Ka Leo o ka Lahui, Volume II, Number 324, 16 November 1891 — Page 2

KA LEO O KA LAHUI.

"E Mau ke Ea o ka Aina i ka Pono."

 

 

            MA KE KAUOHA.

 

            KUAI O KA HOOLIMALIMA O KA LOKO O OPU.  MA PAWAA, OAHU.

 

            Ma ke Poakolu.  Dek, 16, 1891, ma ka hora 12 awakea, ma ke alo komo aku ma mua o Aliiolani Hale e kuai ia aku ai ma ke kudala, ka hoolimalima o ka loko aupuni o Opu ma Pawaa, Oahu.  Ka me nawa he 15 makahiki, ke kumukuai koho mua he $50 uku makahiki e uku ia ma ka uku hapa makahiki mamua.

            C.N. SPENCER.

            Kuhina Kalaiaina.

            Keena Kalaiaina Nov. 14, 91 324 Stsd.

 

            KUAI O ELUA APANA AINA

            AUPUNI MA KAAUWAELOA, PALOLO, OAHU.

 

            Ma ka Poakolu Dek. 19, 1891 ma ka hora 12 awakea, ma ke alo o Aliiolani Hale, e kuai ia aku ai ma ke kudala olua apana aina aupuni ma Kaauwaeloa Palolo, Oahu, oia hoi:  Apana 1.  Nona ka ili he 18 eka a oi a emi mai paha, kumuku ai koho mua he $500.  Apana 2.  Nona ka ili aina he 18 eka a oi a emi mai paha, kumukuai koho mua $500. 

            C.N. SPENCER.

            Kuhina Kalaiaina.

            Keena Kalaiaina, Nov. 12, '91. 324 Stsd

 

            O ka Poaono la 28 o Novemaba nei, ka la hoi i loaa mai ai ke Kuokoa o Hawaii nei mai na Aupuni mai o Enelani a me Farani, he La Kulaia aupuni ia , a e paniku ia hoi na Keena Oihna Aupuni a pau o ke aupuni ma ia la.

            C.N. SPENCER.

            Kuhina Kalaiaina.

            Keena Kalaiaina, Nov. 12 '91. 324 4tsd.

 

            NA APANA AINA HOME LIILII MA PUNA HAWAII

 

            Ke hoolaha ia aku nei ma keia" 1 aia he 20 mau apana me Nauawale, Puna, Hawaii, e loaa no he mau apana kupono no ka noho ana kuonoono, mai keia mau apana aina home liilii mai.

            2 E ike ia no ke kii o keia mau apana aina, maloko o ke keena Aina o ke aupuni, ma Honolulu a i ole ma ke keena o J.E. Elderts, e kuhikuhi mai i na apana i ka mea e makemake ana e ike i ua mau apana la, a no ia hana ana e loaa iaia ka uku o $1.00 mai ka mea noi aku.

            4  O ka põe makemake i mau apana aina, e nonoi mai no ma ke kakau ana mai i ke Kuhina Kalaiaina, maluna o ka pepa i pa'i hakahaka ia, a loa no ke kope oia mau palapala me ka uku ole mai a J.E. Elderts.

            5  Aole e noonoo ia ke noi a kekahi mea he aina ponoi kona.

            6  O kela a me keia mea nonoi e loaa iaia na makahiki oo ma ke kanawai.

            7  E ae ia no ka mea nonoi i ami makahiki e uku ai noka aina ma ia manawa, e hookuu ia no ka aina mai na auhau aupuni a pau.

            8  Iloko o hookahi makahiki ke kauoha ia nei oe e kukulu i hale nou maluna o kalapaana aina i lilo ia oe a e hoomau aku oe i ka noho ana no ke koena o na makahiki he umi.

            9  Iloko o ekolu makahiki, ke kauoha ia aku nei oe e hoopuni i ua aina la me kekahi pa kupono a paa hoi.

            He mea pono ia oe e hookaa mua mai i kela a me keia hapa makahiki i ka uku panee maluna o ke kumukuai o ka aina ma ka 5 pakeneka o ke dala i ka makahiki hookahi; ua hiki o hoi ia oe ke hookaa i ke kumukuai holookoa, a o ka hapa paha, ma kela a me keia wa, he mea ia e emi mai aika uku panee.

            11  O ka aelike mua ana, aole hiki ke hoolilo ia aku, a aole no hoi e hiki ke lipolilo ia aku ka aina, a hiki i ka hooko piha ia aua o na kumu aelike. 

            12  Ke haul hope ka hook ia ia ana o kekahi o kela mau kumu i hoike i ae la, he mea ia e loaa ole ai ka aina.

            C.N. SPENCER,

            Kuhina Kalaiaina,

            Keena Kalaiaina, Nov. 6, 1891.

            318-4t.

 

            KUAI O KA AINA AUPUNI ILOKO O PULEHUIKI KULA, MAUI.

           

            Ma ka Poakolu Dekemaba la 2, 1891, ma ka hora 12 o ke awakea, ma ke alo iho o ke komo ana o Alii olani Hale, ma ia wahi i makemake ia ai e kuai aku ma ke kudala akea ana i ke koena o ka Apana Aina Aupuni o Pulehuiki, Kula, Maui, a o kona ili he 13.97 eka oi a emi mai paha.

            Kumu hoomaka *5.00 o ka eka.

            C.N. SPENCER

            Kuhina Kalaiaina.

            Keena Kalaiaina, Nov. 6, 1891.

            319-d3ts.

 

            KUAI O KA AINA AUPUNI MAKE AWAAWA O LAUPAHOEHOE, HILO, HAWAII.

 

            Ma ka Poakolu, Dekemaba 2, 1891, ma ka hora 12 o ke awakea, ma ke alo iho o ke komo ana o Aliiolani Hale, ma ia wahi i makemake ia ai e kuai aku ma ke kudala akea apa:  a e hoomaopopo ia oi o Haawi a he wahi kupoo hoi no ka noho ana ma kela awaawa o Laupa noehoe Hilo, Hawaii.  a o kono ili he 50 eka, oi a emi mai paha.

            Kumu hoomaka $500.

            C.N. SPECNCER.

            Kuhina Kalaiaina, Nov. 6, 1891.

            319-d3ts.

 

            NA KOILO ANA I SILA IA.

 

            E lawe ia ana ma ke keena Kalaiaina a hiki i ka Poalua, Novemaba 17, 1891, ma ka hora 12 awakea, no ke kukulu ana i hale laau noho ma kahi hooulu laau o ke aupuni, kihi o alanui Moi a me Keaumoku, Honolulu.

            O na kii a me na hoolala ana no ka hana e ike ia no ma ka ninau ana ma kekeena o ka Luna Hana Aupuni.

            E kakau ia na palapala koho me na olelo mawaho o ka palapala, "Palapala Koho no ke Kukulu ana, Kahua Hooulu Mea Kanu."

            Aole e hoopaa ana ke Kuhina Kalaiaina iaia iho e lawe i kekoho haahaa loa a i kekahi koho e ae paha.

            C.N. SPENCER,

            Kuhina Kalaiaina.

            Keena Kalaiaina, Nov. 11, 1891-3ts

 

            KUDALA AKEA ANA O NA LAIKINI AWA.

           

            Ma ka Poakolu Novemaba 9 '91, e kuai ia aku ana ma ke kudala akea ana i kekahi mau Lauki Awa. no ka manaawa hookahi makahiki,

 mai Ianuari 1, 1892 aku.

 

            MAUI.

 

            Lahaina           2          Laikini

            Wailuku           2          :

            Makawao        1          :

 

            HAWAII.

            Kau                 1          Laikini

            Waimea           1          :

 

            O keia mau laikini o keia mau mokupuni o Maui, Hawaii a me Kauai e kuai kudala ia aku ana no ia iloko o ko lakou mau apana makahi iho:  a e hoike ia aku no na ano a pau e pili ana ia mea ma ia wahi a ke waiho ia nei ka maua malalo o ka makai nui, a i ole ia o kona hope paha.  Kumu koho mua no ka laikini o Lahaina me Wailuku $300, o ka laikini hookahi, a no na laikini e ae o kekahi mau Mokupuni e ae, $100, hoomaka aku ola no ka laikini Lookahi.

            Ka Manaawa.  E uku mua ia he 25 pa-keneta i ka wa e haule ai ka hamale.

            A o ke kaena aku, e uku ia no ia i ka piha ana o na la i hoike ia.

            Ina aole e uku ia ke koena iloko o na la he umi mahope iho alaila, e lilo no kela uku mua ana i mea ole.

 

            C.N. SPENCER,

            Kuhina Kalaiaina.

            Keeua Kalaiaina, Nov. 11, 1861-3ts

 

            KA LEO O KA LAHUI.

            JNO. E. BUSH.

            Lunahooponopono a me Puuku.

 

            POAKAHI, NOVEMABA 16 1891

 

            HE HOIKE MAOPOPO.

            I keia mau la i hala, ua hoao nu kekahi o na moho o ka aoao lauhui o ke kau Ahaolelo i hala e lilo hou lakou i moho no keia kau e hiki mai ana, ma ke koho ia ana o ko lakou mau inoa e na Komite o na Hui Kalaiaina.  O keia poe e kau nui nei na manao o komo hou.  Ua lhe mai makou o Alii Wilimana i haalele ai i kona noho, o Hon. To me Luka, a me kekahi mau haole hou, oia hoi mailoko ae o na kauna hoa o ka Hui Mekanika.  O ka mua oia poe a o ka mea e oi nei e koho ia oi ka Luna Pai Puna a kukulu hale pohaku, Mr. Bowler.  He poe keonimana maikai no keia a pau, ma ko lakou ano, a no lakou iho, aka, no ke kupono e lilo k moho holo balota a i poe a kakou e hilinai aku ai he pono, ke hoole mua e aku nei no makou aohe he waiwai.  He poe keia i hoao ia a ua haalele ino i na hoa i kupaa mahope o ka pono o na lahui, a o ka poe hou eia lakou ke hooikaika nei e wahi ka aoao lahui, i komo ai lakou, oiai ua kamaaina ka lahui i ko lakou moolelo.

            I hiki ai keia hana, ua hoopunipuni ia ka Peresidena o ka Hui Ka laiaina, in a e hoohaule ia na alakai i ae ole e holo pu me keia poe holo hope i ka lakou i ae ai, alaila, e loaa no iaia na dala mahope aku.  Ua uku aku ka Moiwahine, wahi a kahoonei he haneri dala, he kokua no ka hui a pela hoi kekahi poe e ae, aka, he lala kue keia ia Wilikoki ma, a he kue hoi i ka Lahui Hawaii, oiai, keia poe aia ma ka aoao o na haole.

 

            Oehuehu ka Aoao Lahui Liheeala.

 

            Ke ikeia aku nei ke ano oehuehu mai o ka Aoao Lahui Liberala i keia mau la; a ke kono mai aei ka lahui i ka Leo, e kuahaua akea ae, ma na welelau o ko kakou pae moku, e oehuehu mau aku, e okaikai mau, e uila mau e hekili mau, e nakolokolo mau e nuina mau e puapaaina mau e nei auanei, na pa paku o lalo o Hawaii!  Helo ia, ia mua mai hoi hope a kau i ke ao malamala.

 

            E Nana Mai e na Apana i na Poe Hipa Eleele.

            Eia he põe loio ke aku noi e holo balota iwaena o ko kakou mau apana, a ua komo ae nei lakou a hoi pu maloko o ka hui Kalaiaina i mea e hoolaulea ai i na poe koho. 

            Nolaila, ke hoike e aku nei ka Leo, mai ae oukou e huipu a e launa pu me kela poe, i kokua mau i ka aoao hoomaemae i kela mau kau aku nei.  He hoopunipuni wale no kela mau hana, a he poe ilio have maoli no ko lakou ano mai ka po mai.

 

            Ua Ike no ka o Josepa ia Diabalo.

            Ma Kawaiahao, ia Iosepa o Hana ka haioelo ma ke kakahiaka Sabati nei.  Aohe uila iloko o kana haiole ana; a ke manao nei makou, aole no paha he uhane i hoolaia ma ia haiolelo.

            Ua hu ae ka aka o kekahi poe o ke anaina pule, iaia e wehewehe ana i ka moolelo o kekahi mano niuhi, ana i ike maka ole ai; a ma mua aku o kona hai ana mai i keia moolelo, ua olelo mai oia, aole oia i ike maka ole ai; a mamua aku o kona hai ana mai i keia moolelo, ua olelo mai oia, aole oia i ike  maka i ke diabalo -- Eia nae ka mea i aka ia ai, o ko Iosepa olelo ana mai, he a ka maka o ka mano niu@ like me ke diablo.  Nolaila, i @nawana ae ai ke anaina, "Ua ike no ka o Iosepa ia diabalo"

 

            NA MOHE E AKE NEI E HOLO BALOTA

 

            Ua loaa mai ia makou ka lohe, a oia ka makou e hoike aku nei, in a nae he oiaio ia.

            J. Alapai no kaliihi-uka, T. K Nakanaela no Kaliai-kai, Mr. Keniona no Kalii-waena, J.K. Kaulia no Moanalua, J. L. Kaulukou no Puunui, a o P.O. Sulivana no Kunawai a me Iwilei.

            O keia iho la ka poe e ake nei e lilo i mau moho wahi a ko makou lohe mai, a ua kipaku ia mai ka lakou a pau e na makaaina o Kalihi, aole ka o lakou makemake i keia poe, oiai, wahi a lakou, he mau hipa eleele lakou, a ua pau nui ua poe ala i ka hopu i ka loli i ka i'a maka ole.

 

            ALOHA WALE NO KA HOI.

 

            Kui ko makou aloha i ka Hui Kalaiaina makua i ke alakai hewa ia e kekahi hipa eleele, oia hoi kela poe hipa e ake mai nei e komo iloko o ka pa.

            Ke ake nei keia poe e kau-o aku i ka lahui, a e koo aku ia lakou no laila, ke noi nei lakou i na hui elua e hoohui ia lakou oia hoi ka hui Kalaiaina makua a me ka hui Hoomaemae, a e huli mai a kue ia kakou na kanaka Hawaii.

            No laila, e na hoaloha a me na makaainana a pau e noho ana mai Hawaii a Kauai, ke hoike aku nei makou i ka lohe ia oukou i olahonua.  e noho kela a me keia mea me ka makaala; oiai, eia keia poe hipa eleele ke ake nei e hoolilo aku ia oukou i poe imi pomaikai no lakou nolaila, ke ake nei lakou e komo a mau lunamakaainana i keia kau ae no ia kumu ko lakou hooikaika ana, aole no kekahi mea e ae.

 

            NA HANA POHOLALO.

           

            E na hoa makaainana, eia na hana poholalo a kekahi poe kakuikahi ke onoonou hele mai nei, a kekau-o hele ia nei o Mr. Kahoonei o ua puulu ala o ka anna hulu like, oiai ma ke ahiahi Poalima ua hoike ia aku ku lohe ia Mr. Kahoonei e ua auna la' ua makemake makou ia oe e hui pu mai me makou, mauka o Kalihi ma ke ahiahi o ka la apopo a he mea oiaio, ua hooko ia aku ko lakou leo.

            Nolaila, o keia puulu manu hulu like, o lakou nei no ka poe nana kakou, he maikai na olelo, he pahee, a i oi aku hoi imua o ka aila, a iloko hoi o ka hale ahaolelo, he ooi e like me ka no'hu o kahakai.  a ua huli mai hoi ke kua ia kakou, a o ke alo i ko lakou auna like no.  Nolaila, e na hoa makaainana e, e ake hele loa kakou i na hana pelo a keia poe, o like auanei kakou me ka opae ka hihia i ka umiumi, a poino hou kakou.

            E kaupaoona i ka noonoo maluna o ke kaulike aole hoi maluna o ka hoopilimeaai a ma ke kipe ia paha e kapae aku ia mau mea a e haalele loa, e lawe i kou manao kuokoa a e hooko i ka pono a me ka pololei, a pela wale no e loaa ai ke kau like.

 

            MAKE I ALOHA IA.

            Ua oluolu i ka Makua Mana Loa ka lawe ana aku i ke ola uhane o Mrs. Manoelii w. i ka la 15 iho la, oia hoi ka la inehinei, a haalele iho la i na keiki, ke kane a me ka nui ohana.  Aloha ino!

 

            OLELO HOOLAHA.

 

            E ike auanei na kanaka a pau, eia me ka Pa Aupuni o Makiki, kekahi mau lia hele hewa; lio kamelemele, keokeo lokihi ma ka lae.  huelo poemuku, 2 wawae eleele mua; 2 wawae keokeo hope; hao kuni RH uha hope akau.  Lio k eleele keokeo lokihi ma ka lae, 1 wawae keokeo hope hema.  3 wawae eleele; hao kuni D hope akau.  O ka mea a mau mea nona keia mau lio e pono e kii koke mai o hala na la he 14.  Kuai kukala aku no wau kehiki aku i ka la 31 o keia malama, ma ka hora 12 o ke awakea Poaono.

            David Kaoao.

            Luna Pa Aupuni.

            Oct. 20, 1891.  304 Std.

 

            O kahi Emi Loa

            A ME

            Kahi Kupono loa

            E PA'I AI OE I KOU

            KII,

            MA NO IA MA KE

            KEENA PA'I KII ALOHA!

            (Alanui Nuuanu, me kekahi aoao mai o Ema Male).

 

            E pa'i ia ana na Kii o na ano a pau e laa hoi na kii puulu o ka ohana, na keiki, na bebe, na hale noho, ua papa-ai-naluau, a me na kino make.

            Na kii hoonuiia a hoemi ia mai paha mai na Kii e ae!

 

            Nolaila, mai poina i ke pa'i ana i ko oukou mau Kii ma ke KEENA PA'I KII ALOHA. e loaa ana ia oukou na Kii maikai loa me ku emi loa ma Hawaii nei.

 

THEO.P. SEVERIN:---Kapolena.

 

KEENA PA'I KII ALOHA, ma alanui Nuuanu me Beritania.  Ma o mai o Kona Hale.      S24-Smd.