Ka Leo o ka Lahui, Volume II, Number 364, 11 January 1892 — Page 3

This text was transcribed by:	Nai'a Dayton
This work is dedicated to:	Awaiaulu

KA LEO O KA LAHUI.

"E Mau ke Ea o ka Aina i ka Pono."

He Moolelo

MASEPA

Ka Olalio Denemada

A I OLE

Ke Kaulio Keokeo!!

Ua lilo au ia mau minute he kanaka make maopopo malalo o ka mana o ke kaulio, aka o ka loko maikai o na lani, na ia mea i hoopakele mai ia’u mai ka waiho ana o na iwi i ka nahele.

Aka nae, ua lawa na haawina o ka weliweli a kela kaulio i hookau mai ai maluna o’u, i mea na’u e hoopoina ole ai i ke koena i koe o ko’u mau la.

Ia‘u i pakele mai ai mai loko mai o ka @ ana o kela ka@iio iapuwaie, @‘u e noino loa nei ma ke ano o ko‘u ememi ino loa ia ma keia ao haule aku la ilalo o ka honua no ka waiho make ana iloko o na ehaeha i loaa ia‘u a ia‘u i po@ala hou ae ai, ike iho la au eia ka au iluna o ke kula laula o Denemaka kahi i waiho ai.

A e ke alii maluna o kela kula lama i hoopaa iho ai au i ka‘u hoohiki e uhaiaholo @o au mahope o ka meheu o kela kaulio a hiki i ka loaa ana ia‘u o kona wahi e hoomaha ai ma keia ao.

Maluna no hoi o keia kula laula i kapae ae ai au i ka hanohano o ka oihana kaua o Denemaka nei a me ka laahia o ko‘u hookonu inoa a lihika@a nei no kona mau mana kaua.

Kiola aku la au ia laua ilalo o ka honua mahope o ko‘u kua a o ka hanoheno o ka inoa kiu no ke aupuni o Denemaka oia ka‘u i lawe ae ai ia mau minute a haalele hope iho la i ke kula laula o Dena, no na ululaau o Denemaka nei.

No na la lehulehu o ko‘u aea ana me ka miha ole hoea aku la au iluna o kekahi kualapa, a iloko o ko‘u hauoli nui ua halawai mai la au me ka mea a‘u e imi pauaho ole nei oia hoi kela kanaka kaulio keokeo lapuwale a me Moneka ka mea nana i hoonauene ka mana o koa nohoalii.

I ka wa a ka haku K@@la i hiki aku ai na olelo ana me na enemi o ke aupuni o Denemaka i makemake loa ai e loaa kaakaa pono ae la na maka o ka moi a me ka leo pihoihoi ninau mai la oia.

Ua loaa anei ia oe ke alahele e hiki ke hopu pio ia ua mau kanaka kip@ la?

Ae e ke alii, ua loaa ia‘u ke alahele e hiki ai ke hopu pio ia laua a ke hooia aku nei au ia oe e kuu moi, iloko o eha a elima paha la mai keia la aku, aia lana a elua he mau pio @au.

Na k@ia pane hope a ka @uku Kasela, na ia mea i hoopihoihoi loa aku i a helehelena o ka moi Cario a oia hou kana i ninau wai ai:

E Kasela, kuu alihikaua o ka hookolo meheu panaho ole, ina e hooku ia ana kau mau olelo e like me ka‘u e lohe nei alaila, o ka hnohano hope loa a‘u e hookau aku ai maluna ou. Oia no ka inoa keiki alii o Danes, o ka papa ekahi, a e lilo hoi oe i ukali kino ponei no‘u, a i

Alihikaua nui no ko Denemaka mana kaua holookoa.

Mamuli o keia mau olelo a ka moi Carlo imua o ka haku Kasela nei, ua lana haakei ae la na manao uilani iloko o ua haku Denemaka nei no keia mau makana hoohanohano a kona moi a oia kana i pane hou aku ai:

E ka moi Carlo ilihia, iloko o keia hora ke lawe hou nei au i ka hanohano o ka noho alakai ana no na mana kaua o Denemaka nei, a alakai aku ia lakou imua o ke kahua o ka hana, no ka hanohano o ka hae o ko kakou aupuni,a hoike aku i kela mau kanaka @ipi aole ka lepo o ko lakou aina makuahine i apono i ka laua mau hana kue a h@iha‘i kanawai.

Aole i pau

NA LUNA NUI A ME NA KOMITE O KA HUI AOAO LAHUI LIBERALA.

Hon. @NO E. BUSH Peresidena

Hon. J. @AWA@@@ Hope

Mr. J. K. PRENDERGAST Kakauolelo

Mr. C. B. MAILE Puuku

KOMITE

Hon. R.W. WILIKOKI

Nob. P. W. PUA

Mr. J. K. BIPIKANE

Mr. A. SMITH

Mr. GEO. MARKHAM

Mr. D. W. KAHUAKAI

Mr. M. A. PAOA

KOMITE WAIWAI

Mr. J. K. PRENDERGAST

Mr. C.B. MAILE

Mr. J. ALAPAI

Mr. J. W. KUALAKU

Mr. SAM. KEKUKAHIKO

KOMITE AHAOLELO

Hon. J. E. BUSH

Hon. J. NAWAHI

Hon. R. W. WILIKOKI

Hon. W. P. KANEALII

Nob. D.W. PUA

Mr. J. ALAPAI

Mr. D.M. PUNINI

KOMITE ELELE

APANA I.

Hon. J.E. BUSH

Mr. J.W. KAHALEWAI

Mr. D.K. KAMAKAUWILA

APANA II.

Mr. J.W. BIPIKANE

Mr. D.K. KAHUAKAI

Mr J. KAHAHAWAI

APANA III.

Mr. J.K. PRENDERGAST

Mr. SAM. KEKUKAHIKO

Mr J. AULD

APANA 1V.

Mr. C.B. MAILE

Mr. G.W. KUA LAKU

Mr R. PALAU

APANA V

Nob. D.W. PUA

Mr. W. KALAEHAO

Mr. J.B. KANOA

KUMUKANAWAI O KA HUI AOAO LAHUI HAWAII LIBERALA

Ua hookumuia keia Hui i kulana no ke kukulu ana i na manao a oha Aina a aloha lahui. A i mea hoi e hoomau aku ai i ka noho ana kuokoa o Hawaii nei. A e hoopaa loa ai hoi i ua hooponopono aupuni kaulike no ka lehulehu.

KA INOA.

PAUKU I—E kapaia ka inoa o ka lHui, Ka Aoao Lahui Hawaii Liberala.

NA LALA.

PAUKU II—O na Lala o keia Hui, oia no ka poe a pau i komo mai, a kakau inoa malalo o keia Kumukanawai.

NA LUNA NUI.

PAUKU III—Eia na Luna Nui o ka Hui. He Peresidena, Hope Peresidena, Kakauolelo, Puuku. E noho no lakou ma ka oihana no ka manawa, elua makahiki, mai ko lakou la i koho ia ai; eia nae e hakahaka no ka make, a haalele, a hoopau ia paha no kekahi hewa. E paniia ia hakahaka e ka mea i koho ia no ka manawa wale no i koe e piha ai na makahiki elua.

NA HAKA A NA LUNA NUI

PAUKU IV—Na ka Peresidena, a i ole ia o kona hope paha e noho hoomaiu i na halawai a pau o ka Hui, a nana no e hooia i na kauoha a pau o ka Hui.

Na ke Kakauolelo e malama i na Buke, Pepa a me na moolelo o na halawai a pau o ka Hui, a e hoopaa hoi i na huina dala i loaa mai a i hoolilo ia aku.

Na ka Puuku e malama i na dala a me na waiwai a pau o ka Hui a e hoike i na loaa mai a me na hoolilo ana imua o ka Hui, i na manawa a pau e makemake ia ai. Aole nae e hiki ia a ke hoolilo i kekahi dala o ka Hui me ka ae ole o ka Hui, a me ka apono ole hoi o ka Peresidena.

PAPA KOMITE HOOKO.

PAUKU V—E koho ia ehiku lala mailoko mai o na Ho@oka Hui i Papa Hooko. A ina ia Papa e @@i a e waiho mai i ka Peresipena, @@ na Kumuhana ma nao ia no ka Hui.

KOMITE KUMAU

PAUKU VI—E koho ia mai waena mai o na lala o ka Hui i elima Hoa i Komite Waiwai, Ehiku Hoa Komite Ahaolelo, umikumamalima Hoa Komite Elele, iwakaluakumamakahi Hoa Komite Lahui @@ Kuwaena.

A—Na kekahi Komite Waiwai e hooponopono no na mea pili i ka ohi dala ana.

B—Na ke Komite Ahaolelo e hooko na mea pili i ka Ahaolelo.

C—Na ke Komite Elele e noonoo a hoike mai i na inoa o na poe i manao ia i mau mo@o balota no ka Aoao Lahui, no ke kau ahaolelo e hiki mai ana a na ka Hui e hooko loa.

D—O ke Komite Lahui oia no ke Komite Kuwaena i loko o keia Pae Aina holookoa. Na ia Komite no e hoolaha aku i na ke akea, no na poe a pau loa i apono @@ no ka holo m@h@ ana iloko o keia aupuni ma ka Aoao Lahui. A na ia Komite no e poloai aku i na Komite o na apana Mokupuni no na hana ano nui a ka Hui i manao ai e halawai.

NA HUI MA NA MOKUPUNI.

PAUKU VIII—O na Hui p@ka Aoao Lahui Hawaii Liberala e ku nei, a e kukulu ia aku ana ma keia mua aku ma na apana Mokupuni i ku like na manao Kalaiaina no ka pono o ka Aoao Lahui o lakou no na Aha Hui Lala no keia Hui

NA HOOLOLI ANA.

PAUKU IX—E hiki no ke hoololi a pakui mai a hoopau loa paha i keia Kumukanawai mamuli o ka hooholo ana a ka hapanui o na Hoa o ka Hui i hiki mai ma ia halawai, i kahea ia no ia hana.

MALCOLM BROWN!

Palaunu.

NOTARI O KA LEHULEHU. Aliilani Hale, Honolulu H.I. 337-@@

$10 MAKANA.

Ua haule ma Honolulu nei ma ka Poalima, Dekemaba 4, he Wati Gula wahine, ke ke kaula iei; mawaena o kahi o ka Ponagarapa a me ka Makeke o Mrs. S.A. Carter (Kipela). Ua paa no i ka inoa a ina o ka mea e loaa ana, e oluolu oia e hoihoi mai ma ke keena o Kaaka, a e loaa no ka uku makana maluna ae. Chas L. Carter

360 3tsd

HOOLAHA PA AUPUNI

E ike auanei na kanaka a pau eia ma ka Pa Aupuni o Makiki nei kekahi mau bipi helehewa. Bipi w. melemele, ulaula, oki ano e ma ka pepeiao akau, hao kuni P.B. uha hope akau. Pipi w melemele ulaula, keokeo loihi ma ke kua, haokuni P.B. uha hope ak. Bipi keiki eleele, elua kiko keokeo ma na uha a i elua aoao akau, aole kuni. Bipi keiki w. melemele ulaula aohe kuni. Bipi keiki w. eleele, eha wawae keokeo, keokeo ka opu, keokeo ka huelo, aohe kuni. O ka mea a mau mea paha nana keia mau bipi, e pono ia lakou e kii koke mai, o hala na la he 12, e kuai kudal@ ak@ no no a@ ke hiki aku i ka la 26 o Dekemaba nei, 1891, Poaono, hora 12 awakea.

D. Kaoao

351-dtf. Luna pa Aupuni

KUAI HOOPAU @@@@

Mai keia manawa aku a hiki i ko Makou @@@@ ana aku iloko o ko makou

HALEKUAI HOU

Ma ke Alanui Papu---(Na Hale Burua)

E hoolilo aku ana Makou i ka Makou waiwai a pau o na ano Lole:

NA LOLE NANI.

NA LOLE @ HUMUIA

@@@@ A ME @@@@@

No na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU. @@-@

Na Paikini Hou

O NA ANO A PAU, E KINIKOHU AI O KE AN AHIAHI, E LOAA NO MA KAHI---

Chas. J. Fishels,

KIHI O ALANUI PAPU A ME HOTELE.

Ko makou halekuai hoopau nui ma o MR. CHAS J. FISHELS la, he mau waiwai hou loa ko makou, i loaa mai nei mai ka hikina mai o na ano like ole he nui wale. Eia ma ko makou halekuai nei na paa lole e linohau ai o na Keonimana a luhiehu o na Le@e, na aulii o na Kamali@-

Na KINAMU Na ALAPIA

Na KALAKOA Malina Na KIHEI Silika

NANAHE o na ano he nui A pela wale aku.

E huea pau ia aku ana keia mau wa wai a pau imua ou, aole hoi o oe wale o na l@@@ kekahi, pau pu aku hoi me na keiki, nau e wae nou iho i na anoai a kou puuwai, eia ka papa lohi o Apua la, ke anapa nei ka wai

liula i Mana.

E hele mai i hookahi, e hele mai po a pau loa, ma ke nui a ka liilii.

Chas. J. Fishels.

350-tfd. Halekua alakai o na kumukuai haahaa loa.

He Kuai Makana ma ka La Kulaia

MA KA@IO

N.S. SACHS---Helu 104, ALANUI PAPU, HONOLUKU

NA WAIA O KELA A ME KEIA ANO NO KA LA KULAIA

Ina e makemake na mea a pau e loaa ona mau paikini hou ma ke kumukuai haahaa o na ano like ole he nui, o kela aulii a me keia aulii.

No ka la Karikimaka a me ka Makahikihou, e kipa ae ma ka Halekuaia Alakai o na kumukua emi loa.

NA WAIWAI HOU @@ NA WAIWAI HOU I LOKO O NA MAHELE LIKE OLE HE NUI O KELA A ME KEIA ANO

NA MEA PAANI A ME NA KII BEPE—E HAAWI WALE IA AKU ANA, E HAAWI WALE IA AKU ANA NO

I ka poe a pau e kuai mai ana ma keia Halekuai i oi aku mamua o ka $230. No kau makemakemake i papale hou @e Karikimaka, e loaa no maaneia, na papa eleele a me na ano a pau. E wae aku i ka iini a loko a loko i na i na hihipe‘a like ole o na ano a pau.

N.S. SACHS:

318—dtf. 104. Alanui Papu, Honolulu.

HOOLAHA HOU

E ALA, E ALA.

B. F. Ehlers & Co--@AINAPA

HELU 99 ALANUI Papu

E NA MAKAMAKA maikai, e naue hou mai e ike ia PAINAPA @ RF. E@iers & Co., oiai, e wehe ana ko makou mau puka i ka po mai keia manawa aku a hiki i ka Ha@@ Nuia. Nolaila, e na@e mai oukou a pau mai ke nui a ka liilii, e ike i na mea hou o kela a me keia ano. Merry Christmas oukou a pau! Eo mua ao ia PAINAPA.

E kipa mai e na makamaka, i hoopau ia ai ko oukou kanalua no ka makou kuai hoo@@ho aku ia oukou. Owau me ka oiaio.

B.F.EHLERS &CO