Ka Leo o ka Lahui, Volume II, Number 390, 16 February 1892 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.                HONOLULU  FEBERUARI 16, 1892                    Helu 380

 

KA MOOLELO HOONANEA O KA KUEU

MASANERO.

Ke Kameha’i o Italia.

A I OLE,

O ka Lawai a Kaulana loa o Napela.

KONA MAU HOINAINAU.

MOKUNA IV.

Na oui anialu haunaele o Napela—Ke kane hoopalau a Isabela ma ke awa o Napela no ka hooko ana i ka mare.

 

   No kuu makuakane!  Aole o kona hanoheno ana a me kona mau aoao, a oia ka’u e noonoo nui nei, aole loa pela i lohe oe.

   Alaila e ke aliiwahine, mai noonoo oui oe no ko’u poino a no kekahi ulia e ao paha, aole hoi ma ka mea e poino ai oe, aole loa pela; he mea paakiki loa keia.

   Auhea oe, e Masanero e, aohe he mea e ae a’u e maka’u nei, o ko’u kalawai wale no me kekahi lono hoolele hauli, ua haulehia oe ma ia kahua kaua, aole anei oe i manao, he mea ia no’u e eha ai?

   E ke aliiwahine, mai hoopiha loa oe i ko’u puuwai me ia mau mamalo olelo—O!  Menemene maoli!

   No keia mau kike olelo ana mawaena o ke kanaka lawaia a me ke kaikamahine a ka Vikeloe, na pa-e ae la ko Iane leo i kona kaikunane:  Masanero, kuu hoaloha, kuu kaikunane hoi—

   Aole, aole, aole au he kaikunane aou; ma ko’u mau moeuhane, na haawi aku au ia oe he inoa aloha i hiilani ia no’u a nou.

   O ka’u no ia e pane aku ai, wahi a Iane me na waimaka e hoohanini ana i na kaha o Kaupe.

   O, Isabela, ua hoopilikia niai ia’u ano, e hiki anei ia’u ke manaolana ae, oiai he kanaka lawaia ilinune, e kaulehia mai ana maiuna o’a ke aloha o—

   Uoki oe!  O na haawina e hoopoluluhi nei i kuu puuwai, maluna ia ou; a o ka’u no hoi e uwalo pauaho ele aku nei, a ke hoole loa mai nei hoi i ko’u mao makemake a pau.

   Aole no he pono loa o kou mau manao ana e ke aliiwahine, ua piha loa na kanaka i na manao inaina, a ke makaukau nei lakou e kue ae i na manaopaa lapuwale o ka V! keloupe hoopau ae.

   Pe a no hei paha, aka owai ka mea oi loa aku o ka hewa o kaua, a oiai hui, ne Sepinia wau, a he Nipolitana hoi oe. (he kanaka no kekani kaiana o Italia, oia hoi o Nepolitan) a ke pau ke kaua ana, ua maopopo loa ia’u e kaawale mau loa ona kaua no ka wa pau ole.

   Ua pono no oe, aka, o keia mau hana a makou e ake nei e hana ia, aole loa ia he caraima, aka no ka manao ana mau ana e hana ia ka peno kaulike i@ Uuna o ka lahui, ua ea na kanaka Italia e ku aku imua ina paha he mea ia e hookehe ia ai ke koko; a e ike auanei oei e lilo aku ana ke kahua holookea o ka Vikalia i—

   Ao’e i halopeno loa ae keia mau mamala olelo hope a ua kanaka lawaia nei, ua kahamaha e ia aku la e Isabela.  Noho malie iho e Masanero, mai hoopaakiki oe.

   O keia kanaka, he kanaka ia i piha me na manao ino a pau.

   O!  E hoomalu oe, mai kamailio oe pela.  Wahi a Isabela.

   Ina o keia hana ana a na kanaka a he karaima ia i ka Vikeloe, alaila na’u e kau aku i na hoopai ana.  Wahi a Masanero.

   E ke Akua Kiekie, ua hai aku au iaianei ua aloha au iaiu, a penei ka hoi kana olelo ia’u.

   Aloha oe ia’u e Isabela?  E ninini mai na lani i ke kehau o kona hoomaikai ia maluna o kou poo no keia mau mapuna leo, ka mea nana i hoopiha i kuu uhane me na kulu hau o ka hauoli.  Aloha oe ia’u ea?  O oe!  Auwe!  Auwe!

   E Masanero, mai hookuakahili wale hou aku oe, e ka pepeiao kuli i ka’u mau uwalo aku.

   Aole i pane hou aku ke kanaka lawaia i hookahi huaolelo hou aku aka na kulou iho la kona poo ilalo me ka nalu nui ana.

   Mahope iho o kona noho hakanu ana, ua ea ae la kona poo iluna a pane aku la:

   Ua pololei no oe, he Paniolo io oe, a he Italia hoi au no Nepolitana a heaha ana la auanei ka mea e hiki mai ana mawaena o kaua, ke hoowahawaha mai nei oe ia’u, aka, e hiipoi mau no au i ke aloha o kaua.  Wahi a Masanero.

   Uoki, uoki, wahi a Isabela e hoookioki ana.

   E hoolohe mai oe i ka’u, a e hoike aku au ia oe, o ka mea nani wale no, ua kau mua no ko’u noonoo nou wai kuu ike mua @n@ mai no ia oe.  Wahi a Masanero i pane aku aku ai.

 

HE MOOLELO

-----INO HE @EIKIAI @@:------

AWAREDA!

a me

KA UI LEILA

o Noremadi

 

(Kok@@ @o Ku L@@.)

MOKUNA I

Ka Mea Huna Pohihiki

 

   Ma kekahi o na pa’ena o ka aekai o ka aina nani o Neremadi, aole i mamao loa mai ka nuku mai o ka muliwai o Seine, e noho ana a e hanu ana i na ea oluolu o keia ola ana o Koretina, kekahi o na moi kaulana loa o Noremadi, kokoke i ka hapa waena o ke keneturia uini.

   O ke kapitala alii kahi i hookahua ai kona nohoalii, ua kapaia o Wavela, a o ka pa e hoopuni ana i kona halealii, he paa we ka manoanoa, e noke ai ka enemi i ka wawahi a lahi ke kino, no ka mea e ku ana maluna o kela a me keia puoa o kona nalehakela, he mau hale kiai, i hoolako e ia e kona makuakane i hala e aku ma kela huli o keia ola ana, a hiki wale mai iaia ka mea nana e punuku ana ke kalaunu o Noremadi kaulana iloko o ia mau la.

   Mawaena o na ola uhane a pau e hoomana ana ia Odina iloko o ia au naaupo, nona ka weli a me ka makau nui ia a puni ka akau o Europa iloke o ia mau la, o keia aoi Koretina ke alakai mamua o lakou a pau, a na wiwo nui ia oia e na poo aupuni e ae, e like me ka makau nui ia o ke kii 13 o ka Buke Anatomia, aohe he wahine nana e makemake aku.

   A oiai, ke iho aku la kona mau la e napoo e like me ke kanawai paa o na mea ola, nolaila ua makemake oia a hooponopono mua oia kona nohoalii mamua o ke kipa ana mai o ka make ma kona hale a o ka hooilina pau ole no nae o kona makemake, e ili aku kona nohoalii maluna o kana mau pua e moe ana ma ka laina pelolei o ke koko me kona, a hiki i ke kanaka hope loa o Noremadi haaheo.

   O Wavela kekahi o na kulana kauhale nui a alomahiehie i piha me ka waiwai, ka nania me ka ikaika iloko o ia u@u la, no ka mea, aole he mau enemi e liiki ae komo mai e pakaha aku mai kona hauoli aku, a i ole e hookokoke mai paha ma kona mau palena me ka nele o kona ike ia e na kiai o ka halealii.

   A oiai o kona mau naita na hiena o ia mau la, ka poe hoi i komo hohonu iloko o na kaua hahana no na manawa he nui mamua aku, me ka ahai mau i ka lanakila ma ko lakou aoao iloko o na la mua o ko Koretina noho ana ae ma ka nohoalii, aohe kekahi mana moi e ae i heao mai e hoonioni i ko Noremadi hauoli.  Ke kilakila me ka maikai o ka nanaina o ka aina, he palupalu hoi me ka momona o ka lepo, nolaila iloko o ia mau la a na eheu o ka maluhia e pahola ana ma o e maanei, na la i lohe ole ia ai na leo kanikau mai kona mau palena ae, ua waiho iho la ka hapa nui o na naita kaulana a haokila maepopo i na mea kaua.

 

NA LUNA NUI A ME NA KOMITE O KA HUI AOAO LAHUI LIBERALA.

Hon. JNO. E. BUSH                    Peresidena

  “   J. NAWAHI                    Hope    “

Mr. J. K. PRENDERGAST             Kakauolelo

  “ C. B. MAILE                       Puuku.

 

                         KOMITE.

              Hon. R. W. WILIKOKI

              Nob. D. W. PUA

              Mr. J. K. BIPIKANE

                “  A. SMITH

                “  GEO. MARKHAM

                ‘  D. W. KAHUAKAI

                “  N. A. PAOA

                          KOMITE WAIWAI.

               Mr.  J. K. PRENDERGAST

                 “   C. B. MAILE

                 “   J. ALAPAI

                 “   J. W. KUALAKU

                 ‘   SAM. KEKUKAHIKO.

                          KOMITE AHAOLELO.

               Hon.  J. E. BUSH

                 “    J. NAWAHI

                 “    R. W. WILIKOKI

                 “    W. P. KANEALU

               Nob.  D. W. PUA

               Mr.   J. ALAPAI

                “    D. M. PUNINI.

                       KOMITE ELELE.

                          APANA I.

               Hon. J. E. BUSH

               Mr.  J. W. KAHALEWAI

                “   D. K. KAMAKAUWILA

                          APANA II.

               Mr. J. W. BIPIKANE

                “  D. K. KAHUAKAI

                    Mr.  J. KAHAHAWAI.

                                APANA III.

                    Mr.  J. K. PRENDERGAST

                     “   SAM. KEKUKAHIKO

                     “   J. AULD.

                                  APANA IV.

                     Mr.  C. B. MAILE

                      “   G. W. KUALAKU

                      “   R. PALAU

                                  APANA V.

                     Nob.  D. W. PUA

                      Mr.  W. KALAEHAO

                       “   J. B. KANOA.

 

KUMUKANAWAI O KA MUI AOAO LAHUI HAWAII LIBERALA.

   Ua hookumuia keia Hui, i kulana no ke kukula ana i na manao aloha Aina a aloha Lahui.  A i mea hoi o hooma aku ai i ka noho ana kuokoa o Hawaii nei.  A e hoonaa loa ai hoi i na hooponopono aupuni kaulike no ka lehulehu.

KA INOA.

   PAUKU I – E kapaia ka inoa e ka Hui.  Ka Aoao lai, ui Hawaii Liberala.

NA LALA.

   PAUKU II – O na Lala o keia Hui, oia no ka poe a pau i komo mai, a kakau inoa malalo e keia Kumukanawai.

NA LUNA NUI.

   PAUKU III—Eia na Luna Nui o ka Hui.  He Peresidena, Hope Peresidena, Kakauolelo, Puuku.  E noho no lakou ma ka oihana no ka manawa, elua makahiki, mai ko lakoa la i koho ia ai; eia nae e hakahaka no ka make, a haalele, a hoopau ia paha no kekahi hewa.  E pauiia ia hakahaka e ka mea i koho ia no ka mauawa wale no i koe, i piha ai na makahiki elua.

NA HANA A KA LUNA NUI.

   PAUKU IV—Na ka Peresidena, a i ole la o kona hope paha, e noho hoomalu i na halawai apau o ka Hui, a nana ao e hooia i na kauoha a pau o ke Hui.

   Na ke Kakauolelo e malauia i na Buke, Pepa a me na mooleio o na haiawai pau o ka Hui, a e hoopaa hoi i na huina dala i loaa mai a i hoolilo ia aku.

   Na ka Puuku e malama i na dala a me na waiwai a pau o ka Hui, a e hoike i na loaa mai a me na hoolilo ana imua o ka Hui, i na manawa a pau e makemake, ia ai.  Aole nae e hiki iaia ke hoolilo i kekahi dala o ka Hui me ka ae ele o ka Hui, a me ka apono ole hoi o ka Peresidena.

 

PAPA KOMITE HOOKO.

   PAUKU V—E koho ia ehiku lala mailoko mai o na Hoa o ka Hui i Papa Hooko.  A ina ia Papa e imi a e waiho mai i ka Peresipena, i na Kumuhana ma nao ia no ka Hui.

 

KOMITE KUMAU.

   PAUKU VI—E koho ia mai waena mai o na lala o ka Hui i elima Hoa i Komite Waiwai.  Ehiku Hoa Komite Ahaole lo, umikumamalima Koa Komite Elele, iwakalua kumamakahi Hoa Komite La hui or Kuwaena.

   A—Na kekahi Komite Waiwai e hoo ponopono no ua mea pili i ka ohi dala ana.

   B—Na ke Komite Ahaolelo e hooko na mea pili i ka Ahaolelo.

   C—Na ke Komite Elele, e noonoo a hoike mai i na inoa o na poe l manao ia i mau moho halota no ka Aoao Lahui, no ke kau ahaolelo e hiki mai ana, a na ka Hui e hooko loa.

   D—O ke Komite Lahui, oia no ke Komite Kuwaena l’oko o keia Pao Aina ho lookea.  Na ia Komite no e hoolaha aku ma ke akea, no na poe a pau loa i apono ia, no ka holo mohe ana iloke o keia au puni ma ka Aoae Lahui.  A na ia Komite no e poloai aku i na Komite o na apana Mokupuni no na hana ano nui a ka Hui i manao ai e halawai.

NA HUI MA NA MOKUPUNI.

   PAUKU VIII—O na Hui p ka Ao@o La hui Hawaii Liberala e ku nei, a e kuku lu ia aku ana ma keia mua aku ma na apana Mokupuni.  i ku like na manao Kalaiaina no ka pono o ka Aoae Lahui o lakou no na Aha Hui Lala ne keia Hui.

NA HOOLOLI ANA.

   PAUKU IX—E hiki no ke haololi a pa kui mai a hoopau lea paha i keia Kumu kanawai mamuli o ka hoeholo ana a ka hapanui o na Hoa o ka Hui.  i hiki mai ma ia halawai, i kahea ia no ia hana.

 

E Kuai Hoopau Ana!

Na Kaa Huila Lua

a me

Ili Kaa Malalo o ke Ku mu Lilo

Ma kahi o—

S. G. Schuman.

Alanui Hotele kokoke i ke kihi e Alanui Papu.     310-1wd.

 

Kauka Yong Kam Pung.

(APANA.)

Helu 53, Alanui Maunakea.

Ke Kauka Loea o ka Aina Pua!

Ua hiki ke huola ia kela a me keia aoe ma’i, mai ko na kana, wahine a au@ na keaki liihi.  O na ma’i ha-ue ua hiki loa ia ke hoola ia uie ka maalahi.  A o na ma’i e puli ana i ka maka pa’i pa ia i ke ola.  Ke hoike ia aku aei. @ia ke ola ia nei, me ka oiu@@u pu o kahi aulalii, Ka @@@ @ ka ::aka:: k@@k, a @@@  @@@ @@ a o ke kuko@’paa a @@@ @@@@ @ua i ana, papaha o ka @@ a e @@ @@waiwai i u’a ua

K Kika n@a e ka ku i k@lulau ia me na oaa a i@a @i@ua a ka mai a na’u oukou e @@@loulu aku.

                                                   KAUKA YONG KAM PUNG.

Honolulu Sept.8, 1891.                                            8@@--d@@*