Ka Leo o ka Lahui, Volume II, Number 343, 11 Kekemapa 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

KA MADAME

PELE.

A ME

Kana mau hana Hookalakupua!

 

            He leta ka i loaa mai nei ia makou mai Hilo mai, a ua hoike ia ke kulana o ke ahi a ka wahine, a oia ka makou e hoomanao ae nei i keia mau kanaenae a Hiiaka:      "Moa unounoo Puna, I ke ahi a ka Wahine."

            Ua hoike ia mai ia makou, ua hiki ke ike ia me ka moakaka ke nana aku mai kai aku o Hilo. Ua hoopiha ae ua kaeaea luahine nei i kona mau hale lua me ka ahi a Lonomuku, a ua hele a piha@u i kau a mea he nui o ke ahi i ka wai "Kauakapaoo," ma ka aoao hikina hema o ka pali o Kaauea. Ina pela i'o ke kulana o ke ahi o Kilauea, alaila, he ha'i aku koe iluna o Mokuaweoweo, a mailaila mau e hele palaha ae ana oia i o a ianei e like me kona makemake.

            Ehia ka hoi mea aloha, o ke koena i koe a ka Nau@ ai ai a haalele i kai o Hilo, aloha @ kaulana o ua aina nei:            "A hilo ho-au @ Hoo-lu-lu-hu ka @ A pa-na-hu-o@ Kaulu-@ A k@ laila @ I ke kula-ha @ Aka noi, in a o na hiona o ke ahi a no na ouli o ka manawa @ nei alaila, manalo ka aina, aku hoi, a i ai humuhumu mai kela i ka uka o Kaliu, aohe nao ai i ka papaa. Aloha wale!

 

He Moolelo Nanea

NO

De Atanani.

 

Ke Koa o ka Lio Olohe.

A I OLE

NA KIAIEKOLU O FARA@.

 

            Heaha la na @ mai ai i ka ike mai ia maua, ua manaolana au e hoea mai ana oe i ka la inehinei, eia nae, he mau upu kuhihewa ana ia, a me he la pela no paha auanei keia ahiahi.

            Ina he mea hiki e kipa mai, ua makemake loa au e ike ia oe.

                        Kou oiaio me ke aloha, Lede Calarika.

            O keia ae la na olelo o ka palapala a ua lede Calarika la ia Atanani, a oia ka ua koa opio nei i huli ae ai maluna o ka lede kauwa a pane aku la:           Ua makemake loa ka kou haku wahine e ike ia'u, alaila e huli hoi aku oe a hai aku e hoea aku ana au ilaila i keia po hora 9 ponoi, a e ka lede, aole he mea e na hana mawaena ou a me a'u e lohe ia e kela lede o ka puuwai haaheo, a hiki i kona lilo ana he pio na'u.

            Alaila e hiki io ae ana oe i keia ahiahi? wahi a ka lede kauwa i ninau mai ai.

            Ae e ka lede, e hoea aku ana au, aole ma ke ano he malihini na ka hanohano o kou haku wahine, aka ma ke ano e hoohaule pio iaia mai kona mau manao haakei mai o ke kiekie, a i ka lopa haahaa i ka pale halii o lalo.

            Na key pane hope a Atanaui, na ia mea i hoonna hope aku i ka lede kauwa no ke alo o kona haku wahine a hoike aku la i ua lede la o ka haaheo, e hoea aku ana ke koa opio o ka pahikaua ma ua ahiahi la, a he mea oiaio, ma ua ahiahi la ua hiki io aku ke koa opio no ke alo o ka lede Calarika me kona mau haawina mau o ka ulumahiehie.

            O keia manawa a ke koa opio i hoea aku la ma ka hotele halealii, o ka hoea 9 ponoi ia, a ma na lookipa ana a ka lede kauwa, hoolauna loa ia aku la oia imua o ka lede Calarika.

            @ mau helehelena haik@ a kau @ ka ua lede nei a Atanani i @ aku ai, a o kona mau maka hoohie hoi ua hele a ola weo me he @ ola, a i ole aole paha oia i hianoe iki ma ka po i hala.

            Na keia mau ano o ka lede Calarika a ke koa opio i ike aku ai na ia mea i kauoha mai iaia e hoolauna aku me heia mau olelo o ka ninau:       He mau helehelena ma'i a kaumaha kou e ka madame, heaha he pilikia anei kekahi i ili iho maluna ou?

            Ae e ka monasiua, ua loohia au me kekahi kulana kupilikii iloko o elua la i hala ae nei, wahi a ka lede i pane mai ai me ka huna ana i ka io maoli o kona pilikia.

            Alaila, ua kupono ole keia kipa ana mai nei o'u iloko o kou wa ma'i, ano e ka madame, e kala mai ia'u no keia po, a no kahi wa aku ke loaa ia oe ka oluolu alaila, e kipa hou mai no au i ou la.

            Aole, aole e ka monasiua, ua hoohauoli mai oe ia'u ma kou hiki ana mai nei; nolaila e noho iho e ka monasiua a e hoohauoli ia oe iho e like me ko na la i hala, wahi a ka lede.

            Me keia mau olelo a na lede Calarika la, alaila hoolauna hou mai la ia i keia mau olelo me na minoaka o ka makona, he haku wahine no anei kou?

            Aole e ka madame, he hookahi wale iho no o ka lede nona ka oiwi a'u e ike nei i keia sekona, wahi a Atanani me ka maalea nui.

            Na keia pane a Atanani, na ia mea i uhola ae i na minoaka hoohie ana ma na papalina haikea o ka lede Calarika, a oia ka ua lede nei i pane mai ai me na olelo hoonono o ka ipo.

            Alaila ua aloha ka paha oe ia'u.

            A oi aku imua o ka kou hanohano i manao ai. wahi hou a Atanani me ka wahahee.

            Alaila nau keia puuwai e ka monasiua, wahi a ka lede Calarika me ka nana pono ana mai maluna o Atanani, a oia ka ua koa opio nei i ike a hoomaopopo iho ai aia iloko o na minute pokole i koe, a e haule pio no keia lede hanohano malalo on a.

 

HOOLAHA AKEA.

 

Ke kauoha ia aku nei ka poe a pau i aie i ka mea nona ka inoa malalo iho nei e hookaa koke mai i na la he 30 mai keia la aku, a in a aole, alaila, e kuai kudala ia aku ana na lio o ka poe i aie ia'u i ka la 15 o Ianuari, 1892. E hoolohe i keia.             MRS KAINANA PUAHI.    Dec. 10, 1891.             343-3tsd.

 

A. HERING.              M. PAULY

Ka Hale Hana Novelty.

 

E lawe no laua a e hana i na ano hana kalai a hana hoonihoniho ma ka @ a ma ka niho palaoa paha; hoohinuhinu a anaanai ana a mania na pupu a me kukui, a me na phna hoonani o na kaupoku o na rumi; hooponopono hou, hoomaemae ana o na pila. na pu, na mea kaupaona a mea mama oia ano.

 

NA HAMA MEA UWILA, NA HANA MEKINI, A ME HANA @AKA.

 

            E hana ia no ua @, na ana @, a pela aku, e like me ke lauoha.

            @ E hele mai io maua.

132 Alanui Papu, Honolulu                335-tf-d@

 

E Kuai Hoopau Ana!

Na Kaa Huila Lua

a me

Ili Kaa Malalo o ke Kumu Lilo

Ma kahi o

S.G. Schuman.

Alanui Hotele kokoke i ke kihi o Alanui Papu.                      329-1wd.

 

O kahi Emi Loa

A ME

Kahi Kupono loa

E PA'I AI OE I KOU KII,

AIA NO IA MA KE KEENA PA'I KII ALOHA!

Alanui Nuuanu, ma kekahi aoao mai o Ema Hale.

 

E pa'i ia ana na Kii o na ano a pau e laa hoi na kii puulu o ka ohana, na keiki, na papa ai na luau, a me na kino make.

 

Na Kii hoonuiia a hoemi ia mai paha mai na Kii e ae!

 

            Nolaila, mai poina i ke pa'i ana i ko oukou mau Kii ma ke KEENA PA'I KII ALOHA, e loaa ana ia oukou na Kii maikai loa ma ke emi loa ma Hawaii nei.

THEO. P. SEVERIN: Kapolena. KEENA PA'I KU ALOHA, ma alanui Nuuanu me Beritania, ma o mai o Ema Hale.                324-3md.

 

KUAI HOOPAU

 

Mai keia manawa aku a hiki i ko Makou noo@ ana aku iloko o ko makou

HALEKUAI HOU.

            Ma ke Alanui Papu,-(NA HALE BURUA.

E hoolilo aku ana Makou i ko Makou waiwai a pau o na ano Lole:   NA LOLE NANI, NALOLE I HUMUIA, KAPU A ME PAPALE PAHU LOLE, a pela aku

No na Uku Hoemi Loa Nae.

Egan & Gunn.

ALANUI MOI kokoke i ke ALANUI PAPU.                      tf-d.

 

Na Paikini Hou Na Paikini Hou

O NA ANO A PAU, E KINIKOHU AI O KE ANO AHIAHI, E LOAA NO MA KAHI

Chas. J. Fishels,

KIHI O ALANUI PAPU A ME HOTELE,

            Ko makou halekuai hoopau nui, ma o MR CHAS. J. FISHELS la, he mau waiwai hou loa ko makou, i loaa mai nei mai ka hikina mai, o na ano like ole he nui wale. Eia ma ko makou halehuai nei ua paa lole e linohau ai o na Keonimana, a luhie@ o na Lede, na aulii o na Kamalii

            Na KINAMU                                     Na ALAPIA

            Na KALAKOA Malina                      Na KIHEI SILIKA

            NANAHE o na ano he nui                 A pela wale aku.

E haea pau ia aku ana keia mau waiwai a paa imua ou, aole hoi o oe wale o na Lede kekahi, pau pu aku hoi me na keiki, nau e wae nou iho i na anoai a kou puuwai, @ ka papa lohi o Apua la, ke anapa nei ka wai liula i Mana.

E hele mai i hookahi e hele mai no a pau loa mai ke nui a ka liilii.

            Chas. J. Fishels.

@56-tfd.                     Halehuai alakai o na kumukuai haahaa loa.

 

Na Waiwai Hou! Na Aulii Hous!!

NA PAIKINI HOU O KEIA KAU HOOILO O KA MAKOU IA LA AULII KOLOMANU KU KE PAI HANA KA HAAWE NANI WALE KA IKE I NA MEA NANI O KA HAU OKI O KA AINA GULA O KALEPONI-MAKA HALEKUAI WAIOLU NAWE MALIE O-

                                    N.S. SACHS.

He oia mau no ke emi o ke kumukuai o ko makou mau waiwai, a oia ke kumu o ko makou paa mau ana i ka hana-A he wahi puka iki ko makou e kaa mau nei-Eia he heluna hou o na waiwai hou, ka makou o na ano like ole-Na MAKALENA lau, a me pa MAKALENA puu, o kela a me keia ano, o ke ano maikai loa.

Mai Puiwa Oukou! Mai Puiwa Oukou!!

EAI IHO KA PAPA LOHI O A PUA, NA LOLE AAHU O NA LEDE I HANA MIKIOI IA MAI A AULII.

Na Muumuu o na Lede 40 keneta; Palekoki aulii o na Lede 50 keneta; Na "luhiehu o ke ano ahiahi $1.00; Na Kihei kaekae huihui 40&50 keneta; Na Kawele hoomaemae ili o na Lede 60 keneta; Na Kaliki molina maikai loa 50 keneta, Na pai kini hou o na wahine ma ka hoopaa ana ia loko 50 keneta; Na Kakini lilina pahee o na Lede, elua paa no ka 25 keneta.

NA PAIKINI AULII O NA KEIKI, NO NA KUMUKUAI HAAHAA LOA, A EMI NO HOI.

Na aahu keokeo o na keiki 74 keneta; Na lole komo o na keiki @ paa $1.00; Na Papale aulii o na keiki 25 keneta; Na kaliki o na kaikamahine 40 keneta; Na A-i kala o na keikikane 25 keneta, na Muumuu o na pepe 25 keneta; na Papale Lilina maikai o na kaikamahine he 50 keneta, mamua he $1.00, na Papale aulii o ua keikane ne 50 keneta, mamua he $1.00.

NA PAHOEHOE HULU PAHEE! NA PAHOEHOE HINUHINU@

            Ua piha u ko makou halekuai nei i na waiwai like ole o na ano a pau, o na hulu hoonani o na papale o na iwa maka onaona eia ia ia makou nei la, ke hihi o lua nei i Moeawakea, he eleele, he ahiehie, a nau e wae e like me kou makemake, he $1.00 wale no o ka lala hookahi, mamua he $2.00. O na papale keia o na huapala, he kau maoli no ka iwa he la makani, eia la ke ahu a lala kukui mai nei. E hele mai e ike kumaka i ka nani e alohi nei, he ole hoi ka lohe pepeiao, hele@ na makua me na keiki pu mai no, e wae oukou no oukou iho. He makepono @ i ike ole ia kona lua, oiai, o keia kuai he haawi wale no. O na ano no a pau @ aulii maoli no. O ka papale no hoi keia o na keikikane, ho pani'o ia la ka nana aku oe, eia he 50 keneta wale no ke kumukuai. E loaa no ma kahi @

:N. S. SACHS:

318-dtf.                                   104 Alanui Papu. Honolulu.

 

HOOLAHA HOU E ALA, E ALA.

B.F. Ehlers & Co-PAINAPA

HELU 99 Alanui Papu.

E NA MAKAMAKA maikai, e nane hou mai e ike ia PAINAPA, B.F. Ehlers & Co, @ e wehe ana ko makou mau puka i ka po, mai keia manawa aku a hiki @. Nolaila, e naue mai oukou a pau mai ke iini a ka uilii, e ike i na mea hou o kela a me keia ano. Merry Christmas oukou a pau! E@ PAINAPA.

            E Kipa mai e na makamaka, i hoopau ia ai ko oukou kanai@ no ka makou kuai hoo'oho aku ia oukou.

                        Owau me ka oiaio,

tf                     B.F. EHLERS & CO