukuli iho la lakou a pau maluna  ka lepo i hoolua ia me ke koko, a haawi ae la i na hoomaikai nui ana i na lani me ke kahoahoa pu@ana ae--E ola ko lakou alakai opio.

            E na hoalona. o ko kakou wa wale no keia e hana ai i ko kakou mau pono iho maluna o ka aina, a aohe he wa hou aku.

            E ola mau oe e ko makou alakai opio. a e hana aku oe no ko kakou pono kuokoa.

            E Rosa, e kakau koke iho oe i na mea a'u e hahai waha aku ai. a e lawe aku ana wau i kekeena oihana aupuni. a e hoike koke ia ke kuokoa o Napela.

            Kukuli iho la o Rosa, a kakau iho la i keia mau kanawai ekolu.

            I-E hooponopono hou ia ka palapala pili aupuni a Kale V. a e hoopau loa ia.

            II-O na kuahana a ka Vikeloe no na auhau maluna o na waina a me na waiona, e hoopau loa ia.

            III-E hoopau loa ia na auhau hookaumaha maluna o na @ ai a me na ia. a me na lako e ae a @.

            Pa@ ae la ka Rosa kakau ana i keia mau olelo kuahana. ua ku ae la oia a heluhelu ae la imua o na kanaka.

 

OHE HAWAII.

 

            E loaa no ma ka Halekuai Haukilima o HART & Co. na ohe kupono i ka hana ie papale a hana poahi. E kipa mai e ike nou iho, oiai he oluolu na kuka ana. a he oluolu no hoi ka ah@.

            Honolulu, Feb. 15, 1892.

389d-3ts.

 

Kauka Yong Kam Pung.

(APANA.)

 

Helu 53, Alanui Maunakea.

 

Ke Kauka Loaa o ka

Aina Pua!

 

Ua hiki ke hoola ia kela a me keia ano

ma'i, mai kona kane, wahine a me

na keiki liilii.  O na ma'i ha-no.

ua hiki loa ia ke hoola ia me

ka maalahi. A o na ma'i

e pili ana i ka maka

pau pu ia i ke

ola. Ke ho-

ike ia aku nei.

ma ke ola ia nei. me

ka oluolu pa o kahi au-

hau. Ka poe pilikia hanau

keiki a hele nui paha o ke koko

a paa a lohi paha ka hanau ana, pa

paha o ka walu, e hele nui mai i o'u na

 

            @ E KIPA mai e ka poe i hooluu luu ia me na naawina pilihaa a ka paa a na'u oukou e hooluolu aku.

KAUKA YONG KAM PUNG.

Honolulu Sept. 2, 1891.                                                                      272-d3m@

 

E Kuai Hoopau

Ana!

 

 

Na Kaa Huila Lua

 

a me

 

Ili Kaa Malalo o ke Ku

Mu Lilo

 

Ma Kahi o--

 

S. G. Schuman.

 

 

Alanui Hotele @

Alanui, Papu.                                                                                      329-1wd.