Ka Leo o ka Lahui, Volume II, Number 356, 30 December 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

He Moolelo Nanea.

NO

De Atanani.

Ke Koa o ka Lio Olohe.

-A-I OLE-

NA KIAIEKOLU O FARANI.

A pehea hoi, wahi a ke Cadinela aole anei oe i makemake e lilo i koa no ko’u mau puali? e ae ana anei oe i kela?

Aole e ke Cadinela; ua lilo mua au malalo o ko ka moi mau kauo ha, a nona wale no au a hiki i ko’u make ana.

A pehea hoi, aole anei o ko’u mau puali no ka moi no ia e paio ana lakou no ka hanohano o ka noho alii a me kona hae, ke kuokoa hoi o ka lahui a me ka aina, a o keka ai kanaka e komo ana iloko o ke kahi puali Farani, e hoomanao ia no ia aia oia e hooko ana no na kauoha a ka moi.

Ae e ka haku Cadinela, aka he kanelua nui loa kou i ka loaa ana ia’u he noho na hoaloha me na koa o kou mau puali, oiai o kou mau koa he poe lakou i enemi loa i ko ka moi mau koa kiai ponoi, a oiai au he koa no ko ka moi puali, aole auanei e nele ko lakou la hana mai ia’u i kekahi mau mea i lilo ai ka hanohano o ka inoa o kou pauali i mea ole.

No keaha hoi? wahi a ke Cadinela.

No ka mea, ke ike a hoomaopopo la au a oiai no’u iho ua ike no hoi au aohe kanaka kaulana, aohe hoi he koa wiwo ole a puni o Farani nei, e hope iho ai au a me ka’u pahikaua.

E ku ana au imua ona no ka make a me ke ola, a e aa ana hoi au iaia ma na ano a pau o ka oihana  koa; alaila e ka haku Cadinela heaha kau pane no keia?

Aole e ka monasiua, wahi a ke Capinela, koe wale iho no ko’u hoonaauao ana aku ia oe me keia mau olelo:

E kiai me ka makaala mau nou i na wa u pau, a ke kaulehia oe iloko o kekahi pono, e hoomanao na Roceliu no auanei e hoopakele ae ia oe mai ia poino.

He mau la wale no i koe a e wehe ia ke kukala kaua o La Rocela, alaila e De Atanani, aole anei oe i makemake e lilo i alakai no kekahi mahele koa o kou mau puali.

E kala mai ia’u e ka haku Cadinela, oiai ua paa mua ka’u hoohiki e hoolohe ana au i ma kauoha a ka moi a hiki i ko’u haule make ana.

A no kela hooili kaua o ke kukala e wehe ia aku ana ma La Rocela, e hiki aku ana o Atanani ilaila, a ina he mea hiki, alaila na’u auanei  e hoohamau aku ka waha o na pukuniahi a ke enemi; ano e ka haku Cadinela ua lohe aku la anei oe i ka’u mau olelo.

Ae e monasiua De Atanani, aka no ke aha oe i hoopaa ole mai ai e lilo i koa a i ole i alakai no kekahi o ko’u mau puali, wahi a ke Cadinela.

Ua hai mua aku nei au ia oe, aole loa au e kipi a e kumakaia ana i ka hanohano o ka puali a’u e noho nei, e ku ana au ma kona aoao a hiki i ko’u aho hope loa, a ina e lokahi ana na lani e like me ka’u mau olelo, alaila, na Atanani auanei, ke koa o ka puali kavalia a kiai o ka puali aahu eleele, e hoohamau aku i la waha o na pukuniahi a ke enemi.

Alaila he puali anei kekahi ou  ma ia , la e hiki ai ia oe ke alakai aku ia lakou imua o ka waha o na pukuniahi a ke enemi, a hoohamau aku i ko lakou kani ana?

Aole e ka haku Cadinela, aka, he ekolu wale iho no o ko’u mau hoaloha, ka poe hoi au e olelo nei, ua hanau ia mai lakou i keia ao. aohe, makuakane a aohe makuahine; a e ko lakou moto haaheo, “Na Kiai Ekolu o Farani.”

Aha, o na kiai ekolu o Farani;  owai keia poe, a mai hea mai lakou?

Aole i pau.

 

NA MOHO AOAO LAHIO LIBERALA.

No na mokupuni o Hawaii a me Maui, ua holo aku ko kakou kanaka i aloha ia, Hon. R.W. Wilikoki a me Hon. Wm. White, a ua lawe aku oia i ka inoa o na moho ana e waiho aku ai i na Apana Koho o keia mau Mokupuni a me Molokai, i hooholo ia e na alakai Lahui, e like me ia i noonoo ia e like me ka lakou i nonoi mai ai. Eia iho ka inoa o na moho:

HAWAII .

Hilo Akau    H. Kauwila Unea.

  “   Waena    Henry West

  “    Hema     Joseph Nawahi.

KUAI HOOPAU

AINA KUAI MA KAMAKELA.

He Umi Aina Pa-hale ma Kamakela.

He 50 Kapuai ka laula ma ke aio, a he 150 kapuai ka averika hohonu.  Ua pili i ka Home o ka Ohana Buckle, a he oluolu ke komo ana aku.  He wahi e puka aku ai ma Alanui Liliha, a me ke Kula Nui  o Sana Lui.

No na ninau hou aku e pili ana no keia mau sina, e u-i aku ia.

 C.J. McCarthy.

388-dtf.                                                                                          35 Alanui Kalapa, Honolulu, H.

 

 

Mai keia manawa aku a hiki i ko Makou hoonee

ana aku iloko o ko makou

HALEKUAI  HOU

Ma ke Alanui Papu, -(NA HALE BURUA.

E hoolilo aku ana Makou i ko Makou waiwai

pau o na ano Lole:

    NA LOLE NANA,

                 NA LOLE I HUMULA,

                                 KAPU A ME PAPALE

                                            PAHU LOLE, a pei@

No na Uku Hooemi Lao Nae.

Egan and Gunn.

ALANUI MOI kokoke i ke ALANUI  PAPU.         tf-d.

 

Na Paikini Hou

                 Na Paikini Hou

O NA ANO A PAU, E KINIKOHU AI O KE ANO AHIAHI, E LOAA NO MA KAHI-

Chas, J. Fishels,

KIHI O ALANUI PAPU A ME HOTELE,

Ko makou halekuai hoopau nui, ma o MR. CHAS. J. FISHELS la, he mau wai wai hou loa ko makou, i loaa mai nei mai ka hikina mai, o na ano like ole he nui wale.  Eia ma ko makou halekuai nei na paa lole e linohau ai o na Keonimana,  a hihiehu o na Lede, na aulil o na Kamalii-

  Na KINAMU                                 Na ALAPIA

          Na KALAKOA Malina                      Na KIHEI Silika

   NANAHE o na ano he nui             A pela wale aku.

E huea pau ia aku ana keia mau waiwai a pau imua ou, aole hoi o oe wale o na

    Lede kekahi, pau pu aku hoi me na keiki, nau e wae nou iho i na anoai

        a kou puuwai, eia ka papa lohi o Apua la, ke anapa nei ka wai

liula i Mana.

  E hele mai i hookahi, e hele mai no a pau loa, mai ke nui a ka liilii.

Chas. J. Fishels.

350-tfd.                                    Halekuai alakai o na kumukuai haahaa loa.

 

He Kuai Makana ma ka La Kulai a

-: MA KAHI O :-

N.S. SACHS – Helu 104, ALANUI PAPU, HONOLUKU:

NA WAIWAI O KEIA A ME KEIA ANO, NO KA LA KULAIA.

Ina e makemake na mea a pau e loaa ona mau paikini hou, ma ke kumukuai haahaa o na ano like ole he nui, o kela aulii a me keia aulii.

Na ka la Karikimake a me ka Makahikihou, e kipa ae ma ka Halekuai Alakai o na kumukuai emi loa.

NA WAIWAI HOU! NA WAIWAI HOU, ILOKO O NA MAHELE

   LIKE OLE HE NUI O KELA A ME KELA ANO

   NA MEA PAANI A ME NA KII BEPE-E HAA

WI WALE IA AKU ANA, E HAAWI WALE IA AKU ANA NO.

I ka poe a pau e kuai mai ana ma keia Halekuai, i oi aku mamua o ka $2.50.

No kau makemakemake i papale hou ke Karikimaka, e loaa no maanoi na papa le milolii o na kamalii ua hele a ku ke ahua no na La Kulaia, o ke keokeo, o ka eleele a me na ano a pau.  E wae aku i ka iini a loko i na hihipo a like ole o na ano a pau.

-: N.S.SACHS:-

318-dtf.                                                                                               104 Alanui Papa, Heaolula.

 

HOOLAHA  HOU

E ALA,  E ALA.

B.F. Ehlers & Co. – PAINAPA

HELU 99 ALANUI PAPU.

E NA MAKAMAKA maikai, e mua hou mai e ike ia PAINAPA (B.F. Ehlers & Co.) oiai, e wehe ana ko makou mau puka i ka no, mai keia manawa aku a hika i ka Hapo Nuia.  No laila, e naue mai oukou a pau mai ke nei a ka liilii, e ike i na  mea hou o kela a me keia ano.  Merry Christmas oukou a pau!  He mua no ia PAINAPA.

   E kipa mai a na makamaka, i hoopaa ia ai ko oukou kaualua no ka makou kuai hoopeho aku ia  oukou.                                                                                                        Owau me ka oiaio,

 

                                                                                                                   B.F. EHLERS & CO.

                                                                                                                              @

                                                                                                                               @