Ka Leo o ka Lahui, Volume II, Number 409, 14 Malaki 1892 — Page 1
| This text was transcribed by: | Gloria Vlachos |
| This work is dedicated to: | Na Lei Hulu I Ka Wekiu |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU, MARAKI 14, 1892 Helu 109
-----
HE MOOLELO
---@NO KE KEIKIALII:---
A W AREDA!
-----
a me
KA UI LEILA
o Noremadi
-----
(Kakauia no Ka Leo.)
-----
MOKUNA II.
Ka Olelo Wanana a ke Kahuna nui,
-----
No ianei (Leila) hoi ka mea i hewa ai. o @a'n no ia i manao ai, e pepehi no a haihai na iwi o ke kalohe, kahea hoi keia ia'u; lilo au iaia nei puehu laua la; aka nae, ina no laua i lohi iki iho, pau laua a elua i ke o ia e a'u i ka lani. a o ko laua mau kino make e hoi aku ilalo o ka lewa. Ha! nuinui naaupo loa wau.
Aka, wahi hou no a ua Oleta nei i hoomau mai ai, o kahi iho la no o ko laua pakele; oiai aole no hoi i liuliu loa mai; i miki hou aku ka hana. ua heo laua la me Robine, o pau ka ikena ka pahu hopu.
O kekahi o laua e kuu aloha. wahi a Leila. ua ike mua au iaia mamua aku nei i ka hele ana ae mawaho iho nei o ka hale, a o ka akahi no hoi ia o ka'u ike ana iaia.
A ke ole au e kuhihewa, he mau kanaka malihini like no laua elua; a oiai i ka waenakonu po kela manawa a laua i lima huluhulu ai ia'u, hui pu iho hoi me ko'u maule ana no ka piha loa i ka @akau, pela au i ike ole i ke ano o ua mau kanaka la.
Aole no ke hiki maoli ia'u ke hana pela, aka ua nalowale a ua palaka loa ia noonoo iloko o'u ia manawa, no ka mea i kela wa, aohe o'u noonoo e ae, he make wale no.
Aka nae, i ko'u pohala ana ae a hoi hou mai la ko'u noonoo maikai ia'u. aole au i poina i ka haupu ana ae nou. me ka nalu ana iloko o'u iho:
Pahea la oe @ kuu aloha ke lohe aku ua make au, i kou wa e hele mai ai i ka hale nei me ka manao e noho aku ana au; a he lehulehu wale o na noonoo o ia ano i mapunapuna ae iloko o'u ia manawa.
Mamuli o kuu aloha ia oe, i hoao hou ai au no ka manawa hope loa, e loaa ia'u ka lanakila, me na hua pule e hoopii ana iluna i na lani; a o ka mea i ike ia, ua maliu ia mai ka'u mau uwalo ana. ma o kona hoouna koke ana mai i ka lima kokua o ke ola i ka manawa kupono.
E hoomaikai mau ia na lani, wahi a Avareda i panai koke mai ai, e like me ka nui o ka umiumi o Mahomeda ke kaula.
Ae e hoomaikai mau ia, wahi a Leila. Oia iho la no nae ka'u hoomaopopo, he mau kanaka malihini laua elua. aole he mau keiki oiwi no Noremadi nei, ka aina kaulana i ka huki mau o ka ulua.
Ina pela, e waiho popopulu wale ana keia karaima pela me ke pohihihi, a hiki i ka manawa e lana ai ia kakou he mau wahi aweawea iki e pili ana no keia mea, a ma ia moali kakou e kaukolo aku ai a hiki i ka loaa ana o kona poo, wahi a ke keikialii.
E hoao ana au me ko'u ikaika a pau e imi i ka mea a mau mea paha na lakou i hoomoamoa keia hana, me ka kakou hana pu no hoi iloko o ia wa hookahi i na hana a pau e loaa ai ia oe ka palekana e kuu aloha. no ka mea. aole e ike ia aku ka manawa o keia poe e hoea hou mai ai e hooko i ko lakou makemake maluna ou.
A ua manao au e Leila, e hoouna mai ana au i kekahi o ko'u mau naita o ka@halealii no ke kini pu ana me Olefa no kou palekana mai na enemi mai.
I ka holopono ana o keia @au mea, ua hoololi hou ae la lakou i ka lakou olelo maluna o kekahi mau kumu okoa a hiki wale i ko lakou hoaumoe ana ia po.
Ma na hora poniponi o ke kakahiaka nui o kekahi la ae, akahi no a manao ae o Avareda he hoi no ka halealii.
Mahope iho o kona hiki ana i ka halealii, o kana hana mua loa oia kona hele ana e ike ia Gafila, kekahi o kona mau naita pukenakona a kaulana i ka ikaika.
A o ua Gafila nei a me aha mau naita wae ka ua Keikialii nei i hoouna mai ai no ke kiai pu ana me Olefa i kana aloha.
@@ Gafila @@a i haalele aku ai i ka halealii no kahi pupup@ hale a ke aloha e hoopunana ana.
Huli hou ae la ua Avareda nei a hele aku la e ike i kona makuakane.
Imua one oia i @@ai pau aku ai i na mea a pau i hanaia maluna o Leila i ka po mamua iho. me kona ninau pu ana aku in a ua ike oia i ka poe na lakou i hoolala ia hana weliweli.
-----
KA MOOLELO HOONANEA
O KA EUEU
-----
MASANERO.
-----
Ke Kameha'i o Italia.
-----
A I OLE.
O ka Lawai'a Kaulana loa o Napela.
-----
MOKUNA IX.
Masanero ma Napela - Hoaiaia ke kaua - Kahe-a-wai ke koko ma na alanui - Masanero me ka have o ka lanakila.
----
He elua hora i hala ae mahope ua komo aku la ua kanaka lawaia la iloko pono o ke kulanakauhale o Napela ma kahi o ka makeke, a ua hele pololei loa aku la no oia a ku ana imua o ka peo ohi aunau ana i hoopuehu ai mamua.
Miki hou mai la @@ lakou ia kakahiaka ana iho e hoomau no i ka lakou hana mau, o ka ohi i na auhau o ka poe a pau e hele mai ana i ka maauau-a, a oia no ka ianei e makaala hou aku nei me ka nana pono loa ana nona iho.
Aole keia i hoopuka aku i hookahi huaolelo. a pela no hoi kela no hoi kela poe.
Iloko o ka hora hookahi, aia hoi, he helana kanaka nui e hele mai ana, ua papalua ko lakou hele ana ma ka laina, o kela a me keia o lakou a paa ana he hinai hua ai ma kona lima.
A mamua pono iho o ka hale du@, ku iho la lakou; a o ka mea e ku ana mamua pono loa o ka laina ua kahea ia mai la kona auhau no ka uku ana aku.
Kuu iho la oia i kana hinai hua ai ilalo me ka makaukau ana aku e uku aku i na auhau e like me ke noi; aka me ka @@@@. oili koke mai la ka mea mahope loa o lakou. a me ka leo @ui ko@@@ ua pono la oia:
E hoi koke aku oukou a ua oki kela hookaa auhau ana! Mai deia la aku, aole e uku hou aku ana ka-n aka i auhau!
E ke aikane, mai haohao oe i ka mea nona keia keakea ana oia no ka Italia o na kapakai o Magelina, ka eueu Masanero no a kaua, ae.
No keia mau hana keakea a ua kanaka lawaia nei. ua kahea koke ae la na luna ohi auhau i na koa i hooakoakoa malu ia ma kekahi o na hale, a mamuli o kekahi hoailo@@@ hoikeia ae, ua akoakoa io mai la lakou. a he mau koa Geremainia, Sepania a he lehulehu o lakou ua makaukau.
Hele huakai mai la lakou me ka manao e hooweliweli mai ia Masanero ma e uku aku i na auhau o ka makeke.
Ike aku la o Masanero ia lakou ma na maka inaina. piha pu ae la na alanui o Napela. O kekahi hoi o keia mau manele koa, ke maki la no ka pa alii Vicaria.
Ike iho la ua Masanero nei. aohe ona wa e kali kou ai, nolaila ua ku ae la oia a nana aku la i kona mau koa ponoi malalo ona, aia no lakou a pau ke kakau like mai la na maka maluna o ko lakou alaakai opio no ke kali ana i ke kauoha; a o na koa hoi ana i hoonoho aku ai malalo o Kosila a me Ro@a, aia no ma ka ipuka o Marine e hoolono ana o ka leo o ka hele.
He @ianawa keia no ka lalapa o na huna ahi o na manao inaina o na aoao elua aka e ka hoa e kali iki iho kaua a mai holo oe.
Alawa ae la o Masanero i kekahi o na aleo e ku pono ana ma ka puka Marina, @ ike keke aku la no ia i kekahi hae ulaula e kilepalepa ae ana mawaho o ka puka aniani, mai a Salaveta Ro@a mai e hoike mai ana ua makaukau lakou.
Hooho ae la ua Masanero la: Aia kuu mau koa malaila!
He mau minute wale no i hala ae ua lohea ia aku la ka hele e kani kuilua ana mai ka halepule nui mai, a olowalu like ae la na hele o Santo Filipo di Neri, Santo Domenico a me ko ka halepule nui.
I keia @@ koke no i hoonoho ia ae ai ka laina o na koa o ke keiki auau kai o Lialia, a hoomaka aku la e ko no iloko o Napela a hui pu aku la me ko lakou alakai.
Oili koke mai la he mahele koa i ukali ia e na luna ohi auhau, mai ka pa alii Vicaria mai me ka lako @@@ i na lako kaua, a maki pololei mai la imua o Masanero, a hele pololei mai la kekahi o na lunaauhau a pane mai la:
OHE HAWAII
-----
E loaa no ma ka Halekuai Ha@ kilima o HART & Co. na ohe ku pono i ka hana ie pap@le a hana p@ahi. E kipa mai e ike nou iho oiai he oluolu na kuka ana. a he oluolu no hoi ka ahuau.
Honolulu, Feb. 15, 1892
389d - 3ta.
-----
Kauka Yong Kam Pung.
(APANA.)
Helu 53, Alanui Maunakea.
Ke Kauka Loea o ka Aina Pua!
-----
Ua hiki ke hoola ia kela a me keia @@@ ma'i. mai ko na kane, wahine a @@ na keiki liilii. O na ma'i ha no ua hiki loa ia ke hoola ia me ka maalahi. A o na ma'i e pili ana i ka maka pau pa ia i @@ ola. Ke hoike ia aku nei. @a ke ola ia nei, me ka oluolu pu o kahi auhau. Ka poe pilikia h@@@ keiki a hele nui paha o ke koke a paa a lohi paha ka hanau ana, pa peha o ka walu, e hele nui mai i o'u @@
E KIPA mai e ka poe i hoolaulau ia me na naawi@@ pilih@@ a ka ma a na'u oukou e hooluolu aku.
KAUKA YONG KAM PUNG
Honolulu Sept. 2, 1891 272-d3@
-----
E Kuai Hoopau Ana@
-----
Na Kaa Huila Lua
-----
a me
Ili Kaa Malalo o ke Ku mu Lilo
-----
Ma kahi o
S. G. Schuman.
----
Alanui Hotele kokoke i ke kihi @
Alanui Papu 3@@@@@@