Ka Leo o ka Lahui, Volume II, Number 401, 2 Malaki 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

AHEA LA PAU?

 

            He nui a lehulehu wale na manawa i hala ae nei, a makou i puhi mau aku ai maloko o na kolamu o ka makou pepa, no ka hana piliwaiwai e pahola nei iwaena o ke kulanakauhale o Honolulu nei, oia hoi ke Chea-Fa. Ke nohoalii nei keia hana hope ole ma na ipuka o ko kakou mau hoaloha e noho nei ma kekahi mau apana o kakou nei.

            Ke pahola nei oia me ka ikaika, me kona mau aoao i piha me ka hooilihune, e kono mai ana hoi i ka lunaikehala o ke kanaka e hoolilo aku i kana wahi hapaumi no ua moo hoowalewale nei. I ka wa kinohi, ua manao ka mea i hoohuli ia kona manao e nana i ua chea-fa nei, aia he pomaikai nui e loaa mai ana mailoko mai o ia hana, aka, o ka hopena mai, e ike ana oia i ka minamina no kana hapaumi i lilo aku, a e hooikaika ana oia e hoihoi hou ia mai, aka nae, he nele ka mea i loaa, a he waimaka ka panai no ua hapaumi la i lilo aku.

            Ua ike ia no hoi iwaena o kekahi mau ohana e noho nei ma na wahi i hoike ia ae nei, ua pilikia maoli no. Ua hoike mai ia mau hiona ma o na waiwai makamae i hoolilo ia aku i kekahi ma ke ano moraki, a he mea ehaeha a kaumaha ka ike ana aku i kia mau hoailona e kau iho ana maluna o na hoa'loha.

            Ke komo pu aku nei na kane a me na wahine, a pela hoi me na opio a makou e minamina nei e lilo lakou i mau makua no keia au hou, a o ka makou e noi nei i ka oluolu o na makamaka i komo kuhohonu iloko o keia oihana, e waiho aku ia ano hana hooilihune, a e imi hoi i kahi hapaumi a e malama no kou waihona, a e @i me ka pakiko a mahope mai e lilo no oe i mea kuonoono.

 

HE LUAU MANAWALEA NA KA AHAHUI HOOULU A HOOLA LAHUI.

 

            E na makamaka a me na hoaloha a pau o ke kulanakauhale nei:

ALOHA OUKOU: -

            E malama ia ana he luau manawalea ma Manamana, i keia Poaono ae, Maraki 5, na ka Ahahui Hhooulu a Hoola Lahui, no ka pomaikai o ka Home Hoohanau o Kapiolani.

            E na makamaka a me na hoa aloha e naue mai, a e kipa. Ke hea nei ka Makia o ko kakou Moi aloha Kalakaua i hala, penei:

            E hanai ai a hewa ae ka waha.

            Eia no ka uku la o ka leo.

            Imua o oukou e na makamaka makee a aloha alii, ina ke o mau nei no ka mana o ka leo alii o ko kakou moi aloha iwaena o kakou a pau, alaila, e hoikeike kakou ma ke ano ohohia e hele mai e akoakoa a pau.

            E loaa no na balota ma ka puke mai ka hapalua a ka hookahi dala.

            Owau no me ka haahaa.

MRS. EUGENIA REIS.

Kakauolelo o ka A. H. & H. L.

 

            No ka manao kipi o Apesaloma, ua hihia kona lauoho i ka laau oka a make, oiai ka hoki i maalo ae. E, he Apesaloma anei kekahi iwaena o Hawaii Lahui? E ao o hihia na lauoho i na lala kiawe.

e

            O ke aupuni i mokuahana iaia iho, aole ia e mau. He olelo leo Akua i pa-e @ he mau haneri makahiki i ha@ a i ko makou nana akahele ana, he me@ hiki pono ole ke alo @ keia mau olelo ke hookele i@ lehulehu ia aku o Hawaii ukulii ma ka moana akea o ke ao.

 

NU HOU KULOKO.

 

            Eia he eono moku pepehi kohola e kaalo ae nei ma mawaho o kakou nei.

            E kela poe hoonohonoho kepalo, ahea oukou hoopau i kela ano hana pegana?

            Eia mai KA LEO k oili aku nei me na kohi kelekele a ka Inuwai, e haupa iho oe a kena, a e inu hoi a maona.

            I ka la 18 o keia malama e huli hoi aku ai ka mokukaua Amerika Penesekola no ka pa kaua o Mele Ailana.

            I ka hora 12 o nehinei, i haalele mai ai ka mokuahi Auseteralia i ka uwapo no ka ipuka gula o Kaleponi, me ka huina nui o na ukana, na leta a me na nupepa, a o ka kakou hiwahiwa pu kekahi ana e lawe la KA LEO O KA LAHUI, ka wiwo ole o na wiwo ole.

            Mawaena o na ohua a ka mokuahi Auseteralia i hiu aku ai no Kaleponi, he aneane 50 ka nui o na poe paahana i huli hoi aku no ka nele o Hawaii nei i ka hana. Pela no auanei e hoi liilii aku ai a pau loa aku ua poe auna kolea nei no Kahiki, a o ka hopena he hoi pu aku me na haku mahiko.

 

HOOLAHA! HOOLAHA!!

 

            Ke kauoha ia aku nei na mea a pau, no lakou na uwati a mea gula e waiho nei ma ko'u Hale Hana Uwati, e pono e kii koke mai iloko o keia mau la a hiki i ka la 9 o Maraki. Ua hala anei ka mahina okoa i kahea ia ai o ka poe i kuleana, a ina aole e kii mai ka poe mea uwati a mea gula, alaila, e hoolilo aku ana no wau ma ia hope aku.

FAI KEE & CO.

Helu 37 Alanui Nuuanu. 9t-d.

 

OLELO HOOLAHA.

 

            Ke papa loa aku nei au i na ano kanaka a pau e noho ana ma keia Paeaina, wole e hoaie mai i kuu wahine mare ia ANE PAHIA ma ko'u inoa a ke papa pu ia aku nei no hoi, aole e malama iaia a o ka mea hoolohe ole i keia, alaila e hoopii ia ana lakou ma ke anawai oiai ua haalele kumu ole mai oia ia'u.

            Owau no me ka oiaio,

G. H. PAHIA.

Honolulu. Maraki 2, 1892.  mar. 2ti.

 

HOOLAHA HOU

E ALA, E ALA.

B. F. Ehlers & Co - PAINAPA.

HELU 99 Alanul Papu.

 

MA KA HALEKUAI O PAINAPA I KEIA MANAWA, UA HOEMI HOU IHO MAKOU I NA KUMUKUAI O NA LOLE WAHINE, KANE, ME KO KAMALII, MA KE KUMUKUAI MAKEPONO LOA, NO KA MEA, HE WA PILIKIA KEIA, NOLAILA KE KUMU O KA HOEMI NAAUPO ANA: -

Na Palule $2.50 he $1.50 wale no, a o na Palule $1.50, he $1.00 wale no. Ke ike mai la oukou i ka emi loa ana.

Kupaianaha maoli keia emi naaupo ana e hele koke mai, o nele auanei oukou.

t@  B. F. EHLERS & CO.

 

Na PaikiNi Hou

Na Paikini Hou

O NA ANO A PAU, E KINIKONU AI O KE ANO AHIAHI, E LOAA NO MA KAHI -

Chas. Fishels,

KIHI O ALANUI PAPU A ME HOTELE.

 

            Ko makou halekuai hoopau nui, ma o MR CHAS. J. FISHELS la, he mau waiwai hou loa ko makou, i loaa mai nei mai ka hikina mai, o na ano like ole he nui wale. Eia ma ko makou halekuai nei na paa lole e linohau ai o na Keonimana a luhiehu o na Lede, na aulii o na Kamalii -

Na KINAMU  Na ALAPIA

Na KALAKOA Malina  Na KIHEI Silika

NANAHE o na ano he nui  A pela wale aku.

E huea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nau e wae nou iho i na anoai a kou puuwai, eia ka papa lohi o Apua la, ke anapa nei ka wai liula i Mana.

            E hele mai i hookahi, e hele mai no a pau loa, mai ke nui a ka liilii.

Chas. J. Fishels.

350-tfd.  Halekuai alakai o na kumukuai haahaa loa.

 

He Halawai Makaainana.

 

            E na hoa makaainana, ke hoike ia aku nei ka lohe ia oukou apau, e ako'ako'a ae kakou apau i ko kakou keena halawai mau, ma ka hale paikau kahiko, i ke ahiahi Poaha hora 7. p. m.

            Nolaila, e hele nui ae kakou apau i lohe hou i ka leo ona alakai o ka Aoao Lahui Liberala.

            E hoomau ikela makia iloko o ko oukou puuwai, aloha aina, aloha lahui, aloha alii, imua e na Hawaii.

J E BUSH.

Peresidena o ka Hui.

 

Kuai Kudala

o na

Lako Gula a me Uwati.

 

            Mamuli o ke kauoha o FAI KEE Ma, e kuai kudala no au ma ko lakou Halelekuai Helu 37, Alanui Nuuanu, ma ka POAHA, Mar. 10, ma ka hora 10 A. M , i ka huina pau o ko lakou Waiwai Gula a me NA LAKO HOOLUU IA ME NA WAI DALA A ME GULA,

            NA LAKO HALEKUAI.

            E kii mai ka poe no lakou na uwati e hooponoponoia nei, mamua ae o ke kuai ana

JAS. F. MORGAN.

Luna Kudala.

mar.1 tf.

 

HOOLAHA PA AUPUNI.

 

            E ike auanei na kanaka a pau, eia ma ka Pa Aupuni o Makiki nei kekahi mau lio helehewa. Lio w eleele, keokeo loihi ma ka ihu, hao kuni Z E hope hema, poahiahi ka hao ma ka aoao akau o ka a-i.

            O ka mea a mau mea nona keia lio, e pono e kii koke mai, a ina e hala na la he 15, e kuai kudala aku no au ke hiki aku i ka la 6 o Maraki 1892, hora 12 o ke awakea Poaono.

D. KAOAO.

Luna Pa Aupuni.

Feb. 22. 3tsd.

 

NA SILIKA WAILIULA!

Na Silika Aulii o na Lede!!

 

E NA KEKONIMANA A ME NA LEDE E MAKAUKAU, EIA ka nani ke alohi nei i ka Papalohi o Maukele; a ina he mau okeni kau, e kipa mai ma ka HALEKUAI o

S. N. SACHS,

Ke Alakai o na Kumukuai emi o keia Taona.

Honolulu, Alanui Papu, Helu 104.

            E HOOKO IA no kou makemake ke kipa mai oe io makou nei. Eia na SILIKA pahee o na ano like ole, he 60 keneta wale no ke kumukuai o ka I-a. Eia hou no na SILIKA i miloia me na lopi huluhulu o Inia Komohana, e loaa no ia oe ma ke kumukuai haahaa loa, he 75 keneta malalo o ke kumukuai mua.

            Eia hou mai: Na SILIKA Aulii o Inia Hikina, he aulii, a he milolii ke nana iho, a he 50 keneta ke emi malalo o ke kumukuai mau; a he helu ekahi hoi o ka nani ke ike iho. Aole hoi o ia wale, eia iho na HULUHIPA o na kahakahana like ole, a nau no e wae e like me kou makemake, he 50 keneta no ka I-a. Na KINAMU pahee, i miloia me na lopi lilina, he 50 a 75 keneta o ka I-a.

            O na Ano Aaahu Aulii a Pau,

            O na ano like ole, eia la ua ku ke ahua. Na AI-KALA, he elua paa no 25 keneta; a e loaa no hoi ia oe he 5 paa  no $1.00, o ke ano a ka iini e lia ai. Eia hou na A-IKALA Aulii o Carolina Hema, i loaa mailoko mai o na lopi aulii o Marina, a i hanaia hoi me ka mikioi, he 15 keneta a hiki i ke 35 keneta.

            Na SILIKA WAILIULA, he 35 a ke 50 keneta o ka I-a, he mau mea hou wale no. Na VELEVETA nani lua ole, he Omaomao, he Hauliuli, he Kai@a, he Keokeo, he Haulaula.

            Eia hoi na PAPALE hulu nani he lehulehu wale, e hoohuelo ai o na Lede maka onaona; na aulii hoi o no kama a kakou, eia ke alohi mai nei na papale like ole o na ano he lehulehu wale.

            Na Palemai kane o luna, o na ano a pau, he 50 cts. o ka PALEMAI a o ka oi loa aku i ko na wahi e ae.

            Na PALEMAI wawae, o na ano a pau, na Palemai wawae huluhulu Canton, no 50 cts.; na Palemai wawae Jean mai ke 50 ahiki i ke 75 cts. o ka mea hookahi.

            Na KAKINI o na kane, o na ano a pau, i loaa ole ma na wahe e ae, ke kuai nei makou he 2 paa no 25 cts.; aka, e hele mai a ike kumaka nou iho ke kuai nei makou he 5 paa no $1.00 he makepono loa.

            Na Papale mauu o na kane, na Papale manu o na kamalii, a me na Papale hulu o na ano a pau.

            Na Paiki ili pahee e kohu ai ka huakai hele, a me na Eke paa lima a na Lede e hoomahie ai. A ina he makemake kou e ike i ka oiaio o ka makou, e kipa mai e ikemaka, oiai ke hoemi nei makou i ke kumukuai o keia mau waiwai, i loaa ke kowa kaawale no na waiwai hou e hoahu aku ai.

            E na hoaloha, e kipa, e ike kumaka i ka nani o Aipo, he ole ka lohe pepeiao.

N. S. SACHS

373-dtf.  104 Alanui Papu, Honolulu.

 

HOOLAHA NO KA MANAWA.

 

EGANA & GUNN.

ALANUI PAPU, Na Hale Hou o BURUA MA, Helu 100.

 

MA A MAHOPE AKU O KA LA EKAHI O APERILA, E HOOKELE ANA MAKOU I KA MAKOU KUAI ANA MA KE DALA KU IKE WALE NO.

Ua makemake makou e hookaa ia na bila e aie nei ia makou ma ia wa.

E hoomau ia aku no ko makou kuai hoopau ana a hiki i ka la mua o Aperila.

I loaa ai hoi he kowa kupono no na WAIWAI HOU o kela ano keia ano he nui loa, i kupono hoi no ke Kau e linohau ai:

Na Mikilima aulii,

Na Ribine hoohuelo,

Na Lei-a'i, na Silika pahee,

Na Paa Lole Huluhulu pahee o na ano like ole,

Na Kasimea o na ano a pau,

Na Paku nanahe no na moe e hoopulelo ai.

Na pale puka-aniani a me na pale puka komo, e kinikohu ai ke nana aku,

Na Paa lole hoopumehana o na kama a kakou, hui pu hoi me ka punio o na papale,

Na Papale Kapu,

Na Papale hulu,

Na Eke paa lima,

Na Paiki ili palua i kupono no ka holomoku,

Na A'ikala o na ano a pau,

Na Kakini hoopumehana, o na ano he nui,

A PELA AKU,  A PELA AKU.

            HELE MAI HOOKAHI, HELE MAI ELUA, HELE MAI NO A PAU LOA. E WAE OE NOU IHO, A KU I KE KOIIKOI. ALAILA HIU AE LAWE NO A @

            E hele mai e ike i na@ @ nui @ @ aku nei i ke @

EGANA ME GUNN.

ALANUI PAPU, HELU 100.   @@.