Ka Leo o ka Lahui, Volume II, Number 331, 25 Nowemapa 1891 — Page 1
| This text was transcribed by: | Paul Davis |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU. NOVEMABA 25, 1891. Helu 331
He Moolelo
NO
MASEPA.
Ka Olali o Denemada!
A I OLE
Ke Kaulio Keokeo!!
Kakauia no KA LEO O KA LAHUI.
O keia na hoike nui a ua poe kiu poe kiu la i waiho aku ai imua o ka Moi Carlo.
Haawi ae la ua moi nei i na nana pono ana me ke akehele loa, a i ka hiki ana aku o ka ua moi nei nana a heluhelu ana ma kahi o ka olelo hooholo a kona mau kiu e kapa ana i ke kaulio keokeo he uhane lapu oia.
Pupuku ae la na helehelena o ua moi nei, hanu kaumaha ae la ia, a me ka leo okalakala o ke kauoha, pane mai la oia:
He lapu ka ea! alaila, pehea ka oia i ike ole ia ai i kela mau makahiki i kaahope ae nei?
Ea! aole anei o oukou ke apuhi mai nei ia'u i i mea e hoopakele ia'i ko oukou mau poo mai ka'u olelo ahewa aku o ke kipoka?
Aole e ke alii! wahi a na kiu i pane aku ai.
Alaila, pehea ka hoi keia hoike a oukou i lawe mai nei, oiai ka'u kauoha ia oukou no ka loaa he mau hoike oiaio e pili ana no kela kaulio, a i ole, o kona paa pio paha, aka, aole nae pela, o ka lapu oia wale iho la no.
Pane mai la ua kiu. ua haawi makou i na ikaika a pau e paa pio ai kela kaulio keokeo, aka, ua ko ole nae.
A ina he kanaka ola maoli oia e like me ko kakou ano nei. alaila, e pakele ana anei oia i ka makou mau poka mua?
E ke alii, aole loa oia e pakele, aka, no kona ano eepa. pela no i e@pa ai ke kii ana o ka makou mau poka.
Na keia pane a ma kiu, na ia mea i hoohamau i na lehelehe o ka moi Carlo, a no kekahi mau minute, lua'i hou mai la oia i na huaolelo penei:
O ko oukou manaoio maoli anei ia he uhane lapu ua kaulio keokeo nei?
Ae ! wahi a na kiu.
Alaila, i kamailio hou mai a i ka moi Carlo, he lapu anei ka mea nana i kahakaha keia moa Masepa maluna o keia leta kipi o ke koko me na huaolelo moakaka?
Ea ! e na kin, ke manao nei au ua kuhihewa loa ia oukou ma ia mea.
No'u iho, aole loa o'u manao he lapu oia, he kanaka ola no oia, a me he mea ala o ke keiki no kela a kela kauna kaili wahine, ke kanaka opio kaulio haaheo hoi a'u i ike ai he mau makahiki i kaahope ae nei.
Alaila, e ke alii, mai ia manawa mai a hiki i keia la, ahia ae nei na makahiki ka loihi? wahi a kekahi o na kiu.
Aneane e eha, a i ole, ua aneane no paha e eha na makahiki, wahi a ka moi.
Ina pela. alaila. e hoomanao iho oe, iloko o ia mau makahiki loihi eha, aole anei oia i make, aole anei oia kela kaulio opio i holo pupule ai me kona makuakane, ma kela po i hookuu ia oia e make maluna o ke kua o kekahi o kona mau lio keaka.
Ae, o ua kanaka opio kaulio ala no ia, a ina oia ke kahua o ka oukou mau hoike e pili ana no na kaulio opio la, alaila, no ke aha la hoi ia ala ole mai ai ka uhane o kela kauna kaili wahine a lapu pu e like me kana keiki.
A oia hoi ka na kiu i pane hou mai ai:
Aole anei o ka loa o na hooholo lio o ua kauna ala no ia malalo o ka inoa apuka o ka haku Moneka?
Ana, i hooho ae ai ka moi Carlo, ke maopopo aku la ia'u, ina o ua kauna ala ia o ke kaili wahine, alaila, owai la hoi kela kanaka kaulio keokeo nana i hoopakele ae i ka haku Moneka ke kipi, mai ka mana ae o na koa a me ka waha o na pukuniahi maluna o na kula palahalaha laula o Denemaka nei?
Aole anei o keia kauliio Masepa no, ka mea a oukou e kapa kuhihewa nei he lapu oia mai ka po mai?
Ua makemake ia na Luna lawe pepa a pau o ka LEO, e hoihoi mai i na helu o ka la 2, 9, 10, o Novemaba nei, ma keia Keena, ina nae he mau helu koe ia oukou.
HOOLAHA PA AUPUNI.
E ike auanei na kanaka a pau, eia ma ka pa aupuni o Makiki kekahi mau lio helehewa. Lio k melemele kikokiko keokeo ma ka lae, elua wawae keokeo hope, elua wawae eleele mua, paa na wawai i kapuai hao, hao kuni ano e ma ka aoao akau o ka a i. Lio k ulaula. 4 wawae keokeo, kiko keokeo ma ka lae, hao kuni ano e uha hope akau. O ka mea a mau mea nona keia mau lio, e pono e kii koke mai o ha la na la he 15, e kuai kudala aku no au ke hiki aku i ka la 28 o Nov. M.H. 1891. D. KAOAO.
323-dtf. Luna Pa Aupuni.
He Moolelo Nanea.
NO
De Atanani.
Ke Koa o ka Lio Olohe.
A I OLE
NA KIAIEKOLU O FARANI.
A aia ua pahi la ua lele koheoheo ae la iloko o ka lewa a haule aku la he mau kapuai mamao mai iaia (Kauna Wineta) aku.
A o ua kauna la hoi mamuli o ka ikaika, a me ke oolea maoli o keia kiina pahi a Atanani, ua niniu ae la ia a haule pahu aku ilalo o ka honua.
Me he olapa ana la na uwila, aia ke koa opio ke hoohahani la i ka maka o kana pahi i ke kani-a-i o ke kauna, a me ka leo koikoi o ke koa lanakila, pane iho la ia i keia mau olelo:
A-ha, e ke kauna de Wineta! He kanaka make oe ma ka maka o ka'u pahikaua, aka no ke ola o kou kaikuahine au i hai mai ai ia'u. ke hoopakele nei au i kou ola.
Ano e ku iluna ma kou mau kapuai, a e hoomanao aole loa he pahikaua o Farani nei nana o pakaha hou i kou ola.
O keia mau olelo hoalohaloha a ke koa opio, oia ka ua kauna la i ala ae ai iluna, puili mai la oia ia Atanani, a me na olelo hoomaikai o ka mihi, pane mai la oia, ua aie au ia oe no ko'u ola, a i keia la ke lawe nei au ia oe i hoaloha oiaio no'u i na wa a pau a o ka make oia wale no ka mea nana e hookaawale ia kaua.
A pau kela mau olelo hoomaikai a ua kauna la maluna o ke koa opio, alaila huli ae la ia a pahola aku la i kona mau hoomaikai nui maluna o na kiai ekolu me keia mau olelo:
E lawe aku i na tausani hoomaikai ana o ke kauna de Wineta maluna o oukou, a e lilo kakou a pau i mau hoaloha oiaio.
Mahope iho o ka pau ana o na olelo hoomaikai o ke kauna Wineta maluna o na kiai ekolu, huli ae la ia Atanani a pane aku la:
E kuu hoaloha opio, ei a mea ia'u e kapa aku ia oe ma ia ano, a ma he mea pono, e ae hou mai ia'u e hoolauna aku ia oe i keia ahiahi imua o ko'u kaikuahine ke lede Calarika, a ke ole au e kuhihewa e loaa mai ana ia oe he mau launa ike kiekie ana mai iaia mai.
Ua haawi mai ke koa opio Atanani i na kunou poo hoomaikai ana no keia mau hoolauna a kona hoaloha Wineta, alaila lalau mai la ia i ka palapala kata hoolauna i ka inoa a me kahi i noho ai o ka lede Calarika, a ke kauna i haawi aku ai, ua noi pu mai ke kauna i ke koa opio no kona wa e makaukau ai a me kona wahi e loaa ai, ua haawi aku ua koa opio la i ka hana me keia mau olelo:
Hora 8, ma kahi o La Fere.
Me keia hoolauna pokole ana ma waena o ke kauna a me ke koa opio, haalele iho la lakou i ke kahua hakoko o Luxemaboro, a huli hoi like aku la no ko lakou mau wahi like ole.
I ka hiki ana ae i ka hora 8 o ua ahiahi la, hoea mai la ke kauna ma kahi o La Fere, a iloko o ka laua kukai olelo pokole ana me ke koa opio haalele iho la laua i kahi o La Fere no ka hotele Halealii.
Ia laua i hoea aku ai, hoolauna aku la ke kauna i kana malihini imua o kona kaikuahine ke lede Calarika me keia mau olelo:
O De Atanani keia, ke kanaka opio a'u i hai aku ai ia oe no kona hookoe ana mai i ko'u ola, oiai au he pio malalo o ka mana o kana pahikaua. Ano e ike mai oe iaia ma ka inoa o Monasiua De Atanani.
Ma kela mau olelo a ke kauna imua o ka lede Calarika, alaila huli ae la ia maluna o kona hoaloha opio a pane aku la me keia mau olelo makamaka o ka hoolauna lede Calarika De Atanani.
Ua halawai ae ua lede la a me ke koa opio ma na lulu lima aloha ana me na kunou hoohie o ka awihi.
OLELO HOOLAHA.
E ike auanei na mea a pau, owau o ka mea nona inoa malalo nei, ke hoolaha aku nei au ma ke akea i ka waiwai o AIAU pake i noho hoolimalima, ma kuu hale e ku nei ma ke Alanui Kekaulike, no ka hookaa ole ana i na dala he $14.00, o na mahina 6. Nolaila, ua makaukau wau e kuai kudala aku @@ waiwai a pau e paa nei @... ma ke hala na la he 15 mai ke@@@ aku, a oia iho keia mau waiwai.
1 Moe paina 2 Hainaka pakeke
1 Pela moe 1 Pakumakika
2 Kihei halii 3 Huluhulu moe
2 Pahu ili 1 Kihei pau
1 Kuka huluhulu 4 Palaka pake
1 Palule 3 Pale@@i
1 Peliki 13 Lei a-i
2 Kaawe 2 Hinaka pakeke
2 Paa kakini 5 Paa Kamaa
6 Kawele 1 Ie paalima
1 Mamalu 1 papale puako
1 Laau kau lole 1 Pahi liilii
1 Kini pana 2 Lolewawae huluhulu
1 Owili lopi kilika
O keia ka nui o na waiwai
2w-5tds. 105 WONG @@ONG.
OLELO HOOLAHA.
E ike ananei na kanaka a pau, eia ma ka Pa Aupuni o Makiki nei, kekahi mau lio hele hewa. Lio k ulaula. 2 wawae mau i paa i ka hao, kiko keokeo ma ka a-i pela ma ke kua, 1 wawae keokeo hope hema, kiko keokeo ma ka lae, hao kuni ano e, koho kiaha puaniki @@ ano. Lio k melemele, 3 wawae keokeo, eleele keokeo ka hulu o ka wawae mua akau, kiko keokeo maluna o na kue maka a elua, hao kuni kuni X hope hema. Lio k ulaula, keokeo lokihi ma ka ka lae, kiko keokeo ma ke kua pela no na aoao a elua, 4 wawae i paa i ka hao, hao kuni ano e hope akau hapala ka hao malalo o keia mau kuni. O ka mea a mau mea paha no lakou keia mau lio, e pono ia lakou e kii mai, o hala auanei na la he 12 e kuai kudala aku no wau ke hiki aku i ka la 7 o Novemaba 1891.
D KAOAO.
Oct, 27, 303-dtf. Luna pa Aupuni.
Hoolaha Hookapu
Ke hoike ia aku nei ka lohe i na ano kanaka a pau loa. Ua hookapu loa mana i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai. O na pee a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole, me DAVID DAYTON, a i ole ia KUKA.
Owau no me ka haahaa.
MRS. C. I. HIRAM.
Honolulu, Ohau, Oct. 8, 1890. 3ms-d
Kauka Yong Kam Pung.
(APANA.)
Helu 53, Alanui Maunakea.
Ke Kauka Loea o ka
Aina Pua!
Ua hiki ke hoola ia kela a me keia ano
ma'i, mai ko na kane, wahine a @
na keiki liilii. O na ma'i ha-no
ua hiki loa ia ke hoola ia me
ka maalahi. A o na ma'i
e pili ana i ka maka
pau pu ia i ke
ola. Ke ho-
ike ia aku nei,
eia ke ola ia nei, me
ka oluolu pu o kahi au-
hau. Ka poe pilikia hanau
keiki a bele nui paha o ke koko
a paa a lohi paha ka hanau ana pa
paha o ka waiu, e hele nui mai i o'u nei.
E KIPA mai e ka poe i hooluu
luu ia me na haawina pilihua a ka ma'i
a @@@@@ e hooluolu aku.
KAUKA YONG KAM PUNG.
Honolulu Sept. 2, 1891. 272-d3m
I KA LEHULEHU HAWAII
Ke he@@@o aku nei ka mea nona ka @@@ malalo, ua hoolaia ka'u wahine @@@, ka'u keiki elua makahiki @@@ mai ka aneane loa ana e @@@@@@ emi pu wale no o @@@@@ hoi ka pilikia ai maloko o ke kino. Mai ke ola ana o ka paa @a hiki i keia la. aole i hoea hou mai na pilihua o ia ano. Ke kona nei au i na makemake Hawaii o'u e hele ae ia Kauka Apana Yong Kam Pung) a e loaa no ka maha. Mai kanalua m@ na ano elua - oia ka @@@olu o na pilikia ma'i a me ka haahaa o na auhau ana.
Me ka oiaio,
P. M. AKA.