Ka Leo o ka Lahui, Volume II, Number 372, 20 January 1892 — Page 3
| This text was transcribed by: | Rob Escuadro |
| This work is dedicated to: | Ko'u keiki hanauna Aina Kea o Kapolei, Oahu |
KA LEO O KA LAHUI.
"E Mau ke Ea o ka Aina i ka Pono."
Halawai Aono Lahui Liberala.
E halawai ana ka Hui Liberala ma na wahi i hoakakaia malalo iho nei, a ke kono ia aku nei ka poe a pau i kupono i ke koho balota a pau o ua mau apana pakahi nei e hiki ae ma kahi i hoakakaia malalo iho nei, a e hiki aku ana na moho o ka aoao Lahui Liberala -
Poakolu, Ian. 20, ma ka halepule ma Iwilei hora 7. Poaha, Ian. 21, ma ka halepule ma Moanalua, hora 7. Poalima, 22, ma ka halehalawai o Kalihiwaena hora 7.
S. K. PUA.
Moho L. M. Apana Elima.
HALAWAI MA KA MOILIILI.
Ua malamaia he halawai o na makaainana ma ka luakini o ka Moiliili no ka hoolohe ana i ka haiolelo a na mono e holo lunamakaainana ana ma ka apana 1. Ua weheia na hana ma ke koho ia ana i lunahoomalu o Iona Wahinepee. Ua kahea mai ka lunahoomalu ia Mr. Keliinohopono e hoike mai i kona kahua holo balota, hoike pokole mai oia.
Waiho mai o Kamai i kekahi ninau; Ina oe e koho ia ana e makou o puka oe, e kokua ana no anei oe i ka hoopau loa ana i keia Kumukanawai elau pu, a hana hou i kumukanawai hou no keia aina? Pane mai o Keliinohopono e kolikoli ana oia i ke kumukanawai.
Ua pane mai o Kamai ia wa aole oe e pono e holo i lunamakaainana no makou.
Kaheaia mai o Keo Heleluhe, hoike pokole mai oia, waiho mai e Mr. Kamai i kekahi ninau iaia, o oe anei kekahi e kakoo ana ke puka oe i lunamakaainana e hoopau i keia kumukanawai e ku nei i keia manawa, pane mai o Keo Heleluhe e hana au e like me ka hiki ia'u ke hana.
Ninau hou o Kamai, o oe auanei kekahi e kokua ana i ke kuikahi e waiho la i Wahinekona i keia manawa.
Pane o Keo Heleluhe, aole au i maopopo ia mea.
Pane hou mai o Kamai, aole oe i kupono e holo i lunamakaainana no ka apana i nei.
Ua kaheia o W. H. Kamaki ka aoao Lahui, ua nui kona ohohia ia. Ua maopopo kona kahua o ka hoopau i keia kumukanawai oia kama pane ia Kamai.
Ua noi ia mai na moho e hoi lakou, a noho ana na poe kupono i ke koho balota e noonoo no ka lakou moho i makemake ai, ua noho lakou a na balota la na inoa o na moho ekolu, a ua loaa na balota ehiku me keia:
W. R. Kamaki 18 balota
Keliinohopono 3 balota
Keo Heleluhe 3 balota
Ua kohoia o Kamaki oia ka moho o ka apana o ka Moiliili, a ua hooholo lokahi lakou i na moho alii elima a me na moho papa alanui ekolu a ka aoao Lahui hawaii Liberala a ua hooholo hou lakou aole e weheia ka hale pule no kekahi poe moho e ae, aia wale no a o na moho a ka Liberala. mahalo ia oe e na makaainana e ka Moiliili.
Ua hookohuia aku o Goodale Armstrong. kakauolelo no ka aha kaapuni o ka Apana Hookolokolo Elua, @ kahi o W. H. Daniels i waiho @.
NUHOU KULOKO.
Ma ka la 9 o Feberuari e hiki wai ana e noho ai ke kau kaapuni o ka Apana Hookolokolo Eha, no no ka hoolohe ana i na hoopii imua o ia aha, e makaala e na keiki o Kauai o Mano.
E na hoa makaainana, o ka po o ka la apopo ko kakou po halawai mau e hoopiha ae kakou i ko kakou keena halawai, aole hoi e like me ka mea ma halawai elua no wahi kauna. Mau no ka nele.
Ua kipa ae ma ka home noho o Mr. Kekino ma ka Poaono iho nei, ma Kalihiwaena, ka anela o ka lua kapapau, a ume ae la i ka hanu makamae o Mrs. K. Kekino, a newa aku la ma kela ao. Ua haalele iho oia i kona koolua he kane, ka laua mau keiki a me na keiki a na keiki Aloha no.
Ihea aku nei oe? wahi a kekahi wahi alamihi i ninau aku ai i kekahi papa'i moala i ka po Poakahi iho nei. Kahaha - i o ae nei hoi paha au la kahi i hoolohe ai i ka Kale Aki mau palau kukahekahe ana a pau mai la no hoi la hohohoi nui mai la makou: koe aku la no kanaka e hialaai nui ana i ka ono a me ka momona o na olelo waiwai a Sam'l K Pua Aloha no ka hoi o Kale, he papa'i ka ka mea nana e hoolohe kona leo kanapi. O ke ano iho la no ia o ka helena o ka maunu ekaeka he papa'i ka ia e hoi ai.
HOOLAHA A NA-LUNA NANA KOHO,
APANA 5 o HONOLULU MAHELE 1.
Ke hoalaha ia aku nei, e noho ana na hoa o ka Papa Nana Koho Balota Apana 3 o Honolulu. he elua hora o ka la, ma ko alanui Ema, e hoomaka ana mai ka hora 7 aku o ke ahiahi, penei
Poakahi Ianuari 18, 1892
Poaha Ianuari 21, 1892
Poaono Ianuari 23, 1892
Poalua Ianuari 26, 1892
No ka hooponopono ana i ka papa inoa koho balota o ka mahele a me ka pakui ana mai i inoa hou a e kapae ana i ka inoa o ka poe koho i make, i haalele i ka mahele a i kupono ole ke koho malalo o ke kahi kumu ma ia mahele. Ina e ike ia he kupono e malama ia no he mau halawai hoopanoa ma ia wahi a aole e oi aku mamua o ka la 28 o Ianuari nei, a no ia mea, e hai ia aku no ma ka wa o ka halawai e hoopanee ai.
Ma ke Kauoha a ka Papa Nana,
W. C. SPROULL.
37 1-tfd Lunahoomalu
HOOLAHA PAPA NANA, APANA 5, MAHELE 1.
Ke hoike ia aku nei ma keia hoolaha, e malama ana na lala o ka mahele i olelo ia, he aono mau hala wai o elua hora i na la a pau, ma ka hale o ka Hui Kaa Hapaumi, kihi o ka pa kula Kamehameha, ma ka hora 7 o ke ahiahi o na la malalo iho:
Poakahi, Ianuari 18, 1892
Poalua, Ianuari 19, 1892
Poakolu Ianuari 20, 1892
Poaha Ianuari 21, 1892
Poakahi Ianuari 27, 1892
Poalima Ianuari 28, 1892
No ka hooponopono ana i ka papa koho balota a me ka papa koho o ka apana ma ka hookomo ana i na inua @ a me ka holoi ana i na inoa e ka poe koho, e like me ka poe make, nee aku mai ka apana a mu kekahi ano paha e kupono ole ai ko noho iloko o ka apana i olelo ia. Ina he mea pono e malama ia no he mau halawai hou me kahi mau, aole nae e oi aku mamua o ka la 30 o Ianuari, 1892, ina e hiki e hoike ia aku no ma na halawai ha'i ia. Ma ko kauoha a na lala o ka Papa.
M. R. COLBURN.
Lunahoomalu.
Honolulu, Ian. 12, 1892 124-tfd.
MALCOLM BROWN!
(Palaunu.)
NOTARI O KA LEHULEHU.
Aliiolani Hale, Honolulu H.I. 337-tf.
HOOLAHA PA AUPUNI.
E ike auanei na kana a pau, eia ma ka Pa Aupuni o Makiki nei kekahi mau lio hele hewa. Lio kele ele. 1 wawae keokeo hope hema, eha ia ke kua, hao kuni ano e, kohu omole ke ano o keia hao kuni hope hema; lio w ulaula, paa na wawae i kapuai hao, 4 waewae eleele, 2 kiko keokeo ma ka lae aole ikeia o ka hao kuni. O ka mea, a mau mea nona keia lio e pono e kii koke mai, o hala na la he 15, e kuai kudala aku no au ke hiki aku i ka la 30 o Ianuari, 1892, hora 12 awakea Poaono.
D. KAOAO.
371-dtf. Luna Pa Aupuni.
HE HOOLAHA I KA AKEA.
E ike auanei ma ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano, e nana mai i ko'u Keena hana, a na'u e hoopau aku i na ehaeha a ka ma'i maluna o oukou o na makamaka, he hiki ia'u ke lapaau i na ano ma'i a pau, ma'i iloko o ka opu hu'i ke kino, aki iloko o ka iwi, eha o ke poo, ma'i wahine a pela aku. Mai hoololohe aku e na hou, hele mai hookahi, hele mai elua, hele mai no a pau loa; he oluolu ka auhau, ke hui me la ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.
Owou iho no,
DR. LEONG KENG PONG.
Helu 40, Huina o na alanui Kamika me Hotele, Honolulu, Oahu. Aug. 31. 1y.
A. HERING. M. PAULUY
Ka Hale Hana Novelty.
E lawe no laua a e hana i na ano ha ua kalai a hana hoonihoniho ma ka laau a ma ka niho palaoa paha; hoohinuhinu a anaanai ana a mamia na pupu a me kukui, a me na pena hoonani o na kaupoku o na rumi; hooponopono hou, hoomaemae ana o na pila, na pu, na mea kaupaona a mea mama oia ano.
NA HANA MEA UWILA, NA HANA MEKINI, A ME HANA LAKA.
E hana ia no na kuni, na ana kii, a pela aku e like me he kauoha.
E hele mai io maua.
132 Alanui Papu, Honolulu 336-tf-d.
O kahi Emi Loa
A ME
Kahi Kupono loa
E PA'I AI OE I KOU
KII,
AIA NO IA MA KE
KEENA PA'I KII ALOHA!
Alanui Nuuanu. ma kekahi aoao mai a Ema Hale.
E ua'i ia ana na Kii o na ano a pau e loa hoi na kii puula o ka ohana, na keiki, na @, na hale aoho, na pepa-aina luau, a me na kino make.
Na Kii hoonuiia a hoemi la mai paha mai na Kii ae ae!
Nolaila, mai poina i ko pa'i ana i ko oukou mau Kii ma ke KEENA PA'I KII ALOHA. e loaa ana ia oukou na Kii maikai ia me ke emi loa ma Hawaii nei.
THNO. P. SEVERIN - Kapaleia
KEENA PA'I KU ALOHA. ma alanui Nuuanu me Beritania ma o mai o Ema Hale. @ -@
AINA KUAIMA KAMAKELA.
He Umi Aina Pa-hale ma Kamakela.
He 50 kapuai ka laula ma ke alo, a he 100 @ @ @@ na. Ua pili i ka Home o ka Ohana Hookie, a he oluolu ka @ @ aku. He wahi e puka aku ai ma Alanui Liliha, a me ke Kula Kui Sana Lui.
No na ninau hou aku e pili ana no keia mau aina, e u-i oiaia.
C. J. McCARTHY.
388-dtf. 35 Alanui Kalepa, Honolulu, Hi.
Na Pakini Hou
Na Pakini Hou
O NA ANO A PAU, E KINIKOHU AI O KE ANO AHIAHI, E LOAA NO MA KAHI -
Chas. J. Fishels,
KIHI O ALANUI PAPU A ME HOTELE,
Ko makou halekuai hoopaa nui, ma o MR. CHAS. J. FISHELS la, he mau waiwia hou loa ko makou, i loaa mai nei mai ka hikina mai, o na ano like ole he nui wale. Eia ma ko makou halekuai nei na paa lole e linohau ai o na Keonimana, a lehulehu o na Lede, na aulii o na kamalii.
Na KINAMU, Na ALAPIA, Na KALAKOA Malina, Na KIHEI Silika, NANAHE o na ano he nui, A pela wale aku.
E huea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nau e wae nou iho i na anoai a kou puuwai, eia ka papa lohi e Apua la, ke anapa nei ka wa liula i Mana.
E hele mai i hookahi, e hele mai no a pau loa, mai ke nui a ka liilii.
Chas. J. Fishels
356-tfd. Halekuai alakai o na kumukuai haahaa loa.
He Kuai Makana ma ka La Kulaia
MA KAHI O
N. S. SACHS - Helu 101, ALANUI PAPU HONOLULU
NA WAIWI O KELA A ME KEIA ANO, NO KA LA KUAIA.
Ina'o makap@ na mea a pau loaa ana mau paikini hou, ma ke kumukuai haahaa o na ano ike ole he nui, e hala @ a me @ @ .
No ka la @ a ma ke Makahi@, e kipa @ ma ka Halekuai Alanui o na Kumukuai mai loa.
NA WAIWAI HOU! NA WAIWAI HOU, ILOKO O NA MAHELE
LIKE OLE HE NUI O KELA A ME KEIA ANO
NA MEA PAANI A ME KA KII @ - E HAAWI WALE IA AKU ANA,
E HAAWI WALE IA AKU ANA NO.
I ka poe a pau e kuai mai ana me keia Halekuai, i oi aku mamua o ka @ No kau makemakenoho i papale hou he @ e loaa no @ @ @ ie @ o na kamalii na hale a ku he akau no ma La @ o he @ @ @ @ @ @ @ a pau. E wae aku i ka @ @ @ @ @ @ @ @ a pau.
N. S. SACHS
318-dtf. @ Alanui Papu, Honolulu.
HOOLAHA HOU.
EALA, EALA.
B. F. Ehlers & Co PAINAPA
HELU 99 Alanui Papu.
E NA MAKAMAKA maikai, e naue hou mai e ike ia PAINAPA (B. F. Ehlers & Co.,) oiai e wehe ana ko makou mau paka i ka po, mai keia manawa aku a hiki i ka Hape Nuia. Nolaila, e naue mai oukou a pai mai ko nui a ka liilii, e ike i na mea hou o kela a me keia ano. Merry Christmas oukou a pau! Eo @ @ PAINAPA.
E kipa mai e na makamaka, i hoopaa la ai ke oukou kanaina no ka makou kuai hoopoho aku ia oukou.
Owau me ka oiaio
tf B. F. EHLERS & CO.