Ka Leo o ka Lahui, Volume II, Number 336, 2 Kekemapa 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

He Moolelo Nanea.

NO

De Atanani.

Ke Koa o ka Lio

Olohe,

-A I OLE-

NA KIAI EKOLU

O FARANI.

            Me keia mau olelo a ua koa opio la iaia iho, noho iho la ia maluna o kona papakaukau, a kakau iho la i keia leta apuka me na olelo apuhi o ke kolohe kiekie, a e heluhelu ia ua leta apuka la me ke akahele:

            E ka Madame--A hiki mai i keia wa, aole loa au i ike o kela mau leta mua elua mai ia oe mai ia, a ke hauoli loa nei au no ka hanohano au i papahi mai la maluna o'u aka e kala mai ia'u no ka hakalia loa ma ka pane ana aku ia oe, e hiki aku ana au i ou la i ka hora 11 ponoi o keia po no ka nonoi ana aku i kau mau huikala ana.  O ka haule hope ana i hookahi la he olelo ahewa ia e hooponopono ia ai maluna o na ninau kuikawa, mai ka mea aku au i hookau mai ai i na hanohano he nui.

            Kauna de Wada.

            I ka paa ana o keia leta apuka, alaila ku ae la ke koa opio iluna a luai ae la i keia mau olelo:

            He leta apuka maopopo keia a'u, aka heaha la ia a'u e nana aku ai?  E hoohoka aku ana au iaia ma na ano a pau, a hiki i ka wa e loaa ai ia'u o ka mea huna a keia wahine e hana nei.

            Me kela mau olelo ae la a Atanani, huli ae la ia maluna o kana kauwa a pane aku la:

            E Palaneke, e lawe aku i keia leta no ka hotele halealii, a haawi aku i ka lede kauwa o ka hale, e loaa no ia oe ma ka puka nui ma ke alo o ka hale.

            Ua haawi mai kahi Palaneke i ke kunou poo no na olelo a kona haku opio, alaila haalele iho la ia i ke keena no ka hotele halealii.

            O ke koa opio Atanani hoi, aole ana hana nui e ae aka o ke kali wale aku no o ka hoea mai o ka manawa ana i hai aku ai maloko o kana leta apuka o ka wahahee.

            I ka uhi ana mai o ka malu po haalele iho la ua koa opio nei i kona keena no kahi o kona hoaloha La Fere, a ua apo ia mai ua koa opio la e na leo ohaoha a hookipa o kona hoaloha.

            O ka hoolauna ana ae o ua mau hoaloha la me na minute mua o ke kamailio, oia no ka ninau ana mai o La Fere i na mea hou e pili ana i ka kona hoaloha opio huakai e hele mau nei i kahi o ka leke Calarika.

            Ua hai aku la ua koa opio la, a iwaena o kana mau olelo, ua hoike aku oia i kana leta apuka ma ka inoa o ke kauna de Wada.

            Na keia pane hope a ke koa opio na ia mea i houmamalu iho i na kuemaka o ke koa La Fere, a oia kana i pane mai ai:

            E kuu hoaloha opio, o kela lede au i hoouna aku la i kela leta wahahee o ke apuka, he lede ia au e hoomanao ai me ka poino ole, he kiu oia na ke Cadinela.

            Ae e kuu hoaloha, ua ike a maopopo ia'u ia mea, a e like me ko'u ike a maopopo ana no ua lede la, pela wau e hoohoka aku ai iaia ma na ano a pau a hiki i kona lilo ana he pio malalo ou.

            Ua hoohoka aku au iaia no ka wa mua loa ma Ladana, oiai au ma ka'u huakai o ka hooko kauoha, no ka wa elua, ua hoohoka a hoohaahaa aku au iaia maluna o na palena o Sana Gemaine, a no ke kolu o ka manawa, ke hoohoka hou nei au iaia me kela leta apuka.

 

OLELO HOOLAHA HOOPAU HOPE.

            E ike auanei na kanaka a pau ma keia, mai keia la aku ua hoopau loa aku au i ko H. C. Ulukou noho Hope ana no'u ma na ano a pau loa e pili ana i ka malama ana ka hooponopono ana a me ka ohi ana i na auhau o ko'u mau waiwai a pau loa maloko nei o keia aupuni.  O na poe a pau loa e paa ana he mau waiwai no'u ma ko lakou lima, e hoihoi ae lakou ia'u ponoi ma ko'u wahi noho ma Honuakaha, ma Honolulu, Oahu.

            KAPIOLANI.

            [Ma o Jos. Nawahi la.]

Honolulu Oct. 31, 1891.  314-d3m.

 

HE HOOLAHA I KA AKEA

            E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano, e nana mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwi, eha o ke poo, ma'iwahine a pela aku.  Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka oi kiwawe loa, he makamaka a he hoaloha maikai no oukou e na Hawaii.

            Owau iho no,

            DR. LEONG KENG PONG.

Helu 40, Huina o na alanui Kamika me Hotele, Honolulu, Oahu, Aug. 31. 1y,

 

OLELO HOOLAHA.

            E ike auanei na kanaka a pau, eia ma ka Pa Aupuni o Makiki, kekahi mau lia hele hewa; lio k melemele, keokeo lokihi ma ka lae, huelo poemuku, 2 wawae eleele mua, 2 wawae keokeo hope: hao kani R. H. uha hope akau.  Lio k eleele keokeo lokihi ma ka lae, 1 wawae keokeo hope hema, 3 wawae eleele; hao kuni D hope akau.  O ka mea a mau mea nona keia mau lio e pono e kii koke mai o hala na la he 14, kuai kukala aku no wau ke hiki aku i ka la 31 o keia malama, ma ka hora 12 o ke awakea Poaono.

            David Kaoao.

            Luna Pa Aupuni.

Oct. 20, 1891.  304 3td.

 

Aila Kuai.

E LOAA NO MA KAHI O

J. F. COLBURN.

(KEONI KOLOBANA.)

Ma ke Kihi o na Alanui

Nuuanu me Moi.

            E loaa no no ke kumukuai haahaa loa o $2.50 o ka pahu.  Hele mai hookahi, hele mai elua, hele mai no a pau.

            Ko oukou hoaloha,

            J. F. COLBURN.

Honolulu, Iulai 8, 1891.  232 dtl

 

A. HERING.   M. PAULY

Ka Hale Hana Novelty.

            E lawe no laua a e hana i na ano hana kalai a hana hoonihoniho ma ka laau a ma ka niho palaoa paha; hoohinahina a anaanai ana a mania na pupu a me kukui, a me na pena hoonani o na kaupoku o na rumi; hooponopono hou hoomaemae ana o na pila, na pu, na mea kaupaona a mea mama oia ano.

NA HANA MEA UWILA, NA HANA

MEKINI, A ME HANA LAKA.

            E hana ia no na kuui, na ana kii, a pela aku, e like me ke kauoha.

            E hele mai io maua.

            132 Alanui Papu, Honolulu  335-tf-d.

 

E Kuai Hoopau Ana!

Na Kaa Huila Lua a me

Ili Kaa Malalo o ke Kumu Lilo

Ma kahi o-

S. G. Schuman.

            Alanui Hotele kokoke i ke kihi o Alanui Papu.  329-1wd.

 

O kahi Emi Loa

-A ME-

Kahi Kupono loa

E PA'I AI OE I KOU

KII,

AIA NO IA MA KE

KEENA PA'I KII ALOHA!

(Alanui Nuuanu, ma kekahi aoao mai o Ema Hale).

            E pa'i ia ana na Kii o na ano a pau e laa hoi na kii puulu o ka ohana, na keiki, na bebe, na hale noho, na papa-aina luau, a me na kino make.

            Na Kii hoonuiia a hoemi ia mai paha mai na Kii e ae!

            No laila, mai poina i ke pa'i ana i ko oukou mau Kii ma ke KEENA PA'I KII ALOHA, e loaa ana ia oukou na Kii maikai loa me ke emi loa ma Hawaii nei.

            THEO. P. SEVERIN:-Kapolena.

            KEENA PA'I KII ALOHA, ma alanui Nuuanu me Beritania, ma o mai o Ema Hale.  324-3md.

 

HAULE!  HAULE!

$10.00 MAKANA.

            Mawaena o ka halekuai pake ma ke kihi mauka o ke alanui Moi a me Puowaina me ko'u hale ma Kalia ma ke alanui Moi aku i kai, ma ke kua aku o ka halepule o Kawaiahao a ka hale aila mahu iho nei, a malaila, holo pololei a hiki iwaho o ko'u wahi, ua haule aku he eke lima a na wahine, me kekahi mau dala gula a me dala maoli.  E uku ia no keia makana ae la ka mea o i olu e hoihoi mai ia'u a i ole, i ke Keena o ka LEO.

319.dtf.  W. H. KAILIMA

 

HOOLAHA.

            E pani ia aua ka uwapo o Waikiki e hele aku ai i Kapiolani Paka, i na kaa o na ano a pau, ma ka Poaha a me ka Poalima, Nov. 19 a me 20.

            H. F. HEBBARD.

327-3TS.  Luna Alanui, Honolulu.

 

KUAI HOOPAU NUI.

Mai keia manawa aku a hiki i ko Makou hoone ana aku iloko o ko makou

HALEKUAI HOU

Ma ke Alanui Papu,-(NA HALE BURUA.

E hoolilo aku ana Makou i ko Makou waiwai a

pau o na ano Lole:

NA LOLE NANI,

NA LOLE I HUMUIA,

KAPU A ME PAPALE

PAHU LOLE, a pela aku

No na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU.  tf-d.

 

Na Paikini Hou

Na Paikini Hou

O NA ANO A PAU, E KINIKOHU AI O KE ANO AHIAHI, E

LOAA NO MA KAHI-

Chas. J. Fishels,

KIHI O ALAHUI PAPU A ME HOTELE,

            Ko makou halekuai hoopau nui, ma o MR CHAS. J. FISHELS la, he mau waiwai hou loa ko makou, i loaa mai nei mai ka hikina mai, o na ano like ole he nui wale.  Eia ma ko makou halekuai nei na paa lole e linohau ai o na Keonimana, a luhiehu o na Lede, na aulii o na Kamalii-

            Na KINAMU  Na ALAPIA  Na KALAKOA Malina  Na KIHEI Silika  NANAHE o na ano he nui  A pela wale aku.

            E huea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nau e wae nou iho i na anoai a kou puuwai, eia ka papa lohi o Apua la, ke anapa nei ka wai liula i Mana.

            E hele mai i hookahi, e hele mai no a pau loa, mai ke nui a ka liilii.

            Chas. J. Fishels.

            356-tfd.  Halekuai alakai o na kumukuai haahaa loa.

 

Na Waiwai Hou!

Na Aulii Hou!!

NA PAIKINI HOU O KEIA KAU HOOILO

O KA MAKOU IA LA AULII KOMOMANU

KU KE PAI HANA KA HAAWE

NANI WALE KA IKE I NA MEA NANI O KA HAU OKI O KA

AINA GULA O KALEPONI-MA KA HALEKUAI

WAIOLU NAWE MALIE O-

N. S. SACHS.

            He oia mau no ke emi o ke kumukuai o ko makou mau waiwai, a oia ke kumu o ko makou paa mau ana i ka hana-A he wahi puka iki ko makou e kaa mau nei-Eia he heluna hou o na waiwai hou, ka makou o na ano like ole-Na MAKALENA lau, a me na MAKALENA puu, o kela a me keia ano, o ke ano maikai loa.

Mai Puiwa Oukou!  Mai Puiwa Oukou!!

EIA IHO KA PAPA LOHI O APUA, NA LOLE AAHU O NA

LEDE I HANA MIKIOI IA MAI A AULII.

            Na Muumuu o na Lede 40 keneta; Palekoki aulii o na Lede 50 keneta; No @ o ke ano ahiahi $1.00; Na Kihei kaekae huihui 40&50 keneta; Na Kawele hoa maemae ili o na Lede 60 keneta; Na Kaliki molina maikai loa 50 keneta, Na pai kini hou o na wahine ma ka hoopaa ana ia loko 50 keneta; Na Kakini lilina panee o na Lede, elua paa no ka 25 keneta.

NA PAIKINI AULII O NA KEIKI, NO NA KUMUKUAI HAAHAA LOA, A EMI NO HOI.

            Na aahu keokeo o na keiki 75 keneta; Na lole komo o na keiki 3 paa $1.00: Na Papale aulii o na keiki 25 keneta; Na kaliki o na kaikamahine 40 keneta; Na A-i kala o na keikikana 25 keneta, na Muumuu o na pepe 25 keneta; na Papale Lilina maikai o na kaikamahine he 50 keneta, mamua he $1.00, na Papale aulii o na keikikane he 50 keneta, mamua he $1.00.

NA PAHOEHOE HULU PAHEE!  NA PAHOEHOE HINUHINU!!

            Ua piha a ko makou halekuai nei i na waiwai like ole o na ano a pau, o na hulu hoonani o na papale o na iwa maka onaona eia ia ia makou nei la, ke hihi'o lua nei i Moeawakea, he eleele, he ahiehie, a nau e wae e like me kou makemake, he $1.00 wale no o ka lala hookahi, mamua he $2.00.  O na papale keia o na huapala, he kau maoli no ka iwa he la makani, eia la ke ahu a lala kukui mai nei.  E hele mai e ke kumaka i ka nani e alohi nei, he ole hoi ka lohe pepeiao, hele mai na makua me na keiki pu mai no, e wae oukou no oukou iho.  He makepono keia i ike ole ia kona lua, oiai, o keia kuai he haawi wale no.  O na ano no a pau, he aulii maoli no.  O ka papale no hoi keia o na keikikane, he pani'e ia la ke nana aku oe, eia he 50 keneta wale no ke kumukuai.  E loaa no ma kahi o -:N. S. SACHS:-

318-dtf.   104, Alanui Papu, Honolulu.

 

HOOLAHA HOU

B. F. Ehlers & Co. - PAINAPU

HELU 99 Alanui Papu.

            IA OUKOU E NA MAKAMAKA A ME NA HOALOHA, OIAI @, UA makaukau makou i ke kuai hoopoho aku i na lole o na Wahine, Kane a me na Kamalii, oiai, e hoi mai ana o B. F. EHLERS me na lole @ ma keia moku @ ke kum uo ka makou kua hoo@ ana, i kaawale ai na wahi no na LOLE HOU.

            E kipa mai e na makamaka, i hoopau ia ai ko oukou kanalua no ka makou kuai hoonoho aku ia oukou.

tf         Owau me ka oiaio,

            B. F. EHLERS & CO.