Ka Leo o ka Lahui, Volume II, Number 332, 26 November 1891 — Page 2
| This text was transcribed by: | Joyce Yoshimoto |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA.
KUAI O KA HOOLIMALIMA O KA LOKO O OPU. MA PAWAA, OAHU.
Ma ka Poakolu, Dek, 16, 1891, ma ka hora 12 awakea, ma-ke alo komo aku ma mua o Aliolani male e kuai ia aku ai ma ke kudala, ka hoolimalima o ka loko supuni o Opu ma Pawaa, Oahu. Ka ma mawa he 15 makakiki, ke kumukuai koho anua he $50 uku makahiki, e uku ia ma ku uku hapa makahiki mamua.
C. N. SPENCER, Kuhina Kalaiaina.
Keena Kalaiaina Nov. 14, ’91. 324 3 tsd.
KUAI O ELUA APANA AINA AUPUNI MA KAAUWAELOA, PALOLO, OAHU.
Ma ka Poakolu Dek. 19, 1891, ma ka hora 12 awakea, ma ke alo o Aliiolani Hale, e kuai ia aku ai ma ke kudala elua apana aina aupuni ma Kaauwaeloa Palolo, Oahu, oia hoi: Apana 1, Nona ka ili he 18 eka a oi a emi mai paha, kumuku ai koho mua he $500. Apana 2. Nona ka ili aina he 18 eka a oi a emi mai paha, kumukuai koho mua $500.
C. N. SPENCER, Kuhina Kalaiaina.
Keena Kalaiaina, Nov. 13, ’91. 324 3tsd
O ka Poano la 28 o Novemaba nei, ka la hoi i loaa mai ai ke Kuokoa o Hawaii nei mai na Aupuni mai o Enelani a me Farani, he La Kulaia Aupuni ia, a e paniku ia hoi na Keena Oihana Aupuni a pau o ke aupuni ma ia la.
C. N. SPENCER, Kuhina Kalaiaina.
Keena Kalaiaina, Nov. 12, ’91. 324 4 tsd.
NA APANA AINA HOME LIILII MA PUNA HAWAII.
Ke hoolaha ia aku nei ma keia:
1 Aia he 20 mau apana ma Nauawale, Puna, Hawaii, e loaa no he mau apana kupono no ka noho ana kuonoono, mai keia mau apana aina home liilii mai.
2 E ike ia no kee kii o keia mau apana aina, maloko o ke keena Aina o ke aupuni, ma Honolulu a i ole ma ke keena o J. E. Elderts ma Kapoho, Puna, Hawaii.
3 Na J. E. Elderts, e kuhikuhi mai i na apana i ka mea e makemake ana e ike i ua mau apana la, a no ia hana ana e loaa iaia ka uku o $1.00 mai ka mea noi aku.
4 O ka poe makemake i mau apana aina, e nonoi mai no, ma ke kakau ana mai i ke Kuhina Kalaiaina, maluna o ka pepa i pa’i hakahaka ia, a loa no ke kope oia mau palapala me ka uku ole mai a J. E. Elderts.
5 Aole e noonoo ia ke noi a kekahi mea he aina ponoi kona.
6 O kela a me keia mea nonoi e loaa iaia na makahiki oo ma ke kanawai.
7 E ae ia no ka mea nonoi i umi makahiki e uku ai noka aina ma ia manawa, e hookuu ia no ka aina mai na auhau aupuni a pau.
8 Iloko o hookahi makahiki, ke kauoha ia nei oe e kukulu i hale nou maluna o ka apana aina i lilo ia oe, a e hoomau aku oe i ka noho ana no ke koena o na makahiki he umi.
9 Iloko o ekolu makahiki, ke kauoha ia aku nei oe e hoopuni i ua aina la me kekahi pa kupono a paa hoi.
He mea pono ia oe e hookaa mua mai i kela a me keia hapa makahiki, i ka uku panee maluna o ke kumukuai o ka aina ma ka 5 pakeneka o ke dala i ka makahiki hookahi; ua hiki no hoi ia oe ke hookaa i ke kumukuai holookoa, a o ka hapa paha, ma kela a me keia wa, he mea ia e emi mai ai ka uku panee.
11 O ka aelike mua ana, aole hiki ke hoolilo ia aku, a aole no hoi e hiki ke hoolilo ia aku ka aina, a hiki i ka hooko piha ia ana o na kumu aelike.
:Ke haule hope ka hooko io ia ana o kekahi o keha mau konini hoike ia ae la, he mea ia e loaa ole ai ka aina.
C. N. SPENCER, Kuhina Kalaiaina.
Keena Kalaiaina, Nov. 6, 1891. 318-4t.
KUAI O KA AINA AUPUNI MA KE AWAAWA O LAUPAHOEHOE, HILO, HAWAII.
Ma ka Poakolu, Dekemaba 2, 1891, ma ka hora 12 o ke awakea, ma ke alo iho o ke komo ana o Aliiolani Hale, ma ia wahi i makemake ia ai e kuai aku ma ke kudala akea ana; a e hoomaopopo ia hoi o Haawi a he wahi kupono hoi no ka noho ana ma kela awaawa o Laupahoehoe Hilo Hawaii, a o kona ili he 50 eka, oi a emi mai paha.
Kumu hoomaka $500.
C. N. SPENCER, Kuhina Kalaiaina.
Keena Kalaiaina, Nov. 6, 1891. 319----d3ts.
NA KOHO ANA I SILA IA.
E lawe ia ana ma ke keena Kalaiaina a hiki i ka Poalua, Novemaba 17, 1891, ma ka hora 12 awakea, no ke kukulu ana i hale laau noho ma kahi hooulu laau o ke aupuni, kihi o alanui Moi a me Keaumoku, Honolulu.
O na kii a me na hoolala ana no ka hana e ike ia no ma ka ninau ana ma ke keena o ka Luna Hana Aupuni.
E kakau ia na palapala koho me na olelo mawaho o ka palapala, “Palapala Koho no ke Kukulu ana, Kahua Hooulu Mea Kanu.”
Aole e hoopaa ana ke Kuhina Kalaiaina iaia iho e lawe i ke koho haahaa loa a i kekahi koho e ae paha. C. N. SPENCER, Kahina Kalaiaina.
Keena Kalaiaina, Nov. 11, 1891 3ts
KUDALA AKEA ANA O NA LAIKINI AWA.
Ma ka Poakolu Novemaba 9 ’91, e kuai ia aku ana ma ke kudala akea ana i kekahi mau Laiki Awa, no ka manawa hookahi makahiki, mai Ianuari 1, 1892 aku.
MAUI.
Lahaina 2 Laikini
Wailuku 2 :
Makawao 1 :
HAWAII.
Kau 1 Laikini.
KAUAI.
Kawaihau 1 Laikini
Waimea 1 :
O keia mau laikini o keia mau mokupuni o Maui, Hawaii a me Kauai, e kuai kudala ia aku ana no ia iloko o ko lakou mau apana pakahi iho; a e hoike ia aku no na ano a pau e pili ana ia mea ma ia wahi, a ke waiho ia nei ka mana malalo o ka makai nui, a i ole ia, o kona hope paha.
Kumu koho mua no ka laikini o Lahaina me Wailuku $300, o ka laikini hookahi, a no na laikiui e ae o kekahi mau Mokupuni e ae, $100, hoomaka aku oia no ka laikini Hookahi.
Ka Manawa. E uku mua ia he 25 pa-keneta i ka wa e haule ai ka hamale.
A o ke kaena aku, e uku ia no ia i ka piha ana o na la i hoike ia.
Ina aole e uku ia ke keena iloko o na la he umi mahope iho, alaila, e lilo no kela uka mua ana i mea ole.
C. N. SPENCER, Kuhina Kalaiaina.
Keena Kalaiaina, Nov. 11, 1891. 3ts
KA LEO O KA LAHUI.
JNO E. BUSH.
Lunahooponopono a me Puuku.
POAHA, NOVEMABA 26, 1891.
KA ADVERTISER A ME KA ILAMUKU.
I keia mau la iho nei, ua hoike ae ka Advertiser, i ka mea a ka Ila muku i hana ai, oia hoi ka lawe ana i na kii o na haole Bloom a me Douglas a me kekahi leta, a palapala paha e pili ana ia laua, a me ka holomalu ana o keia mau haole me hookahi tausani dala a oi aku. Aole e kala keia mea ma ka lima o ka Ilamuku, aka, i ke kokoke ana mai o ka wa e hopu ia ai o keia mau haole a hookolokolo ia, ua holo aku la ka Ilamuku me na kii a me na palapala iaia no Hawaii, e hoohala manawa ai. No keia mau hana kupanaha, i ka wa i hookolokolo ia ai, ua hoao ia ka pahu hao e wehe, aka, ua heo nae na kii aole ma Kuapapanui, a no ke kuonoono ole o na hoike, ua hookuu ia keia mau kolohe, a aia laua ke au ala i ka moana uli ka moana lipo, me ke gula i koe aku i ko uka nei poe niuhi aina.
Ano iho nei no, mai ka moku mai o ke Panalaau o ka hema mai, ua hiki mai na hoike e hooia ana i ka hewa i hana ia, a ua ae no hoi ka Hamuku, ua lawe pu aku no ia i na hoike kii a olelo e paa ai keia mau lawehala, iaia aku nei e hele aku na Hawaii, e hoao i na manu kolea me ka pu kiki makana a keia mau haole iaia, wahi a ka Advertiser e olelo nei.
He nui na olelo hopo ole a ka lehulehu e hooili nei maluna o ka Makaeha a ke Alii Liliuokalani i hookohu aku ai he Ilamuku no Kona aupuni. Ua hele aku keia mau olelo wehewehe a ka Ilamuku nona iho, a me na olelo hooponopono paku’i, a aia imua o na haole a me na Hawaii, a na oukou no e kaana iho i ka hewa a hewa ole.
Hookahi nae a makou mea e kamailio ae ai, oia keia: Ua waia ke poo o ka Lahui Hawaii, a ma ia wahi kakou i kuleana ai e kamailio nona. He oiaio, o ka pono maoli o na Kuhina ke nuku ia no keia maewaewa o ka inoa makamae o Hawaii, ma na ano a pau; aka, e like ma ke komo o ka Moi e lawelawe pu ma ka hookele ana mawaho ae o ka leo a’o o Kona Aha Kuhina, e lohe ia nei, ma na hana aupuni, pela e noa ai ke kapu alii, a hiki ke kamailio ia. Ua ike kakou na ka Moiwahine i hookohu i ka Ilamuku ma o kona makemake iho, ao’e ma o kona wae ana a ma ko ka lahui makemake hoi. Ma o keia kumu i loaa ai ka hooili ia o na olelo, na hoino, o na ano e a pau e loohia ana ma na oihana ano nui a pau, oiai, ua komo kino oia e hana hoopunahele e like me kona makemake.
Aole makou e kala i wanana ai i ka hopena e hiki mai ana o keia mau hana: a me he la, eia koke no ke mohala mai nei ka pua, a ke o mai nei ke ano e ka hua he kakalaioa. E like me ke ano o ka hua i kanu ia, pela no ka hua e hoea mai ana. He au naauao keia, a aia wale no ko kakou pono a hookele naauao ia, a oia hoi, maluna o ka mea a ka Moiwahine i hoole ai a i hehi iho ai hoi maluna o kona mau kapuai wawae, ka Hoopono, ka olelo a Kanato i a’o ai, e aloha ke Akua a e oluolu i ka lahui kanaka.
Ka Moku Beagle.
Ma ke ku ana iho nei o ka Mariposa mai ka hema mai, i kau mai nei ka makuahine a me ke kaikuahine o Mr. Davis, kekahi ona o kela wahi kialua Beagle. O Bloom a me Douglas na inoa i lohe ia iho nei i o kakou nei, eia nae, o ko laua inoa ponoi o Bell a me Davis.
Ma ka hoike a na pepa o Kikane mai nei, ua lilo mai i keia mau hao le he £25,000 ma o ke kokua ana a kekahi mea o Millar me kekahi poe e iho. Ua hoopa’i ia mai nei keia mau haole he ehiku makahiki ma ka hana oolea o ka mea hookahi, a ua hoike ae laua i ka inoa o keia mau haole i hopu ia iho nei e keia aupuni, a hookuu ia.
Ua lohe ia, o ke kumu ka o ka hiki ana mai nei o ka makuahine o kekahi o laua, oia hoi ka imi ana mai ia Davis, no ka mea, na lilo mai iaia he £6,000 a kona makuahine.
He Hoohuakeeo.
Ua haalele mai ka wahine a Kale Kaleka i KA LEO me ka nui ewaewa. Aole i poino ka kakou nupepa, a aole no hoi i hooi ia’e ka u’i o ka wahine i hoano e ia ka helehelena e ka inaina, no ka hoike ia o ke ino o na hana e pili ana i kahi i pili iaia, ke hu la ka ena. He loa ke ala i loaa ole kahi e loli ai, he maia ke kanaka a ka la o hua ai. Kahi le’a nae o keia poe waiwai, ka heluhelu a pau, alaila, hookalau mai i ka uku. He kii malu auanei keia i ka ha’i nupepa e heluhelu malu ai.
KA LA 28 O NOVEMABA IHO NEI O MISS. KALUA KUHAANUI.
Molale a kalae maikai no hiona o ka la i ka Poalua nei, e lana malie ana na ea kuahiwi ma ka palamea o ka lewa, o ka la hoomakaukau ia no ka hoomanao ana i ka la i oili pulelo mai ai o Kalaihauola Kalua Kuhaanui mai ka puhaka mai o Mrs. Wahineai a me D. Hoopii i na la i aui aku la. Mahope iki o ka aina awakea; ua paholaia he papaaina mahiehie malalo o ka malu o ka halelewa, ma Mokauea Kalihi, a neenee ae la na kini makamaka me na pulima aloha, a ua po-hu ae la o loko.
Kau mai la ke ano o ke ahiahi, hoohoene ia ae la na lealea o ka la, a pela wale no i nee molie ai na anoi o ka la me ka maluhia. Ua nele na huna ahi e hoolalapa ai, a ua neo pu no hoi me na hoonaue olai. Mohaha na hiona o ka opio nona ka la. E hooloihi ia kou mau la.
J. S. KEAWE.
He paina ke haawi ia ana e Mr. John i keia la, a he hulahula Europa hoi malaila i keia po.
Ma ka auina la onehinei, i hoohauoli aku ai o Mr. Berger i na haumana o ke kula o Punahou me kana mau hokeo kani.
Maikai no hoi ka Aha Mele i malamaia ma ka halepule o Kaumakapili i ka po Poalu nei. Ua nui ka poe i hiki aku e hoolohe, a ua lawa ole i kahi e noho ai.
Ma ke kauoha a Mr. S. E. Peirce Launahooponopono o ka waiwai o A. Bolster i make, e kuai ia aku ana ma ke kudala o Mr. J. Mokana na hale e ku nei ma ke kihi o Alanui Kikeko a me Moiwahine, a ma keia mua aku e kuai hou ia ai kekahi mau waiwai e ae.
KA PUA LEHUA.
1. Anoano e hali’a mai ana ia’u
Kuu pua Lehua i ka like
Hiki mai ana ke ala me ke aloha
Maua pu no i ka noe.
Hui: Ilaila ka anoi e li’a nei
Me ka pua Pikake onaona
I hoa hooheno no ka pili
I mehana neia po anu.
2. Mikioi ka hana a ia manu
Kiliopu i ka wai kihene
Hoonu’a i ka lau laau
Kuu pua kau ika wekiu.
3. Mili ia hoi ka manao i paa
I hoa kaana no ka opua
A o ko’u kuleana no ia
E hiki malihini aku ai.
Hakuia e L. A.
NA LUNA NUI O KA HUI AOAO LAHUI HAWAII LIBERALA.
Hon. JNO. E. BUSH Peresidena
“ J. NAWAHI Hope “
Mr. J. K. PRENDERGART Kakauolelo
“ C. B. MAILE Puuku.
KOMITE.
Hon. R. W. WILIKOKI
Nob. D. W. PUA
Mr. J. K. BIPIKANE
Mr. A. SMITH
Mr. GEO. MARKHAM.
HOOLAHA PILIKOKO.
E ike auanei na mea a pau ma keia, oiai, ma ka la 13 o Novemaba nei, 1891, ua make o Luka Kahului w, ne Lahaina Maui, a i kona wa i make ai, ua waiho mai oia ma ko’u lima he palapala Sila no kona aina ma Lahaina Maui, a ua kuhikuhi mai hoi ia’u he mau palapala e ae kekahi no kona mau aina e ae ma Lahaina a me Waikapu, ma Maui. Nolaila ke hoike ia aku nei ka lohe i na mea pau loa i pilikoko i ka mea i make e hele mai a hui me a’u ma Honolulu Oahu, no ka hoomaopopo ana i keia waiwai o ka mea i make a’u e paa nei, a na ka poe i kuleana e hana aku no lakou.
Owau no o KELUIA (w)
Ma o Nawahi a me Huntsman.
Honolulu Nov. 19, 1891. 328-1md.
HOOLAHAPA AUPUNI.
E ike auanei na kanaka a pau, eia ma ka pa aupuni o Makiki nei kekahi mau lio helehewa. Lio kulaula, keokeo loihi ma ka lae; 4 wawae eleele, hao kuni auo e uha hope ak, ke ano o keia hao kuni Hema, ina aole hema hao ano e. Lio k, hulupala ulaula, elua wawae keokeo hema, keokeo loihi ma ka lae, paa na wawae i kapuai hao, haokuni @H@ uha hope ak. O ka mea a mau mea nona keia mau lio, e pono e kii koke mai, o hala na la he 15, e kuai kukala aku no au ke hiki aku i ka la 5 o Dek., 1891.
D. Kaoao.
Nov. 19, 1891. 328—dtf.
“PONO KAULIKE!”
NA MOHO no na Luna Nui o ka Oihana Kinai Ahi i waeia e na Hui Kaawai malalo iho, e koho ia ana ma ka la 7 o Dekemaba, 1891, no na wahi pakahi e pili ana ia lakou:
“Holokahana.” --- HUI KAAWAI HAWAII HELU 4.
“Ko Makou Akenui, ka Pomaikai oka Lehulehu.” --- HUI KAAWAI MEKANIKA HELU 2.
“Ma kahi a ka hana e hea ai, malaila makou e loaa ai.” --- HUI HOOPAKELE PALAHUKI A ME ALAPII HELU 1.
“Lanakila.” --- HUI KAAWAI AINA PUA HELU 5.
Luna Nui: JULIUS ASCH.
Kokua Ekalu: JAS. H. HUNT.
Kokua Elua: D. L. KALAWAIA:
328-l2td.