Ka Leo o ka Lahui, Volume II, Number 333, 27 November 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.    HONOLULU, NOVEMABA 27, 1891.  Helu 333

 

He Moolelo Nanea.

NO

De Atanani.

Ke Koa o ka Lio Olohe,

A I OLE

NA KIAI EKOLU

O FARANI

            Mamuli o keia pane a ka Milede, na ia mea i hoike mai i ke koa opio aia he uhimaka palehuana e pili pohihihi ana mawaena o keia lede hanohano a me ke kauna Wineta.

            Nolaila, i wahi e hoomaholahola hou ia mai ai na maawe e pili ana i keia lede a me ke kauna, ua awala hou aku la ua koa opio nei me keia mau huaolelo o ka hoolauna:

            Ua loihi a kamaaina anei oe iho ke Cadinela?

            Ae e ka monasiua! wahi a ka Milede.

            A pehea hoi ke Duke o Bakinehama, ua kamaaina no anei oe iaia?

            Na keia ninau hope a ke koa opio Atanani, na ia mea i hoohaikea ae i na helehelena o ka lede Calarika, a me ka leo malie o ke pihoihoi, pane mai la ua lede Calarika nei:

            Ua kamaaina a ike anei oe i ke Duke o Bakinohama?

            Aole e ka Milede, ua lohe wle no au no kona inoa, aole nae au i ike iai, wahi a ua Atanani nei me ka wahahee nui.

            Alaila, pehea ka hoi oe i ninau mai nei nona?

            Ka! i hoomaoe wale ae nei no hoi au, no ka mea, ua lohe wale no hoi au he kanaka Enelani waiwai loa ia e nohoalii ana maluna o ka hanohano a me ka waiwai.

            Ae e ka monasina, ua pololei kau mau mea i lohe ai, aka, heaha ia mea he waiwai ke lilo oia he pio na Fanani nei?

            Alaila, aole ka oe he lede Enelani?

            Ae, ae e ka menasiua, he lede Enelani au, aka, o kuu puuwai a pau, eia no ia me Farani nei.

            Alaila, he kipi oe i kou aupuni, ina pela kau olelo, a ke ole au e kuhihewa, ina e lohe aku ana ke Duke o Bakinehama no kau mau hana, aole ia e nele ina ka hopu pio ana mai ia oe no ke kipi.

            Ua hoao no oia e hana ia'u pela ma ke paniku ana ia'u mai ko'u haalele ana aku ia Enelani no Farani nei, aka nae, ua ko ole ia mau iina ana ona.

            Ua puhalahi'u mai la au mai loko mai o ka mana o kela Duke ino, a'u hoi i hoowahawaha loa ai ma ke ano o ko'u enemi ino loa ia.

            Ahe! he enemi ino ka ke Duke o Bakinehama nou ea?

            Ae e ka monasiua, a ua paa ko'u manao, e make oia ia'u me ka maka o ka'u pahi poniada, mamua ae o ke kukala ia ana o ke kaua mawaena o Farani nei a me Enelani, a ke make oia ia'u 'e hauoli auanei au no ke koena i koe o ko'u mau la ma keia ola ana.

            Aole au e pepehi ana iaia ma ke ano he pepehi kanaka, aka, e panai ana au iaia e like me kana mea i hana mai ai maluna o'u.

            Ua hoao au me ko'u ikaika wahine a pau e loaa he noho'na hoaloha mawaena o maua, aka, ua maka welawela ino loa mai oia ia'u, a pela auanei au e hana aku ai maluna ona.

            O keia mau huaolelo a ka lede Calarika, ua hapai ae ia i na aakoko o ke koa opio a hooholo iho la oia i kona, e haawi no ia i na makaala ana no keia wahine ma na ano a pau, e hoopakele ia ai ke ola o kona hoaloha maikai ke duke o Bakinehama.

            Nolaila, i kela a me keia la, aia ua koa opio la e kipa mau aku ana ma ka home o na lde Calarika nei, me na maka noii o ka maalea no na hana a ua lede nei.

            Ma kekahi la a ua koa opio nei i kipa aku ai, o ka mea i halawai mua loa mai me ia, oia no ka wahine kauwa Kite, a me na huaolelo ohaoha o ke aloha kakahiaka, hoolauna mai la ua wahine kauwa iaia noi me keia mau olelo:

            E ka monasiua le kavalia, ua makemake au e hoike aku ia oe i ekolu mau huaolelo, mamua o kou ike ana i kuu haku wahine!

            E ha'i ma e kuu lede maikai, wahi a Atanani.

            Pane mai la ka wahine kauwa, aole au e pono ke hoike aku ia oe ma keia wahi.

            Alaila, ihea ka oe i manao ai e e hoike mai ia'u?

            A e monasiua le kavalia, e ukali mai mahope o'u, a na'u no e alakai aku ia oe no kahi kupono e kamaai kaua.

            O ka mea a'u e manao nei e hoike aku ia oe, he mea huna ia, aole e pono e lohe ia o kahi mea o ka hale, aka, o kaua wale iho no ka'u makemake ai.

 

He Moolelo

NO

MASEPA.

Ka Olali o Denemada!

-:A LOLE:-

Ke Kaulio Keokeo!!

Kakauia no KA LEO O KA LAHUI.

 

            O keia pane a ka moi Carla, ua hiki ole i na kiu ke pane mai, a no elima minute ka loihi mahope iho ia wa i poha hou aku ai ka leo kakana o na moi nei me keia mau olelo okalakala o ke kauoha:

            Ua lohe aku la anei oukou i ka'u mau olelo, alaila, e ha'i mai heaha la ka oukou pane?

            He lapu oia! he lapu oia! wahi a na kiu i hooho like ae ai, a ina aole oia he lapu, alaila, no ke aha la i pahaohao ai o Kopoenahegana nei?

            Ua hoopahaohao ae ua kaulio keokeo la me na leo ikuwa lehulehu, a makou hoi e kapa kuhihewa ole nei, he lapu io no oia.

            Aka o ke alii i mea nou e hooiaio ai i ka oiaio o ka makou olelo, e haalele iho i kou kapu moi, a e ukali mai mahope o ko makou meheu, no ke kahua o na hana hoopahaohao a kela kanaka kaulio kamahao nui wale.

            Aha! he mau huikala ana no ko oukou mau poo mai ke kipoka ia ana @! wahi a ka moi i pane ae ai me ka leo nui.

            Alaila, o ke aha ka makou hooia no keia mea pohihihi!

            Na keia mau olelo hope a na kiu, na ia mea i kono aku i ua moi la e hooko oia e like me ka makemake o na kiu:

            A oia hoi ka ua moi nei i pane hou mai ai:

            O ka manawa hea ka wa e ike ia ai o ua kaulio kamahao ala?

            I na wa a pau! wahi a ka pane a na kiu.

            Alaila, e makaukau no oukou iho i ka hora 8 o keia ahiahi a e hoolohe hoi i ka leo kahea o ka o ia.

            Me keia mau huaolelo ae la a ua moi, hookuu aku la oia i kona mau kiu no ka manawa i makemake ia'i lakou.

            A o ua moi la hoi, huli ae la ia a hoouna aku la no kona kenela a @ kai nui ka haku Kasela.

            O keia haku Kasela, oia no kekahi o na liona hae o Denemaka iloko o ia mau la.

            O kahi i ike mua loa ia ai o kana mau hana koa a wiwo ole, maluna no ia o na kahua kaua o na kula laula o Denemaka, ma keia la hooili kaua ia Moneka ka weli.

            Ua loaa i keia Kasela ka hanohano o ka lilo ana i Kenela a i alakai nui no na mana kaua o Denemaka, mamuli o ka lilo ana o ka hanohano na kona mahele koa i hopu pio ka haku Moneka ma ka waha o na pukuniahi.

            A oiai, o ka make ana o ka alihikaua mua ma ua la hooili kaua nei, nolaila, ua nana mai la ka moi Carlo maluna o keia Kasela, me ka hilinai, e lilo oia i poo a i alakai no kena mau mana kaua holookoa o ka aina.

            Nolaila, e like me ka makemake o ua moi nei pela ua Kasela nei i hoea ae ai, a imua o kona haku i waiho mai ai ka moi Carlo i keia mau olelo o ke kauoha.

            E Sir Haku Kasela, ua makemake ia kou mau puali legeona hanohano o hoea ae maluna o na palena o ke kulanakauhale o Kopenahegana, a o ka hanohano a me ka ihiihi o kau oihana, oia ka'u makemake ai.

            Me keia mau olelo a ka moi Carlo, huli ae la ka haku Kasela maluna o kona mau kapuai a haalele iho la i ka halealii no ke kahua o ka hana.

            Emoole, aia ka leo poha paapaama o ka leo o ka o-le kauoha a ua haku la, ke wawalo ala ma na palena o ka pa kaua o Denisa ia mau hora meha o ke ahiahi.

            Na ia leo kahea o ka o-le i hoala ae i na ihohae o Denemaka e hoala ae i na iliohae o Denemake, e ala no ka makaukau ana ia lakou iho no ke kahua o ka hana.

            Ua hoea pu @ ma ua pakana la na kiu hanu meheu kaulana Denemaka e like me na kauoha a ko lakou moi, a o ka hanohano o ko lakou kulana, ua makaukau ia no na minue o ka hana.

            Aole i pau.

 

HOOLAHA KUAI AINA.

            Mamuli o ke kauohaia Hou, ke hoike ia aku nei ka lohe i na mea a pau, ua makemake maua e kuai aku i kona kuleana aina a pau loa iloko o kela apana aina e waih@ ma Haiku, Hamakualoa, Maui, nona ka Palapala Sila Nui Helu 183, no W. P. Alekanekero i lilo mai i kekahi poe hui.  E loaa no na kukaana no ke kumukuai me maua ma Honolulu.

            NAWAHI & HUNTSMAN.

323-d@  Na Loio no Hoa.

 

OLELO HOOLAHA.

            E ike auanei na kanaka a @ ka Pa Aupuni o Makiki nei, @

lio hele hewa.  Lio k ulaula, 2 wawae mua i paa i ka hao, kiko keokeo ma ka @ pela ma ke kua, 1 wawae keokeo @ hema, kiko keokeo ma ka @ ano e @.  Lio k melemele, 3 wawae @ keokeo ka hulu o ka wawae @ keokeo maluna o na @ elua, hae kuni X hope hema.  Lio k. ulaula, keokeo @ ma ka @ keokeo ma ke kua pela no @ elua, i wawae i paa i ka hao @ ano e hope akau hapala ka @ keia mau kuni.  O ka mea@ paha no lakou keia mau lio, @ kou e kii mai, o hala auanei @ e kuai kudala aku no wau ke @ ka la 7 o Novemaba 1891.

            D. KAOAO

            Oct. 27, 303-dtf.

            Luna pa Aupuni

 

Hoolaha Hookapu.

            Ke hoike ia aku nei ka lohe i na @ kanaka a pau loa.  Ua hookapu loa maua i ko maua mau Apana Aina @ i kapaia o Kalaheo, Kahaleula a me Puuoihala, no lakou na eka 202 e waihoia ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai.  Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a @ mea paha e kue ana i keia, e hopu ia no e maua, a i ole ia, e ko maua mau Kope paha, a e hooko ia e like me ke kuhikuhi a ke kanawai.  O na poe a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole ia, me DAVID DAYTON, a i ole ia KUKA.

            Owau no me ka haahaa,

            MRS. C. I . HIRAM.

Honolulu, Oahu, Oct. 8, 1891.  3ms-d.

 

Kauka Yong Kam Pung.

(APANA.)

Helu 53, Alanui Maunakea

Ke Kauka Loea o ka

Aina Pua!

Ua hiki ke hoola ia kela a me keia ano ma'i, mai ko na kane, wahine a me na keiki liilii.  O na mai'i ha-no ua hiki loa ia ke hoola ia me ka maalahi.  A o na ma'i e pili ana i ka maka pau pu ia i ke ola.  Ke hoike ia aku nei, eia ke ola ia nei, me ka oluolu pu o kahi auhau. Ka poe pilikia hanau keiki a hele nui paha ka hanau ana, paa paha o ka waiu, e hele nui mai i o'u nei.

            E KIPA mai e ka poe i hooluuluu ia me na haawina pilihua a ka ma'i, a na'u oukou e hooluolu aku.

            KAUKA YONG KAM PUNG.

            Honolulu Sept. 2, 1891.  272-d3m*

 

I KA LEHULEHU HAWII

            Ke hooiaio aku nei ka mea nona ka inoa malalo, ua hoolana ka'u wahine mai ka pilikia hoomailo a ka ma'i kokopaa, ka'u keiki elua, makahiki hoi mai ka aneane loa ana, e make i ka ma'i emi pu wale no o ke kino, oia hoi ka pilikia ai maloko o ke kino.  Mai ke ola ana o ka ma'i  a hiki i keia la, aole i hoea hou mai na pilihua o ia ano.  Ke kono nei au i na makamaka Hawaii o'u e hele ae ia Kauka Apana (Yong Kam Pung) a e loaa no ka maha.  Mai kanalua ma na ano elua - oia ka oluolu o na pilikia ma'i a me ka haahaa o na auhau ana.

            Me ka oiaio,

            F. M. AEA.