Ka Leo o ka Lahui, Volume II, Number 324, 16 November 1891 — Page 3
| This text was transcribed by: | Holly |
| This work is dedicated to: | Kai Markell |
KA LEO O KA LAHUI.
"E Mau ke Ea o ka Aina i ka Pono."
KA LA HANAU O DAVIDA LAAMEA KALAKAUA I.
O keia ka la hanau o ko kakou Lani M. i i hala e aku. oia David Laamea Kalakaua I. ka Moi mea kanaka nui wale, ka lua ole hoi o na Moi oluolu loa o keia mau Paemoku a ka Moi hoi i piha kona naau me ke aloha i kona lahui, ka Moi hoi i olelo nui ia e na aupuni nui o ke ao nei, aole ka Moi Kalakaua I i kupono no Hawaii. oiai he uuku loa kona heluna kanaka, a ua kupono oia no kekahi aupuni nui o na kanaka.
Nolaila, e ka Lahui Hawaii, ke hoea mai nei kona la me ka eehia, a o ka mea nona ia la anoano ua nalohia aku la ia mai ia kakou aku kona mau makaainana.
Ua hookuu mai oia i ka inea o keia ao mauleule, a ua moe aku la i ka moe kapu a Niolopua, aka, o kana mau hana aole loa ia e poina ana i ka puuwai o ke kanaka Hawaii oiaio.
Ma keia la e haawi ana ka Hui Lei Mamo he paina no ka hoomanao ana i kona la nanau ma o kona Moiwahine la, ko kakou makuaahine alii e ka lahui, ka Moiwahine kanemake Kapiolani. aole keia he paina no ka hoomanao ana i kona la nanau ma o kona Moiwahine la, ko kakou makuahine alii e ka lahui, ka Moiwahine kanemake Kapiolani. aole keia he paina no a hauoli, aka, he hoomanao hope ana keia nona, no ka mea, o kekahi Hui hope loa keia ana i kukulu ai a o ka puni ana no hoi ia o ka elua makahiki o keia Hui.
Ma ka walohia ka LEO e hoea aku nei i ka ia hanau o ka Lani Kaapuni Honua, ka hiku hoi o na Moi o keia mau Pae Moku, ka Moi mua loa hoi i haawi i kona kino alii, iloko o na hana imipomaikai no kona lahui, ana hoi i hooikaika ai me ka pauaho ole.
Nolaila, o keia la, he la kulaia aupuni kei, a e pani ia ana, na hale oihana aupuni a pau, a e haawi ia mai ana he mau kipu aloha an, mai ka Papu mai o Kakaako a me ka moku kaua Amerika, e ku nei iloko o ke aawa o Kou nei.
Aka, ua minamina loa ia makou i ka haule hope ana o keia kukala ana a ka Aha Kuhina o ka Moiwahine Liliu, no ka mea, aole i loaa ka lohe a puni ka Pae Aina.
E like me ko makou manao aloha i ko kakou Moi i hala, pela makou i na hoaloha e aku, a imua o oukou e na hoa makaainana.
Eia ka la hanau o ua lani nei a kakou, ke hoiea mai nei oia me kona nani nui, a ke hoike mai nei hoi na paia lani i ke anoano eehia.
-----
NUHOU KULOKO.
Ua makemake ia na Luna lawe pepa a pau o ka LEO O KA LAHUI, e hoihoi mai i na hele o na la, 19, 20, 26, 27 o Okatoba nei, ma keia keena nei; ina nae he mau helu koe ia oukou.
-----
Ua makemake ia na Luna Lawe Pepa a pau o ka LEO a me ka OIAIO, e akoakoa mai ma ke keena nei, i ka hora 10 a.m., o ke kakahiaka Poalima. no ka noonoo ana i kekahi hana i manao ia.
----
Ua lohe mai makou, ua hookohu ia aku o H. R. Baker, Hale Wena a me hookahi Haoa malihini.
O keia ka la hanau o ko kakou Moi i aloha nui ia David Laamea Kalakaua I. aka, ua nalohia aku ia a o kana mau hana nae, aole loa ia e poino.
I ke kakahiaka o ka la apopo, e holo aku ai ka Malulani no kona mau awa maa mau o Maui a me Hawaii.
I keia la e holo aku ai i ka mokuahi Mokolii no kona mau maa. O ka makaala no ka pono, o poholo auanei i ke awa o Kou.
E malama ia ana he mau kpu alaoha ana mai ka Papu mai o Kakaako, a me ka mokukaua Amerika Penesecola, i ka hora 12 ponoi o keia la.
Ma ka halawai poholalo a ka aoao hoomaemae i malama ai ma Kalihi i ka po onehinenei, aole i umi mau kamaaina o Kalihi o ka nui no waho aku nei.
Ua lohe mai makou e holo ana keia poe e imi hala nei i na alakai kupaa o ka lahui, i kekahi mau inoa, oia hoi o Wilimana, Luka, Bola Paipuna, a pela aku.
Aia ma ka pukaaniani o ka hale kuai o Makanani ke kii o ka Hatele hou o Kaluaopele, he mau na hiehie kona, a maluna o kona piko e ku ana kekahi pahu hae a e welo ana nna ka Hae Hawaii.
I ke ahiahi Poalima aku nei o ka pule i hala, i noho iho ai ka halawai a ka Hui Kalaaiaina Hawaii, a ua hana ua hui la i Kumukanawai no lakou, a me na rula, akahi no a kohu i iho ia ka olelo ihe hui Kalaiaina.
------
HOOLAHA PA AUPUNI.
E ike auanei na kanaka a pau, eia ma ka pa aupuni o Makiki kekahi mau lio helehewa. Lio k melemele kikokiko keokeo a ka lae, elua waewae eleele mua, paa na wawae i kapuai hao, hao kuni ano e ma ka aoao akau o ka a-i. Lio k ulaula, 4 wawae keokeo, kiko keokeo ma ka lae, hao kuni ano e uha hope akau. O ka mea a mau mea nona keia mau lio, e pono e kii koke mai o ha la na la he 15, e kuai kudala aku no au ke hiki aku i ka la 28 o Nov. M. H. 1891. D. KAOAO.
323-dtf. Luna Pa Aupuni.
------
ILIO NALOWALE
Ma ka po o ka Poalima la 6 o Nov., 1391, he iiio opiopio nona na mahina elima, he kalakoa kona hulu, he keokeo me ka hamelemele ano moo, ua eha ia kona uha hope akua, ua ano ola nae. A o ka mea e hoihoi mai ana i keia ilio ma Leleo, e loaa no iaia ka uku makana o $3.00. HEIL J. KAPU.
Leleo, Honolulu, Nov. 10, 1891.
321-4ts.
-----
HAULE! HAULE!
$10.00 MAKANA.
Mawaena o ka halekuai pake ma ke kihi mauka o ke alanui Moi a me Puowaina me ko’u hale ma Kana, ma ke alanui Moi aku i kai, ma ke kua aku o ka halepule o Kawaiahao a ka hale aila mahi iho nei a malaila, holo pololei a hiki iwaho o ko’u wahi, na haule aku he eke lima ana wahine, me kekahi mau dala gula a me dala maoli. E uku ia no keia makana ae la ka mea oluolu e hoihoi mai ia’u a i ole, i ke Keena a ka Leo.
W. H. KAILIMAI.
3t9 dtf
-----
OLELO HOOLAHA HOOPAU HOPE.
E ike auanei na kanaka a pau ma keia, mai keia la aku ua hoopau loa aku au i ko H. C. Ulukou noho Hope ana no’u ma na ano a pau loa e pili ana i ka malama ana ka hooponopono ana a me ka ohi ana i na auhau o ko’u mau waiwai a pau loa maloko nei o keia aupuni. O na poe a pau loa e paa ana he mau waiwai no’u ma ko lakou lima, e hoihoi ae lakou ia’u ponoi ma ko’u wahi noho ma Honuakaha ma Honolulu, Oahu.
KAPIOLANI.
[Ma o Jos. Nawahi la.]
Honolulu Oct. 31, 1891. 314-d3m.
------
HOOLAHA KUAI AINA.
Mamuli o ke kauoha a Hoa, ke hoike ia aku nei ka loha i na mea a pau, ua makemake maua e kuai aku i kona kuleana aina a pau loa iloko o kela aoana aina e waiho la ma Haiku, Hamakualoa, Maui, nona ka Palapala Sila Nui Helu 183, no W P. Alekanekero i lilo mai i ke kahi noe hui. E loaa no na kuka ana no ke kumukuai me maua ma Honolulu.
NAWAHI & HUNTSMAN.
323-d1m. Na Loio no Hoa.
------
Aila Kuai.
E LOAA NO MA KAHI O
J. F. COLBURN.
(KEONI KOLOHANA)
Ma ke Kihi o na Alanui Nuuanu me Moi.
E loaa no no ke kumukuai haahaa loa o $2.50 o ka pahu. Hele mai hookahi hele mai elua, hele mai no a pau.
Ko oukou hoaloha,
J. F. COLBURN.
Honolulu, Iulai 8, 1891. 232. dtf
-----
HE HOOLAHA I KE AKEA.
E ike auanei na ano lahui a pau, e noho ana ma ke Aupuni Hawaii, mai na kane, wahine , a me na keiki; i loaa i na ma’i o kela a me keia ano, e nane mai i ko’u Keena hana, a na’u e hoopau aku i na ehaeha a ka ma’i maluna o oukou e na makamaka, he hiki ia’u ke lapaau i na ano ma’i a pau, ma’i iloko o ka opu, hu’i ke kino, aki iloko o ka iwi, eha o ke poo, ma’iwahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kuaki olelo ana; ua mokuukau wau e pulama mai i na kono ana mai mai na Mokupuni mai me ka eleu a me ka hikiwawe loa, he makamaka a he hoaloha maikai no oukou e na Hawaii.
Owou iho no,
DR. LEONG KENG PONG.
Helu 40, Huina o na alanui Kamika mo Hotele, Honolulu, Oahu. Aug. 31. 1y
------
Hale Hana Wai Momona
WAI ANIANI
Sam. had me John Grace na Ona.
Ka poe wale no na lakou e hana nei
NA WAI HOOMAEMAE KOKO KAULANA oia hoi ka
SASEPARILA.
--A ME KA—
WAI-HAO
NA WAI MOMONA AWAPUHI, SASEPARELA. LEmi. WAI PIPII. SODAMAOLI, SIDA, KAMEPENA.
Ma @@ 080@ TELEPONA na
-----
KUAI HOOPAU NEE
Mai keia manawa aku a hiki i ko Makou nee ana aku iloko o ko makou
HALEKUAI HOU
Ma ke Alanui Papu,- (NA HALE BURUA.
E hoolilo aku ana Makou i ko Makou waiwai a pau o na ano Lole:
NA LOLE NANI,
NA LOLE I HUMUIA.
KAPU A ME PAPALE.
PAHU LOLE, a pela aku.
No na Uku Hooemi Loa Nae,
Egan & Gunn.
ALANUI MOI kokoke i ke ALANUI PAPU. tf-d.
-----
He Kuai Nui Hoopau aku.
E HOOMAKA ANA I KEIA
POAONO, AUGATE 1, 1891.
Ua Lilo ko makou Waiwai he mea Mohai wale!
Ua Hoemiia ke Kumukuai ilalo, aole i ko Makou Pono, aka nou no-
Papa Kumukuai no 30 La wale no:
200 paa lihilihi keokeo puka aniani... $.90
20 i-a Kalakoa maikai....1.00
12 keokeo 1 i-a laula.... 1.00
8 keokeo 1 i-a laula....1.00
159 kakini lakeke o na Kamalii Ahuluhulu... .45
93 kakini ka’e waihooluu o na wahine.... ..05
Huluhulu no na paa lole kupono, 25 keneta o ka i-a, e kuai no makou i keia mau la no 7 i-a no.... 1.00
Papale Kula o na Kamalii... .25
Na Kawele nunui, 2 no....25
Kakini eleele maikai... .25
Na Papale i kahiki maikai ia... 2.56
RUMI HANA DOLE MALUNA, HOLOKU etc., HANA IA ME KA OLUOLU LOA. E HOOPAA AKU NO MAKOU NO NA KUMUKUAI MALUNA NO 80 LA. NO KE DALA KUIKE WALE NO KELA KUAI ANA.
C. J. Fishel
Ke makamua o na Halo lako o na Wahine, oia hoi ma alanui Papu me Hotele, kahi i hanau ia ai na kuai hoopoho a ano nui no hoi.
-----
Na Waiwai Hou!
Na Aulii Hou!!
NA PAIKINI HOU O KEIA KAU HOOILO O KA MAKOU IA LA AULII KOLOMANU KUU KE PAI HAA KA HAAWE NANI WALE KA IKE I NA MEA NANI O KA HAU OKI O KA AINA GULA O KALEPONI- MA KA HALEKUAI WAIOLU NAWE MALIE O-
N.S. SACHS.
He oia mau no ka emi o ke kumukuai o ko makou mau waiwai, a oia ke kumu o ko makou paa mau ana i ka hana- A he wahi puka iki ko makou e kaa mau nei- Eia he heluna hou o na waiwai hou, ka makou o na ano like ole- Na MA KALENA lau, a me na MAKALENA puu, o kela a me keia ano, o ke ano maikai loa.
Mai Puiwa Oukou! Mai Puiwa Oukou!!
EIA IHO KA PAPA LOHI O APUA, NA LOLE AAHU O NA LEDE I HANA MIKIOI IA MAI A AULII.
Na Muumuu o na Lede 40 keneta; Palekoki aulii o na Lede 50 keneta; Na luhiehu o ke ano ahiahi $1.00; Na Kihei kaekae huihui 40&50 keneta; Na Kawele hoomaemae ili o na Lede 60 keneta; Na Kaliki molina maikai loa 50 keneta, Na ai kini hou o na wahine ma ka hoopaa ana ia loko 50 keneta; Na Kakini lilina pahee o na Lede, elua paa no ka 25 keneta.
NA PAIKIN AULII O NA KEIKI, NO NA KUMUKUAI HAA LOA, A EMI NO HOI.
Na aahu keokeo o na keiki 75 keneta; Na lole komo o na keiki 3 paa $1.00; Na Papale aulii o na keiki 25 keneta; Na kaliki o na kaikamahine 40 keneta; na a-i kala o na keikikane 25 keneta, na Muumuu o na pepe 25 keneta; na Papale Lilina maikai o na kaikamahine he 50 keneta, mamua he $1.00, na Papale aulii o na keikikane he e50 keneta, mamua he $1.00.
NA PAHOEHOE HULU PAHEE! NA PAHOEHOE HINUHINU!!
Ua piha u ko makou haleuai nei i na waiwai like ole o na ane a pau, o na hulu hoonani o na papale o na iwa maka onaona eia ia ia makou nei la, ke hihi o lua nei i Moeawakea, he eleele, he ahiehie, a nau e wae e like me kou makemake, he $1.00 wale no o ka lala hookahi, mamua he $2.00. O na papale kula o na hua pala, he kau maoli no ka iwa he la makani, eia la ke ahu a lala kokui mai nei. E hele mai e ike kumaka i ka nani e alohi nei, he ole hoi ka lohe pepeiao, hele mai na makua me na keiki pu mai no, e wae oukou no oukou iho. He mahopono kena i ike ole ia kona lua, oiai, o keia kuai he haawi wale no. O na ano no a pau, he aulii maoli no. O ka papale no hoi keia o na keikikane, he pani’o ia la ke nana aku oe, eia he 50 keneta wale no ke kumukuai. E loaa, no ma kahi o
--: N. S. SACHS:-
318-dtf. 104. Alanui Papu, Honolulu.
-----
HOOLAHA HOU
B.F. Ehlers & Co- PAINAPA
HELU 99 Alanui Papu.
IA OUKOU E NA MAKAMAKA A ME NA HOALOHA: OIA HOI UA makaukau makou i ke kuai hoopoho aku i na lole paa Wahine, Kane, a me na Kamalii, oiai, e hoi mai ana o B. F. Ehlers me na lole hou ma keia moku na al a oia ke kumu o ko makou kuai hoopoho ana, i kaawale ai na wahi no na LOLE HOU.
E kipa mai e na makamaka, i hoopau ia ai ko oukou kanalua no ka makou kuai hoopho aku ia oukou. Owau me ka oiaio
B. F. EHLERS & CO.