Ka Leo o ka Lahui, Volume II, Number 331, 25 November 1891 — Page 3
| This text was transcribed by: | Dorothy Stocking |
| This work is dedicated to: | To the People of Hawaii |
KA LEO O KA LAHUI.
"E Mau ke Ea o ka Aina i ka Pono."
HOOKAHI LA I KOE ALAILA
HOOIKAIKA AKU.
O keia kekahi o na olelo pelo i hoea mai io makou nei, mai waena mai o na poai o na hipa eleele e maau hele mai nei.
E kali kakou, e akahele kakou, a ka la mamua iho o ke koho balota ana, alaila hoike ae kakou, oia ka wa kupono e hana ai.
Me keia lohe o makou i keia mau huaolelo hohe wale, oia ka makou i panai aku ai, hele pela oe e Satana, oiai he ino oe, he moo kelagona ula ula oe, e ake ana e ale i na mea a pau e maalo aku ana imua ou.
Ka! Ka!! Ka!!! Aole e pono, nolaila, aole makou e hoolohe i kau e kena hipa eleele, e pono oe e hele pela; oiai hoi, aole e hiki ia oe e uhi i ka oiaio, oiai, o ko makou kahua, aia no ia maluna o ke kahua o ka Pono a me ka Hoopono, a aole iloko o ka epa, aole no hoi iloko o ka hoopunipuni, aka, aia makou ma ke kahua oiaio o na kalaiaina naauao ana, ma na ano a pau, aole makou he poe hoopilimeaai, aole loa.
Nolaila e na hoaloha oiaio o Hawaii ponoi, e ike ia kakou hoa kanaka, mai nana kee a mai punihei wale i na hana pelo a kela poe moo kelagona, oiai hoi, he wale make ma ko lakou mau waha, a he mea nou e poino ai e ka ili ulaula, nolai la e aeo kanaka mai kakou e pono ai hoi.
No ka nui o ko makou aloha i ko kakou aina hanau, ka lahui, a me ka nohoalii, nolaila ke kumu o ko makou hooikaika ana, e pahola aku i na olelo ao imua o oukou e ka Lahui Haweii oiaio.
- - - - -
He Omaimai ka Moiwahine.
He omaimai iki ko ka Moiwahine i keia mau la, aole nae he ma’i ano nui. Ua ano opiopio hou ae kona kino, a hoi mai la na ano o ke kino hooulu.
- - - - -
Na Komite.
Aole e holo ana na lala o ka Hui Kalaiaina no ka ahaaina ma Ewa, ma ke ano he hoa o ka hui. O ka poe no i pololi loa ke holo ana.
- - - - -
He Powa.
I ka hora 10 paha o ka po Poakahi iho nei, ma ka aoao ma Waikiki iho o ka pa o ka Pepee, mawaho ae nei o Kamaki Kuea, oiai o J. K. Keo e nanea ana i ka hele ma ia wahi pouliuli aku o ke alanui, ua hili ia mai la oia ma ka aoao akau o kona poohiwi e kekahi kanaka i maopopo ole aku iaia kona ano, me kekahi laau newa i kana hoomaopopo ana, a hina aku la oia ilalo no ka eha.
Ia manawa, nana mai la ua lima koko nei a o ko ia nei make ole paha, o ko iala holo aku la no ia me ka puahi nui.
Ihea la ka na kaiko o ke aupuni, ua hele paha ma na poopoo pouliuli e moe ai. Ke kau leo aku nei makou i na kiai o ka lehulehu, e makaala i keia mau powa o ka po.
- - - - -
Fia ke apuhiia nei ka lahui pake me na apana pepa, e loaa ai ke kuleana koho ia lakou, ina e haawi mai i hookupu i ka Hui Kalaiaina ma o keia poe i hoonaho ia e ka Peresidena. Heaha mai nei keia, e alakai pouli ia mai nei oe e hipa a me kao ma.
NUHOU KULOKO.
Ua makemake ia na Luna lawe pepa a pau o ka LEO O KA LAHUI, e hoihoi mai i na helu o na la, 19, 20, 26, 27 o Okatoba nei, ma keia keena nei; ina nae he mau helu koe ia oukou.
- - - - -
Ua makemake ia na Luna Lawe Pepa a pau o ka LEO a me ka OIAIO, e akoakoa mai ma ke keena nei, i ka hora 10 a.m., o ke kakahiaka Poalima, no ka noonoo ana i kekahi hana i manao ia.
- - - - -
A keia ahiahi Poaha e hui ai ka Hui Hawaii Liberala; hora ehiku, ma ka Hale Paikau Kahiko.
Ua hoonui ia aku la ka huina o ke Komite Wae Moho o ka hui Kalaiaina a ka 17. Nui kela a pake’o wale aku i ka rula.
Ke hapai nei ka hoomana Enelani, e lapaau ia na ma’i opiopio o ka poe lepera, aole hoi e lawe ia mamua o ka hoao ia ana.
Nui @ka hauna o Kuapapanui i keia mau la, ke hele la a loaa na poa o ka oihana i ka hoohuahualau a ka hanu mea kakau mea hou o ka nupepa “P. C. Advertiser.”
Ua piha ae ka luakini o Kaumakapili ma ka po nei i ka poe hoolohe i na leo o na kahuli leo le’a o ke taona nei, a me na hookani ogana akamai a Mr. Taylor, a me na hookani pila umeume a Miss Makaru a me kekahi poe e iho.
Nui ko makou aloha i ka ike kino ana iho i ke Alii Makua o na kini o Waimea a me Kawaihae, John Parker, iaia e waiho ana ma ke kino lepo. Oia okoa no aole i ano e ae, a me he la, o ka loli iki ana ae o kona maka, ua hoolike ia ae la oia me kona luaui makuakane. Ua maikai kona waiho ana i ka hu’i a ka hau, a ua hiki ke ikea iho me ka maemae a me ke aloha.
Eia iho ka malamakoku o kekahi moku holo no Kina, Ka Le Lacheur, i lawe mai ai i na Pake a hoopaa ma Kohala. He aliimoku oia no Hokuao. He hoopae opiuma ka ka moku hana, a he hoopae haipule kuai aina hoi ka ka lua o kona moku i kau mai la. Eia, ma lia paha ua komo hihia pu mai nei kekahi mau tausani tini opiuma ma Hoku Ao. Ua akea aku.
- - - - -
NA LUNA NUI O KA HUI AOAO LAHUI HAWAII LIBERALA.
Hon. JNO. E. BUSH Peresidena
“ J. NAWAHI Hope “
Mrs. J. K. PRENDERGART Kakauolelo
“ C. B. MAILE Puuku.
KOMITE.
Hon. R. W. WILIKOKI
Nob. D. W. PUA
Mr. J. K. BIPIKANE
“ A. SMITH
“ GEO. MARKHAM.
- - - - -
E Kuai Hoopau Ana!
Na Kaa Huila Lua
a me
Ili Kaa Malalo o ke Ku mu Lilo
Ma kahi o—
S. G. Schuman.
Alanui Hotele kokoke i ke kihi o Alanui Papu. 329-1wd.
- - - - -
ILIO NALOWALE.
Ma ka po o ka Poalima la 6 o Nov., 1391, he iiio opiopio nona na mahina elima, he kalakoa kona hulu, he keokeo me ka hamelemale ano moo, ua eha ia kona uha hope akau, ua ano ola nae. A o ka mea e hoihoi mai ana i keia ilio ma Leleo, e loaa no iaia ka uku makana o $3.00 HEIL J. KAPU.
Leleo, Honolulu, Nov. 10, 1891.
321-4ts.
- - - - -
HOOLAHA KUAI AINA.
Mamuli o ke kauoha’a Hoa, ke ho ike ia aku nei ka lohe i na mea a pau, ua makemake maua e kuai aku i kona kuleana aina a pau loa iloko o keia apana aina e waiho la ma Haiku, Hamakualoa, Maui, nona ka Palapala Sila Nui Helu 183, ne W. P. Alekanekero i iilo mai i ke kahi poe hui. E loaa no na kuka ana no ke kumukuai me maua ma Honolulu.
NAWAHI & HUNTSMAN.
323-d1m. Na Loio no Hoa.
- - - - -
OLELO HOOLAHA HOOPAU HOPE.
E ike auanei na kanaka a pau ma keia, mai keia la aku ua hoopau loa aku au i ko H. C. Ulukou noho Hope ana no’u ma na ano a pau loa e pili ana i ka malama ana ka hooponopono ana a me ka ohi ana i na auhau o ko’u mau waiwai a pau loa maloko nei o keia aupuni. O na poe a pau loa e paa ana he mau waiwai no’u ma ko lakou lima, e hoihoi ae lakou ia’u ponoi ma ko’u wahi noho ma Honuakaha, ma Honolulu, Oahu.
KAPIOLANI.
[Ma o Jos. Nawahi la.]
Honolulu Oct. 31, 1891. 314-d3m.
- - - - -
HE HOOLAHA I KA AKEA.
E ike auanei na ano lahui a pau, e no ho ana ma ke Aupuni Hawaii, mai na kane, wahine, a me na keiki; i loaa i na ma’i o kela a me keia ano, e nane mai i ko’u Keena hana, a na’u e hoopau aku i na ehaeha a ka ma’i maluna o oukou e na makamaka, he hiki ia’u ke lapaau i na ano ma’i a pau, ma’i iloko o ka opu, hu’i ke kino, aki iloko o ka iwi, eha o ke poo, ma’i wahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.
Owou iho no,
DR. LEONG KENG PONG.
Helu 40, Huina o na alanui Kamika mo
Hotele, Honolulu, Oahu. Aug. 31. 1 y.
- - - - -
O kahi Emi Loa
--A ME—
Kahi Kupono loa
EPA’I AI OE I KOU
KII,
A@A NO IA MA KE
KEENA PA’I KII ALOHA!
(Alanui Nuuanu, ma kekahi aoao mai o Ema Hale@.)
- - - - -
E pa’i ia ana na Kii o na ano a pau
e laa hoi na kiipuulu o ka oha-
na, na keiki, na bebe, na
hale noho, no papa-ai-
na luau, a me na
kino make.
- - - - -
Na Kii hoonuiia a hoemi ia mai paha mai na Kii e ae!
- - - - -
Nolaila, mai poina i ke pa’i ana i ko oukou mau Kii ma ke KEENA PA’I KII ALOHA, e loaa ana i@ oukou na Kii maikai loa me ke emi loa ma Hawaii nei.
THEO. P. SEVERIN: --- Kapolena.
KEENA PA’I KII ALOHA, ma alanui
Nuuanu me Beritania, ma o mai o
Ema Hale. 324-8md
- - - - -
KUAI HOOPAU NUI
Mai keia manawa aku a hiki i ko Makou hoene
ana aku iloko o ko makou
HALEKUAI HOU
Ma ke Alanui Papu, -- (NA HALE BURUA.
E hoolilo aku ana Makou i ko Makou waiwai a pau o na ano Lole:
NA LOLE NANI,
NA LOLE I HUMUIA,
KAPU A ME PAPALE
PAHU LOLE, a peia aku
No na Uku Hooemi Loa Nae.
Egan & Gunn.
ALANUI MOI kokoke i ke ALANUI PAPU. tf-d.
- - - - -
Na Paikini Hou
Na Paikini Hou
O NA ANO A PAU, E KINIKOHU AI O KE ANO AHIAHI, E LOAA NO MA KAHI—
Chas. J. Fishels,
KIHI O ALANUI PAPU A ME HOTELE,
Ko makou halekuai hoopau nui, ma o MR. CHAS. J. FISHELS la, he mau wai wai hou loa ko makou, i loaa mai nei mai ka hikina mai, o na ano like ole he nui wale. Eia ma ko makou halekuai nei na paalole e linohau ai o na Keonimana, a luhiehu o na Lede, na aulii o na Kamalii—
Na KINAMU Na ALAPIA
Na KALAKOA Malina Na KIHEI Silika
NANAHE o na ano he nui A pela wale aku.
E huea pau ia aku ana keia mau waiwai a pau imua ou, aole hoi o oe wale o na
Lede kekahi, pau pu aku hoi me na keiki, nau e wae nou iho i na anoai a kou puuwai, eia ka papa lohi o Apua la, ke anap@ nei ka wai liula i Mana.
E hele mai i hookahi, e hele mai no a pau loa, mai ke nui a ka liilii.
Chas. J. Fishels.
356-tfd. Halekuai alakai o na kumukuai haahaa loa.
- - - - -
Na Waiwai Hou!
Na Aulii Hou!!
NA PAIKINI HOU O KEIA KAU HOOILO
O KA MAKOU IA LA AULII KOLOMANU
KU KE PAI HANA KA HAAWE
NANI WALE KA IKE I NA MEA NANI O KA HAU OKI O KA AINA GULA O KALEPONI—MA KA HALEKUAI WAIOLU NAWE MALIE O—
N. S. SACHS.
He oia mau no ke emi o ke kumukuai o ko makou mau waiwai, a oia ke kumu o ko makou paa mau ana i ka hana—A he wahi puka iki ko makou e kaa mau nei—Eia he heluna hou o na waiwai hou, ka makou o na ano like ole—Na MA KALENA lau, a me na, MAKALENA puu, o kela a me keia ano, o ke ano mai kai loa.
Mai Puiwa Oukou! Mai Puiwa Oukou!!
EIA IHO KA PAPA LOHI O APUA, NA LOLE AAHU O NA LEDE I HANA MIKIOI IA MAI A AULII.
Na Muumuu o na Lede 40 keneta; Palekoki aulii o na Lede 50 keneta; Na luhie hu o ke ano ahiahi $1.00; Na Kihei kaekae huihui 40&50 keneta; Na Kawele hoomaemae ili o na Lede 60 keneta; Na Kaliki molina maikai loa 50 keneta. Na pai kini hou o na wahine ma ka hoopaa ana ia loko 50 keneta; Na Kakini hilina pahee o na Lede; elua paa no ka 25 keneta.
NA PAIKINI AULII O NA KEIKI, NO NA KUMUKUAI HAAHAA LOA, A EMI NO HOI.
Na aahu keokeo o na keiki 75 keneta; Na lole komo o na keiki 3 paa $1.00; Na Papale aulii o na keiki 25 keneta; Na kaliki o na kaikamahine 40 kineta; Na A-i kala o na keikikane 25 keneta, na Muumuu o na pepe 25 keneta; na Papale Lilina maikai o na kaikamahine he 50 keneta, mamua he $1.00, na Papale aulii o na keikane he 50 keneta, mamua he $1.00.
NA PAHOEHOE HULU PAHEE! NA PAHOEHOE HINUHINU!!
Ua piha u ko makou halekuai nei i na waiwai like ole o na ano a pau, o na hulu hoonani o na papale o na iwa maka onaona eia ia ia makou nei la, ke hihi’o lua nei i Moeawakea, he eleele, he ahiehie, a nau e wae e like me kou makemake, he $1.00 wale no o ka lala hookahi, mamua he $2.00. O na papale keia o na hua pala, he kau maoli no ka iwa he la makani, eia la ke ahu a lala kukui mai nei. E hele mai e ike kumaka i ka nani e alohi nei, he ole hoi ka lohe pepeiao, hele mai na makua me na keiki pu mai no, e wae oukou no oukou iho. He makepono keia i ike ole ia kona lua, oiai, o keia kuai he haawi wale no. O na ano no a pau, he aulii maoli no. O ka papale no hoi keia o na keikikane, he pani’o ia la ke nana aku oe, eia he 50 keneta wale no ke kumukuai. E loaa no ma kahi o
---: N. S. SACHS: ---
318-dti. 104, Alanui Papu, Honolulu.
- - - - -
HOOLAHA HOU
B. F. Ehlers & Co – PAINAPA
HELU 99: Alanui Papu.
IA OUKOU E NA MAKAMAKA AME NA HOALOHA, OIAI HOI, UA makaukau makou ke kuai hoopoho aku i na lole a ua Wahine, Kane a me na Kamalii, oiai, e hoi @ ai ana o B. F. EHLERS me na lele hou ma keia make mai a oia ke kumu o ko makou kuai hoopoho ana, i kaawale ai na wahi no ua LOLE HOU.
@--E kipa mai e na makamaka, i hoopau ia ai ko oukou kanalua eo ka makou kuai hoopoho aku ia oukou.
Owau me ka oiaio.
tf B. F. EHLERS & CO.