Ka Leo o ka Lahui, Volume II, Number 338, 4 December 1891 — Page 3
| This text was transcribed by: | Lyn Kuda |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
---
He Moolelo Nanea.
NO
De Atanani.
---
Ke Koa o ka Lio Olohe,
-- A I OLE --
NA KIAIEKOLU O FARANI.
---
Maluna o kekahi noho ko-ki, noho iho la maua me ko maua mau lima e paa ana kahi i kekahi, a me ka leo o ka ipo, pane mai la ke lede Calarika ia'u me ka leo kuio o ka mea i haulehia iloko o ke aloha:
Wahi a ua elde Calarika la i hoo mau mai ai i na olelo hookaau o kona kuhihewa nui o ke kauna de Wada au, ka eha a ka manao:
E kuu aloha, ua hookaumaha a hoehaeha mai oe ia'u me ke kupilikii iloko o na la i kaa hope aku nei.
Aka, ua hala ia, a eia kaua he alo a he alo, a e hoomaikai ia na lani no keia hoohui ia ana.
Alaila e Atanani kuu hoaloha. mai kapa i kela lede he ipo a he aloha nau, he moo nihoawa ia me ka wai awahia o ka make, a ke punihei oe iaia, alaila, he kanaka make mua oe me ka ike ole i ka mala malama o kekahi la ae.
Aole au i kapa iaia he ipo a he aloha ola na'u, e like me ka'u i hoo paa ai, e hoohoka ana au iaia ma na ano a pau, pela au e aa nei a hi ki i kona haulepio ana malalo o'u.
Nolaila, e La Fere, iaia i hoopuka mai ai i kela mau huaolelo hoo beno o ka ipo i ka ipo, ua panai aku la no hoi au me ka hookohuko hu me he la o ke kauna de Wada maoli io no au.
A o ka poeleele pouli ana iho hoi o ua rumi la o ka lede Calarika, na ia mea i hooi loa aku i ka nani a me ka molale o ka maua mau hoo heno ana.
"Malu ke kula
Aohe lele pueo."
No ka manawa he hookahi hora ka loihi o ka maua uhene olelo ana ma ke ano hookaau, hoike aku la au i ua lede la no ko'u makaukau e haalelo iho iaia.
O keia mau olelo a'u i hoike aku la i ua lede nei o ka puuwai haaheo ua like paha ia me he kui la i kona puuwai, puili mai la oia ia'u me na honi hoomau ana o ke kuwiliwi li me na olelo hoonaue puuwai.
A i ka hookuu ana ae o ka maua mau puili ana, haawi mai la oia ia'u me keia komolima me na olelo hoopaa o ke kauoha:
E kauna de Wada kuu aloha, e hoopaa i keia komo ma kou lima, ma ke ano hoomanao no'u, a mai hoolilo i keia komo no kekahi ku mukuai,
Me kela mau olelo ae la ua lede Calarika nei, hookomo iho la ia i ke kmomo ma ko'u manamanalima, a iloko o ka puili hope loa o na honi ana mai a ua lede la ia'u, haale le aku la au iaia me na minoaka no ka haule pahu ana o ua lede nei ia'u no ke ko[x]a o ka manawa.
Alaila, na kela mau olelo hope a ke koa opio o ka lio olohe e pili ana i ke komo a ka lede Calarika i haa wi mai ai iaia.
Na ia mea i uhola ae i na helehe lena umalu o ka inaina a me ka haikea maluna o ke koa La Fere. a haawi mai la ia i na nana pono ana maluna o ke komo e paa ana ma ko ATanani manamana lima, a no kekahi mau sekona, oia kana i pa ne mai ai:
Ke hoomanao ala au no kena ko mo, a oia ka'u e ha'oha'o nei, mai ia wai mai la i loaa ai kena komo i kela lede.
Aha! La Fere, ua ike mua no ka oe no keia komo?
Ae e Atanani kuu hoaloha opio, na kamaaina mua au no kena ko mo.
O kena komo, he waiwai hooilina ohana ia, aole loa e hiki ke hoolilo ia ia ha'i, aka, iwaena wale iho no o ka ohana.
Aka, malia paha. na kuhihewa iki au, aka, e ae mai ia'u e hoona auao aku ia oe me keia mau hoike mua o ka hoomanao.
O kena komo. he elua ona poha ku Sapeira, a me kekahi o kona mau onohi, he mau maokioki ke ka-kau ana,
Ua haawi iho o Atanani he nana ana me ke akahele maluna o ke ko mo, a no na sekona, pane ae la ua koa opio nei:
Ua pololei oe e La Fere kuu hoaloha. ke ike i'o nei au ia hoailona maluna o kekahi o na onohi, me ka haawi ana aku o ua koa opio i kona hoaloha i ua komo la.
Ua lalau mai o La Fere i ke ko mo a nana iho la, a ia wa i haikea hou ae ai na helehelena o ua La Fere nei me ka pane pu ana mai penei:
Pehea la i loaa ai keia komo i ka lede Calarika?
Alaila, ua ike anei oe i ka mea nona keia komo? wahi a Atanani i ninau mai ai.
Ae e kuu hoaloha opio, no'u keia komo!
A mai a wai mai hoi keia komo i loaa mai ai ia oe?
Mai kuu makuahine mai. he komo hoi i haawi ia mai e ka makua hine o ua lede Calarika nei ma ke ano hooilina.
Aha! he komo ka i haawi ia mai e ka makuahine o ua lede Calarika nei i kou makuahine ma ke ano hooilina, alaila, pehea hoi i lilo aku ai mai oe aku, i kuai a hoolilo ia aku auanei o oe?
Aole! e kuu hoaloha opio, wahi a La Fere, a hoomau mai la no hoi i kana kamailio ana:
---
A. HERING. M. PAULY
Ka Hale Hana Novelty.
E lawe no laua a e hana i na ano hana kalai a hana hoonihoniho ma ka laau a ma ka niho palaoa paha; hoohinuhinu a anaanai ana a mania na pupu a me kukui, a me na pena hoonani o na kaupoku o na rumi; hooponopono hou, hoomaemae ana o na pila, na pu, na mea kaupaona a mea mama oia ano.
NA HANA MEA UWILA, NA HANA MEKINI, A ME HANA LAKA.
E hana ia no na kuui, na ana kii, a pela aku, e like me ke kauoha.
E hele mai io maua.
132 Alanui Papu, Honolulu. 335-tf-d.
---
E Kuai Hoopau Ana!
Na Kaa Huila Lua
a me
Ili Kaa Malalo o ke Ku mu lilo
Ma kahi o--
S.G. Schuman.
Alanui Hotele kokoke i ke kihi o Alanui Papu.
329-1wd.
---
O kahi Emi Loa
--A ME--
Kahi Kupona loa
E PA'I AI OE KOU
KII,
AIA NO IA MA KE
KEENA PA'I KII ALOHA!
(Alanui Nuuanu, ma kekahi aoao mai o Ema Hale).
---
E pa'i ia ana na Kii o na ano a pau
e laa hoi na kii puulu o ka oha-
na, na keiki, na bebe, na
hale noho, na papa-ai-
na luau, a me na
kino make.
---
Na Kii hoonuiia a hoemi ia maipaha mai na Kii e ae!
---
Nolaila, mai poina i ke pa'i ana i ko oukou mau Kii ma ke KEENA PA'I KII ALOHA, e loaa ana ia oukou na Kii maikai loa me ke emi loa ma Hawaii nei.
THEO. P. SEVERIN :--Kapolena.
Keena Pa'i Kii Aloha, ma alanui Nuuanu me Beritania, ma o mai o Ema Hale.
324-3md.
---
HAULE! HAULE!
$10.00 MAKANA.
Mawaena o ka halekuai pake ma ke kihi mauka o ke alanui Moi a me Puowaina me ko'u hale ma Kana, ma ke alanui Moi aku i ka, ma ke kua aku o ka halepule o [x]awaiahao a ka hale aila mahu iho nei, a malaila, holo pololei a hiki iwaho o ko'u wahi, ua haule aku he eke lima a na wahine, me kekahi mau dala gula a me dala maoli. E uku ia no keia makana ae la ka mea o i olu e hoihoi mai ia'u a i ole, i ke Keena o ka Leo.
W.H. Kailima
319-dtf.
---
HOOLAHA.
E pani ia ana ka uwapo o Waikiki e hele aku ai i Kapiolani Paka, i na kaa o na ano a pau, ma ka Poaha a me ka Poalima, Nov. 19 a me 20.
H.F. Hebbard, Luna Alanui, Honolulu.
327-3ts.
---
KUAI HOOPAU NUI.
---
Mai keia manawa aku a hiki i ko MAkou hoonee ana aku iloko o ko makou
HALEKUAI HOU
Ma ke Alanui Papu,--(NA HALE BURUA.
E hoolilo aku ana Makou i ko Makou waiwai a pau o na ano Lole:
"NA LOLE NANI,
NA LOLE I HUMUIA,
KAPU A ME PAPALE
PAHU LOLE, a n[x]ia aka
No na Uku Hooemi Loa Nae.
Egan & Gunn.
ALANUI MOI kokoke i ke ALANUI PAPU. tf--d.
---
Na Paikini Hou
Na Paikini Hou
O NA ANO A PAU, E KINIKOHU AI O KE ANO AHIAHI, LOAA NO MA KAHI--
Chas. J. Fishels,
KIHI O ALANUI PAPU A ME HOTELE,
Ko makou halekuai hoopau nui, ma o MR. CHAS. J. FISHELS la, he mau wai wai hou loa ko makou, i loaa mai nei mai ka hikina mai, o na ano like ole he nui wale. Eia ma ko makou halekuai nei na paa lole e linohau ai o na Keonimana, a luhiehn o na Lede. na aulii o na Kamalii--
Na KINAMU ... Na ALAPIA
Na KALAKOA Malina ... Na KIHEI silika
NANAHE o na ano he nui ... A pela wale aku.
E huea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nau e wae nou iho i na anoai a kou puuwai, eia ka papa lohi o Apua la, ke anapa nei ka wai liuala i Mana.
E hele mai i hookahi, e hele mai no a pau loa, mai ke nui a ka liilii.
Chas. J. Fishels.
Halekuai alakai o na kumukuai haahaa loa.
356-tfd.
---
Na Waiwai Hou!
NA Aulii Hou!!
NA PAIKINI HOU O KEIA KAU HOOILO O KA MAKOU IA LA AULII KOLOMANU KU KE PAI HANA KA HAAWE
NANI WALE KA IKE I NA MEA NANI O KA HAU OKI O KA AINA GULA O KALEPONI--MA KA HALEKUAI WAIOLU NAWE MaLIE O--
N.S. SACHS.
He oia mau no ke emi o ke kumukuai o ko makou mau waiwai, a oia ke kumu o ko makou paa mau ana i ka hana--A he wahi puka iki ko makou e kaa mau nei--Eia he heluna hou o na waiwai hou, ka makou o na ano like ole--Na MA KALENA lau, a me na MAKALENA puu, o kela a me keia ano, o ke ano mai kai loa.
MAi Puiwa Oukou! Mai Puiwa Oukou!!
EIA IHO KA PAPA LOHI APUA, NA LOLE AAHU O NA LEDE I HANA MIKIOI IA MAI A AULII.
Na Muumuu o na Lede 40 keneta; Palekoki aulii o na Lede 50 keneta; Na Iuhie hu o ke ano ahiahi $1.00; Na Kihei kaekae huihui 40&50 keneta; NA KAwele hoe maemae ili o na Lede 60 keneta; Na Kaliki molina maikai loa 50 keneta, Na pai kini hou o na wahine ma ka hoopaa ana ia loko 50 keneta; Na Kakini lilina pahee o na Lede, elua paa no ka 25 keneta.
NA PAIKINI AULII O NA KEIKI, NO NA KUMUKUAI HAAHAA LOA, A EMI NO HOI.
Na aahu keokeo o na keiki 75 keneta; Na lole komo o na keiki 3 paa $1.00; Na Papale aulii o na keiki 25 keneta; Na kaliki o na kaikamahine 40 keneta; Na A-i kala o na keikikane 25 keneta, na Muumuu o na pepe 25 keneta; na Papale Lilina maikai o na kaikamahine he 50 keneta, mamua he $1.00, na Papale aulii o na keikane he 50 keneta, mamua he $1.00.
NA PAHOEHOE HULU PAHEE! NA PAHOEHOE HINUHINU!!
Ua piha u ko makou halekuai nei i na waiwai like ole o na ano a pau, o na hulu hoonani o na papale o na iwa maka onaona, eia ia ia makou nei la, ke hihi'o lua nei i Moeawakea, he eleele, he ahiehie, a nau e wae e like me kou makemake, he $1.00 wale no o ka lala hookahi, mamua he $2.00. O na papale keia o na hua pala, he kau maoli no ka iwa he la makani, eia la ke ahu a lala kukui mai nei. E hele mai e ike kumaka i ka nani e alohi nei, he ole hoi ka lohe pepeiao, hele mai na makua me na keiki pu mai no, e wae oukou no oukou iho. He makepono keia i ike ole ia kona lua, olai, o keia kuai he haawi wale no. O na ano no a pau, he aulii maoli no. o ka papale no hoi keia o na keikikane, he pani'o ia la ke nana aku oe, eia he 50 keneta wale no ke kumukuai. E loaa no ma kahi o
--:N.S. SACHS:--
318-dtf. 104. Alanui Papu, Honolulu.
---
HOOLAHA HOU
---
B.F. EHLERS & Co.--PAINAPA
---
HELU 99% Alanul Papu.
IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai hoopoho aku i na lol[x] o na Wahine, Kane a me na Kamalii, oiai, e hoi mai ana o B.F. EHLERS me na lele hou ma keia moku mai a oia ke kumu o ko makou kuai hoopoho ana, i kaawale ai na wahi no la LOLE HOU.
E kipa mai o na makamaka, i hoopau ia ai ko oukou kanalua no ka makou kuai hoopoho aku ia oukou.
Owau me ka oiaio,
B.F. EHLERS & CO.
[xxx]tf.