Ka Leo o ka Lahui, Volume II, Number 353, 25 Kekemapa 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

UA LIKE ME KA LIMU HU’AHU’A KAI (HOLOI BEBE)!

 

PELA NA KUMUHANA HOU O KA HUI KALAIAINA,

KE UPI AE ILOKO O KA POHO LIMA.

 

            He mea hiki i na poe ike kalai olelo, kalai manao, ke hoomaopopo iho i ka lawa ole o na puniu poo o ka poe nana i haku i ua kahua kalai aupuni la a ka hui Kalaiaina.

            Ina e hoomaopopo iho, ua kuawili a ano kikol@ i o a ia nei ka hoonoho ana o na pohaku kihi, a e holokee ana imua a ihope ma na mahele kulana manao like; a e kuhuluku ana ka ioio o ka mahakea i uwaa ia me na kipikua kumumu o kahi noonoo palaueka.

            O na poe paulehia o ka ike kalai aina a hoonohonoho kahua kula’i manao, ua hiki loa ke loiloi iho i keia mau kumuhana a ua hui kalaiaina nei, a olelo ae, ua hapauea, a i ole, ua opulepule a hepa maoli na poe nana i haku ia mau kahua hana penei:

            O ka pauku 1 a me 3, he kohu hu’ahu’a kai ke upi ae a uuku loa.

            O ka pauku 2, aia i kuahewa kahi i auwana hele ai.

            O ka aauku 4, ua kii malu ia kekahi hapa mailoko mai o ka aoao Lahui Liberala, o kekahi wahi hakina hoi, he wahi kaulele mai ia no ka la’i.

            O ka pauku 5, 15, 16 a me 17, he kohu laholio ka mimiki, a kohu muhee ka holo imua a hoi ihope.  E olelo ana ka pauku 16 penei:

            E kohoia na luna aupuni e na kanaka.  A e olelo ana no hoi ka pauku 17, e koho ia na luna aupuni haahaa e na kanaka.  Ahu kupanaha i ka lauwili!

            Olelo hoi ka hapa waena o ka pauku 17 penei:

            Na ka aha kuhina e haawi mai i ko lakou mau hookohu.  Aka, aole na ka aha kuhina e haawi mai i na palapala hookohu o na lunamakaainana a me na ‘lii, aka, aia no ia i ka papa koho balota a me na makai nui o na mokupuni.

            O ka pauku 6, no ke kanawai ia o Waawaaikinaaupo, mokuna 6 o ke ahiahi pauku molehulehu 6 o ka wanaao, alaila, lu iho iloko o ka banako Lahui a J. K. Kaulia no ka apana o Puunui.

            O ka pauku 7, he pauku hao wale i ka ukupanee o ka ha’i dala me ke kuleana ole.  Ua komo pu ka pauku 8 iloko o ke eke o ka banako eke kalena a Lobiana Lo.

            O na pauku 9, 10, 11 a me 20, he hiki ke huihui ia i ke kakaiapola no ka lupe hoolele a kamalii puni lealea o uka o Kalihi waena.  A o ka pepeia o ka lupe, oia ka pauku 12, e nu ana i kanawai, e kahea ana e pa mai ka makani nui mai Kahiki o Koloa.

            O ka pauku 12 a me 14, e pili ana i na laikini opiuma a me sifa me ka pakapio.  He hiki anei i na poe naauao ke olelo he kahua ia o ke kalaiaina?

            No ka hooikaika paha o kekahi komite i lilo na laikini pili waiwai i kana hunona @ake, oia ka mea i awiwi loa ia ai e lawe a kukulu mai i pohaku kahua kalaiaina no ka lahui!  Aaole i nalo.

            O ka pauku 18, ua hookomo ia iloko o ke koloka hookamani.  E nana oukou a ike eia no ua poe hookamani nei nana i haku iho la ua pauku 18 nei, ke kau nei maluna o aa kaamahu o Dilinahama ma.  Pua ka uwahi, nome ka huila, kikii pau ae la ua poe komite nei me na papale Denemaka, Dau na siga, hilinai ka eha i Manu’a, lilo i ka holo a ke kaa ahi, auhea ka malama ia o ke kapu o ke Sabati.

            E nana i na poe hana lima ma na uwapo, ke ku mai na mokuahi i ka la Sabati, e hana ana lakou me ka ikaika e like no me ko na la noa e ae.  Mahea ke kapu ihi o ke Sabati?

            O ka pauku 19, e pili ana i ka olelo hoohiki a na moho holo balota alii a lunamakaainana.

            He pauku kohu ole ia i kahua no ka aoao kalaiaina, he mea ia i kaohoa mai na pauku hana kahua kalai olelo pili hooko hana.  O keia mau mea a pau, he mau hoike no ka hemahema o na poe e olelo nei o lakou wale no ke alakai o ka lahui, aohe he poe e ae mawaho aku.

            He nui loa na mea hauhili a makou e nema aku ai i koe e pili ana i ua mau kumuhana poolua nei a ka hui Kalaiaina, a e kamailio hou aku ana no makou no ia mau mea ma keia mua aku.

 

NUHOU KULOKO.

 

            Ke poloai ia aku nei ka mea e loaa ana kuu leta mai ka’u kane mai, Mr. Keaweamahi mai Iapana mai, e oluolu oia e hoihoi mai ia’u, ae loaa no ka hoomaikai a ka wahine noho luuluu i noho hookaawale ia e na ulia o ke ao nei.  Ua haule keia leta i ke ahiahi nei mawaena o ka Hale Leta a me ka Halekuai o Sachs.

MRS. KEAWEAMAHI.

 

            He hookuku kinipopo ke malama ia ana, mwaeha o na koa kumau a me ka puali makai.

            He po lealea ka ponei no ko Halalii poe, aka o Hawaii no ka oi, hiu no a wela, lawe no a lilo.

            Ua pakolu ke eo a ka Hawaii ma ka hookuku ikaika hukihuki kaula ma ka hale hooikaika kino.

            He 31 minute wale no, kikii ana ka pi i ke one o Luhi, o na keiki o ka poepoe hikina, i ka Hawaii Imiloa.

            He 31 minute wale no, ki-kiiana kapi i ke one o Luhi, o na keiki o ka poepoe Hikina, i ka Hawaii Imiloa.

            I keia kakahiaka e halulu mai ai ka mahimahi o na Kona, ka Malulani; mai kona mau awa mai o Hawaii a me Maui.

            Aloha Karikimaka oukou, e ka poe iloko o ka aina a ka ehaeha i noho ai, ka hopena eehia hoi o ka Po o na i’o, a me na iwi o na iwi.

            Ua lohe mai makou, o na hui @ koe e hukihuki ana, oia no ka hui o Jack ma kekahi aoao, a o ka hui o Parson ma kekahi aoao.

            He apana aina aupuni ka i kuai ia ma Kaluapalena, Kalihi, ma ka la inehinei.  O keia iho la no ka wa o ka hauna i waiwai ai.

            Ma ka hora 12 o ka ponei, ua malama ia he mau pule Meka, ma ka luakini Katolika Roma, a me ka luakini Bihopa, no ka hoomanao ana i ka Haku Iesu.

 

HALAWAI MAU

—A KA—

HUI KALAIAINA HAWAII LIBERALA.

            E malama mau ana ka Hui Aoao Lahui Hawaii Liberala ma ka Halepaikau Kahiko, ma ke ahiahi, Poaha, hora @ pm, i na pule a pau, ma luna ae o kahi o Burua ma, alanui Moiwahine.  Ma ke Kauoha a ka Hui.

JNO. K. PRENDERGAST, Kakauolelo.            

Honolulu, Dec. 15, ‘90

345-dtf

 

HOOLAHA PA AUPUNI.

            E ike auanei na kanaka a pau, eia ma ka Pa Aupuni o Makiki nei kekahi mau bipi helehewa.  Bipi w. melemele ulaula, oki ano e ma ka pepeiao akau, hao kuni P B, uha hope akau.  Pipi w melemele ulaula, keokeo loihi ma ke kua, haokuni P B uha hope ak.  Bipi keiki eleele, elua kiko keokeo ma na uha a ielua aoao akau, aole kuni.  Bipi keiki w. melemele ulaula, aohe kuni.  Bipi keiki w. eleele, eha wawae keokeo, keokeo ka opu, keokeo ka huelo, aohe kuni.  Bipi keiki k. ulaula aohe kuni.  O ka mea a mau mea paha nana keia mau bipi, e pono ia lakou e kii koke mai, o hala na la he 12, e kuai kudala aku no au ke hiki aku i ka la 26 o Dekemaba nei, 1891; Poaono, hora 12 awakea.

D KAOAO.

Luna pa Aupuni.

351—dtf.

 

A. HERING.              M. PAULY

Ka Hale Hana Novelty.

            E lawe no laua a e hana i na ano hana kalai a hana hoonihoniho ma ka laau a ma ka niho palaoa paha; hoohinuhinu a anaanai ana a mania na pupu a me kukui, a me na pena hoonani o na kaupoku o na rumi; hooponopono hou, hoomaemae ana o na pila, na pu, na mea kaupaona, na mea mama oia ano.

NA HANA MEA UWILA, NA HANA MEKINI, A ME HANA LAKA.

            E hana ia no na kuui, na ana kii, a pela aku, e like me ke kauoha.

            E hele mai io maua.

132 Alanui Papu, Honolulu

335—tf—d.

 

Aila Kuai.

E LOAA NO MA KAHI O J. F. COLBURN.

(KEONI KOLOBANA.)

Ma ke Kihi o na Alanui Nuuanu me Moi.

            E loaa no no ke kumukuai haahaa loa o $2.50 o ka pahu.  Hele mai hookahi, hele mai elua, hele mai no a pau.

            Ko oukou hoaloha,

J.F. COLBURN.

Honolulu, Iulai 8, 1891.

232 dtl

 

O kahi Emi Loa

—A ME—

Kahi Kupono loa

E PA’I AI OE I KOU KII,

AIA NO IA MA KE KEENA PA’I KII ALOHA!

Alanui Nuuanu, ma kekahi aoao mai o Ema Hale.

            E pa’i ia ana na Kii o na ano a pau e laa hoi na kii puulu o ka ohaua, na keiki, na bebe, na hale noho, na papa-aina luau, a me na kino make.

 

            Na Kii hoonuiia a hoemi ia mai paha mai na Kii @ ae!

 

            No laila, mai poina i ke pa’i ana i ko oukou mau K@ ma ke KEENA PA’I KII ALOHA, e loaa ana ia oukou na Kii maikai loa me ke emi loa ma Hawaii nei.

THEO P. SEVERIN—Kapolena.

 

KEENA PA’I KII ALOHA, ma alanui Nuuanu me Beritania ma o mai o Ema Hale.

@24—3md.

 

KUAI HOOPAU NUI

 

Mai keia manawa aku a hiki i ko Makou hoonee

ana aku iloko o ko makou

HALEKUAI HOU

 

Ma ke Alanui Papu,—(NA HALE BURUA.

E hoolilo aku ana Makou i ko Makou waiwai a pau o na ano Lole:

 

NA LOLE NANI,

NA LOLE I HUMUIA,

KAPU A ME PAPALE

PAHU LOLE, a pela aku

 

No na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU.

tf—d.

 

Na Paikini Hou

Na Paikini Hou

 

O NA ANO A PAU, E KINIKOHU AI O KE ANO AHIAHI, E LOAA NO MA KAHI—

Chas. J. Fishels,

KIHI O ALANUI PAPU A ME HOTELE,

            Ko makou halekuai hoopau nui, ma o MR. CHAS. J. FISHELS la, he mau waiwai hou loa ko makou, i loaa mai nei mai ka hikina mai, o na ano like ole he nui wale.  Eia ma ko makou halekuai nei na paa lole e linohau ai o na Keonimana, a luhiehu o na Lede, na aulii o na Kamalii—

 

Na KINAMU

Na KALAKOA Malina

NANAHE o na ano he nui

Na ALAPIA

Na KIHEI Silika

A pela wale aku.

 

E huea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nau e wae nou iho i na anoai a kou puuwai, eia ka papa lohi o Apua la, ke anapa nei ka wai liula i Mana.

 

E hele mai i hookahi, e hele mai no a pau loa, mai ke nui a ka liilii.

 

Chas. J. Fishels.

Halekuai alakai o na kumukuai haahaa loa.

350—tfd.

 

He Kuai Makana ma ka La Kulaia

—: MA KAHI O :—

N. S. SACHS—Helu 104, ALANUI PAPU, HONOLUKU:

NA WAIWAI O KELA A ME KEIA ANO, NO KA LA KULAIA.

            Ina e makemake na mea a pau e loaa ona mau paikini hou, ma ke kumukuai haahaa o na ano like ole he nui, o kela aulii a me keia aulii.

            No ka la Karikimaka a me ka Makahikihou, e kipa ae ma ka Halekuai Alakai o na kumukuai emi loa.

 

NA WAIWAI HOU! NA WAIWAI HOU, ILOKO O NA MAHELE

LIKE OLE HE NUI O KELA A ME KEIA ANO

NA MEA PAANI A ME NA KII BEPE—E HAAWI WALE IA AKU ANA,

E HAAWI WALE IA AKU ANA NO.

 

            I ka poe a pau e kuai mai ana ma keia Halekuai, i oi aku mamua o ka $2.50.  No kau makemakemake i papale hou ke Karikimaka, e loaa no maanei, aa papale milolii o na kamalii ua hele a ku ke ahua no na La Kulala, o ke keokeo, o ka eleele a me na ano a pau.  E wae aku i ka iini a loko i na hihipe’a like ole o na ano a pau.

 

N. S. SACHS

318—dtf.

104, Alanui Papu, Honolulu

 

HOOLAHA HOU

E ALA,                       E ALA.

B. F. Ehlers & Co—PAINAPA

HELU 99 Alanui Papu.

            E na makamaka maikai, e naue hou mai e ike ia PAINAPA, B. F. Ehlers & Co., olai, e wehe ana ko makou mau puka i ka po, mai keia manawa aku a hiki i ka Hape Nuia.  Nolaila, e naue mai oukou a pau mai ke nui a ka lii, e ike i ua mea hou o kela a me keia ano.  Merry Christmas oukou a pau!  Eo mua no ia PAINAPA.

            E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.

Owau me ka oiaio.

B. F. EHLERS & CO