Ka Leo o ka Lahui, Volume II, Number 346, 16 Kekemapa 1891 — Page 2
| This text was transcribed by: | Dana Wong |
| This work is dedicated to: | My daughter, Daelia Julenne Darnell Kehaulani Wong |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA.
---
I keia la i hookohu ia aku ai o DOROTHEA LAMB, i Notari no ka lehulehu no ka apana Hookolokolo Ekahi o ke Aupuni.
C. N. SPENCER
Kuhina Kalaiaina.
Keena Kalaiaina, Dec 3, '91. 338-3td.
---
KUAI O KA HOOLIMALIMA O KA LOKO O OPU. MA PAWAA. OAHU.
Ma ka Poakolu, Dek, 16, 1891, ma ka hora 12 awakea, ma ke ala komo aku ma @aina o Aliiolani Hale e kuai ia aku ia @uma ke kudala, ke hoolimalima o ka @loko @aupuni o Opu ma Pawaa, Oahu. Ka ma @hawa ke @16 ma@akiki, @ke @kumukuikohe mua @he $50 uku makahiki mamua.
C. N. SPENCER
Kuhina Kalaiaina
Keena Kalaiaina Nov. 11, '91. 324 3t sd
---
KUAI O ELUA APANA AINA AUPUNI MAKAAUWA ELOA. PALOLO, OAHU.
Ma ka Poakolu Dek. 19, 1891. ma ka hora 12 awakea, ma ke alo o Aliiolani Hale, e kuai ia aku ai ma ke kudala elua apana aina aupuni ma Kaauwaeloa Palolo Oahu, oia hoi@: Apana 1. Nona ka @ili he 18 eka a oi a emi mai paha, kumuku ai koho mua he $500. Apana 2. Nona ka ili aina he 18 eka a oi a emi mai paha, @kumukuai koho mua $500.
C. N. SPENCER
Kuhina Kalaiaina
Keena Kalaiaina. Nov. 13. '91. 324 3t sd
---
NA APANA AINA HOME LIILII MA PUNA HAWAII.
Ke hoolaha ia aku nei ma keia:
1. Aia he 20 mau apana ma Nauawak@e, Puna, Hawaii, e loaa no he mau apana kupono no ka noho ana kuonoono, mai keia mau apana aina home liilii mai.
2. E ike ia no ke kii o keia mau apana aina, maloko o ke keena Aina o ke aupuni, ma Honolulu a i ole ma ke keena o J. E. Elderts ma Kapoho, Puna, Hawaii.
3. Na J. E. Elderts, e kuhikuhi mai i na apana i ka mea e makemake ana e ike i ua mau apana la, a no ia hana ana e loaa iaia ka uku o $1.00 mai ka mea noi aku.
4. O ka poe makemake i mau apana aina, e nonoi mai no, ma ke kakau ana mai i ke Kuhina Kalaiaina, maluna o ka pepa i pa'i hakahaka ia, a loa no ke kope oia mau palapala me ka uku ole mai a J. E. Elderts.
5. Aole e noonoo ia ke noi a kekahi mea he aina ponoi kona.
6. O kela a me keia mea nonoi o loaa iaia na makahiki oo ma @ke kanawai.
7. E ae ia no ka mea nonoi i umi makahiki e uku ai noka aina ma ia manawa, e hookuu ia no ka aina mai na auhau @aupuni a pau.
8. I loko o hookahi makahiki, ke kauoha ia nei oe e kukulu i hale nou maluna o ka apana aina i lilo ia oe, a e hoomau aku oe i ka noho ana no ke koena o na makahiki he umi.
9. Iloko o ekolu makahiki, ke kauoha ia aku nei oe e hoopuni i ua aina la me kekahi pa kupono a paa hoi.
10. He mea pono ia oe e hookaa mua mai i kela a me keia hapa makahiki, i ka uku panee maluna o ke kumukuai o ka aina ma ka 5 pakeneka o ke dala i ka makahiki hookahi; ua hiki no hoi ia oe ke hookaa i ke kumukuai holookoa, a o ka hapa paha, ma kela a me keia wa, he mea ia e emi mai ai ka uku panee.
11. O ka aelike mua ana, aole hiki ke hoolilo ia aku, a aole no hoi e hiki ke hoolilo ia aku ka aina, a hiki i ka hooko piha ia ana o na kumu aelike.
12. Ke haule hope ka hooko ia ia ana o kekahi o kela mau kumu i hoike ia ae la, he mea ia e loaa ole ai ka aina.
C.N. SPENCER
Kuhina Kalaiaina.
Keena Kalaiaina. Nov. 6, 1891. 318-4t.
---
NA AINA HOME MA HILO, HAWAII
Ma keia ke hoolaha ia aku nei-
1. Ua hookaawaleia he Umi (10) Pahale, ma Kaieie, Hilo, Hawaii no ka hoo lilo ana @aku i ka poe e makemake ana e loaa ia lakou na aina home i wahi e neho ai.
2. Ua hiki no ke ike ia na kii o keia mau apana aina ma ke Keena Aina. Keena Kalaiaina, Honolulu, a i ole ma ke Keena o Mr. A. B. Loebensteni ma Hilo, Hawaii.
3. Na Mr. A. B. Loebenstein no e kuo hikuhi aku i na apana aina i kela a me keia mea e makemake ana e ike, a no ia hana ua kuleana oia e ukuia $1. mai ka mea e nonoi ana.
4. Na kanaka a pau e makemake ana i na apana aina, e ui mai no lakou ma ke kakau i ke Kuhina Kalaiaina ma kekahi palapala pa'ihakahaka, a oia mau pa'ihakahaka e loaa wale mai no mai a A. B. Loebenstein.
5. Aole kekahi nonoi mai kekahi mea e noonoo ia mai ka poe e noho ona aina nei.
6. O ka poe piha o na makahiki wal@no ke nonoi mai.
7. E haawi ia no iloko o umi makahiki e uku @pa ai ka aina, a iloko oia mana wa ua kuu ia mai na auhau.
8. E kukulu hoi oia i hale noho maluna o ka aina nona iloko o hookahi ma kahiki a e hoomaka hoi e noho maloko o ia hale, a e hoomau aku no ke koena o ka manawa o umi makahiki.
9. E hoopuni hoi oia i ka aina, iloko o ekolu makahiki, me kekahi pa kupono.
10. E uku hoi oia ma ka hapaha ma kahiki mamua i ka uku panee maluna o ke koena i uku ole ia o ke kumukuai, ma ka pa 5 keneta pa haneri. Ua hiki no i ka mea kuai ke hookaa pau a i ke kahi mahele paha o ka uku kumukuai i kela a me keia manawa, a i ka mea no hoi e oki ai o ka uku panee.
11. Aole e hiki ke hoolilo hou ia aku ka aelike mua , a aole no hoi ka aiua e hiki ke kuai ia a pau mua na olelo aelike i ka hooko ia.
12. O ka kaule ana o ka hookoia o na kumu i aelike ia, he mea no ia e hoolilo wale ia ai o ka aina.
C. N. SPENCER
Kuhina Kalaiaina.
Keena, Kalaiaina, Dek. 3, 1891. 4ts-d.
---
I keia la i hookohu ia aku ai o CARMEN E. VIDA, i Notari no ka lehulehu no ka apana Hookolokolo Ekahi o ke Aupuni.
C. N. SPENCER
Kuhina Kalaiaina.
Keena Kalaiaina, Dec. 3, '91. 338-3td
---
KUAI O KA AINA AUPUNI ILOKO O ALAAKUA, KAUPO MAUI.
Ma ka Poakolu Ianuari 6, 1892 ma ka hora 12 o ke awakea, ma ke alo iho o ke komo ana aku o Aliiolani Hale e kuai ia aku ana ma ke kuai kudala akea ana, kekahi apana aia aupuni iloko o Alaakua. Kaupo Maui, o ka nui o kona ili he 23 1/2 eka a oi a emi mai paha. Kumu koho mua. $2 o ka eka.
C. N. SPENCER
Kuhina Kalaiaina.
Keena Kalaiaina, Dec. 8, 1891. 343-3tsd.
---
I keia la, ua hookohu ia aku o o WM. F. POGUE, i Lunahoomalu no ka Papa Alanui o ka Apana Hookolokolo o Makawao, Maui. A o kona home o C. H. Dickey, ua haalele mai oia i kona noho hoa ana no ua papa ala; a eia iho na hoa o ua papa ala.
Wm. F. Pogue, - Lunahoomalu.
L. A. Andrews,
R. Von Tempsky.
C. N. SPENCER
Kuhina Kalaiaina.
Keena Kalaiaina, Dec. 8. 1891. 343-3tsd.
---
Ua hookahuia o E. P. Nohemia, Esq. i keia la i Luna Ka Aupuni no ka Pa Aupuni holoholona helehewa ma Kaupo. Hana, Mokupuni o Mauai, ma kahi o Thos. Mills, i haalele mai.
C. N. SPENCER
Kuhina Kalaiaina.
Keena Kalaiana, Dec. 14, '91. 344 4tsd.
---
KUAI AINA AUPUNI MA KE KIHI KOMOHANA O ALANUI BIKE KE A ME KALEPA, HONOLULU, OAHU.
Ma ka Poalua, Ianuari 12, 1892, ma ka hora 12 awakea ma ke alokomo ma ke alo o Aliiolani, e kuai kudala ia a@ ma ke akea kekahi apana aina aupuni ma ke kihi komohana o Alanui Kalepa a me Rikeke e pili pu ana me ka waiwai o A. D. Bolster, ma Honolulu, Oahu, a nona ka ili aina he 1142 kapuai huina oi iki aku a emi mai paha.
Kumukuai koho mua $250.
C. N. SPENCER
Kuhina Kalaiaina
Keena Kalaiaina, Dec. 14 '91. 344-d3t
---
KA LEO O KA LAHUI.
---
JNO. E. BUSH.
Lunahoonono@@@@ a me Puuku.
---
POAKOLU, DEKEMABA 16, 1891.
---
KA ELELE ME KA HOOMAEMAE.
Eia keia nupepa ma kona mau kolamu haole, ke poloai aku nei i ka aoao Hoomaemae, e hui me ka hui Mekanika a me ka hui Kalaiai na no ke kue ana i ka Aoao Lahui Hawaii Liberala. O keia nupepa Elele, e like me ka makou i hoike aku ai mamua aku nei, aia ma ka lima o ka poe haole nana ka Aoao Lahui i kolohe. Na Iakou keia nupepa, a ua lakou e alakai pouli nei ko kakou makamaka J.A. Kahoonei, i hiki ai ke koho hou ia ra Komite Wae Moho. Eia ka poe e makemake nei e koho hou ia. o Messrs Wilimana, Luka, o ka poe kahiko i hoole ai i ka hana ana i Kumukanawai hou. a o na inoa hou e makemake ia nei oia o Messrs Moore, Dilinahama, Maka Robikana, Waila a me Ashley, luna hookele o ke alahao kaa mahu o Ewa.
Ma keia poloai ana a ka Elele no ka hui Mekanika a me ka hui Kalaiaina, ua hapai aku la keia poe e hui mai ka Hoomaemae e kula'i i ka aoao Lahui, a ua pane mai la ka P. C. Advertiser penei, ma ka hoomaemae:
"Ua hoike ne ka Elele i ke kulana o ka Aoao @Lahui Hoomaemae iloko o ekolu o kona mau kolamu. He piha keia manao pepa i na kaena paimemeue no ia aoao, e lawe ana hoi i na pono a me na pomaikai i hana ia mai kekahi manawa i hiki ole i ka hoomanao o ke kanaka ke ike ole i ke kue ana, a e olelo ana me ke ano hoomahie: - 'O makou! o makou ka mea nana i hana i keia.'
"Ke olelo mai nei ka Elele: 'Eia hoi a ike aku kakou, ina ka aoao Hoomaemae e kanu i ko lakou mau ake kalaiaina ana, a e koho pu mai me kakou i mea e alo ia'e ai keia poino huliamahi (ka lanakila ana o ka Aoao Lahui Hawaii me Bush a Wilikokima.)'
"He oiaio, ne mea i'o no i koe a ike ia aku, ke koho ana o ka poe hoomaemae me na mekanika, a aole paha. Aia wale no nae ko lakou hana ana me ia ma o ke ano o na hana a ka Aoao Mekanika. * * Ina hoi lakou (na Mekanika) e hookaawale aku ana i ka poe koho pili ole i na aoao, ma ka hooholo ana i na moho maikai ole, a ma ka hoopaa ana ia lakou i kekahi kumuhana kupono ole, e like hoi me ke koho holookoa ana i na Luna Aupuni, alaila. e opa pa wale ia ana no lakou mawaena o na aoao elua, Lahui Liberala a me Hoomaemae."
Ma keia ka Aoao Lahui Hawaii Liberala a me ka poe uuku o ka Hui Kalaiaina e ike iho ai i ke ano o na hana a kekahi poe haole hoomaemae, kalepa, mahiko a mekanika e hoao hou nei e pahele i na balota o ka aoao Hawaii, i mea e komo hou ai kekahi no o ka poe mua i hoole i na kumuhana o ka aoao Lahui, a me kekahi poe maoli no o ka aoao hoomaemae a oukou i ike ai, e hoolilo ia i moho na ka lahui e auamo a komo, alaila, hoole mai i na mea a pau i makemake ia e ka lehulehu, e like hoi me ke kau ahaolelo i hala.
Eia iho na lima ekaeka ke hoao nei e hoolilo hou i ka Hawaii i mea hoohana na lakou, e like me kekahi poe hipa eleele e pokaa hele nei iwaena o na hui a ma na halawai a na hui Hawaii. he poe haole a he poe Hawaii. Eia keia poe ke alakai pouli nei i ka hui Kalaiaina ma o kona Peresidena ala, a ke hoao nei e wawahi i ka aoao Lahui, a ka Aoao Lahui Hawaii Liberala, e kea aku nei i hoohulihia hou ole ia ai kakou i kaliuwaa i keia kau ahaolelo ae.
---
NA ALOPEKA.
---
He uuku wale no ka hoohupalaoa, a ke awili ia iho ka palaoa, e lilo ana ka palelea palaoa i mea i hoo hu ia Pela no na wahi alopeka o ka aoao Mekanika. na hipa eleele o ka lahui e poalo nei, a ina e komo ka anu make a keia poe iloko o na hui, a i ka lahui paha, he mea maepopo, e lilo ana ka lahui he mea make. Nolaila, e malama pono loa kakou i keia poe, eia lakou ke hoao nei e kula'i i ka Lahui Hawaii, no ka pomaikai pilikino e loaa ana ia lakou iho mai ka aoao hoomaemae, e nehe malie nei e like me ka nihi ana a ke tiga, mamua o kona po'i ana i kana mea e ake ana e ai nana iho.
O keia poe, ke wae ia nei, a ke hookomo ia nei iloko o ka Hui Kalaiaina, a ke hookaukae ia nei ia hui, a ke lilo nei i mea hoohenehene na ka poe haole a me ka poe naauao.
---
Ua Hoihope maoli no.
---
Ua ike iho makou i na olelo o ka "Elele" e pili ana no na hana a ka hui Kalaiaina e hoike ana, aole o lakou makemake i Kumukanawai hou, aka, he hoololi wale no.
Ua hoike ae ka Peresidena J. A. Kahoonei ma kona mau kalai manao ana imua o na halawai ana o ia hui , he kokua oia i ka hana ana i ke Kumukanawai hou; aka, ano, ua hoihope oia mai ka olelo i puka ae mai kona waha ae, a ua ae oia e koho ia i komite imi kahua hou no ka hui Kalaiaina.
O ka poe nae i ike ia, he hoole ka makemake o ka lahui, oia kana i hookohu aku nei i poe no ke komite, a oia iho keia mau inoa:
Hon. J. K. Kahookano, ka lunamakaainana o ke kau Ahaolelo ka 1890.
Hoke [F.J. Testa], ka hoahanau o ka lunamakaainana ohua palemo o Waialua.
O Hapa Kahumoku, kela wahi kiu i poholo ai iloko o ka pahu puna a Bola ma.
Meekapu, kela kauka lapaau ka papa kahuna o Kumahumahukole me Kalekaaka.
Enoka, ke keiki a Ioane i pii ai i ka lani, a haule hou mai ai iloko o ke koko a Makalii.
O keia poe ae la a pau loa, he poe eepa, muhee, hololua, hoopiliwale, iwikuamoo ole, a nele i ke aloha i ka Lahui, oia aku nei ka Kahoonei i koho ai i mea hoonaukiuki mai i ka Lahui, oia ka makou e olelo nei, ua hoi hope maoli no.
---
He Lono Lauahea.
---
He lono ka i pahola ae i keia mau la iho nei, e olelo ana. ua hoohui ia ma ka berita laahiao ka mare o R------- me ke kaikamahine ponor no a kana wahine i make ai i kela mau la aku nei.
O keia wahine ana i mare ai, he opio oia, he mau nanaina olino kona, a ua lawe ae la laua ia laua a i hookahi i'o, hookahi koko a i hookani puuwai.
Ua maikai no a hookahi no naemea nui o kona mama, aka, oia iho la no nae ke ano o ka mea hanai puaa, aia no ka uku maloko; ina he oiaio keia, he keu keia a ka mea manini nui wale, a kulolio ole ae no hoi. Aloha no!
---
HOOLAHA PA AUPUNI.
E ike auanei na mea a pau, eia ma ka Pa Aupuni o Makiki nei kekahi mau pipi hele hewa. Pipi w melemele ulaula, oki ano e ma ka pepeiao ak, hao kuni ano e uha hope ak. Pipi w melemele ulaula, keokeo loihi ma ke kua, hao kuni R uha hope ak. Pipi keiki eleele, kiko keokeo ma ke kikala, elua kiko keokeo ma na uha a ielua aoao ak, aole kuni. Pipi keiki w, melemele ulaula, aohe kuni. Pipi keiki w eleele, 4 wawae keokeo, keokeo ka opu, keokeo ka huelo, aohe kuni. Pipi keiki k ulaula, aohe kuni. O ka mea a mau mea nona keia mau pipi, e pono e kii koke mai o hala na la he 12, e kuai kudala aku no au ke hiki aku i ka la 26 e Dekemaba nei, 1891, Poaono, hora 12 awakea.
D KAOAO.
Luna Pa Aupuni.
345-dtt.
---
AINA KU AI MA KAMAKELA.
---
He Umi Aina Pa-hale ma Kamakela.
---
He 50 kapuai k@a @laula ma ke alo, a he @130 kapuai ka averik@a kohonu. Ua pili i ka @Home o ka Ohana Buckle, a he oluolu ke @aoao ana aku. He wahi @e @puka aku ai ma Alanui Liliha, a ma ke @Kala Nui o Sana @Lui.
No @na ninau hou @aku e @pili ana @no @keia mau @aina @e @ui aku ia
C. J. McCARTHY.
@25 Alanui Kalepa, Honolulu H.I.
338-dif.