Ka Leo o ka Lahui, Volume II, Number 350, 22 Kekemapa 1891 — Page 3
| This text was transcribed by: | Hartwig Hermann |
| This work is dedicated to: | to my ohana |
KA LEO O KA LAHUI.
"E Mau ke Ea o ka Aina i ka Pono."
MAKIA PAA IA KE ALOHA.
---
Mr. Lunahooponopono;
Aloha oe:
"Ia oe e ka LEO e alohi nei
Ma na aekai o Hawaii
E hai ae oe i kou nani
I ka malamalama olinolino."
I na makaainana aloha o'u na Wai-eha, e noho ana mai Kaholuaa Kapahee; mai ka leo o ka manu a ka iliili nehe o Makawela, mai ka wai hu'ihu'i o Eleile a ke Pani-wai o Iao;
Aloha nui oukou a pau loa;
E haliu oluolu mai oukou e nana i ko oukou moto no ka la koho e hiki mai ana, oia hoi, "Makia Paa ia ke Aloha." He makana na'u ke aloha, no ka aina hanau, ka lahui a me ka Moi. He wai auau hoi ia'u na olelo hoino a pau a na enemi holehole iwi, e hele pulama mai nei; ua ike no au, aia no he manawa e hiki mai ana, e kau ia ai na enemi iluna o ka amana li-kanaka, e like me Hamana ka Agaga o ke au kahiko i hala aku.
E hoomanao ae e na hoa i keia mau hoike oiaio e waiho ae nei imua o na maka o kakou. Ma na Kau a'u i komo ai i ka Ahaolelo, penei no ia:
1. Kau Ahaolelo o 1876; he noi no ka Apana o Wailuku, i uwapo; oia hoi, i alahaka no Waihee, Maui ua hooko ia a hikeia wa.
2. Kau Ahaolelo o 1878; he kanawai e wehe ana i ke awa o Kahului, i awa komo no na moku o na aina e mai. Hamama ka ipukai; halii ka moena; hoonoho na hale, oni ke kula e Kamaomao, anapa i ka la, oili mai na olohe, pii mai moni no kakou; holoke na kaahi, kupaila na papa hale piha olioli na paahana, a n@u ia e ke kai holuholu o Kahului, e pane ai me ka leo nahenahe i na hana a kela kino iwi ola.
Aole i pau.
---
NUHOU KULOKO.
---
No ka ua o ka Poaono nei, nolaila, aole i paani na hui kinipopo.
Ma ke kakahiaka o neinei, i hoomaka ai ka Aha Banaco e noho e hoolohe ina hihia.
Ma ka la oehin@nei, i kuai kudala ae ai o J. F. Mokana i kekahi mau apana aina ma Waialua.
Malamalama Hilo ike ahi a ka wahine o ka lua, pela na lohe hope i hiki ma io makou nei.
Nui ka uwauwa o ka hale hooikaikakino i ka po nei nui no hoi ka ikaika o ka poe hukihuki kaula.
Ma ka la pule nei, i ku mai ai he eha mau moku me ka piha lanahu no keia awa. Pau ka pilikia lanahu.
Ua manao ia e haawi ana ka Bana Hawaii he puhi ohe, ma ka Hotele i ke ahiahi o ka la Kanikimaka.
O ke kulana o kauka Woods, o ka moku kaua Kaletona, i keia inanawa, kepii ae la kona oluolu, pela ka hoike a kona kauka.
Ua lohe ia mai, ua lawe ae kekahi Iapana i kona ola me kona lima ponoi ma Hilo. Aole e maopopo ke kumu o kona hana ana pela.
Aole e malama ia ana, ka hukihuki kaula ma keia po, no ka mea, e hoio ana ka Penesecola make kekahi huakai hoomaamaa kikipu no kekahi mau la.
Ma ka hoike a Kapena Wai o ka mokuahi Iwalani, ua hai ae oia, ma ka po o ka Poalima i hala oia kekahi ona po ikaika loa o ka ino, ma ke kowa o Hawaii. He mea ole wale no nae ia i ka ihu kiani o ka Iwalani, oiai, ua holo ia mai eia he eono hora mai Honokaa mai a hiki i Lahaina. Nui ka ka holo o o keia wahi moku.
---
HALAWAI MAU
--- A KA --
UI KALAIANA HAWAII LIBERALA.
E malama mau ana ka Hui Aoao Lahui Hawaii Liberala ma ka Halepaikau Kahiko, ma ke ahiahi Poaha, hora 7 pm, i na pule a pau, ma luna ae o kahi o Burua ma, alanui Moiwahine. Ma ke Kauoha a ka Hui. Jno, K. Prendergast .
Kakauolelo.
Honolulu, Dec. 15, '91. 345-dtf.
---
HOOLAHA PA AUPUNI.
E ike auanei na kanaka apau eia ma ka Pa Aupuni o Makiki nei kekahi mau Lio hele hewae Lio K. ulaula. 1 Wawae keokeo hope akau, 1 wawae keokeo mua hema, keokeo lokihi ma ka lae, kikokiko keokeo maluna o ke kua ahiki i ka huelo, hao kuni C ano hapala; Lio w eleele 3 wawae keokeo, 2 wawae haa i kapuai hao, puu maluna o ke kua, kiko keokeo ma ka lae, hao kuni ano e, hope hema, poahiahi ka hao kuni maluna o keia kuni; lio k eleele kiko keokeo ma ka lae, hao kuni ano e hope hema, hao kuni hou h hope akau, makapaa ka maka hema; lio kane ulaula lokia, 2 wawae keokeo hope, paa na wawae i kapuai hao, keokeo lokihi ma ka lae, hao kuni B hope akau. O ka mea a mau mea nona keia mau lio, e pono e kii koke mai o hala na la he 14, e kuai kudala aku no au ke hiki aku i ka la 2 o Ianuari, 1891, Poaono, hora 12 awakea.
D. KAOAO.
350-dtt. Luna Pa Aupuni.
---
HOOLAHA PA AUPUNI.
E ike auanei na kana a pau, eia ma ka Pa Aupuni o Makiki nei kekahi mau lio hele hewa. Lio w hulupala ulaula, keokeo loihi ma ka lae, hae kuni ano e aoao akau o ka a-i. Lio k ulaula, 4 wawae keokeo ehaia ka wawae hema mua, aole ike ia o ke kuni. Lio k ahinahina keokeo, aole ike ia o ke kuni, he kuni paha ma ka uha hope akau. O ka mea a mau mea nona keia poe lio, e pono e kii koke mai, o hala na la he 12, e kuai kudala aku no au ke hiki aku i ka la 16 (?) o Dec. 1891, Poaono, hora 12 awakea.
D. KAOAO.
350 dtt. Luna Pa Aupuni.
---
HOOLAHA PA AUPUNI.
Ke hooiaha ia aku nei ma ke akea, e kuai ia aku ana ma ke kudala akea ana kekahi lio kane ke hiki aku i ka la 19 o Decemaba 1891 ma ka hora 12 o ke awakea ma ka Pa Aupuni ma Makiki, 1 lio kane ulaula, he kiko keokeo ma kona lae, a pela ma ke kua, he omaomao kona onohi maka, ekolu uha keokeo, hoailona kuni "O" ma ka uha hope akau. O ka mea a mau mea paha nona keia lio, e kii koke mai iloko o na la he 12, mai keia la aku me ka uku pu mai i na lilo a pau, a i ole pela, alaila, e hooko ana au e like me ia i hoolaha ia.
David Kaoao,
Luna Pa Aupuni.
Dec. 8, 1891. 344 tf.
---
OLELO HOOLAHA.
E ike ananei na kanaka a pau, @ia mo ka Pa Aupuni o Makiki, kekahi mau lia hele hewa; lio k eleele, keokeo lokihi ma ka lae, kikokiko keokeo ma ke kua aole akaaka ka hao kuni, lio k ulaula 4 wawae eleele paa na wawae i kapuai kiko keokeo ma ka lae hao kuni ano e hope hema, lio k ulaula @ wawae eleele 1 wawae keokeo mua akau, paa na wawae i kapuai, kiko keokeo ma ka lae a me ke kua, lio w keokeo 2 wawae mua paa i kapuaihao hao kuni @ akau o ka ai, hao kuni ano e hope akau, lio w ulaula keokeo lokihi ma ka lae 2 wawae keokeo hope, hao kuni ano e akau o ka ai eha ia ke kua. O ka mea a moa mea nona keia mau lio, e pono e kii koke mai o hala na la he 14, e kuai kukala aku no au ke hiki aku i ka la 26 o Dec. 1891,
David Kaoao,
Luna Pa Aupuni.
Dec. 11, 1891. 344 3td.
---
HOOLAHA AKEA.
Ke kauoha ia aku nei ka poe a pau i aie i ka mea nona ka inoa malalo iho nei e hookaa koke mai i na la he 30 mai keia la aku, a ma aole, alaila, e kuai kudala ia aku ana na lio o ka poe i aie ia'u i ka la 15 o Ianuari, 1892. E hoolohe i keia. Mrs Kainana Puahi .
Dec. 10, 1891. 343-3tsd.
---
HOOLAHA KUAI AINA.
Mamuli o ke kauoha a Hoa, ke ho ike ia aku nei ka lohe i na mea e pau, ua makemake maua e kuai aku i kona kuleana aina a pau loa iloko o kela apana aina e waiho la ma Haiku, Hamakualoa, Maui, nona ka Palapala Sila Nui Helu 183, no W. P. Alekanekero i lilo mai i ke kahi poe hui. E loaa no na kuka ana no ke kumukuai ma maua ma Honolulu.
Nawahhi & Huntsman.
323-d1m. Na Loio no Hoa
---
A. HERING. M. PAULY
Ka Hale Hana Novelty.
E lawe no laua a e hana i na ano hana kalai a hana hoonihoniho ma ka laau a ma ka niho palaoa paha; hoohinuhinu a anaanai ana a mania na pupu a me kukui, a me na pena hoonani o na kaupoku o na rumi; hooponopono hou, hoomaemae ana o na pila, na pu, na mea kaupaona a mea mama oia ano.
NA HANA MEA UWILA, NA HANA MEKINI, A ME HANA LAKA.
E hana ia no na kuui, na ana kii, a pela aku, e like me ke kauoha.
E hele mai io maua.
132 Alanui Papu, Honolulu 335-tf-d.
---
Aila Kuai.
---
E LOAA NO MA KAHI O
J. F. COLBURN.
(KEONI, KOLOBANA.)
Ma ke Kihi a na Alanui Nuuanu me Moi.
---
E loaa no no ke kumukuai haahaa loa o $2.50 o ka pahu. Hele mai hookahi, hele mai elua, hele mai no a pau.
Ko oukou hoaloha.
J. F. COLBURN
Honolulu, Iulai 8, 1891. 232 dtf
---
O kahi Emi Loa
- A ME –
Kahi Kupono loa
E PA’I AI OE I KOU
KII,
AIA NO IA MA KE
KEENA PA’I KII ALOHA!
(Alanui Nuuanu, ma kekahi aoao mai o Ema Hale).
---
E pa’i ia ana na Kii o na ano a pau
e laa hoi na kii puulu o ka oha-
na, na keiki, na bebe, na
hale noho, na papa-ai-
na luau, a me na
kino make.
---
Na Kii hoonuiia a hoemi ia mai paha mai na Kii e ae!
---
Nolaila, mai poina i ke pa’i ana i ko oukou mau Kii ma ke KEENA PA’I KII ALOHA, e loaa ana ia oukou na Kii maikai loa me ke emi loa ma Hawaii nei.
THEO. P. SEVERIN: ---- Kapolena.
Keena Pa’i Kii Aloha , ma alanui
Nuuanu me Beritania, ma o mai o
Ema Hale. 324-3md.
---
KUAI HOOPAU NUI.
---
Mai keia manawa aku a hiki i ko Makou hoonee ana aku iloko o ko makou
HALEKUAI HOU
Ma ke Alanui Papu, -(NA HALE BURUA.
E hoolilo aku ana Makou i ko Makou waiwai a pau o na ano Lole:
NA LOLE NANI,
NA LOLE I HUMUIA,
KAPU A ME PAPALE
PAHU LOLE, a @ @
No na Uku Hooemi Loa Nae.
Egan & Gunn.
ALANUI MOI kokoke i ke ALANUI PAPU. tf-d.
---
Na Paikini Hou
Na Paikini Hou
O NA ANO A PAU, E KINIKOHU AI O KE ANO AHIAHI, E LOAA NO MA KAHI --
Chas. J. Fishels,
KIHI O ALANUI PAPU A ME HOTELE,
Ko makou halekuai hoopau nui, ma o MR CHAS. J. FISHELS la, he mau wai wai hou loa ko makou, i loaa mai nei mai ka hikina mai, o na ano like ole he nui wale. Eia ma ko makou halekuai nei na paa lole e linohau ai o na Keonimana, a luhiehu o na Lede, na aulii o na Kamalii---
Na KINAMU Na ALAPIA
Na KALAKOA Malina Na KIHEI Silika
NANAHE o na ano he nui. A pela wale aku.
E huea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nau e wae nou iho i na anoai a kou puuwai, eia ka papa lohi o Apua la, ke anapa nei ka wai liula i Mana.
E hele mai i hookahi, e hele mai no a pau loa, mai ke nui a ka liilii.
Chas. J. Fishels.
356-tfd. Halekuai alakai o na kumukuai haahaa loa.
---
He Kuai Makana ma ka La Kulaia
-: MA KAHI O :-
N. S. SACHS - Helu 104, ALANUI PAPU, HONOLULU:
NA WAIWAI O KELA A ME KEIA ANO NO KA LA KULAIA.
Ina makemake na mea a pau e loaa ona mau paikini hou, ma ke kumukuai haahaa o na ano like ole he nui, o kela aulii a me keia aulii.
No ka la Karikimaka a me ka Makahikihou, e kipa ae ma ka Halekuai Alakai o na kumukuai emi loa.
NA WAIWAI HOU! NA WAIWAI HOU, ILOKO O NA MAHELE
LIKE OLE HE NUI O KELA A ME KEIA ANO
NA MEA PAANI A ME NA KII BEPE - E HAAWI
WALE IA AKU ANA, E HAAWI WALE IA AKU ANA NO.
I ka poe a pau e kuai mai ana ma keia Halekuai i oi aku mamua o ka $2.50. No kau makemakemake i papale hou ke Karikimaka, e loaa no maanei, na papa le milolii o na kamalii na hele a kuke ahua no na La Kulaia, o ke keokeo, o ka eleele a me na ano a pau. E wae aku i ka iini a loko i na hihi@a like ole o na ano a pau.
---: N. S. SACHS :---
318-dtf. 104, Alanui Papu, Honolulu.
---
HOOLAHA HOU
---
E ALA, E ALA.
B. F. Ehlers & Co-PAINAPA
---
Helu 99 Alanui Papu
E NA MAKAMAKA maikai, e naue hou mai e ike ia PAINAPA (B. F. Ehlers & Co.,) oiai, e wehe ana ko makou mau @ka i ka po, mai keia manawa aku a hiki i ka Hape Nuia. Nolaila, e maue mai oukou a pau mai ke nui a ka liilii, e ike @ na mea hou o kela a me keia ano. Merry Christmas oukou a pau! Eo mea no ia PAINAPA.
E kipa mai e na makamaka, i hoopaa ia ai ko oukou kanal@ no ka makou kuai hoopoho aku ia oukou. Owau me ka oiaio.
tf. B. F. EHLERS & CO.