Ka Leo o ka Lahui, Volume II, Number 328, 20 Nowemapa 1891 Edition 02 — Page 3

KA LEO O KA LAHUI.

"E Mau ke Ea o ka Aina i ka Pono."

 

Halawai Makaainana Nui!!

Ma ka Apana o Wailuku.

            E wehe ia ana he Halawai Makaainana nui ma ka Poaono e hiki mai ana, Novemaba 21, ma ka hora 7 o ke ahiahi, na ka Hui Kalaiaina Hawaii Liberala, maluna ae o kahi Burua ma, a ke keena paikau o ke Aupuni.

            Nolaila, ke kono ia aku nei na hoa makaainana a pau e hele nui mai ma ia halawai, mai ka poe i kakauinoa a me ka poe i kakauinoa ole, oiai hoi, ua makemake ia e hooholo mua na hana, a e hana ia hoi malu na o ke kahua o ke kaulike.  JOHN E. BUSH, Peresidena Hui Kalaiaina Hawaii Liberala.  Honolulu Nov. 8, 1891.

 

OLA NA MA`I I KE KEIKI KAUKA O KA AINA PUA O KINA.

Mr. Lunahooponopono; Aloha oe:

            He malihini au imua ou, aka he wa wale no no kaua i halawai ai, nolaila, eia au la imua o kou mau boys hoonoho hua o kau papapa`i; oia iho keia.

            Oiai au e noho ana i ka pilikia a ka ma`i, mai ka wa mai o 5 makahiki, a hiki i kuu lohe ana mai i kekahi poe, he kauka Pake akamai i ka lapaau, aia ma Honolulu nei, aka he nui aku na hoakaka ana, e lawe aku ana au a hoikeike ma na mea nui, i mea na kuu lahui e adio ma iho ai i ka oiaio o keia mau hoakaka.  A e pono e naue ae i ike maka i ka oiaio.  He ole ka lohe pepeiao wale mai.

            Uo alakai ia aku la au e kekahi makamaka o`u, i ike ia Tom Akina ka loea o ke aupuni Hawaii i ka la paau; ua hui au me ia, no ka oluolu a me ka maikai o na kamailio ana.  I ka wa i pau ai o ka maua kamailio ana, ua haawi mai la oia ia`u i ka laau, ua inu aku la au a hiki i ka piha ana o ka elua pule a oi, ua oluolu mai la ka pilikia a ua akakuu mai ka hele ana a ke koko, no ka mea o ko`u ma`i ia he luai a koko; a ua ku maoli i ka make kekahi manawa, i ka hele nui a ke koko, ua nou poo i ka haole, a me kakou kanaka, aohe akakuu mai o ka ma`i; o ka nui nae o ka lilo, ua nui hewahewa, a ua hoomau no au i ka inu ana i ka laau a hiki i ka pau loa ana o ka mea hilu i keia makamaka, i ka oluolu o ka auhau o ka laau a he kohu wai meli ua kike olelo ana me ia ma na ano a pau loa.

            E loaa no ia ma ka huina o na alanui Hotele a me Kamika, Helu 40.  E na makamaka i loaa i ka ma`i, e nue ae malaila i ike maka i ka oiaio o keia mau hoaiai ana no Leong Keng Pong.

            Ua nui au maanei.  Owau iho no me ka oiaio, W.H.K. LUULOA OPIO.  Honolulu, Nov. 16, 1891.

            Ua makemake ia na Luna lawe pepa a pau o ka LEO O KA LAHUI, e hoihoi mai i na helu o na la, 19, 20, 26, 27 o Okatoba nei, ma keia keena nei; ina nae he mau helu koe la oukou.

            Ua makemake ia na Luna lawe pepa a pau o ka LEO e hoihoi mai i na helu o ka la 2, 9, 10 o Novemaba nei, ma keia Keena ina nae he mau helu koe ia oukou.

 

NUHOU KULOKO.

            He ano umamalu ua ko ke ahiahi onehinei.

            I ka la onehinei, i holo aku ai ka mokuahi Iwalani no Hamakua.

            Mai hoao aku na kaa e a`e aku maluna o ka uwapo o Waikiki, o pipili auanei i ka puna.

            O ka hore 2 o ka wanaao nei, i haalele iho ai ka mokuahi Alameda no na Panalaau o ka Hema.

            Mai poina i ka halawai e malama ia ana ma ka hale paikau kahiko i ka po o ka la apopo.

            Iluna o ka moku St. George, ke Komisina Wodehouse kahi i makaikai ai i ke kakahiaka Poalua nei.

            Ma ka uwapo ka bana kahi i hoonanea ai i na ohua o ka Mariposa, mamua o kona haalele ana iho i ka uwapo.

            Ua manao ia e lohe ana kakou no na mea e pili ana i ke koho balota ana o Ohio ma ka mokuahi Alameda.

            Ua hoopai ia iho la kekahi Iapana he $10 me $3 koina no kona hoole @a i ka hoi hou e hana ma ka ma@ o Ewa.

            I ke kakahiaka nui wale o nehinei, i kapalulu mai ai i keia awa ka mokuahi Mariposa mai na Pana laau mai o ka Hema.

            O ke kia hoomanao o makua Damiena i loaa mai nei mai Parisa mai, ua hoouna ia aku no Molokai i ka Poakolu nei, a e makaukau ana paha mamua o ke Karikimaka.

            He paina luau ka Mrs. S.C. Allen i haawi ai ma kona home ma Waikiki, i ka Poalua nei, i na Kumu me na haumana o ke kula o Kawaiahao.  Ua hoohala ia ka manawa me ka hauoli.

            Ke ano hoeueu mai nei na komite o ke kia hoomanao o ka Moi Kalakaua i keia mau la, a me he mea ala, aole no paha e loihi na la, e ike ia aku no ke kukulu ia mai o ia kia hoomanao.

            Ina oe e makemake e lohe i na mele Hawaii, mai poina i ka hele ana e hoolohe i ka Ponogarapa ma ka hale ai haukilima o Cron; no ka mea, malaila ka hui Hawaii Quintet kahi i himeni ai iloko o ka pahu Ponogarapa i ka la 16 iho nei.

 

O kahi Emi Loa A ME Kahi Kupono loa

E PA`I AI OE I KOU KII, AIA NO IA A KE KEENA PA`I KII ALOHA!

(Alanui Nuuanu, ma kekahi aoao mai o Ema Hale).

E pa`i ia ana na Kii o na ano a pau

e laa hoi na kii puulu o ka oha-

na, na keiki, na bebe, na

hale noho, na papa-ai-

na luau, a me na

kino make.

 

Na Kii hoonuiia a hoemi ia mai paha mai na Kii e ae!

            Nolaila, mai poina i ke pa`i ana i ko oukou mau Kii ma ke KEENA PA`I KII ALOHA, e loaa ana ia oukou na Kii maikai loa me ke @ loa ma Hawaii nei.  THEO.P. SEVERIN.—Kapolena.  KEENA PA`I KII ALOHA, ma alanui Nuuanu me Beritania, ma o mai o Ema Hale.  324-3md.

           

ILIO NALOWALE.

            Ma ka po o ka Poalima la 6 o Nov., 1891, he ilio opiopio nona na mahina elima, he kalakoa kona hulu, he keokeo me ka hamelemele ano mo@, ua eha ia kona uha hope akau, ua ano ola nae.  A o ka mea e hoihoi mai ana i keia ilio ma Leleo, e loaa no iaia ka uku makana o $3.00.  HEIL J. KAPU.  Leleo, Honolulu, Nov. 10, 1891.  321-4ts.

 

OLELO HOOLAHA.

            E ike auanei na kanaka a pau, eia mo ka Pa Aupuni o Makiki, kekahi mau lia hele hewa; leio k melemele, keokeo lokihi ma ka lae, huelo poemuku, 2 wawae eleele mua, 2 wawae keokeo hope; hao kuni R H uha hope akau.  Leo k eleele keokeo lokihi ma ka lae, 1 wawae keokeo hope hema, 3 wawae eleele; hao kuni D hope akau.  O ka mea a mau mea nona keia mau lio e pono e kii koke mai o hala na la he 14 kuai kukala aku no wau ke hiki aku i ka la 31 o keia malama, ma ka hora 12 o ke awakea Poaono.  David Kaoao.  Luna Pa Aupuni.  Oct. 20, 1891.  304-3td.

 

OLELO HOOLAHA HOOPAU HOPE.

            E ike auanei na kanaka a pau ma keia, mai keia la aku ua hoopau loa aku au i ko H.C. Ulukou noho Hope ana no`u ma na ano a pau loa e pili ana i ka malama ana ka hooponopono ana a me ka ohi ana i na auhau o ko`u mau waiwai a pau loa maloko nei o keia aupuni.  O na poe a pau loa e paa ana he mau waiwai no`u ma ko lakou lima, e hoihoi ae lakou ia`u ponoi ma ko`u wahi noho ma Honuakaha, ma Honolulu, Oahu.  KAPIOLANI.  [Ma o Jos. Nawahi la.]  Honolulu Oct. 31, 1891.  314-d3m.

 

HOOLAHA KUAI AINA.

            Mamuli o ke kauoha a Hoa, ke hoike ia aku nei ka lohe i na mea a pau, ua makemake maua e kuai aku i kona kuleana aina a pau loa iloko o kela apana aina e waiho la ma Haiku, Hamakualoa, Maui, nona ka Palapala Sila Nui Helu 183, no W.P. Alekanekero i lilo mai i ke kahi poe hui.  E loaa no na kuka ana no ke kumukuai me maua ma Honolulu.  NAWAHI & HUNTSMAN.  Na Loio no Hoa.  323-dlm.

 

HE HOOLAHA I KA AKEA.

            E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma`i o kela a me keia ano, e naue mai i ko`u Keena hana, a na`u e hoopau aku i na ehaeha a ka ma`i maluna o oukou e na makamaka, he hiki ia`u ke lapaau i na ano ma`i a pau, ma`i iloko o ka opu, hu`i ke kino, aki iloko o ka iwi, eha o ke poo, ma`iwahine a pela aku.  Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.  Owau iho no, DR. LEONG KENG

PONG.  Helu 40, Huina o na alanui Kamika me Hotele, Honolulu, Oahu.  Aug. 31.  lv.

 

Aila Kuai.  E LOAA NO MA KAHI O J.F. COLBURN.  (KEONI KOLOBANA.)  Ma ke Kihi o na Alanui Nuuanu me Moi.

            E loaa no ao ke kumukuai haahaa loa o $2.50 o ka pahu.  Hele mai hookahi, hele mai elua, hele mai no a pau.  Ko oukou hoaloha.  J.F. COLBURN.  Honolulu, Iulai 8, 1891.  232 dtf

 

            KUAI HOOPAU NUI.

Mai keia manawa aku a hiki i ko Makou hoonee ana aku iloko o ko makou HALEKUAI HOU.

Ma ka Alanui Papu,--(NA HALE BURUA.

E hoolilo aku ana Makou i ko Makou waiwai a pau o na ano Lole:

            NA LOLE NANI,

                      NA LOLE I HUMUIA.

                                                               KAPU A ME PAPALE

                                                                                                PAHU LOLE, a pela aku

No na Uku Hooemi Loa Nae.  Egan & Gunn.  Alanui Moi kokoke i ke ALANUI PAPU.  tf-d.

 

Na Paikini Hou  Na Paikini Hou

O NA ANO A PAU, E KINIKOHU AI O KE ANO AHIAHI E LOAA NO MA KAHI—

Chas. J. Fishels, KIHI O ALANUI PAPU A ME HOTELE,

            Ko makou halekuai hoopau nui, ma o MR. CHAS. J. FISHELS la, he mau waiwai hou loa ko makou, i loaa mai nei mai ka hikina mai, o na ano like ole he nui wale.  Eia ma ko makou halekuai nei na paa lole e linohau ai o na Keonimana, a luhiehn o na Lede, na aulii o na Kamalii—

            Na KINAMU                                     Na ALAPIA

                 Na KALAKOA Malina                          Na KIHEI Silika

                     NANAHE o na ano he nui               A pela wale aku.

            E huea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nau e wae nou iho i na anoai a kou puuwai, eia ka papa lohi o Apua la, ke anapa nei ka wailiula i Mana.           

            E hele mai i hookahi, e hele mai no a pau loa, mai ke nui a ka liilii.  Chas. J. Fishels.  Halekuai alakai o na kumukuai haahaa loa.  356-tfd.

Na Waiwai Hou!  Na Aulii Hou!!

NA PAIKINI HOU O KEIA KAU HOOILO O KA MAKOU IA LA AULII KOLOMANU KU KE PAI HANA KA HAAWE

 

NANI WALE KA IKE I NA MEA NANI O KA HAU OKI O KA AINA GULA O KALEPONI—MA KA HALEKUAI WAIOLU NAWE MALIE O—   N.S. SACHS.

     He oia mau no ke emi o ke kumukuai o ko makou mau waiwai, a oia ke kumu o ko makou paa mau ana i ka hana—A he wahi puka iki ko makou e kaa mau nei—Eia he heluna hou o na waiwai hou, ka makou o na ano like ole—Na MAKALENA lau, a me na MAKALENA puu, o kela a me keia ano, e ke ano maikai loa.

 

Mai Puiwa Oukou!  Mai Puiwa Oukou!!

EIA IHO KA PAPA LOHI O APUA, NA LOLE AAHU O NA LEDE I HANA MIKIOI IA MAI A AULII.

Na Muumuu o na Lede 40 keneta; Palekoki aulii o na Lede 50 keneta; Na luhio hu o ke ano ahiahi $1.00; Na Kihei kaekae huihui 40&50 keneta; Na Kawele hoomaemae ili o na Lede 60 keneta; Na Kaliki molina maikai loa 50 keneta; Na pai kini hou o na wahine ma ka hoopaa ana ia loko 50 keneta; Na Kakini lilina pahee o na Lede, elua paa no ka 25 keneta.

NA PAIKINI AULII O NA KEIKI, NO NA KUMUKUAI HAAHAA LOA, A EMI NO HOI.

Na aahu keokeo o na keiki 75 keneta; Na lole komo o na keiki 3 paa $1.00; Na Papale aulii o na keiki 25 keneta; Na kaliki o na kaikamahine 40 keneta; Na A-i kala o na keikikane 25 keneta; na Muumuu o na pepe 25 keneta; na Papale Lilina maikai o na kaikamahine he 50 keneta, mamua he $1.00, na Papale aulii o na keikikane he 50 keneta, mamua he $1.00.

NA PAHOEHOE HULU PAHEE!  NA PAHOEHOE HINUHINU!!

            Ua piha u ko makou halekuai nei i na waiwai like ole o na ano a pau, o na hulu hoonani o na papale o na iwa maka onaona, eia ia ia makou nei la, ke hihi`o lua nei i Moeawakea, he eleele, he ahiehie, a nau e wae e like me kou makemake, he $1.80 wale no o ka lala hookahi, mamua he $2.00.  O ua papale keia o na hua pala, he kau maoli no ka iwa he la makani, eia la ke ahu a lala kukui mai nei.  E hele mai e ike kumaka i ka nani e alohi nei, he ole hoi ka lohe pepeiao, hele mai na makua me na keiki pu mai no, e wae oukou no oukou iho.  He makepono keia like ole ia kona lua, oiai, o keia kuai he haawi wale no.  O na ano no a pau, he aulii maoli no.  O ka papale no hoi keia o na keikikane, he pani`o ia la ke nana aku oe, eia he 50 keneta wale no ke kumukuai.  E loaa no ma kahi o N.S. SACHS  104 Alanui Papu, Honolulu.  318-dtf.

 

HOOLAHA HOU

B.F. Ehlers & Co—PAINA@A

HELU 99  Alanui Papu.

            IA OUKOU E NA MAKAMAKA A ME NA HOALOHA, OIAI HOI@ makaukau makou i ke kuai hoopo@ na lole o na Wahine, Kane a me @ Kamalii, oiai, e hoi mai ana o B.F. EHLERS me na lole hou ma keia moku @ aoia ke kumu o ko makou kuai hoo@, i kaawale ai na wahi no na @ HOU.

            E kipa mai e na makou @ hoopau ia ai ko @ o ka makou @.  Owau me ka oiaio,  B.F.EHLERS & CO.  tf.