Ka Leo o ka Lahui, Volume II, Number 373, 21 January 1892 — Page 2

KA LEO O KA LAHUI.

"E Mau ke Ea o ka Aina i ka Pono."

 

MA KE KAUOHA.

I KA POE KOHO @ KOHO!

            He Olelo A'o: @ me ia kou mea @ Inoa e ka @ Lunamakaainana.

            Ina e paa ka @ o kekahi mea maloko wale no o ka papa inoa o ka poe koho no na 'Lii aole loa e hiki iaia ke koho me na Lunamakaainana.

            E nana pono i ka inoa o ka poe e koho ana, a e kau oha koke e hookomo ia kou inoa @ a ka Papa Inoa o ka poe e koho ana i na Lunamakaainana, e na Luna Nana.

            O ka poe kupono i ke koho i na 'Lii e paa nei ko lakou mau inoa ma ka Papa Inoa o ka poe kupono e koho i na 'Lii, e pono lakou e hookomo i ko lakou mau inoa ma ka Papa Inoa o ka poe kupono i ke koho ana Luna makaainana.  He lehulehu na Inoa o ka poe kupono @ koho 'Lii, e paa nei maloko o ka papa inoa i hoolaha ia, a maloko hoi o ka Buke Inoa Nui, aole i paa maloko o ka Papa Inoa o ka poe kupono i ke koho Lunamakaainana.

            C. N. SPENCER.

            Kuhina Kalaiaina.

Keena Kalaiaina Ian. 13, 1892.  2w.

 

HOOLAHA A NA LUNA NANA KOHO BALOTA.

            Apana Eha o Honolulu, Mahele 2, Ke Hoolaha aku nei ma keia, e halawai akea ana na Luna Nana Koho Balota o ka mahele i oleloia ma ekolu @, elua @ i ka la hookahi ma ka Hale Buke Kaawai Bell Tower @ ma @ a e hoomaka ana ka halawai i ka hora @ o ke ahiahi, penei:

            I ka POAKAHI, IANUARI 18, 1892

            I ka POAKOLU,      "    20,   "

            I ka POALIMA,       "    22,   "

No ka hooponopono ana i ka papa inoa o na poe koho o ia mahele ma ka hookomo ana i na inoa @ a i ole ma ka @ ana i na inoa o a ka poe koho i make, hele aku mawaho o ka mahele a me kahi poe e ae i @ ole e koho balota iloko o ia mahele.  A ma @ he mea kupono e malamaia ana no @ mau halawai hope loa i hoikeia ae la mamua nae o ka la 18 o keia malama, a e hoolaha ia aku no ia mea ma ka halawai @ hope loa.

            O keia mahele, aia ia malalo o keia mau @ mauka o ke Alanui Beritania, ma ka aoao hoi ma Waikiki, ke Alanui @, ma ka aoao makai o ka lihikai, a ma ka aoao ma Ewa o ke Alanui Nuuanu.

            Ma ke kauoha a ka Papa Nana,

            HENRY SMITH,

            Lunahoomalu.

Honolulu, Ian. 18, 1892.  369-5ts@.

 

HOOLAHA I NA LUNA NANA KOHO BALOTA.

APANA O HONOLULU, MAHELE 1.

            Ke hoolahaia aku nei ma keia, e malama ana na Luna Nana Koho Balota o ka Mahele i oleloia ae la, i eha mau halawai akea o elua hora ma ka la hookahi e hoomaka ana mai ka hora 7 o ke ahiahi, peni:

            I ka POALUA, IANUARY 19, 1892

            I ka POAHA,     "         28,   "

ma kahi o Hooulu Mea Kanu o ke Aupuni ma ka huina o na Alanui Moi me Waikiki.

            Ma ka Poaha, Ian. 21, 1892, ma ka Hale Auau o Long Brand, Baths ma Waikiki.

            Ma ka Poalima, Ian. 22, 1892, ma ka Halekula o Kamoiliili.

            E hooponoponoia ana ka papa inoa Koho Balota maloko o ka Mahele Koho, ma ka hui ana aku i na inoa hou i na pana-inoa ia, a ma ke kapae ana ae paha i na inoa o ka poe i make i haalele iho i ka Mahele Koho a ano e ae paha e kupono ole ai ke koho balota maloko o ka mahele la.

            Ma ke Kauoha a ka Papa Nana,

            E. P. SPALDING,

@     Lunahoomalu.

 

HOOLAHA A NA LUNA NANA KOHO BALOTA.

@

            Ke hoolahaia aku nei ma keia e malama ana na Luna Nana Koho Balota @ Halekula Hoopololei, e hoomaka ana ma ka hora 7 o ke ahiahi, penei:

            I ka POAKOLU, IANUARI 20, 1892

            I ka POALIMA,     "       22,   "

            I ka POAONO,      "       23,   "

No ka hooponopono hou ana i ka papa inoa o ka poe koho o keia Mahele, ma ka paku'i ana aku i na inoa hou, a holoi ana hoi i na inoa o ka poe koho i make, i haalele i keia Mahele a i kupono ole paha i ke koho ma kekahi ano e ae e koho ma ka Mahele 2.

            Ina i ike he kupono e malamaia no na @

            W. H. WILCOX

@      Lunahoomalu.

 

HOOLAHA A NA LUNA NANA KOHO BALOTA.

@

            Ke hoolahaia aku nei keia e malama ana na Luna Nana Koho Balota o ka Apana 8 o Honolulu, Mahele 2 he @ halawai ma ke Keena o ka Luna @ maloko o Kapuaiwa Hale, Alanui Moiwahine, ma keia mau la:

            Poakolu, Ian. 20, 1892, mai ka hora 4 a ka hora 7 ahiahi.

            Poaono, Ian. 23, 1892, mai ka hora 4 a ka hora 7 ahiahi.

            Poakolu, Ian. 27, 1892, mai ka hora 4 a ka hora 7 ahiahi.

            Poaha, Ian. 28, 1892, mai ka hora 4 a ka hora 7 ahiahi.

            No ka hooponopono ana i ka papa inoa koho balota o ka Mahele i hoike ia ae la ma ka pakui ana aku i na inoa hou, a ma ko kapae ana ae i na inoa o ka poe koho i make, i haalele i ka mahele koho, a i hiki ole paha ke koho iloko o ka Mahele ia.

            T. C. PORTER

            H. ARMITAGE

            K. KUHIA

370-tf d, Na Luna Nana Koho Balota.

 

HOOLAHA A KA LUNA NANA KOHO BALOTA.

Apana 4 o Honolulu, Mahele @

            Ke hoolahaia aku nei ma keia, e malama ana na Luna Nana Koho Balota he ekolu mau halawai o elua hora o ka halawai ana ma ka Hale Kinai Ahi Pake, ma ka

            POAKAHI, IANUARI 18, 1892, hora 7 @

            POAKOLU,     "     20,  "     "   "

            POALIMA,     "      22,  "  mai ka hora 2 a hora 4.

            No ka hooponopono ana i ka papa inoa koho balota o ka Mahele ma ka pakui ana i na inoa balota kapae ana i ka inoa o ka poe koho i make, i haalele ika Mahele, a i kupono ole ke koho malalo o kekahi kumu ma ia mahele.  Ina e ike ia he kupono e malamaia no he mau halawai hoopanee ma ia wahi no, aole e oi aku maluna o ka la 28 o Ianuari nei a no ia mea e hoi ia aku no ma ka wa o ka halawai e hoopanee ai.

            Ma ke Kauoha a ka Pana Nana,

            D. B. SMITH,

370-tf d.  Lunahoomalu

 

HOOLAHA A NA LUNA NANA KOHO BALOTA.

APANA 2 O HONOLULU, MAHELE 1.

            E halawai ana na Luna Nana Koho Balota ma ka Hale ma ke komo ana aku i kahi Hoo@ Wai, piina o Maemae, Alanui Nuuanu, ma ka-

            Poakahi, Ian. 18, 1892, ma ka hora 4:30 a ka hora 6 o ke ahiahi.

            Poakolu, Ian. 20, 1892, mai ka hora 4:30 a ka hora 6 o ke ahiahi.

            Poalima, Ian. 22, 1892, mai ka hora 4:30 a ka hora 6 o ke ahiahi.

            Poaono, Ian. 23, 1892, mai ka hora 4:30 a ka 6 o ke ahiahi.

            No ka hooponopono ana i ka papa inoa koho balota o ka Mahele ma ka paku'i ana i na inoa hou, a kapae ana i ka inoa o ka poe koho i make, i haalele i ka Mahele, a i kupono ole ke koho malalo o kekahi kumu mai ia mahele.  Ina e ike ia he kupono e malama ia no he mau halawai hoopanee mai ia wahi a aole e oi aku mamua o ka la 28 o Ianuari nei, a no ia mea e hai ia aku no ma ka wa o ka halawai e hoopanee ai.

            Ma ke Kauoha a ka Pana Nana,

            JAS G. SPENCER,

370-tf d.  Lunahoomalu.

 

HOOLANA A NA LUNA NANA KOHO BALOTA.

APANA 2 O HONOLULU, MAHELE 2.

            Ke hoolahaia aku nei ma keia, e malama ana na Luna Nana Koho Balota o keia Mahele, he eha mau halawai o elua hora o ka la, ma ka Halekula o Kauluwela, e hoomaka ana ma ka hora 7 ahiahi, penei:

            POAKAHI, IANUARY 18, 1892

            POAKOLU,     "      20,  "

            POALIMA,      "      22,  "

            POAONO,       "      23,   "

ma ka auina la a ahiahi mai ka hora 3 a ka hora 9 puu.

            No ka hooponopono ana i ka papa inoa koho balota o ka Mahele ma ka pakui ana i na inoa o ka poe koho i make, i haalele i ka Mahele, a i kupono ole ke koho malalo o kekahi kumu ma ia Mahele.  Ina e ikeia he kupono e malamaia @ nei, a on ia mea ehai ia aku no ma ka wa o ka halawai e hoopanee ai.

            Ma ke Kauoha a ka Pana Nana,

            HUGH GUM

370-tf d.   Lunahoomalu.

 

            Ua makemake a na Luna Lawe Pepa a pau o ka LEO a me ka OIAIO, e akoakoa mai ma ke keena nei, i ka hora 10 a.m. o ke kakahiaka Poalima, no ka noonoo ana i kekahi hana i manao ia.

 

KA LEO O KA LA HUI.

JNO. E. BUSH,

Luna Hooponopono a me Puuku.

POALUA, IANUARI 21, 1892

 

KA MANAO O MR. BLAINE.

            Ma keia moku leta mai Kapalakiko mai nei; ua loaa mai he leta mai Wasinetona mai, mai kekahi hoaloha kakau nupepa mai o kekahi nupepa kaulana o ka aoao Demokarata ma Nu Ioka, i like me ko ka aoao lahui Hawaii manao.  Ua kipa aku oia a na launa me Mr. Blaine, e pili ana i kana hana i manao ai e hana no ke kuikahi Hawaii i kakau inoa ia aku nei e ka Moiwahine ma o ke ao a kona Aha Kuhina, mamuli o na hookikina a ka poe mahiko a me ka poe waiwai.  Ua pane mai oia, ua ike oia eia ka lahui Hawaii ke kue nei i keia kuikahi, wahi a ko'u ike a me ko'u lohe mai, nolaila, aole o Amerika e hoopaa aku ana iaia i keia kuikahi, aia wale no a ike ia ke koho ana a ka lahui Hawaii i kona Hale Ahaolelo, a ina e apono ia keia kuikahi e na moho a ka lahui e koho ai, alaila hoopaa aku o Amerika iaia.

            Ma keia kakou e ike ai na ka aoao aupuni a me Keoni Kamaki ma me na mahiko, e hooikaika nei, e haule ka aoao lahui, i lilo o Puuloa.  Nolaila, e makaala kakou a pau, i @ ai ka lahui @ o kona mau @ ia.

 

NA ALA A KE KIPUUPUU.

            O @ kai haawi i ka hana i ka pake ma ka hana ia ana o ke alahao o Ewa he kauwa oia e noho nei no ka aoao @.  Aole ona aloha i na Hawaii, a i na pukiki, a me na haole paahana.

            He kikii wale no ka @ e hoolai ai.

            He ai opiuma wale no ka @ o ka aoao Holehole Iwi o Hawaii, a Keoni Kamaki ke poo.

            Ina oukou e koho ana ia Keoni Bola, aole e loaa ka hana i ke kanaka Hawaii.

            Kokoke e nele loa o Kani@ i koho balota ma Koolaupoko.

            Ke haawi hoopunipuni nei na moho o ka aoao "Holehole Iwi o Hawaii i ke dala" a ka @ misionari hoomaemae.

            E uwe waimaka ana o Kikila, pela ka ke Akua pueo o Kupau i hoike mai ai i ke kaikamahine ma ka moeuhane.

            He halawai ka Uilama Kamaki ma Moiliili i ka po Poakahi o keia pule aku.

            Ke hele nei ka Pipikane ia Pauoa a ke lohea nei ka u-mo i uka o Maemae a i kai o ke kulanakauhale nei.

            Nui ke ohohia o na Koolau i ka aoao Lahui Liberala Hawaii i ka hoopono a i ke kupaa.

 

HE LEO UWALO I NA KINI

MAKAMAKA A PAU E NOHO

ANA MAI HAWAII O KEAWE

A KAUAIOMANOKALANIPO

            E na hoa makaainanan aloha, ka io, kaiwi me ke koko, ke aneane aku nei kakou i ka la o ka hooili @ 3 o Feberuari e hiki mai ana.

            Nolaila, ke @ ia aku nei na hoa makaainana a pau i hookahi puuwai, hookahi umauma, hookahi ka manao, hookahi ma ka hana a i hookahi kakou iloko o ka lokahi e koho kakou  na moho o ka aoao Lahui Hawaii Liberala, o lakou na moho ola ka aina, a ola pu no hoi ka lahui me ka nohoalii, imua e Hawaii ponoi, mai hoi hope, imua a lanakila.

            E Kohala ua apaapaa, o Pili-o Kalahikiola, e na puu haelelua, e Kohala-loko, e Kohala-waho, e koho me ka lokahi i ka balota o G P Kamauoha, hoouna ia mai oia he kanaka aloha lahui, a aloha alii a aloha aina.

            E Hamakua, ka aina kihi loa i oleloia, hoouna ia mai o Z Paakiki oia ka moho e ola ai oe e na hueu o ua mau pali ala.

            E na hueu o ka Iwilahilahi, mai ka lai o Kukai au a ke awaawa kaulana o Hak@, kahi hoi nona kela olelo kaulana 'e alu ka pule ia hakalau lalau na lima i ka balota o J Makuna, oia ka moho hoouna ia mai.

            E na keiki papa o ka pali ku'i o Akaka ua aka'ka e no ia ia makou e hoouna mai ana oukou i kekahi o keia mau moho, oia o Henry West a i ole o W. Mokemana, he mau opio laua aka, na oukou ia e koho i ka mea pono o laua, a hoouna mai.

            E Hilo Hananui, i ke ola wali o Ohele, kuilima pu olua me Puna-paia-ala i ka hala, a hoouna mai ia J. Nawahi, ke kea kaulana o na makahiki he 20.  Oia ka moho ola ka aina, nolaila mai poina oe e 'kanakanilehua, hoouna ia mai.

            E ka wai nauka poo o Waiohinu, kokua ae hoi e ka wai uhiuhi-lau-mamane o Kapapala, e ku e na kini o haha-a, e hele e koho i ka balota a J. N. Kapahu, hoouna ia mai oia ka moho.

            E kona kai opua i ka lai, o puahinalo na malie, hiolo na wainaoa a ke kehau e - Na kini no a pau o ka lai a eha, hoouna ia mai o Iakekona ke koa kaulana o na au i hala oia ka moho e oia ai.

            Nolaila, e Hawaii o Keawe, pupukahi ia mai na 'Lii me na Lunamakaainana, a hoouna like mai.

            E Maui o Kama, ia oe a na Waieha e Wailuku-akau, me Wailuku-hema, hoouna ia mai o L. W. P. Kanealii me W. B. Keanu, oia na moho e haahea ai oe e na Hono-a-Piilani.

            E ka ua ukiukiu o Makawao e hoounaia mai o J. Kamakele ka hiapalele oia uka @.

            E Hana ua lani haahaa, hoouna ia mai o P. Kamai, i mau ke o ana o ka nalu o Punahoa, he hoa o Kamai no ka aoao Lahui.

            E Lahaina i ka ua Paupili, nona hoi ka makani kehau kaulana he Alani e hooipo ana me ka Malu Ulu o Lele, lele ko oukou aloha a hopu i ka balota o W. White, ka moho hoi e mau ai koa haahea ana hoouna ia mai.

            E Molokai a Hina, e hina ke aloha a aop i ka balota o J. Nakaleka, e koho iaia me ka lokahi, a hoouna mai, oia ka moho e ola ai.

            E Oahu o Kakuihewa, e koho like i ua moho o ka aoao Lahui.  E na makaainana o ka apana 1 e koho lokahi ia W. H. Cummings oia @ hou.

            E ka apana koho elua koho ia mai o @ na Wilikoki, he kanaka kuokoa a he hapahaole.

            E ka apana koho ekolu, e koho me ka lokahi ia W. G. Akepoka ke kanaka nana i pau ke kuokoa o Hawaii nei i ke au o ka aha kuhina o Kakina ma, oia ka moho ola oe e Hawaii, a he loea hoi no ke kanawai.

            E ka apana koho eha, koho ia mai o S. K. Aki, he kanaka kuokoa nona iho, he hoopono, a oia ka moho e ola ai oe, no aila e koho lokahi iaia.

            E ka apana koho elima, e koho ia S. K. Pua, ka pua kaulana ia o ka aina, he opio manaopaa, he hoa kupono oia no ke kahua, e kakoo ana i kou makemake e ka lahui Hawaii.

            Ia oe hoi e Ewa i ka ia hamau leo, a me Waianae a Kalaeokaena, hoouna ia mai o A Kauhi, oia ke koa kaulana o ia mau kaiaulu, hoouna ia mai.

            E Waialua i ka ehukai o lalo me na kualapa nihoniho o na pali o ke Koolauloa, e koho me ka lokahi ia Hon. R. W. Wilikoki, ke kanaka i molia i kona ola no ke aloha i kona aina, kona lahui me kona Moi ka hiapaiole hoi o ka moana Pakipika, oia ka moho ola oe e Hawaii, loaa hoi ona kumukanawai hou, nolaila, e koho iaia a hoouna mai.

            E na kini o Kailua a me na mano o Kaneohe, e noho ana mai ka lae o Kualoa a ka lae o Makapuu, e koho me ka lokahi ia J. E. Bush, ka mea nana i hapai ae ia oe a kau i kaupoku o Hanalei; nolaila, hoouna ia mai oia, o ia ke kenerala o ke kaha mokomoko, a he puuwai aloha hoi oia ia kakou Hawaii, he koa oia no ke kumukanawai hou, nolaila, hoouna ia mai oia i ole kakou na Hawaii.

            Ia oukou hoi e na kupa o ka aina kaili la, hoouna ia mai na moho a pau o ka aoao Lahui, o na 'Lii a me na Lunamakaainana.

            O keia ka leo poloai ia oukou a pau a mai haalele i kekahi o keia poe, @ o ka kakou koho ana: o ke Akua pu kekahi me kakou, a nana e @ mai ia oe e Hawaii ponoi.

 

NA MOHO HOOMAEMAE,

APANA EKOLU & APANA EHA

            Ua waiho mai ka aoa, hoomaemae ia B. F. Dillingham i moho Lunamakaainana no ka Apana Ekolu, a o Wm. Wilder no ka apana Eha.

            Ua ike kakou aole he kumuhana ma ko lakou aoao i waiho ia mai imua o ka poe koho.  He mau hana kolohe keia, a malalo o keia kumu, ua kupono ole keia poe e hilinaiia.  Eia ka mea oia aoao i maopopo.  He hoopaa mai i na Inia no 15 keneta o ka la me ka ma'i kolela, a he kokua i ke kuikahi haawi aina-haawi ia Puuloa i kakau inoa ia e ka Moiwahine.  He kue i ka hoololi kumukanawai, a he kue i ka hoopau ana i ke ana waiwai koho ahi.

            Malalo o keia mau kahua, he hiki ia oukou ke ike no oukou iho i ke kupono ole o keia mau moho e kohoia o ka lahui Hawaii a me na limahana.  Nolaila e kapae loa kakou ia laua.

            Aia no ma ia ano ka moho haole o ka Apana 4, e hoaano aka la e hoohilahila iaia iho.

 

            E nana ae e na makamaka i ka olelo hoolaha a Owene J. Holo, e puka aku nei ma ka pepa o keia la, e papa ana i na mea a pau, aole e ae i ka hoaio a kana wahine mare, oia hoi e Mrs. Carolina Holo, ke ole he palapala ae mai iaia aku.

            Ua kaena ae kekahi lele opio i ke ahiahi nei, penei: "Ina no ka he haneri Kaulakou e hele ana e koho balota ma Koolau, ma ke ano kue ia @ Boki: e pau ana lakou a pau loa i ka helelei i ka pali pohaku o Kalalau, no ka mea, aohe kolopa nana e une a hemo ka pipili o ka manao aloha o kanaka ia Boki no kana mau hana aloha ia lakou." @

            He hapalua hora i hala o ka @ mai ana aia he ahi ko holapu ala ia loko o ka hale waiho ukana o W. G. Irwin & Co. e kokoke oia ma ka hale hana hao Uniona.  Ua hiki aku na kaawai malaila me ka eleu loa, hele kapalulu ka wai a ka Helu 2 me 1, a pio iho la iloko o ka manawa pokole loa.  Mamuli o ka a ana o kekahi pahu puna i pulu wai, ke kumu o ka poino.