Ka Leo o ka Lahui, Volume II, Number 388, 12 February 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

KA MOOLELO HOONANEA

O KA KUEU

MASANERO.

 

Ke Kameha'i o Italia.

A I OLE,

O ka Lawai'a Kaulana loa o Napela.

 

KO ROMA MAU HOINAINAU.

 

MOKUNA IV.

Na omamalu haunaele o Napela – Ke kane hoopalau a Isabela ma ke awa o Napela no ka hooko ana i ka mare.

 

            E ke aliiwahine e, eia oe la ianei nei, auhea oe, aole keia he la no na huakai makaikai, a he mea pono loa ia oe e huli koke i ke kulanakauhale, a e malama loa oe ma keia mau aku, aole loa oe e haalele hou i ka hale o kou makuakane, no ka mea, i hai maopopo aku au ia oe, ma ka la apopo e hoea mai ana, he la weliweli ia; o ke kaua a me na kino make ke ike ia aku ana ma na alanui o ke kulanakauhale o Napela.

            No keia mau olelo ano nui a ke kanaka lawaia i hoopioloke ae i na manao o ua mau kaikamahine la, a hoopuka ae la laua: – Nani wale hoi ka mea kaumaha a me ka weliweli nui!

            E ke aliiwahine o Sepakia, aole anei oe i hai mai ia'u o kou makuakane, he aliikoa oia no na koa o ka pualikoa o ka Vikeloe? Ina pela a ke aloha nei kou makuakane ia oe, alaila he mea pono loa i ua makuakane la ou, i keia ahiahi koke no, e uha'i ae oia i kana pahikaua mamua ponoi o kona alo a kiola aku mamua o kona aa ana mai e ku ae ma ke kahua kaua i ka la apopo, o ka la ia i hooneleia me ke aloha ole a me ka la e hanai ia ai na mea kaua me na mea io.

            Aole i kanamai ka weliweli o keia mau olelo a Masanreo i hoopuka aku ai, a oia no kana i hoomau hou aku ai, a oia no kana i hoomau hou aku ai.

            E Isabela, ua menemene au ia oe, me kona nee ana aku a kokoke io Isabela la, – e hoolohe mai oe i ka'u, a mai hoopoina oe i ka'u olelo ao ia oe. Ua piha ke ana o ka inaina, ka la o ke kumakena eia ma ka ipuka; a ano e ke aliiwahine, aole loa au e ae ana, e hooluuia ko'u mau lima me ke koko o kou makuakane.

            He kanaka manao pono ole maoli oe, ina oe e paakiki ana e hele i ke kaua, alaila o oe ana no ke ka@ua loa e haule pio ma ke kahua kaua i ka la apopo, a kii mai hoi maua ia oe e hoi, o kou mea hoonanauha loa ae ka hoi ia.

            Na na lani e hoolohe mai i kau mau huaolelo, ke lana nei ko'u koko no ke kuokoa o Napela, a o kela aumoku o Sepania au e ike ai, e hookaawale ia aku ana lakou mai o kakou nei aku. Wahi a Masanero oiai no oia e kuhikuhi ana i ka laina moku o Sepania, malalo Dona Juana Fanedesa, a Isabela ma i ike ai e hookuu iho ana ka heleuma i ka mamua iho.

            Apopo e luai mai anauanei na pu a lakou i ko lakou mau leo halulu a me ka paapaaina o na pu panapana, no ka mea, o ka makemake ia o ka poe nana ia mau mea, a o lakou na kakoo o ka Vikeloe.

            A owai keia kanaka? Wahi a Isabela i ninau ae ai.

            O Iuana Farenesa, ke kiaaina o Inia, a ua hele mai nei oia e mare i ke kaikamahine a ke Duke o Akoea a ua lawe mai nei oia he ekolu haneri tausani "ducats" a me na hua ai i mau makana nana i ua kaikamahine la.

            Okipau kahi Masanero, aohe wahi moali iki ae o kahi noonoo, o ka ulu e kaa la i kona alo, eia no ka ulu e kii ia mai ra e lou e ke keiki o Inia, noke no nae i kamailio.

            I keia wa no hoi, ua alawa ae la ko Masanero mau maka a kaulona pololei aku la maluna o kahi waapa ona i laweia ai i ke po mamua iho, ua puiwa ae la oia a hoopuka ae la oia:

            Heaha la hoi ka'u e ike nei, he moeuhane paha?

            Aole, e kunane, he lima kokua ua hiki mai i o kaua nei. Oiai ua maopopo mua no ia Masanero ua lawe ia kahi waapa ona, a aohe nae hoi i ike i ka hoihoi ia ana mai a me ka Isabela mau hana i hana ai.

            Ua huli pono mai la ua kanaka lawaia la a nana pono mai la maluna o ua mau kaikamahine la me na nanaina pahaohao.

 

HOOLAHA HOU

E ALA, E ALA.

B. F. Ehlers & Co. – PAINAPA.

HELU 99 Alanul Papu.

 

            E NA MAKAMAKA maikai, e naue hou mai e ike ia PAINAPA (B. F. Ehlers &Co.,) oiai, e wehe ana ko makou mau puka i ka po, mai keia manawa aku a hiki i ka Hape Nuia. Nolaila, e naue mai oukou a pau mai ke nui a ka liilii, e ike i na mea hou o kela a me keia ano. Merry Christmas oukou a pau! Eo mua no ia PAINAPA

            E kipa mai e na makamaka, i hoopau ia ai ko oukou kanalua no kamakou kuai hoopoho aku ia oukou. Owau me ka oiaio,

tf  B.F. EHLERS & CO.

 

Na PaikiNi Hou Na Paikini Hou

O NA ANO A PAU, E KINIKOHU AI O KE ANO AHIAHI. E LOAA NO MA KAHI –

Chas. Fishels,

KIHI O ALANUI PAPU A ME HOTELE.

 

            Ko makou halekuai hoopau nui, ma o MR CHAS. J. FISHELS la, he mau waiwai hou loa ko makou, i loaa mai nei mai ka hikina mai, o ua ano like ole he nui wale. Eia ma ko makou halekuai nei na paa lole e linohau ai o na Keonimana, a luhiehu o na Lede, na aulii o na Kamalii –

Na KINAMU  Na ALAPIA

Na KALAKOA Malina  Na KIHEI Silika

NANAHE o na ano he nui   A  pela wale aku.

E huea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nau e wae nou iho i na anoai a kou puuwai, eia ka papa lohi o Apua la, ke anapa nei ka wai liula i Mana.

E hele mai i hookahi, e hele mai ae a pau loa, mai ke nui a ka liilii.

Chas. J. Fishels.

350–tfd.          Halekuai alakai o na kumukai haahaaloa.

 

HOOLAHA PA AUPUNI.

 

            E ike auanei na kanaka a pau, eia ma ka Pa Aupuni o Makiki nei kekahi mau lio helehewa. Lio k lokia, 4 wawae keokeo, keokeo ka lae, paa ka wawae i kapuai hao, he mau hao kuni ano e ma na uha hope a elua. Lio w ulaula, keokeo loihi ma ka lae, elua wawae keokeo ak he mau keokeo uuku ma na wawae hema, paa na wawae i kapuai hao, aole he ike ia o ke kuni. O ka mea a mau mea nona keia mau lio, e pono e kii koke mai o hala na la he 15, e kuai kudala aku no au ke hiki aku i ka la 20 o Feberuari, 1892, hora 12 awakea Poaono.

D. KAOAO.

F 8, 3ted.           Luna Pa Aupuni.

 

A. HERING.  M. PAULY

Ka Hale Hana Novelty.

 

            E lawe no laua e hana i na ano hana kalai a hana hoonihoniho ma ka laau a ma ka niho palaoa paha; hoohinuhinu a anaanai ana a mania na pupu a me kukui, a me na pena hoonani o na kaupoku o na rumi; hooponopono hou, hoomaemae ana o na pila, na pu, na mea kaupaona a me mama oia ano.

NA HANA MEA UWILA, NA HANA MEKINI, A ME HANA LAKA.

            E hana ia no na kuui, na ana kii, pela aku, e like me ke kauoha.

            E hele mai io maua.

132 Alanui Papu, Honolulu  333–tf-d.

 

HE HOOLAHA I KE AKEA.

 

            E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano, e naue mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko oka opu, hu'i ke kino, aki iloko o ka iwi, a eha o ke poo, ma'iwahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloh maikai no oukou e na Hawaii.

Owou iho no,

DR. LEONG KENG DONG.

Helu 40, Huina o na alanui Kamika me Hotele, Honolulu, Oahu.  Aug. 31.  1y

 

NA SILIKA WAILIULA!

Na Silika Aulii o na Lede!!

 

E NA KEONIMANA A ME NA LEDE, E MAKAUKAU, EIA ka nani ke alohi nei i ka Papalohi o Maukele; a ina he mau okoni kau, e kipa mai ma ka HALEKUAI o

S. N. SACHS,

Alakai o na Kumukuai emi o keia Taona.

Honolulu, Alanui Papu, Helu 104.

 

            E HOOKO IA no kou makemake ke kipa mai oe io makou nei. Eia na SILIKA pahee o na ano like ole, he 60 keneta wale no ke kumukuai o ka I-a. Eia hou no na SILIKA i miloia me na lopi huluhulu o Inia Komohana, e loaa no ia oe ma ke kumukai haahaa hoa, he 75 keneta malalo o ke kumukuai mua.

            Eia hou mai: Na SILIKA Aulii o Inia Hikina, he aulii, a he milolii ke nana iho, a he 50 keneta ke emi malalo o ke kumukuai mau; a he helu ekahi hoi o ka nani ke ike iho. Aole hoi o ia wale, eia iho na HULUHIPA o na kahakahana like ole a pau no e wae e like me kou makemake, he 50 keneta no ka I-a. Na KINAMU pahee, i miloia me na lopi lilina, he 50 a 75 keneta o ka I-a.

            O na Ano Aaahu Aulii a Pau.

            Ona ano like ole, eia la ua ku ke ahua. Na AI-KALA, he elua paa no 25 keneta; a e loaa no hoi ia oe he 5 paa no $1.00, o ke ano a ka iini e lia ai. Eia hou na A-IKALA Aulii o Carolina Hema, i loaa mailoko mai o na lopi aulii o Marina, a i hanaia hoi me ka mikioi, he 15 keneta a hiki i ke 35 keneta.

            Na SILIKA WAILIULA, he 35 a ke 50 keneta o ka I-a, he mau mea hou wale no. Na VELEVETA nani lua ole, he Omaomao, Hauliuli, he Kaiina, he Keokeo, he Haulaula.

            Eia hoi na PAPALE hulu nani he lehulehu wale, e hoohuelo ai o na Lede maka onaona; na aulii hoi o no kama a kakou, eia ke alohi mai nei na papale like ole o na ano he lehulehu wale.

            Na Paiki-ili pahee e kohu ai ka huakai hele, a me na Eke paa lima a na Lede e hoomahie ai. A ina he makemake kou e ike i ka oiaio o ka makou, e kipa mai e ikemaka, oiai ke hoemi nei makou i ke kumukuai o keia mau waiwai, i loaa ke kowa kaawale no na waiwai hou e hoahu aku ai.

            E na hoaloha, e kipa, e ike kumaka i ka nani o Aipo, he ole ka lohe pepeiao.

N. S. SACHS                                           

373–dtf.  104 Alanui Papu, Honolulu.

 

EGANA & GUNN.

ALANUI PAPU. Na Hale Hou o BURUA MA, Helu 100.

 

Ke Kuai Hoopau, ma ke Dala Kuike, no Ekolu Pule mai ka Poakahi, Feberuari 8, 1892.

 

E kuai aku ana no maua i ko maua HALEKUAI, ma ke KUMUKUAI HOEMI LOA, i ike ole ia ka lua ma keia taona.

I loaa ai hoi he kowa kupono no na WAIWAI HOU o kela ano keia ano he nui loa, i kupono hoi no ke Kau e linohau ai:

Na Mikilima aulii,

Na Ribine hoohuelo,

Na Lei-a'i, na Silika pahee.

Na Paa Lole Huluhulu pahee o na ano like ole

Na Kasimea o na ano a pau,

Na Paku nanahe no na moe e hoopulelo ai,

Na Pale puka-aniani a me na pale puka komo, e kinikohu ai ke nana aku,

Na Paa lole hoopumehana o na kama a kakou, hui pu hoi me ka pa@o o na papale.

Na Papale Kapu.

Na Papale hulu.

Na Eke paa lima,

Na Paiki ili palua i kupono no ka holomoku.

Na A'ikala o na ano a pau,

Na Kakini hoopumehana o na ano he nui.

A PELA AKU,  A PELA AKU.

HELE MAI HOOKAHI, HELE MAI ELUA. HELE MAI NO A PAU LOA. E WAE OE NOU IHO, A KU I KE KOIIKOI. ALAILA HIU AE, LAWE NO A LILO.

            He wa maikai loa keia no na Lede a me na Keonimana e kipa mai ai i ko maua HALEKUAI nei. Mai hoohewahewa ia kakou @ kanaka. – E hea, e kipa ka anei, eia ka nani ma ke

EGANA ME GUNN.

ALANUI PAPU, HELU 100.  383-3wd.