Ka Leo o ka Lahui, Volume II, Number 343, 11 Kekemapa 1891 — Page 2

KA LEO O KA LAHUI.

"E Mau ke Ea o ka Aina i ka Pono."

 

MA KE KAUOHA.

            I keia la i hookohu ia aku ai o DOROTHEA LAMB, i Notari no ka lehulehu no ka apana.  Hookolokolo Ekahi o ke Aupuni.     C. N. SPENCER.

            Kuhina Kalaiaina.

Keena Kalaiaina, Dec. 3, '91.  338-3td.

 

KUAI O KA HOOLIMALIMA O KA LOKO O OPU, MA PAWAA, OAHU.

            Ma ka Poakolu, Dek. 16, 1891, ma ka hora 12 awakea, ma ke alo komo aku ma mua o Aliiolani Hale e kuai ia aku ia ma ke kudala, ka hoolimalima o ka loko aupuni o Opu ma Pawaa, Oahu.  Ka manawa he 15 makakiki, ke kumukuai koho @a he $50 uku makahiki, e uku ia ma ka uku hapa makahiki mamua.

            C. N. SPENCER.

            Kuhina Kalaiaina

Keena Kalaiaina Nov. 14, '91.            324-3t sd

 

KUAI O ELUA APANA AINA AUPUNI MA KAAUWAELOA, PALOLO, OAHU.

            Ma ka Poakolu Dek. 19, 1891, ma ka hora 12 awakea, ma ke alo o Aliiolani Hale, e kuai ia aku ai ma ke kudala elua apana aina aupuni ma Kaauwaeloa Palolo, Oahu, oia hoi: Apana 1. Nona ka ili he 18 eka a oi a emi mai paha, kumuku ai koho mua he $500.  Apana 2. Nona ka ili aina he 18 eka a oi a emi mai paha, kumukuai koho mua $500.

            C. N. SPENCER.

            Kuhina Kalaiaina.

Keena Kalaiaina, Nov. 13, '91.           324-3tsd.

 

NA APANA AINA HOME LIILII MA PUNA HAWAII.

            Ke hoolaha i aku nei ma keia:

            1  Aia he 20 mau apana ma Nauawale, Puna, Hawaii, e loaa no he mau apana kupono no ka noho ana kuonoono, mai keia mau apana aina home liilii mai.

            2  E ike ia no ke kii o keia mau apana aina, maloko o ke keena.  Aina o ke aupuni, ma Honolulu aole ma ke keena o J. E. Elderts ma Kapoho, Puna, Hawaii.

            3  Na J. E. Elderts, e kuhikuhi mai i na apana i ka mea e makemake ana e ike i ua mau apana la, a no ia hana ana e loaa iaia ka uku o *1.00 mai ka mea noi aku.

            4  O ka poe makemake i mau apana aina, e nonoi mai no, ma ke kakau ana mai i ke Kuhina Kalaiaina, maluna o ka pepa i pa'i hakahaka ia, a loa no ke kope oia mau palapala me ka uku ole mai a J. E. Elderts.

            5  Aole e noonoo ia ke noi a kekahi mea he aina ponoi kona.

            6  O kela a me keia mea nonoi e loaa iaia na makahiki @o ma ke kanawai.

            7  E ae ia no ka mea nonoi i umi makahiki e uku ai noka aina ma ia manawa, e hookuu ia no ka aina mai na auhau aupuni a pau.

            8  Hoko o hookahi makahiki, ke kauoha ia nei oe e kukulu i hale no@ maluna o ka apana aina i lilo ia oe, a e hoomau aku oe i ka noho ana no ke koena o na makahiki he umi.

            9  Iloko o ekolu makahiki, ke kauoha ia aku nei oe e hoopuni i ua aina la me kekahi pa kupono a paa hoi.

            He mea pono ia oe e hookaa mua mai i kela a me keia hapa makahiki, i ka uku panee maluna o ke kumukuai o ka aina ma ka 5 pakeneka o ke dala i ka makahiki hookahi; ua hiki no hoi ia oe ke hookaa i ke kumukuai holookoa, a o ka hapa paha, ma kela a me keia wa, he mea ia e emi mai ai ka uku panee.

            11  O ka aeliko mua ana, aole hiki ke hoolilo ia aku, a aole no hoi e hiki ke hoolilo ia aku ka aina, a hiki i ka hooko piha ia ana o na kumu aelike.

            12  Ke haule hope ka hooko ia ia ana o kekahi o kela mau kumu i hoike ia ae la, he mea ia e loaa ole ai ka aina.

            C. N. SPENCER,

            Kuhina Kalaiaina.

Keena Kalaiaina, Nov. 6, 1891.          318-4t.

 

NA AINA HOME MA HILO, HAWAII.

            Ma keia ke hoolaha ia aku nei -

            1.  Ua hookaawaleia he Umi (10) Pahale, ma Kaieie, Hilo, Hawaii no ka hoo lilo ana aku i ka poe e makemake ana e loaa ia lakou na aina home i wahi e noho ai.

            2.  Ua hiki no ke ike ia na kii o keia mau apana aina ma ke Keena Aina, Keena Kalaiaina, Honolulu, a i ole ma ke Keena o Mr. A. B. Loebensteni ma Hilo, Hawaii.

            3.  Na Mr. A. B. Loebenstein no e kuo hikuhi aku i na apana aina i kela a me keia mea e makemake ana e ike, a no ia han@ kuleana oia e ukuia $1, mai ka mea e nonoi ana.

            4.  Na kanaka a pau e makemake ana i na apana aina, e ui mai no lakou ma ke kakau i ke Kuhina Kalaiaina ma kekahi palapala pa'ihakahaka, a oia mau pa'ihakahaka e loaa wale mai no mai a A. B. Loebenstein.

            5.  Aole kekahi nonoi mai kekahi mea e noonoo ia mai ka poe e noho ana aina nei.

            6.  O ka poe piha o na makahiki waino ke nonoi mai.

            7.  E haawi ia no iloko o umi makahiki e uku ia ai ka aina, a iloko oia @na wa ua kuu ia mai na auhau.

            8.  E kukuhi hoi oia i hele noho maluna o ka aina nona iloko o hookahi makahiki a e hoomaka hoi e noho maloko o ia hale, a e hoomau aku no ke k@a o ka manawa o umi makahiki.

            9.  E hoo@ hoi oia i ka aina.  @ko o ekolu makahiki, me kekahi pa kupono.

            10.  @ hoi oia me ka hapa@ makahiki  m@a i ka aku pa@ malu@ ke keena i uku ole ia o ke kumukuai ma @ keneta pa @.  Ua hiki no i k@ kuai ke hookaa p@ a kekahi mahele paha o ka uku @ai i keia a me keia manawa a i ka mua no hoi e oki ai o ka uku p@n@.

            11.  Aole e hiki ke hoolilo hou ia aku ka aelike mua, a aole no hoi ka aina e hiki ke kuai ia a pau mua na olelo aelike i ka hooko ia.

            12.  O ka kaul@ ana o ka hookoia o na kumu i aelike ia, he mea no ia e hoolilo wale ia ai o ka aina.

            C. N. SPENCER,

            Kuhina Kalaiaina.

Keena, Kalaiaina, Dek. 3, 1891.         4ts-d.

 

            I keia la i hookohu ia aku ai o CARMEN@ VIDA, i Notari no ka lehulehu, no k@na Hookolokolo Ekahi o ke Aupuni.      C. N. SPENCER.

            Kuhina Kalaiaina.

Keena Kalaiaina, Dec. 3, '91.  338-3td.

 

KUAI O KA AINA AUPUNI  ILOKO O ALAAKUA, KAUPO, MAUI.

            Ma ka Poakolu Ianuari 6, 1892, ma ka hora 12 o ke awakea ma ke alo iho o ke komo ana aka o Aliiolani Hale e kuai ia aku ana ma ke kuai kudala akea ana, kekahi apana aina aupuni iloko o Alaakua, Kaupo Maui, o ka nui o kona lili he 234 eka a oi a emi mai paha.

            C. N. SPENCER

            Kuhina Kalaiaina.

Keena Kalaiaina, Dec. @        343-3@sd.

 

            I keia la, ua hooko@ ia uku @ o WM. F. POGUE, i Lunahoomalu no ka Papa Alanui e ka Apana Hookolokolo o Makawao, Maui.  A e kona hope o C. H. Dickey, ua haalele mai oia i kona noho hoa ana no ua papa ala; a eia iho @na hoa o ua papa ala.

            Wm. F. Pogue, - Lunahoomalu.

            L. A. Andrews.

            R. Von Tempsky.

            C. N. SPENCER,

            Kuhina Kalaiaina.

Keena Kalaiaina, Dec. 8, 1891.          343-3tsd.

 

            Ua makemake ia na Luna Lawe Pepa a pau o ka LEO a me ka OIAIO, e akoakoa mai ma ke keena nei, i ka hora 10 a. m., o ke kakahiaka Poalima, no ka noonoo ana i kekahi hana i manao ia.

 

KA LEO O KA LAHUI.

JNO. E. BUSH.

Lunahooponopono a me Puuku.

 

POALIMA, DEKEMABA 11, 1891.

 

UA MAKA'U HONUA.

            Ua hoike ia mai ia makou mai Hilo mai, ua papa ka Makai Nui Hikikoki i na makai, aole e komo wale iloko o na hale a pa paha ke ole kekahi palapala hoopii kupono.  Ua mahalo makou i kela, oia ka rula, a pela e a'o ai; aka, ua hala uae ka wa pono, oiai, he mau la wale no i koe, a a'o nui mai i Honolulu nei, e pu-ke ia'i na poo o ua poe makai nei ou a me kou mau hope, mamuli o kela hoopii koi poho a Mrs Hana Makaena no na dala he $7,000.  Aloha wale, kau a mea o ka hapai i ka umauma iluna aohe nana iho o na hoa hooka-au.  Ke lana ko makou manao, e wi ana ka niho o ka iole, oia no ka uku o ia hana, hahai ka poino i ka mea hewa, wahi a ka Baibala.

 

NA MEA HOU O HILO.

            Pau hoi kana, kahea ia o Henry West, a ku ana imua.  O ka ia nei ho@ka ana mai e kamailio imua o ke anaia, me he mea la e uwe aloha mai ana i ke anaina, ua @lu kona waimaka i ka Henry West h@iolele @a ke @ ka.

            O ka@a kumuhana nui i Hoike @e oia ka hooikaika ana i k@aawai hou a e hoopaa ia ke k@kanawai kipi e ku nei.  E hooikaika ana oia ma ka ku@hana me kona wahi ike a pau a hiki i ke ko ana, a ko ole paha; a make, a ola paha, no ka pono o ka lahui, aole loa ka oia e hoi hope iki ma ia @.

            Mahope o ka pau ana o kana mau olelo, ua haawi ia mai he mau ninau ia lakou, a ua pane lakou e like me ka hiki.

            Pau keia mau hana, noho hou e paina ka lehulehu, a pau ka paina, mele hou i ke mele lahui, a hookuu ma hana me ka maluhia.

 

He Moolelo Pelapela Loa.

            Ma ka la Sabati i hala. Nov. 29, ma haiolelo aku kekahi Luna Eka@ imua o kekahi anaina pule ma Waiakea, a maloko o kana haiolelo @, ua hoike aku la oia i kekahi @olelo pelapela loa, i kupono ole iaia e hoike aku imua oia anaina pule. He naaupo maoli kela mea haiolelo, a he lapuwale maoli.  Nui ke k@ ia o ua mea haiolelo nei e ka poe i loho pono ia mau olelo ino.

 

Ua He Mai.

            Ma ka la 3 nei o keia malama, i @i mai @i ke, Kahunapula S. L. @a mai Maui mai no akahi maluna i hala a@ nei, oiaia, ua noi oia i ka Ekalesia e hookuu iaia e hoomaha, no ke ano nawaliwali.  Ua ao ka Aha Luna; aka nae, i ka hiki ana aku nei i Maui, he kaapuni haiolelo ka hana, a puni o Maui Hikina, a komo i Maui Komohana; palua a pakolu haiolelo ana o ka la Kapule.  A ma keia la Kapule iho la Dek. 6, o kana poolelo iho la ia iloko o ka luakini o Haili o ke kaao ana mai, no kona hele ana a hiki i Hana, i Mauna Ualeakala, a pela aku.

            Aole he kupono e lilo ia moolelo i hapa no ka haiolelo maloko o ka luakini, he hana apahi a alakai lalau ia a ke kahunapule e hana ai.  O ke kaona nae oia mau hana, ke okuu iho la no ma ke alo, aole nae he ike o ka lehulehu, ua paa na ma ka i ka punawelewele a ka Nananana.

 

Luakini o na Pukiki.

            Kokoke e paa loa keia luakini hou, ka luakini hoi aia ma ke kihi ka awai haiolelo o ke kahuna, a ma ke kihi no hoi na puka komo elua.

 

O Pele.

            Ma keia mau po ua ike maopopo ia aku ka ula wena o kela umu ahi o Kilauea, e pii ana kona ula i ka lewa, ke nana ia aku mai kai aku nei o Hilo nei.  Ua nui aku nei paha ka la@ahu ke nui mai nei ka wena.

 

Ua.

            He ua mau no o Hilo nei i keia mau la, a nui no hoi ka wai o na kahawai.

 

NUHOU KULOKO.

            E malama ana ka Hui Aoao Lahui Hawaii Liberala, he halawai ma ke ahiahi Poaono hora 7 p. m., Dec. 12, 1891, ma ka Hale Paikau Kahiko, maluna ae o kahi o Burua ma.      Ma ke Kauoha,

            Hon. J. E. Bush,

            Peresidena.

 

            Eia i ke taona nei ka luna lota o Hilo.

            Ka lohe ia e hoololi ia ana mai ke poo a ka hiu a o ka hi'u ke hoi hoi ia ana ma ko poo.

            He nui ka poo e noho nei ma ka oihana aupuni i loaa i ka ma'i puuwai.  Heaha ke kumu.

            I keia po Poaono, e wehe ia ai ma ka hale kudala o Levey he kuai kudala makana Karikimaka.

            I keia mau la ino iho nei, ua nui ka poino i loaa i na mahi laiki a na pake mawaho ae nei o Waikiki.

            Ke uuku mai nei ka i'o pipi o na makeke kuai pipi i keia mau la.  No ka wiwi mai o ka pipi ke kumu.

            E malama ia ana o ka hui St. George he ahaaina a me ka hula Europa malalo o Manana i ka la makahiki hou.

            Me keia huli hoi ana mai nei o ke Kinau, aole oia i kipa ae ma Mahukona a me Maalaea, no ka nui ka o ka ino.

            Ua lohe ia mai, aole e haalele iho ana ka mokukaua Kaletona i keia awa, a hiki i ke ku ana mai o ka mokuahi mai Kina mai.

            Ua huli hoi mai ke Kuhina o kona Aina E, ma ke Kinau o ke kakahiaka Poakolu nei, mai Waimea mai.

            Ua haule a aihue maoli ia paha ma ka home o ko makou makamaka ma alanui Ema, he pine lei a-i gula o kane.  E oluolu ka mea i loaa iaia e Koihoi mai ma keia keena nei.

            Ua holo mahuka aku la kekahi pake paahao i ka Poalua nei, oiai lakou e hana ana ma Waikiki.  He pake keia nana na hana kolohe e hana ma Waikiki mamua, a hoopa'i ia iho nei he 4 makahiki hoopaahao ma ka hana oolea.  He 50 dala ka uku makana ina e loaa ana oia.

            Ua ike ia ka nui o ka holoholona Monogoose e holo nei maloko o na pa papa o ke kulanakauhale nei.  He holoholona ai moa keia, a ua hoohuoi kekahi poe e kokoke ana ilaila i ka nalowale honua o ka lakou mau kinana moa.  E kala hoi, ka nalowale, ua pau i ke skukamu ka'us ia.

            Ua lohe ia, o ka poe hoopae malu i ka opiuma, kekahi e komo ana iloko o ka hukuhuki kaula e malama ia ana ma ka hale hooikaika kino i keia mau pule ae, a e liloana ia lakou ka makana, e like me ka lilo ia lakou o ka hanohano o ka hoopae ana mai i kela laau hohono iloko e keia aupuni, me ka moe no o ka maka o lakou ma, aohe ike ia mai.

 

NA LUNA NUI O KA HUI AOAO LAHUI HAWAII LIBERALA.

Hon. JNO. E. BUSH  Peresidena

" J. NAWAHI Hope"

Mr. J. K. PRENDERGART Kakau@

"C. B. MAILE Puuku.

KOMITE.

Hon. R.W. WILIKOKI

Nob. D.W. PUA

Mr. J.K. BIPIKANE

" A. SMITH

" GEO. MARKHAM.

 

OLELO HOOLAHA HOOPAU HOPE.

            E ike auanei na kanaka a pau ma keia, mai keia la aku ua hoopau loa aku au i ko H. C. Ulukou noho Hope ana no'u ma na ano a pau loa e pili ana i ka malama ana ka hooponopono ana a me ka ohi ana i na auhau o ko'u mau waiwai a pau loa maloko nei o keia aupuni.  O na poe a pau loa e paa ana he mau waiwai no'u ma ko lakou lima, e hoihoi ae lakou ia'u ponoi ma ko'u wahi noho ma Honuakaha, ma Honolulu, Oahu.

            KAPIOLANI.

            [Ma o Jos. Nawahi la.]

Honolulu Oct. 31, 1891.         314-d3m.

 

AINA KUAI MA KAMAKELA.

He Umi Aina Pa-hale ma Kamakela.

            He 50 kapuai ka laula ma ke aio, a he 150 kapuai ka averika hohonu.  Ua pili i ka Home o ka Ohana Bue@le, a he oluolu ke komo ana aku.  He wahi e puka aku ai ma Alanui Liliha, a ma ke Kula Nui o Sana Lui.

            No na ninau hou aku e pili ana no keia mau aina, e u-i aku ia            C. J. McCARTHY

338-dtf.           35 Alanui Kalepa, Honolulu H. I.