Ka Leo o ka Lahui, Volume II, Number 399, 29 Pepeluali 1892 — Page 3
| This text was transcribed by: | Cyndi Defenbaugh |
| This work is dedicated to: | Kaelene Ahu Rey |
KA LEO O KA LAHUI.
"E Mau ke Ea o ka Aina i ka Pono."
Ua koho no oukou ia Kaulukou?
Ae, wahi a ka pane.
Hoopunipuni oukou, aia wale no ko oukou hookuu ia a uku mai oukou i i-a na’u, ina naha he uhu, u@a a pela aku.
I wahi e pau koke ai keia pilikia ua ae koke ia mai la ka makemake o ua luna nei i wahi e palekana ai lakou no keia pilikia, a ua hana koke ae la ke alanui a kaawale, a o ka wa ia i awiwi mai ai o ka poe malalo mai no ke ake e kau maluna nei.
Ia wa i nonoi mai ai ua luna noi i ka uku o ke alanui pali, a ia wa i pane aku i kekahi kanaka i ka huaolelo oolea loa e manene ai kona mau pepeiao, a oia keia:
Eia iho ka i-a a makou e uku nei ia oe, o na dala a ke aupuni e uku nei ia oe, aole makou e uku ana ia oe, a mai manao oe e loaa ana he i’a mai a makou aku.
No ka hookiekie mai keia kumu o ka hana ana pela, a ua kaia nae i kona mau lehelehe e pinana iluna no kana mau hana hookaumaha ia ka lehu’ehu, a i ka hoomaopopo iho, ua ulu mai keia mau hana hookaumaha no na hana koho balota no, no ka lili i ka puka ana oa ka WELI O KA MAKAKILA, ka mea nana e noii nowelo aku na hana apiki a na luna aupuni hana pono ole mai Hawaii a Kauai, a oia ka makou e paipai aku nei i na makamaka e lawe nui i KA OIAIO a me KA LEO O KA LAHUI, i ike i na mea hana a pau.
Na Lono i Hiki mai.
Ua haule pahu ka palu a ka Nupepa Kuokoa, he “kii.” Ku-a-kii aku la me Hoolehelehekii.
Ua pio ka ulunui ana o ke kukulu hale ma Honolulu nei, a e lilo ana he mea nui ka loaa ana o ka poe hoolimalima hale. Ua haki no.
E hoomaka aku ana na hale o Kulanakauhale Momi e noho ia he iwakaina makahiki ma keia hope aku.
He makahiki a oi ae, aole i uku ia ka hoolimalima o ka Aina o Honouliuli, Ewa.
Ke uleu nei na hana hoomamae o na alanui malalo o ke alakai ana a Wiliama Kamaki.
Akahi no a lapaau ia na palapu o na alanui o keia kulanakauhale.
Ma ka hana lima o Wiliama Kamaki ka oi; a ma ke kaua kuloko, o Wilikoki ka best , ma ke kalai olelo ana, o Nawahi ka heke; ma ke kalai olelo ana, o Buki ka mua.
NO MAUI MAI.
Kamehame, Feberuari. 24, 1892.
Hon. J. E. Bush Esq.
Aloha nui oe:----------
Ua loaa mai nei ia’u ka nupepa NA OIAIO i keia la 24 a me ka leta pu kekahi. Ia wai la wau e hoouna aku ai i ke dala o keia mau pepa?
Eia kekahi, aole makou i ike i kou ano, aka o ka inoa ua puni ke ao. Ke makemake ia aku nei kou kii. Pehea la ina hookahi wahi kii na makou. E hooloihi ia kou ola ma ka inoa o Iesu Kristo.
BAKENABA KAMORUOKU@
Ua hookuikui ae na ihu-ihu o ka makamaka mamua pono iho o ka Loiala Hokele i ka “Poaono” iho nei, he Quini Bi me ka Kini Bi. O! Look out my nose! Ina e hookui, he launa makamaka ia; a hookuikui hoi, he uala ia no Kohala.
HE MAIKAI OLE.
MR. LUNAHOOPONOPONO:---e wahi hoohalahala iki ka’u no kekahi hana i hanaia mai ia’u ma ka Hale Mai Moiwahine, oia keia: Ia’u i hele aku ai e ike i kekahi o ko’u ohana, aole i liuliu ua kipaku ia mai la au e kekahi wahine haole, me ke kumu hewa ole. Nolaila, eia ka ninau, he pono anei keia, aole paha? He pono no paha! Aole paha!
KAHULAMU-OPIO.
Manamana, Feb. 23, 1892.
NU HOU KULOKO.
Ua kinai ia kela mau lamalama e aa mau ana ma ke kahua o ka Mele-ko-launa. Ua ha’o no hoi ka loheia o na leo hooho o ka puali anela o Beeleseouba.
Ke ohohia lua ole o ka Lahui, mai o a o ka aina, he lehulehu na kauoha nupepa e hoea mai nei i keia keena, a o ka mea oi loa aku ua ake pu ia mai me ke kii o ka Hon. J E Bush. Nui ka houoli.
Ke lohe ia mai nei, eia kekahi poe o ke kulanakauhale nei ke hoala mai nei i hui, a o ua hui la, ma ka makou koho aku, he hui no ia no ke ake i Ripubalika, oiai, wahi a lakou, he mea ka ia e pono ai kakou.
Ua kikaha mai ma ka nuku o Mamala he Aeto Keokeo mai ka Repubalika Nui mai o America, a ua ke’u ae oia no 21 manawa i ka Hae Hawaii; a ma kona nuku he ribine gula i kahakahaia “Kapalakiko.”
Mawaho pono iho o kela hale inu ki ma ke akau o alanui Moiwahine a me Nuuanu i ka “Poaono” iho nei, ua anehe iho la na luna o ka make e ume ae i ka hanu ola o kekahi kaikamahine opiopio. Ua ike ia aku kona haule pahu ana ualo, a ua lulumi ae na lima kokua malaila. E kiai oukou e makaala, no ka mea o ka La o ka Haku, me he aihue la ia i ka po.
(two double column ads finish this column with article above continuing after)
HOOOLAHA HOU
E ALA, E ALA.
B. F. Ehlers & Co.---PAINAPA.
HELU 99 Alanui Papu.
MA KA HALEKUAI O PAINAPA I KEIA MANAWA, UA HOEMI HOU IHO
MAKOU I NA KUMUKUAI O NA LOLE WAHINE, KANE, ME KO KAMALII,
MA KE KUMUKUAI MAKEPONO LOA, NO KA MEA, HE WA PILIKIA
KEIA, NOLAILA KE KUMU O KA HOEMI NAAUPO ANA:---
Na Palule $2.50 he $1.50 wale no, a o na Palule $1.50, he $1.00 wale no. Ke ike mai
la oukou i ka emi loa ana.
Kupaianaha maoli keia emi naaupo ana e hel koke mai, o nele auanei oukou.
B. F. EHLERS & CO.
Na PaikiNi Hou
Na Paikini Hou
O NA ANO A PAU, E KINIKOHU AI O KE ANO AHIAHI, E LOAA NO MA KAHI--
Chas. Fishels,
KIHI O ALANUI PAPU A ME HOTELE.
Ko makou halekuai hoopau nui,k ma o MR. CHAS. J. FISHELS @@ he ma@ waiwai hou loa ko makou, i loaa mai nui mai ka hikina mai, o na ano like ola he nui wale. Eia ma ke makou halekuai nui na pua @@@@@@@ ai o na @ a luhi@@ a o na Lede,@@@@ o na Kamalii.--
Na KINAMU Na ALAMA
Na KAKAKOA Malima Na KIHKI Silika
NANAHE o na ano he nui A pela wale aku.
E @@ pau ia aku ana keia mau waiwai a pau imua ou, aole hoi o oe wale o na Lehu kekahi, pau pu aku hoi me na hoiki mau o wau @@ iho i na @@@ a kou puuwai, oia ka papa lohi o Apua la, he @@@@
@@@@
A hele mai i hookahi, a hele mai no a pau loa, mai no mai a ma liilii.
Chas. J. Fishels.
330-tsd. Halekuai alakai o na kumukuai haahaa loa.
(resuming article)
Ma ko makou mau manao makee hoa kanaka, ua manao makou e hoike aku imua o ko makou mau makamaka heluhelu a puni ka Paeaina, i hiki ole ke heluhelu iho i na manao kalai aupuni noeau o ka Aoao Liberala maloko o na kolamu o ka makiou nupepa puka la KA LEO O KA LAHUI; nolaila, ke hoemi nei makou i ka Auhau o ka makou nupepa puka pule KA OIAIO ina ma ke dala kuike he $1.00 no ka makahiki holookoa, a he 2 keneta hoi ka haule o ke kope hookahi a puni na hebedoma he 52 o ka makahiki. no ke kuike wale no keia manawalea, aole no ka hookaa hapa mai.
HOOLAHA PA AUPUNI.
E ike auanei na kanaka a pau, eia ma ka Pa Aupuni o Makiki nei kekahi mau lio helehewa. Lio eleele, keokeo loihi ma ka ihu, hao kuni Z E hope hema, poahiahi ka hao ma ka aoao akau o ka a-i.
O ka mea a mau mea nona keia lio, e pono e kii koke mai, a ina e hala na la he 15, e kuai kudala aku no au ke hiki aku i ka la 6 o Maraki 1892, hora 12 o ke awakea Poaono.
D. KAOAO.
Luna Pa Aupuni.
Feb. 22, 3tsd.
HE HOOLAHA I KE AKEA.
E ike auanei na ano lahui a pau, e noho ana ma ke Aupuni Hawaii, mai na kane, wahine a me na keiki; i loaa i na ma’i o kela a me keia ano, e nane mai i ko’u Keena hana, an na’u e hoopau aku i na ehaeha a ka ma’i maluna o oukou e na makamaka, he hiki ia’u ke lapaau i ua ano ma’i a pau, ma’i iloko o ka opu, hu’i ke kino, aki iloko o ka iwi, eha o ke poo, ma’i wahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.
Owou iho no,
DR. LEONG KENG PONG.
Helu 40, Huina o na alanui Kamika me Hotele, Honolulu, Oahu. Aug. 31, ly
NA SILIKA WAILIULA !
Na Silika Aulii o na Lede !!
E NA KEONIMANA A ME NA LEDE, E MAKAUKAU IA ka nani ke alohi nei i ka Papalohi o
Mauhele; a ma he mau okoui kau, e kipa mai ma ka HALEKUAI.
S. N. SACHS,
Ke Alakai o na Kumukuai emi o kela Taena.
Honolulu, Alanui Papu, Helu 104.
E HOOKO IA no kou makemake ke kipa mai no ia makou nui. Eia na SILIKA wahee o na ano liho ole, he 60 keneta wale no he kumukuai o ka I-a. Eia hou no na SILIKA i @oiloia me na lopi hulahula o Iuia Kemohana, e loaa no ia oe ma ke kumukai heahea loa, he 75 keneta malalo o ke kumukuai mua.
Eia hou mai: Na SILIKA Aulii o Iaia Hikina, he @@@ a he milolii ke nana iho, a he 50 keneta ke emi malalo o he kumukuai mea; a he helu ekahi hoi o ka nani ke ike iho. Aole hoi o ia wale, aie iho na HULUHIPA o na kahakaha like ole a nou no o wae o like me hou makemake, he 50 keneta no ka I-a. Na KINAMU pahee, i mailoia me na lopi lilina, he 50 a 75 keneta o ka I-a.
O na Ano Aaahu Aulii a Pau,
O na ano like ole, oia la ua ku ke ahua. Na AI-KALA, he elua paa no 25 keneta; a o loaa no hoiia oe he 5 paa no $1.00, o he ano a ka iiai e lia ai. Kia hou na A-IKALA Aulii o Carolina Hema, i loaa mailoko mai o na lopi aulii o Marina, a i hanaia hoi me ka mikioi, he 15 keneta a hiki i ke 35 keneta.
Na SILIKA WAILIULA, he 35 a ke 59 keneta o ka I-a, he mau mea hou wale no. Na VELEVETA nani lua ole, he Omaomao, he Hauhuli, he Kalina, he Keokeo, he Haulaula.
Eia hoi na PAPALE hulu nani he lehulehu wale, e hoohuele ai o na Lede maka onaona; na aulii hoi o no kama a kakou, eia ke alohi mai nei na papale like ole o na ano he lehulehu wale.
Na Palema kane o luna, o na ano a pau, he 50 cts. o ka PALEMAI a o ka oi loa aku i ke na wahi e me.
Na PALEMAI wawae, o na ano a pau, na Palemai wawae huluhulu Canton, no 50 cts.; na Palemai wawae Jean mai ke 50 ahiki i ke 75 cts. o ka mea hookahi.
Na KAKINI o na kane, o na ano a pau, i loaa ole ma na wahi e ae ke kuai nei makou he 2 paa no 25 cts.; aka, e hele mai a ike kumaka nou iho ke kuai nei makou he 3 paa no $1.00 he makepono loa.
Na Papale mauu o na kane, na Pale mauu o na kamalii, a me na Papale hulu o na ano a pau.
Na Paiki ili pahee e kohu ai ka huakai hele, a nee na Eke paa lima a na Lede e hoomahie ai. A ina he makemake kou e ike i ka oiaio o ka makou, e kipa mai e ikemaka, oiai ke hoemi nei makou i ke kumukuai o keia mau waiwai, i loaa ke kowa kaawale no na waiwai hou e hoahu aku ai.
E na hoaloha e kipa, e ike kumaka i ka nani o Aipo, he me ka lohe pepeiao.
N. S. SACHS
373-dtf 104 Alanui Papu, Honolulu
HOOLAHA NO KA MANAWA.
EGANA & GUNN.
ALANUI PAPU, Na Hale Hou o BURUA MA, Helu 100
MA A MAHOPE AKU O KA LA EKAHI O APERILA, E HOOKELE ANA MAKOU I KA
MAKOU I KA MAKOU KUAI ANA MA KE DALA KU IKE WALE NO.
Ua makemake makou e hookaa ia na bila o aie nei ia makou ma ia wa.
E hoomau ia aku no ko makou kuai hoopuu ana a hiki i ka la mua o Aperila.
I loaa ai hoi he kowa kupono no na WAIWAI HOU o kela ano keia ano he nui loa,
i kupono hoi no ke Kau o linohau ai:
Na Mikilima aulii,
Na Ribine hoohuelo,
Na Le@a’i, na Silika pahee,
Na Paa Lole Huluhulu pahee o na ano like ole.
Na Kaaimea o na ano a pau,
Na Paku nanake no na @@ e hoopulele ai.
Na pale puka-aniani a me na pale puta hema, e kinikohu ai ke nana aku.
Na Paa lole hoopumehana o na kama a kakou, hui pu hoi ae ka @@ o na papale.
Na Papale Kupu.
Na Papale Hulu,
Na Ike paa lima,
Na Paiki ili palua i kupono no ka holomoku,
Na A’ikala o na ano a pau,
Na Kakini hoopumehana, o na ano he nui.
A PELA AKU, A PELA AKU.
HELE MAI HOOKAHI, HELE MAI ELUA, HELE MAI NO A PAU LOA. E WAE O@ NOU
IHO A KU I KE KOUKO@
ALAILA HIU A@ LAWE NO A LILO
E hele mai o ike i uakuai hoohaule nui ana a makou o kukala aku nui i he akea:
EGANA ME GUNN,
ALANUI PAPU, HELU 100 @@@@