Ka Leo o ka Lahui, Volume II, Number 337, 3 Kekemapa 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

MAI MAUI MAI.

     E loaa ana he hale hana hau no ka poe o Wailuku a me Kahului, i mea e hooluolu ai i na kileo a me na lehelehe maloo o na kini o ke kaha one o kai e Kahului, ke kula lepo o ka pii'na o Wailuku, ua loaa mua no hoi ke kukui uwila.

     Ua hookuu ia o Hanale Lone, i hoopii ia no ka hopu a powa ana i kekahi pake.

     Ua holo aku ke kuna Anna no Kapalakiko.

 

NUHOU KULOKO.

     Ua makemake ia na Luna lawe pepa a pau o ka LEO O KA LAHUI, e hboihoi mai i na helu o na la, 19, 20, 26, 27 o Okatoba nei.  ma keia keena nei; ina nae he mau helu koe ia oukou.

     Ua makemake ia na Luna Lawe Pepa a pau o ka LEO a me ka OIAIO, e akoakoa mai ma ke keena nei, i ka hora 10 a.m., o ke kakahiaka Poalima, no ka noonoo ana i kekahi hana i manao ia.

     Nui na ulia i keia mau la ma ke awa o Puuloa.

     Ua loaa aku ke kino make o ke kanaka i piholo ai ma ke kai kuono o Puuloa; i ka huli ana o kahi wa  hulihuli mau o Wm. Wond.

     Ua holo aku ka moku hoomoe uwea telegarapa ma ka hikina aku nei i ka la iho la mehinei, no kona makemake e maopopo ke kulana o keia mau kai.

     Ua hewa no paha ka Ilamuku, aka, ua hewa no nae ke aupuni, mai ka Moiwahine nana oia i hoopunahele a ke aupuni nana i nana maka i kana mau hana e ahewa ia nei.

     O ka uwaina Malaga, aole ia i hana ia mai ka waina maoli, aka, mai na laau paipai a me ke kopaa a me ka waiwela.  Aloha ka puni wale o ka poe puni ona i ka imi i na mea ino me ka uku kiekie.

     I ka la iho la inehinei, i ike ia aku ai ka mokukaua Kaletona, a hoike ia ae la i ke kapitala nei, ao le nae i komo mai a hiki i ka wa a ka makou papapa'i i hana pono ole ae ai.

     Ua hui ae na "Oiwi Ponoi o Hawaii,"' ma ke ahiahi Poalua iho nei, o Mr. Keoni Kamaki ka hoomalu ana, o Kaulukou, Kaulia, Poepoe, Achi ma o Ikaaka, Nakamela, he eono paha ka huina nui.  E nana iho i ka helehelena o keia nalawai he poe ake holo balota wale no aole nae he lehulehu.  Pehea no la e laka mai ai ka lahui, he hehi i ke kanaka, a he kaihi i ka pono o ka lahui.  "Holehole na iwi" ka pololei o ka inoa o keia Hui.

"Ihea oe la i ka po nei?

I ka hale hooluhi a ke aloha.

Ilaila aku au aole oe!

Ihea oe la ihea oe?

Ihea oe la i ka po nei?

I ka hale hulahula o Keopu,

Ilaila aku au aole oe!

Ihea oe ia ihea oe?"

     E heluhelu iho i na laina kiko puiwa a me ninau me ke ano hoohuhu, a o na lama kiko koma mahope mai, e puana ae i na hopuna olelo me ke ano mihi, alaila, e loaa pono no ke kaona o keia mau wahi lalani mele.

     Ua loaa i ka wiliki o ka mokuahi C. R. Bihopa, kekahi eha kukonukonu loa ma kona poo me kona papalina, oiei oia e aila ana i ka enegini, ua lele mai la kekahi apana hao a pa pono ma kona poo, me ka haki pu o ka iwi o kona papalina.  I ka Poalua nei ka loaa ana o keia ulia, oiai o Bihopa e hooopuka aku ana mawaho o ke awa.  Ua hoohuli hou mai la oia no ka hoihoi ana mai i kona wiliki i poino no ka wahi ia o kona mau palapu.  Ua hoihoi loa ia oia no Haukapila.

     Ua makemake ia na Luna lawe pepa a pau o ka LEO, e hoihoi mai i na helu o ka la 2, 9, 10, o Novemaba nei, ma keia Keena, ina nae he mau helu koe ia oukou.

 

MALCOM BROWN!

(Palaunu.)

NOTARI O KA LEHULEHU, Aliiolani

Hale, Honolul H.I.

337-tf.

 

OLELO HOOLAHA HOOPAU HOPE.

     E ike auanei na kanaka a pau ma keia, mai keia la aku ua hoopau loa aku au i ko H. C. Ulukou noho Hope ana no'u ma na ano a pau loa e pili ana i ka malama ana ka hooponopono ana a me ka ohi ana i na auhau o ko'u mau waiwai a pau loa maloko nei o keia aupuni.  O na poe a pau loa e paa ana he mau waiwai no'u ma ko lakou lima, e hoihoi ae lakou ia'u ponoi ma ko'u wahi noho ma Honuakaha, ma Honolulu, Oaha.

                                    KAPIOLANI.

                                    (Ma o Jos. Nawahi la.)

     Honolulu, Oct. 31, 1891.   314-d3m.

 

HE HOOLAHA I KA AKEA.

     E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki, i loaa i na ma'i o kela a me keia ano, e nane mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwi, eha o ke poo, ma'iwahine a pela aku.  Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.

                                    Owou iho no,

                                    DR. LEONG KENG PONG.

    Helu 40, Huina o na alanui Kamika me Hotele, Honolulu, Oahu.  Aug. 31.  1y.

 

OLELO HOOLAHA.

                 E ike auanei na kanaka a pau, eia mo ka Pa Aupuni o Makiki, kekai mau lia hele hewa; lio k melemele, keokeo lokihi ma ka lae, huelo poemuku, 2 wawaeleele mua, 2 wawae keokeo hope; hao kuni R H uha hope akau.  Lio k eleele keokeo lokihi ma ka lae, 1 wawae keokeo hope hema.  3 wawae eleele; hao kuni D hope akau.  O ka mea a mau mea nona kela mau lio e nono e kii koke mai o hala na la he 14, kuai kukala aku no wau ke hiki aku i ka la 31 o keia malama, ma ka hora 12 o ke awakea Poaono.

                                    David Kaoao.

                                    Luna Pa Aupuni.

     Oct. 20, 1891.   304 3td.

 

Aila Kuai.

E LOAA NO MA KAHI O

J. F. COLBURN.

(KEONI KOLOBANA.)

Ma ke Kihi o na Alanui Nuuanu me Moi.

     E loaa no no ke kumukuai haahaa oa o $2.50 o ka pahu.  Hele mai hookahi, hele mai elua, hele mai no a pau.

     Ko oukou hoaloha,

                                    J.. F. COLBURN.

     Honolulu, Iulai 8, 1891.   232 dtf

 

A. HERING               M. PAULY

Ka Hale Hana Novelty.

     E lawe no laua a e hana i na ano hana kalai a hana hoonihoniho ma ka laau a ma ka niho palaoa paha; hoohinuhinu a anaanai ana a mania na pupu a me kukui, a me na pena hoonani o na kaupoku o na rumi; hooponopono hou, hoomaemae ana o na pila, na pu, na mea kaupaona a mea mama oia ano.

NA HANA MEA UWILA, NA HANA MEKINI, A ME HANA LAKA.

     E hana ia no na kuai, na ana kii, a pela aku, e like me ke kauoha.

     E hele mai io maua.

     132 Alanui Papu, Honolulu   335-tf-d.

 

E Kuai Hoopau Ana!

Na Kaa Huila Lua

a me

Ili Kaa Malalo o ke Ku mu Lilo

Ma kahi o -

S. G. Sehuman.

     Alanui Hotele kokoke i ke kihi o Alanui Papu.   329-1wd.

 

O kahi Emi Loa

A ME

Kahi Kupono loa

E PA'I AI OE I KOU

KII,

AIA NO IA MA KE

KEENA PA'I KII ALOHA!

(Alanui Nuuanu, ma kekahi aoao mai o Ema Hale).

     E pa'i ia ana na Kii o na ano a pau e laa hoi na kii puulu o ka ohana, na keiki, na bebe, na hale noho, na papa-aina luau, a me na kino make.

     Na Kii hoonuiia a hoemi ia mai paha mai na Kii e ae!

     Nolaila, mai poina i ke pa'i ana i ko oukou mau Kii ma ke KEENA PA'I KII ALOHA.  e loaa ana ia oukou na Kii maikai loa me ke emi loa ma Hawaii nei.

                                  THEO. P. SEVERIN:-Kapolena.

     KEENA PA'I KII ALOHA, ma alanui Nuuanu me Beritania, ma o mai o Ema Hale.   324-3md.

 

HAULE!  HAULE!

$10.OO MAKANA.

     Mawaena o ka halekuai pake ma ke kihi mauka o ke alanui Moi a me Puowaina me ko'u hale ma Kalia, ma ke alanui Moi aku i kai, ma ke kua aku o ka halepule o Kawaia hao a ka hale aila mahu iho nei, a malaila, holo pololei a hiki iwaho o ko'u wahi, na haule aku he eke lima a na wahine, me kekahi mau dala gula a me dala maoli.  E uku ia no keia makana ae la ka mea o lolu e hoihoi mai ia'u a i ole, i ke Keena o ka LEO.

     319-dtf    W. H. KAILIMA.

 

HOOLAHA.

     E pani ia ana ka uwapo o Waikiki e hele aku ai i Kapiolani Paka, i na kaa o na ano a pau, ma ka Poaha a me ka Poalima. Nov. 19 a me 20.

                                    H. F. HEBBARD.

     327-3ts                 Luna Alanui, Honolulu.

 

KUAI HOOPAU NUI.

Mai keia manawa aku a hiiki i ko Makou noone ana aku iloko o ko makou

HALEKUAI HOU

Ma ke Alanui Papu, - (NA HALE BURUA.

E hoolilo aku ana Makou i ko Makou waiwai a pau o na ano Lole:

NA LOLE NANI,

NA LOLE I HUMUIA.

KAPU A ME PAPALE

PAHU LOLE, aloeia aku

No na Uku Hoomi Loa Nae.

Egan & Gunn.

ALANUI MOI kokoke i ke ALANUI PAPU.

tf-d.

 

Na Paikini Hou

Na Paikini Hou

O NA ANO A PAU, E KINIHKOHU AI O KE ANO AHIAHI, E LOAA NO MA KAHI -

Chas. J. Fishels,

KIHI O ALANUI PAPU A ME HOTELE,

      Ko makou halekuai hoopaa nui, ma o MR CHAS. J. FISHELS la, he mau waiwai hou loa ko makou, i loaa mai nei mai ka hikina mai, o na ano like ole he nui wale.  Eia ma ko makou halekuai nei na paa lole e linohau ai o na Keonimana, a luhiehu o na Lede, na aulii o na Kamalii -

     Na KINAMU, Na ALAPIA, Na KALAKOA Malina, Na KIHEI Silika, NANAHE  o na ano he nui, A pela wale aku.

     E huea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nau e wae nou iho i na anoai a kou puuwai, eia ka papa lohi e Apua la, ke anapa nei ka wai liula i Mana.

     E hele mai i hookahi, e hela mai no a pau loa, mai ke nui a ka liilii.

                                    Chas. J. Fishels.

     356-tfd.                          Halekuai alakai o na kumukuai haahaa loa.

 

Na Waiwai Hou!

Na Aulii Hou!!

NA PAIKINI HOU O KEIA KAU HOOILO O KA MAKOU IA LA AULII KOLOMANU KU KE PAI HANA KA HAAWE

NANI WALE KA IKE I NA MEA NANI O KA HAU OKI O KA AINA GULA O KALEPONI - MA KA HALEKUAI WAIOLU NAWE MALIE O -

N. S. SACHS.

     He oia mau no ke emi o ke kumukuai o ko makou mau waiwai, a oia ke kumu o ko makou paa mau ana i ka hana - A he wahi puka iki ko makou e kaa mau nei - Eia he heluna hou o na waiwai hou, ka makou o na ano like ole - NA MA KALENA lau, a me na MAKALENA puu, o kela a me keia ano, o ke ano mai kai loa.

Mai Puiwa Oukou!     Mai Puiwa Oukou!!

EIA IHO KA PAPA LOHI O APUA, NA LOLE AAHU O NA LEDE I HANA MIKIOI IA MAI A AULII.

     Na Muumuu o na Lede 40 keneta; Palekoki aulii o na Lede 50 keneta; Naluhie hu o ke ano ahiahi $1.00; Na Kihei kaekae huihui 40 & 50 keneta; Na Kawele hoomaemae ili o na Lede @ keneta; Na Kaliki molina maikai loa 50 keneta, Na pai kini hou o na wahine ma ka hoopaa ana ia loko 50 keneta; Na Kakini lilina pahee o na Lede, elua paa no ka 25 keneta.

NA PAIKINI AULII O NA KEIKI, NO NA KUMUKUAI HAAHAA LOA, A EMI NO HOI.

     Na aahu keokeo o na keiki 75 keneta; Na lole komo o na keiki 3 paa $1.00; Na Papale aulii o na keiki 25 keneta; Na kaliki o na kaikamahine 40 keneta; Na A-i kala o na keikikane 25 keneta, na Muumuu o na pepe 25 keneta; na Papale Lilina maikai o na kaikamahine he 50 keneta, mamua he $1.00, nba Papale aulii o na keikanae he 50 keneta, mamua he $1.00

NA PAHOEHOE HULU PAHEE!  NA POHOEHOE HINUHINU!!

     Ua piha u ko makou halekuai nei i na waiwai like ole o na ano a pau, o na hulu hoonani o na papale o na iwa maka onaena eia ia ia makou nei la, ke hihi'o lua nei i Moeawakea, he eleele, he ahiehie, a nau e wae e like me kou makemake, he $1.00 wale no o ka lala hookahi, mamua he $2.00  O na papale keia o na hua pala, he kau maoli po ka iwa he la makani, eia la ke ahu a lala kukui mai nei.  E hele mai e ike kuilaka i ka nani e alohi nei, he ole hoi ka lohe pepeiao, hele mai na makua me na keiki pu mai no, e wae oukou no oukou iho.  He makepono keia i ike ole ia kona lua, oiai, o keia kuai he haawi wale no.  O na ano no a pau.  he aniii maoli no.  O ka papale no hoi keia o na keikikane, he pani'o ia la ke nana aku oe, eia he 50 keneta wale no ke kumukuai.  E loaa no ma kahi o

N. S. SACHS

     318-dtf.   104. Alanui Papu, Honolulu.

 

HOOLAHA HOU

B. F. Ehlers & Co PAINAPA

HELU 99 Alanui Papu.

     IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai hoopoho aku i na lole o na Wahine, Kane a me na Kamalii, oiai, e hoi mai ana o B. F. DHLERS me na lole hou ma keia moku mai a oia ke kumu o ko makou kuai hoopono ana, i kaawale ai na wahi no na LOLE HOU.

     E kipa mai e na makamaka, i hoopau ia ai ko oukou kanalua no ka makou kuai hoopho aku ia oukou.

     tf                          Owau me ka oiaio,

                                    B. F. EHLERS & CO.