Ka Leo o ka Lahui, Volume II, Number 329, 23 Nowemapa 1891 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU, NOVEMABA 23, 1891.     Helu 329.

He Moolelo Nanea.

NO

De Atanani.

Ke Koa o ka Lio

Olohe.

---A I OLE---

NA KIAI EKOLU

O FARANI.

Ae e ka monasiua, aka ina he mea hiki, alaila malalo o ka hanohano o ka hae liona ke aa nei au e halawai me oe me ka oi o ka pahikaua, ina he mea hiki e lilo ai o ko'u poo.

"Ha ha ha, i hooho ae ai  ke koa opio, he mea kupanaha ka hiki ana i kekahi kanaka ke olelo ae pela, oiai kona hopena ua hoopaa ia ma ka waha o ka pu panapana.

Alaila e ki mai mai i kau pu panapana ina ua manao oe pela, aka e ka monasiua koa Farani e lohe hou oe o kauna de Wineta au ka haku Barona o Sefila, a aole hoi i ike ia mea he hoohe wale me ka wa ha o ka pu panapana a kekahi koa Farani.

Alaila ua makaukau oe no ke kipoka ia ana ea?  Ha ha ha, e ke keonimana, he hehena paha oe i ka mailio mai ai pela, uo kou ola iho e lawe i elua minute, a e hai mai hea ha kau i makemake ai no'u e hooko aku?

O keia mau ninau a ke koa opio oia ka na kauna la i pane mai ai me keia mau olelo o k aaa:

E ka monasiua koa Farani, ua makemake au e halawai pu me oe me ka maka o ka pahikaua ma ke ahiahi o ka la apopo imua o kekahi mau hoike au a me a'u e koho ai.

Aha, oia ka makemake o ke keonimana ea? alaila ua makaukau au e hooko no ia wa, aka e ke keonimana e hai mai i kahi a me ka hora a kaua e halawai ai.

Ma Luxemaboro, i ka hora 6 ponoi o ke ahiahi.

Ua pono a e hoea aku ana au ilaila ma ia manawa.

Alaila ma ka inoa hea e loaa ai ia'u ka hano hano o ka ike ana aku ia oe? wahi a ke kauna Wineta.

Ma ka inoa o De Atanani o ka lio oleohe, koa o ka puali kavalia o kapena Dessesarata a kiai o ka puali aahu eleele o kapena Terevila maopopo aku la ia oe.

Ae e ka monasiua Atanani, a e hoea mai ana au ma ke kahua o Luxemaboro me ko'u mau hope i ka manawa i hai ia.

Pela no hoi au, e hoea ana au ila ila me ko'u mau hope, aka e ke kauna ehia ka nui o ko'u mau hope? wahi a ke koa opio.

He ekolu.

Ekolu, oia huina like no hoi me ko'u.

Alaila aohe a kaua mau kamailio ana i koe ea?

Aole, o ka kaua mau olelo ua pea ia ma ke ano aelike, a ke uhaki kekahi o kaua, alaila e kipoka ia oia e like me ka ilio.

Me keia mau olelo hope a ke koa opio, upa ae la ia i kona mau sepa ma ka aoao o kona lio, me ka haawi ana mai he hoailona i kana kauwa no ka ukali ana aku mahope o kona meheu, a iloko o ka hapalua minute, nalowale aku la laua iloko o ka pouli me ka haalele ana iho i ke kauna de Wineta iloko o na noonoo pahaohao o ke pohihihi.

O ke koa opio Atanani a me kana wahi kauwa, ua haalele iho laua i na palena o Sana Gemaine a huli hoi aku la no ko lana wahi keena ma Rue des Fosoia, a ma ke kakahiaka, ua kipa aku la ua koa opio nei ma kahi o kona hoaloha La fere, a imua o ua koa la o ka wiwo ole, hoike aku la ua koa opio nei i na mea hou o kana huakai holoholo o ia po.

Ua hoohakukoi ia ae na manao uilani o ke koa iloko o na koa nei o ka wiwo ole, a oia kana i pane mai ai me keia mau olelo mua loa o ka hoolauna ana me ko ohohia.

Akahi no a loaa i ka pahi a La Fere ka hanohano no ka wa mua loa o ka halawai ana me kekahi kanaka Pelekane mahope o ka'u moeuhane mua ana no ka wa loihi.

Ke aha la hoi, wahi a Atanani.

Wahi a La Fere i pane mai ai; ua pula kaumaka mau au o loaa la'u he wa e halawai ai he alo a he alo me kekahi kanaka o ka ha e liona, aka aole nae i hooko ia; i keia iho la akahi no a hooko ia ka'u mau mea i u@u ai.

Alaila, ua makaukau oe no ka ukali aka mai ia'u i keia ahiahi no Luxemaboro ma ke ano o oe kekehi o ko'u mau hope?

Ae e kuu hoaloha opio, ua makaukau au e ukali ia oe ma na wahi a pau o Farani nei, ina aia i Ladana kou hoa paio.

Alaila e lawe aku i na hoomaikai ana o Atanani maluna ou e kuu hoaloha La Fere ka wiwo ole, a e hoomanao aia mau ka pahi a Atananai ma ka aoao o Farani a hiki i ka haule ana o ka hae kaha-kolu ilalo.

Hiki mai la ka manawa i hooholo ia ai mawaena o ke koa opio Farani a me ke kanaka Pekekane, aia na koa, opio la a me kona mau hoaloha ua hoea aku ma Luxemaboro.

Ua halawai aku ua koa opio nei o ka lio olohe me kona hoa hookala makakila o na minute pokole a hoea mai, a imua o ua kauna de Wineta la i hoolauna aku ai ke koa opio Atanani i kona mau hoaloha me keia mau olelo:

O ko'u mau hope keia oiai kaua e halawai aku ana me ka oi o ka kaua mau pahikaua.

O keia hoolauna a ke koa opio i kona mau hoaloha, oia ka ke kauna Wineta i akaaka henehene ae ai me ka hoopuka pu ana ae i keia mau olelo:

He poe kahu hipa ka ko'u mau hope ke hoike mai nei ko lakou mau inoa i ka oiaio o ka'u mau olelo.

Mamuli o keia mau olelo henehene a ke kauna, ua hoowela ia ke koa La Fere, a oia ka na koa la o ka wiwo ole i pane aku ai:

O kou manao paha ia e ka mea hanohano, aka he kuhihewa nae ia, oiai aole oe i ike i ko makou ano.

Alaila heaha ko oukou ano, he mau moi anei?  Aole anei kakou e halawai ana no ke koko i ke koko ke ola i ke ola.

Ae e ka mea hanohano e halawai ana kakou e like me kau i olelo mai la, aka no ko makou ano, ke hai aku nei au ia oe, na ka kakou hana o keia ahiahi e hoike mai ia oe, aole makou he lomaloma ai halale, aka he olal@ he i'a pakelokelo.

Aha, he poe haa@ni olelo wale no ka ea, alaila no ke ana oukou i hoea mai ai ianei.

Wahi a La Fere i pane aku ai; no ka lilo ana owau kou hoa e le'ale'a ai  keia ahiahi, a ko puniu poo o koele pono ai me ka'u mau hauna pahi.  Ua kuhi paha oe ua make au, aka aole nae pela ka makemake o na lani; ano e ka mea hanohano, ua makaukau anei oukou no naminte o ka halawai ana he pahi no ka, ke kila me ke kila, ko ahi me ke paea.

Ka Liona me ka Hae Kahakolu---

Okalakala na Hulu o Farani.

O kela mau olelo a ke koa La Fere, oia ka ke kauna i nana pono mai ai, a no ka hapalua minute, hooho ae la ia.

Auwe, ke hoomano ia au, o oe anei o kauna Bele---

Aole i pau pono aku na olelo a ua kauna Wineta la i kamailio ae ai, ua hamare koke ia aku la e na olelo kahamaha a La Fere i olelo aku ai.

Ua lawa, ua lawa kau mau kualehelehe ana, e ha'i mai ua makaukau anei oukou?

Ae e ka monasiua! wahi a ke kauna.

Alaila, e haele aku kakou ano, imua huli maki! makaukau!

Me keia mau olelo a La Fere, aia hoi, huila like ae la ka lakou mau pahi imua o na lilelile iliula o ua ahiahi la, me ko lakou mau leo kila e kani oeoe ana me ka ikaika; a pela iho la i wawahi ia ae ai na minute o ka meha me ka leo kukala o na medala kila a na liona o Enelani kue i ka hae aupuni kahakolu o Farani.

He eha mai lakou ala, a he eha aku no hoi lakou nei, e pa ana i o pa ia nei, iluna a ilalo, a no na minute pokole wale no, ua lilo ae la ka hanohano no ka wa mua loa ia La Fere ka wiwo ole, mamuli okona hoouna ana aku i kona hoa paio ilalo o ka honua ua popo'i kauewe.

O ke koa Velona hoi, ua kiola pu aku no hoi i kona hoa paio ilalo o ka honua, me kekahi mokupahi nui ma ka uha hema o kona hou paio.

Alaila, e hoomanao ae kaua e ka mea heluhelu, ua helu elua ka lanakila ma ka aoao o na olali opiu pahi o Parisa.

A no ke kolu o ka lanakila i loaa ma ko lakou aoao, aia hoi, mahuka honua iho la ko Hapale hoa paio me ka haalele ana iho i ke kauan Wineta e paio hookahi no ka hanohano o ka hae liona o kona aupuni a no kela wahi kaaka paha ka olelo ia ana:

"A'o no i ke koa

A'o pu i ka holo."

Mamuli o keia lanakila ana o na kiai ekolu o Farani maluna o ko lakou mau hoa paio, ua emi hope aku la lakou he mau kapuai mai ke kahua paio aku, a haawi mai la i na makaikai ana maluna o ko lakou hoaloha opio ia laua e hoohana ana i ka ikaika wikani o ko laua mau lala.

He kilakila me ka haaheo o ka hiehie ke kulana o ua mau moho nei, a o ka laua mau kiina pahi ana he loea mikioi wale no no Lehua.

Aka e ka mea heluhelu, no ia manawa wale iho la no ia, oiai, i ka aneane ana ae e hala ka hapaha hora, aia hoi, ua hoike mai la na kii'na pahi a ke koa opio Atanani i ka alapine o ka pinapina'i.

A iloko o na sekona a ke kauna de Wineta i moeuhane mua ole ai, ua miki aku la ke k@ina pahi eleu a ke koa opio o ka lio olohe, a kaili ae la i ka puhi a na kauna la mai ka paa ana a kona lima.

OLELO HOOLAHA.

E ike auanei na kanaka a pau, eia ma ka Pa Aupuni o Makiki nei kekahi mau lio hele hewa;

Lio k. ulaula, 2 wawae nina i paa i ka hao, kiko keokeo ma ka a-i pela ma ke kua, 1 wawae keokeo hope hema, kiko keokeo ma ka lae, haakuni aue e , kohu kiaha p@ ke ano.

Lio k melemele, 3 wawae keokeo, eleele keokeo ka hulu e ka wawae mua akau kiko keokeo maluna o na kue mala e elua, hao kauai X hope hema.  Lio k ulaula, keokeo uuku ma ka wawae hope akau, keokeo lokihi ma ka ka lae, kiko keokeo ma ke kua pela no na aoao a elua, 4 wawae i paa i ka hao, hao kuni ano e hope akau hapala ka hao malalo o kela mau kuni.  O ka mea a mau mea paha no lakou keia mau lio, e pono ia la kou e kii mai, o hala ananei na la he 12 e kuai kudala aku no wau ke hiki aku i ka la 7 o Novemaba 1891.

D. KAOAO.

Luna Pa Aupuni.

Hoolaha Hookapu.

Ke hoike ia aku hei ka lohe i oa ano kanaka a pau loa.  Ua hookapu loa maua i ko maua mau Apana Aina ekolu kapaia o Kalaheo, Kahaleuia a me Puu@hala, no lakou na eka 202 e wahiho la ma ka Paa, Kailua, Koolaupoko, Oahu, i hoolimalima la e maua mai ia Keleau (w) mai.  Nolaila, ke pana loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ele ia, e ko mana mau hope paha, a e hooko ia e like me ke kuhikuhi a ke kanawai.  O na poe a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole ia, me DAVID DAYTON, a i ole ia KUKA.

Owau no me ka haahaa,

MRS. C. I .HIRAM.

Honolulu, Oahu, Oct. 8. 1890..

Kauka Yong Kam

Pung.

(APANA.)

Helu 53, Alanui Maunakea.

Ke Kauka Loea o ka

Aina Pua!

Ua hiki ke hoola ia kela a me keia ane

ma'i, mai ko na kane, wahine a  me

na keiki liilii.  O na ma'i ha-no

ua hiki loa ia ke hoola ia me

ka maalahi.  A o na ma'i

e pili ana i ka maka

pau pu ia i ke

ola.  Ke ho-

ike ia aku nei.

eia ke ola ia nei, me

ka oluolu pu o kahi au-

hau.  Ka poe pilikia hanau

keiki a hele nui paha o ke koko

a pau a lohi paha ka hanau ana, pa

paha o ka waiu, e hele nui mai i o'u nei.

E KIPA mai e ka poe i hooluu

lau ia me an haawina pilihana a ka ma'i,

a na'u oukou e hooluolu aku.

KAUKA YONG KAM PUNG.

Honolulu, Sept. 2, 1891.

I KA LEHULEHU HAWII

 Ka hooiaio aku nei ka mea nono ka inoa malalo, ua hoolaia ka'u wahine mai ka pikikia hoomailu a kama'i kokopaa, ka'u keiki ekua makahiki hoi mai ka aneane loa ana e make i ka ma'i emi pu wale no o ke kino, oia hoi ka pilikia ai maloko o ke kino.  Mai ke ola ana o ka ma'i a hiki i keia la, oale i hoea hou mai na pilihua o ia ano.  Ke kono nei au i na makamaka Hawaii o'u e hele ae ia Kauka Apana (Yong Kum Pung) a e loaa o ka maha.  Mai kanalua ma na ano elua--oia ka oluolu e na pilikai ma'i a me ka haahaa o na auhau ina.

Me ka olaio,

P. M. AKA.