Ka Leo o ka Lahui, Volume II, Number 393, 19 February 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

Hana mao ole ka ua no Hilo, I ka loku a ka ua Kanilehua.

 

He oia mau no ka haule mau o na paka ua o Kulanihakoi, me he mea la.

 

Pelapela launa ole mai no hoi kekahi mau huaolelo i hapalaia ma kekahi mau pipa alanui, waiwai ole na hana hupo.

 

Ke hoomau mai nei no na omaka wai o Kulanihakoi i ka hoohanini i na omaka wai o luna ua hiki, i mihi iho nei hoi i ka nele i ka wai ole.

 

Ua oluolu ae ka ma io ka Makua Leonoa, a ua ike ia kona mau helehelena mai, e hoolana ana maluna o kona wahi kaa. E mau ke ola maikai me ia.

 

He iwakalua a oi ka nui o ka poe koho alii, i koho iho nei ma ka aoao o na ‘lii a ke Kalaiaina a me Mekanika, ua holo malu aku maluna o ka mokuahi no na aina e.

 

Ua haule ia iho la kekahi Pukiki e na eke kopaa e hiu ia ana mai ka mokuahi Maki a ke kiapa Mauna Ala, he hookahi hora mahope ua make aku la ia ma ka Halema Moiwahine.

 

Ua pau he 8000 dala a na hoa o ka Ahahui Paipalapala Elele i ka puehu, a he 50 dala a Kanui e kanikau nei aia i ke ala hoi ole mai. Aioa ia mau keiki maemae i auwana aku aohe kahu.

 

Mai nauki mai e na makamaka, oiai no ka lawa e ana o na keena o ka kakou milimili, ua koe kekahi mau manao waiwai o na makamaka, a e hoao no makou e hookuene pono i na koii a ka makemake.

 

Ua holo aku nei ke Kuhina Kalaiaina a me ka Peresidena o ka Papa Ola, e hookamani imua o na Mai Lepera. Ua holo aku ka Bihopa Willis. Ua makau ua poe nei a ke hoomalimali mai la i ka Aoao lahui.

 

Kau po Kaneiahuea ka hoi ia oukou e na pokii@ wahi a kekahi wahi taaka i hoomaoe mai ai i ko makou kiu imi mea pohihihi. E ole hoi ka po, o Waawaaikinaaupo ka hookele. Ina no o ko makou S-t. he aha la ia, uleu kela. Oia ka hana ana.

 

Wahi a ka Bulletin, "Ina aole no na pake, ua hiki no i na aha Hookolokolo ke noho wale no eiwa mahina iloko o ka makahiki," aka o ka mea kupanaha, o keia nupepa kai kakoo i ka poe holo balota, e ake nei e hoopae nui ia mai na pake iloko o ka aina nei.

 

O ka Poaono (La ehiku) mai ka napoo ana o ka la i keia ahiahi a ka napoo ana o ka la hoomalolo, no ke Sabati o Iehova, ana i hoolaa ai he La Hoano, nolaila e hoolaa kakou ia la a ke Akua i kauoha ai ma na Kauoha. O ka hoolohe ko ola, a o ka hookuli he make ia.

 

Ua holomalu aku ke kane a kekahi wahine hapahaole, o Mr. Leslie kona inoa, a ua hiu aku he $8,000 mai ka baneko aku ma kona inoa, a he $2,000 ma ka inoa o ka wahine. Koe iho la na hihimanu me ko ka hale poe. Ke ano iho la no ia o ia poe, he olulo pae hewa, a o ka hopena iho la no hoi o ka poe puni wale.

 

OHE HAWAII.

 

E loaa no ma ka Halekuai Haukilima o HART & Co. na ohe kupono i ka hana ie papale a hana peahi. E kipa mai e ike nou iho, oiai he oluolu na kuka ana, a he oluolu no hoi ka ahuau.                  Honolulu, Feb. 15, 1892.        389d-3ts.

 

HE HOOLAHA I KE AKEA.

 

E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano, e naue mai i ko'u Keena hana, a na‘u e hoopau aku i na ehaeha a ka ma‘i maluna o oukou e na makamaka, he hiki ia‘u ke lapaau i na ano ma‘i a pau, ma‘i iloko o ka opu, ha‘i ke kino, aki iloko o ka iwi, eha o ke poo, ma‘i wahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloh@ maikai no oukou e na Hawaii.                   Owou iho no, DR. LEONG KENG PONG.              Helu 40, Huina o na alanui Kamika me Hotele, Honolulu, Oahu.                     Aug.31. 1y.

 

HOOLAHA PA AUPUNI.

 

E ike auanei na kanaka a pau eia ma ka Pa Aupuni o Makiki nei kekahi mau lio helehewa. Lio k@lo kia, 4 wawae keokeo keokeo ka lae. paa ka wawae i kapuai hao, he mau hao kuni ano e ma‘na uha hope e elua. Lio w@ ulaula, keokeo loihi ma ka lae, elua wawae keokeo a@, he mau keokeo uuku ma na wawae hema. paa na wawae i kapuai hao, aole he ike ia o ke kuni. O ka mea a mau mea nona keia mau lio, e po no e kii koke mai o hala na la he 15, e kuai kudala aku no au ke hiki aku i ka la 20 o Feberuari, 1892, hora 12 awakea Poaono.             D.KAOAO.                F 8. 3tsd.    Luna Pa Aupuni.

 

HOOLAHA HOU E ALA, E ALA.

 

B.F. EHLERS & CO - PAINAPA.

 

HELU 99 Alanui Papu.

 

E NA MAKAMAKA maikai, e naue hou mai e ike ia PAINAPA (B.F.Ehlers & Co.) oiai, e wehe ana ko makou mau puka i ka po, mai keia manawa aku a hiki i ka Hape Nuia. Nolaila, e naue mai oukou a pau mai ke nui a ka liilii, e ike i na mea hou o keia ame keia ano. Merry Christmas oukou a pau! Eo mua no ia  PAINAPA.                       E kipa mai e na makamaka, i hoopau ia ai ko oukou kanalua  no ka makou kuai hoopoho aku ia oukou.          Owau ma ka oiaio,            ti          B.F. EHLERS & CO.

 

Na Paikini Hou

Na Paikini Hou

O NA ANO A PAU, E KINIKOHU AI O KE ANO AHIAHI, E LOAA NO MA KAHI-

Chas. Fishels,

KIHI O ALANUI PAPU A ME HOTELE,

Ko makou halekuai hoopau nui, ma o MR. CHAS. J. FISHELS la, he mau waiwai hou loa ko makou, i loaa mai nei mai ka hikina mai, o na ano like ole he nui wale. Eia ma ko makou halekuai nei na paa lole e linohau ai o na Keonimana a luhiehu o na Lede, na aulii o na Kamalii -       

Na KINAMU            

Na ALAPIA

Na KALAKOA Malina

Na KIHEI Silika

NANAHE o na ano he nui

A pela wale aku.

E hu@a pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nou e wae nou iho i na anoai a kou puuwai, eia ka papa lohi o Apua la, ke anapa nei ka wai liula i Mana.

E hele mai i hookahi, e hele mai no a pau loa, mai ko nui a ka liilii.

Chas. J. Fishels.

350-tfd.           Halekuai alakai o na kumukuai haahaa loa.

 

A. HERING.

M. PAULY.

Ka Hale Hana Novelty.

 

E lawe no laua a e hana i na ano ha na kalai a hana hoonihoniho ma ka laau a ma ka niho palaoa paha; houhiuuhinu a anaanai ana a mania na pupu a me kukui, a me na pena hoonani o na kaupoku o na rumi; hooponopono hou, hoomaemae ana o na pila, na pu, na mea kaupaona a mea mama oia ano.

 

NA HANA MEA UWILA, NA HANA

MEKINI, A ME HANA LAKA.

E hana ia no na kuni, na ana kii, pela aku e like me ko kauoha.

E hele mai io maua.

132 Alanui Papu, Honolulu    335-tf-d.         

 

E Kuai Hoopau Ana!

Na Kaa Huila Lua

a me

Ili Kaa Malalo o ke Kumu Lile

Ma kahi o S. G. Schuman.

Alanui Hotele kokoke i ke kihi o

Alanui Papu.               829-1wd.

 

NA SILIKA WAILULA!

Na Silika Aulii o na Lede!!

E NA KEONIMANA A ME NA LEDE, E MAKAUKAU, EIA ka nani ke alohi nei i ka Papalohi o Maukele; a me he mau okeni kau, e kipa mai ma ka HALEKUAI o S. N. SACHS,

Ke Alakai o na Kumukuai emi o keia Taona.

Honolulu, Alanui Papu, Helu 104.

E HOOKO IA no kou makemake ke kipa mai oe io makou nei. Eia na SILIKA @hee o na ano like ole, he 60 keneta wale no ke kumukuai o ka I-a. Eia hou no na SILIKA i miloia me na lopi huluhulu o Inia Komohana, e loaa no ia oe ma ke kumukuai haahaa loa, he 75 keneta malalo o ke kumukuai mua.                     Eia hou mai: Na SILIKA Aulii o Inia Hikina, he aulii, a he milolii ke pana iho, a he 50 keneta ke emi malalo o ke kumukuai mau; a he helu ekahi hoi o ka nani ke ike iho. Aole hoi o ia wale, eia iho na HULUHIPA o na kahakahana like ole, a nau no e wae e like me kou makemake, he 50 keneta no ka I-a. Na KINAMU pahee, i miloia me na lopi lilina, he 50 a 75 keneta o ka I a.                   O na Ano Aaahu Aulii a Pau, O na ano like ole, eia la ua ku ke a@na. Na AI-KALA he elua paa no 25 keneta; a e loaa no hoi ia o he 5 paa no $1.00, o ke ano a ka iini e lia ai. Eia hou na A-IKALA Aulii o Carolina Hema, i loaa mailoko mai o na lopi o Marina, a i hanaia hoi ma ka mikioi, he 15 keneta a hiki i ke 35 keneta.                    Na SILIKA WAILIULA, he 35 a ke 50 keneta o ka I-a, he mau mea hou wale no. Na VELEVETA nani lua ole, he Omaomao, he Hauliuli, he Ka@ina, he Keokeo, he Haulaula.                       Eia hoi na PAPALE hulu nani he lehulehu wale, e hoohuelo ai o na Lede maka onaona; na aulii hoi o no kama a kakou, eia ke alohi mai nei na papale like ole o na ano ha lehulehu wale. Na Palemai kaue o luna, o na ano a pau, he 50 cts. o ka PALEMAI a o ka oi loa aku i ko na wahi e ae.  Na PALEMAI wawae, o na ano a pau, na Palemai wawae huluhulu Canton. no 50 cts.; na Palemai wawae Jeen mai ke 50 ahiki i ke 75 cts. o ka mea hoekahi.

Na KAKINI o na kane, o na ano a pau, i loaa ole ma na wahi @ ke kuai nei makou he 2 paa no 25 cts.; aka, e hele mai a ike kumaka nou iho ke kuai nei makou he 5 paa no $ 1.00 he makepono loa.              Na Papale mauu o na kane, na Papale manu o @a kamalii, a me na Papale hulu o na ano a pau.                 Na Paiki-ili pahee e kohu ai ka huakai hele, a me na Eke paa lima a na Lede e hoomahie ai. A ina he makemake kou e ike i ka oiaio o ka makou, e kipa mai o ikemaka, oiai ke hoemi nei makou i ke kumukuai o keia mau waiwai, i loaa ke kowa kaawale no na waiwai hou e hoahu aku ai.                            

E na hoaloha, e kipa, e ike kumaka i ka nani o Aipo, he o@e ka lohe pepeiao.

N. S. SACHS              373-dtf.                       104 Alanui Papu, Honolulu.

 

HOOLAHA NO KA MANAWA.

EGANA & GUNN.

ALANUI PAPU, Na Hale Hou o BURUA MA, Helu 100.

MA A MAHOPE AKU O KA LA EKAHI O APERILA, E HOOKELE ANA MAKOU I KA MAKOU KUAI ANA MA KE DALA KU IKE WALE NO.

Ua makemake makou e hookaa ia na bila e aie nei ia makou ma ia wa.

E hoomau ia aku no ko makou, kuai hoopau ana a hiki i ka la mua o Aperila.

I loaa ai hoi he kowa kupono no na WAIWAI HOU o kela ano keia ano he nui loa, i kupono hoi no ke Kau e linohau ai:

Na Mikilima aulii,      

Na Ribine hoohuelo,

Na Lei-a‘i, na Silika pahee.

Na Paa Lole Huluhulu pahee o na ano like ele.

Na Kasimea o na ano a pau,

Na Paku nanahe no na moe e hoopulelo ai,

Na pele puka-aniani a me na pale puka kemo, e kinikohu ai ke nana aku,

Na Paa lole hoopumehana o na kama a kakou, hui pu hoi me ka panio o na papale.

Na Papale Kapu,

Na Papale hulu,

Na Eke paa lima,

Na Paiki ili palua i kupono no ka holomoku,

Na A‘ikala o na ano a pau,

Na Kakini hoopumehana, o na ano ho nui,

A PELA AKU, A PELA AKU.

HELE MAI HOOKAHI, HELE MAI ELUA. HELE MAI NO A PAU LOA. E WAE OE NOU IHO, A KU I KE KOIIKOI, ALAILA HIU AE, LAWE NO A LILO.

E hele mai e ike i nakuai hoohaule nui ana a makou e kukala aku nei i ke akea:

EGANA ME GUNN.

ALANUI PAPU, HELU 100.            @