Ka Leo o ka Lahui, Volume II, Number 323, 13 Nowemapa 1891 — Page 3

This text was transcribed by:	Beatrice Lawelawe Santiago
This work is dedicated to:	PuakeaN

KA LEO O KA LAHUI.

"E Mau ke Ea o ka Aina i ka Pono."

HE LEI NO KA LAHUI HAWAII

Nani na Paemoku o Hawaii,

Ku kilakila i ka moana nui,

Ka Pakipika kai lipolipo;

Kihapai nani kamahao,

Ka onohi weo ula hanohano,

E makaleho mau ia nei,

E na poepoeo honua a pau.

Hui: O oe ka’u e aloha nei,

O oe ka’u minamina nui,

E ka Lahaui kulaiwi o’u,

Mai Hawaii a Niihau.

E ka Nohoalii o Hawaii,

Ke oni nei ka papaku o lalo,

Na paepae kapu o Liloa,

Uwe kulou na kiai hale,

Aohe leo kako a na Mahoe,

Na pukaua a na Kamehameha,

I ke kaua nui o Mokuohai.

Eia la h e hakahaka leo,

He kahoaka pahaohao,

He ouli no na pilikia,

E nune mau ia nei,

E lawe no a lilo loa,

E hiu no ia oe a wela,

Paupulu aohe lau kanu.

He Kuikahi hoonaueue.

He Haawi aina ka hopena,

E lele ma ki mai na koa,

Hehihehi kulana i Ainaiki.

O ka manu Aeto kou alii,

O na palekaua kou kiai.

O na poka pa-hu kau ai ia.

Eia iho no o Nunu ma,

Ke ohomuhumu nui nei no,

Ia oe e Hawaii Imi Loa,

O kou iwi a me kou io,

Ka mohai nui e loaa ai,

Na limahana o na mahiko,

A pokeokeo o Palahu ma.

E ka Lahui i aloha nui ia,

E pupukahi like mai kakou,

E wae a koho like mai,

I mau ‘Lii aloha lahui,

I mau Lunamakaainana aloha aina,

No ke kau Ahaolelo o 1891,

E lanakila mau o Hawaii.

Mai koho i na hipa eleele,

Mai ae i na mea poholalo,

Aole i na mea holehole iwi,

Aole hoi i na mea kumakaia,

Na lima nui lawe kipe,

Na alelo luia pukahee,

Na makaleho lawe oihana.

Eia mai na moho ola na iwi,

Au, e Hawaii e koho like ai,

He kanaka kupaa h@ aloha aina,

He kohu liona ka weliweli ia,

He mauao paa he oiaio mau,

Ua haawi iaia no ka Lahui,

He piha aloha i ka lehulehu.

Na ke Akua mana e hoomalu,

I ka Lahui i aloha nui ia,

Naua mau e kokua mai,

I na pule na hookeai ana,

Ka’u pana ma ko’u puuwai,

E lanakila mau ko’u aupuni,

E ola Hawaii a mau loa.

Haku ia e Mr. Kuluwaimaka o ka Lahui

Honolulu, Nov. 7, 1891,

______________

Ua loaa mai ia makou ke pooleta hou me ke kii o ka Moiwahine Liliuokalani. Nani a maemae ka nanaina o keia pooleta hou elua keneta, he ano poni kona waihooluu.

____________

HALAWAI MAKAAINANA NUI ! !

____________

Ma ka Apana o Wailuku.

____________

E ka Leo o ka Lahui,

Aloha oe: --

Ke hoike ia aku nei ka lohe i na makaainana i kupono i ke koho baloata o ka Apana o Wailuku, e noho ana ka halewai nui o na makaainana ma ka luakini o Waiehu ma ka la 28 o Nov. 1891, hora 3:30 p.m., no ka wae ana i mau moho Lunamakaainana no kakou no ke Kau o 1892 e hiki mai ana.

Me ka oiaio.

L. W. P. Kanealii.

Honolulu, Nov. 12, 1891.

____________

PAIKAU HOOKAHAKAHA.

____________

Ma ke kakahiaka nui o ka Poaha nei, ua puka ae ka pualikoa kiai ponoi o ka Moiwahine, ka puali makai a me ka puali puhi ohe.

Ua ku no i ka eleu a me ka milolii na kaina wawae o kela a me keia puali, a he ku no i ka hanohano ke nana aku.

Ua hoomaka ka huakai mai ka heiau o na koa ma ke alanui Likelike no ke alanui Moi, huli ma ka hikina hema no ke kahua kinipopo, a malaila i paikau ai no hookahi hora a oi.

Ua huli hoi mai ka puali holeokoa ma ka hora 7:45. Nui ko makou mahalo i ka eleu o ka lawelawe ana a na alii o keia mau puali.

____________

NUHOU KULOKO.

____________

Ua makemake ia ua Luna lawe pepa a pau o ka LEO O KA LAHUI, e hoihoi mai i na helu o na la, 19, 20, 26, 27 o Okatoba nei, ma keia keena nei; ina nae he mau heiu koe ia oukou.

____________

Ua makemake ia na luna Lawe Pepa a pau o ka LEO a me ka OIAIO, e akoakoa mai ma ke keena nei, i ka hora 10: a.m., o ke kakahiaka Poalima, no ka noonoo ana i kekahi hana i manao ia.

____________

Ke hoolala hou ia nei ka luawai hou no ke aupuni ma ke keena Kalaiaina.

I keia la e kapalulu mai ai ke kahili o na Kona, a ma ona ala e loaa mai ai na mea hou o ka moku o Keawe a me Kama.

E hoolaha aku ana makou i kekahi manao i haku ia e ko kakou Hooilina Kalaunu, Vitoria Kaiulani. He kanaenae aloha no kona luaui makuakane Moi i hala. E hoolahaia aku ana ma ka pepa o ka Poakahi ae, Nov. 16.

Ua lohe mai makou o kekahi poe e hele nei e hai i ko olelo a ke Akua, o lakou ka kekahi e hele nei ma ka hana piliwaiwai cifa. Iua ka e halawai ana ia manawa a e hai ana paha i ka olelo a ke Akua, aia hoi, i ka manawa e puka mai ai ka haina o ka nane cifa, oia ka kona manawa a haalele iho ai i ka haiolelo a hela aku la e ike i ka haina o ka nane. E ka makamaka, e akahele o kau mai auanei ka lima o ke kanawai maluna ou, a ke ///ao hou aku nei makou i na hoaloha, mai hoomahui hou i na hana hewa.

Ua paikau hookahakaha ae na koa a me na makai i alakai ia hoi a ka puali puhi @he, ma ke kakahiaka nui poniponi o nehinei.

Ua hoohauoli ia ke kihapai o Mr. Hay Wodehouse Opio, no ka loaa ana iaia he opua pua rose nani he keikikane nui mohaha.

E malama ana ka Hui Lei Mamo he wahi paina ma ka la hanau o ko kakou Lani Moi i hala aku, ma Honuakaha, no ka hoomanao ana i ka mea nana i hoala ia Hui.

____________

HOOLAHA KUAI AINA.

Mamuli o ke kauoha’a Hoa, ke ho ike ia aku nei ka lohe i na mea a pau, ua makemake maua e kuai aku i kona kuleana aina a pau loa iloko o kela apana aina e waiho la ma Haiku, Hamakualoa, Maui, nona ka Palapala Sila Nui Helu 183, no W P. Alekanekero i iilo mai i ke kahi poe hui. E loaa no na kuka ana no ke kumukuai me maua ma Honolulu.

Nawahi & Huntsman.

323—d1m. Na Loio no Hoa.

____________

HOOLAHA PA AUPUNI.

E ike auanei na kanaka a pau, eia ma ka pa aupuni o Makiki kekahi mau lio helehewa. Lio k@melemele kikokiko keokeo ma ka lae, elua wawae keokeo hope, elua wawae eleele mua, paa na wawae i kapuai hao, hao kuni ano e ma ka aoao akau o ka a-i. Lio k@ulaula, 4 wawae keokeo, kiko keokeo ma ka lae, hao kuni ano e uha hope akau. O ka mea a mau mea nona keia mau lio, a pono e kii koke mai o ha la na la he 15, e kuai kudala aku no au ke hiki aku i ka la 28 o Nov.

M. H. 1891. D. KAOAO.

323—dtf. Luna Pa Aupuni.

____________

ILIO NALOWALE.

Ma ka po o ka Poalima la 6 o Nov., 1891, he iiio opiopio nona na mahina elima, he kalakoa kona hulu, he keokeo me ka hamelemele ano moo, ua eha ia kona uha hope akau, ua ano ola nae. A o ka mea e hoihoi mai ana i keia ilio ma Leleo e loaa no iaia ka uku makana o $3.00.

HEIL J. KAPU.

: Leleo, Honolulu, Nov. 10, 1891.

321—4ts.

______________

OLELO HOOLAHA HOOPAU HOPE.

E ike auanei na kanaka a pau ma keia, mai keia la aku ua hoopau loa aku au i ko H. C. Ulukou noho Hope ana no’u ma na ano a pau loa e pili ana i ka malama ana ka hooponopono ana a me ka ohi ana i na auhau o ko’u mau waiwai a pau loa maloko nei okeia aupuni. O na poe a pau loa e paa ana he mau waiwai no’u ma ko lakou lima, e hoihoi ae lakou ia’u ponoi ma ko’u wahi noho ma Honuakaha ma Honolulu, Oahu.

KAPIOLANI.

[ Ma o Jos. Nawahi la ]

Honolulu Oct. 31, 1891 314—d3m.

______________

HAULE ? HAULE !

$10.00 MAKANA.

Mawaena o ka halekuai pake oia ke kihi mauka o ke alanui Moi a me Puowaina me ko’u hale-@ma Ka@ia, ma ke alanui Moi aku i kai, ma ke kua aku o ka halepule o Kwaiahao a ka hale aila mahu iho nei a malaila, holo pololei a hiki iwaho o ko’u wahi ua haule aku he eke @ima a na wahine, me kekahi mau dala gula a me dala maoli. E @ku ia ne keia makana ae la ka mea olu olu e hoihoi mai ia’u a i ole, i ke Keena o ka Leo.

W. H. KAILIMAI. 319—dtf.

____________

K U A I H O O P A U

____________

Mai keia manawa @ a @ i ko Makou hoonee

ana aku @oko a @o makou.

HALEKUAI HOU

MA KE ALANUI PAPU, (Na Hale Burua).

E hoolilo aku ana Makou i ko Makou waiwai a pau o na ano Lole.

Na Lole Nani,

Na Lole I @umuia.

Pahu Lole, a naiai ake

No na Uku Hooemi Loa, Nae.

EGAN & GUNN

Alanui Moi kokoke i ke ALANUI PAPU.

tf—d.

______________

He Kuai Nui Hoopau Aku.

E HOOMAKA ANA I KEIA

POAONO, AUGATE 1, 1891.

Ua Lilo ko makou Waiwai he mea Mohai wale!

Ua Hoemiia ke Kumukuai ilalo, aole i ko Makou Pono, aka nou no –

Papa Kumukuai no 30 La, wale no:

200 paa lihilihi keokeo puka aniani - - - - - - - - -- - - - - - - - - - - - - - - - - - - - - - - - - - - $ .90

20 i-a Kalakoa maikai - - - - - - - - - - - - - - - - - - - - - - - - - - - - - - - - - - - - - - - - - - - - - - 1.00

12 keokeo 1 i-a laula - - - - - - - - - - - - - - - - - - - - - - - - - - - - - - - - - - - - - - - - - - - - - - 1.00

8 keokeo 1 i-a laula - - - - - - - - - - - - - - - - - - - - - - - - - - - - - - - - - - - - - - - - - - - - 1.00

159 kakini lakeke o na Kamalii (huluhulu)- - - - - - - - - - - - - - - - - - - - - - - - - - - - - - - - - - .45

93 kakini ka’e waihooluu o na wahine - - - - - - - - - - - - - - - - - - - - - - - - - - - - - - - - - - - .05

Huluhulu no na paa lole kupono, 25 keneta o ka i-a, e kuai no makou i keia

“ mau la no 7 i-a no - - - - - - - - - - - - - - - - - - - - - - - - - - - - - - - - - - - - - - - - - - - 1.00

Papale Kula o na Kamalii - - - - - - - - - - - - - - - - - - - - - - - - - - - - - - - - - - - - - - - - - - - .25

Na Kawele nunui, 2 no. - - - - - - - - - - - - - - - - - - - - - - - - - - - - - - - - - - - - - - - - - - - - - - .25

Kakini eleele maikai - - - - - - - - - - - - - - - - - - - - - - - - - - - - - - - - - - - - - - - - - - - - - - - .25

Na Papale i kahiko maikai ia - - - - - - - - - - - - - - - - - - - - - - - - - - - - - - - - - - - - - - - - - - 2.50

RUMI HANA LOLE MALUNA, HOLOKU etc., HANA IA ME KA OLUOLU

LOA, E HOOPAA AKU NO MAKOU NO NA KUMUKUAI MALUNA

NO. 30 LA. NO KE DALA KUIKE WALE NO KEIA KUAI ANA.

C. J . Fishel@

Ka makamua o na Hale lako o na Wahine, oia hoi ma alanui Papu Hotele, kahi i hanau ia ai na kuai hoopono a ano nui no hoi.

______________

Na Waiwai Hou !

Na Aulii Hou !!

NA PAIKINI HOU O KEIA KAU HOOILO

O KA MAKOU IA LA AULII KOLOMANU

KU KE PAI HANA KA HAAWE

NANI WALE KA IKE I NA MEA NANI O KA HAU OKI O KA AI-

NA GULA O KALEPONI – MA KA HALEKUAI WAI-

OLU NAWE MALIE O --

N. S. SACHS.

He oia mau no ke emi o ke kumukuai o ko makou mau waiwai a oia ke kumu o ko makou paa mau ana i ka hana. – A he wahi puka iki ko makou e k@ mau nei – Eia he heluna hou o na waiwai hou, ka makou o na ano-@ ole – Na MAKALENA @au, a me na MAKALENA puu, o keia a me keia ano, o ke ano mai kai loa.

Mai Puiwa Oukou! Mai Puiwa Oukou!!

EIA IHO KA PAPA LOHI O APUA, NA LOLE AAHU O NA

LEDE I HANA MIKIOI IA MAI A AULII.

Na Muumuu o na Lede 40 keneta; Palekoki aulii o na Lede 50 keneta; Na @ hu o ke ano ahiahi $1.00; Na Kihei kaekae huihui 40 & 50 keneta; Na Kawele hoo maemae ili o na Lede 60 keneta; Na kaliki molina maikai loa 50 keneta; Na pai kini hou o na wahine ma ka hoopaa ana ia loko 50 keneta; Na Kakini @ pahee o na Lede, elua paa no ka 25 keneta.

NA PAIKINI AULII O NA KEIKI, NO NA KUMUKUAI HAAHAA

LOA, A EMI NO HOI.

Na aahu keokeo o na keiki 75 keneta; Na lol@ komo o na keiki 3 paa $1.00; Na Papale aulii o na keiki 25 keneta; Na kaliki o na kaikamahine 40 keneta; Na A-i kala o na keikikane 25 keneta; na Muumuu o na pepe 25 keneta; na Papale L@ maikai o na kaikamahine he 50 keneta, mamua he $1.00, na Papale aulii o na keikane he 50 keneta, mamua he $1.00.

NA PAHOEHOE HULU PAHEE! NA PAHOEHOE HINUHINU !!

Ua piha u ko makou halekuai nei i na waiwai like ole o na ano a pau, o na hulu hoonani o na papale o na iwa maka onaona eia ia ia makou nei la, ke @ lua nei i Moeawakea, he eleele, he ahiehie, a nau e wae e like me kou makemake, he $1.00 wale no o ka iaia hookahi, mamua he $@.00 . O na papale keia o na huapala, he kau maoli no ka iwa he la makani, eia la ke ahu a kala kukui mai @. E hele mai e ike kumaka i ka nani e alohi nei, he ole hoi ka lohe pepe@, hele@ @ na makua me na keiki pu mai ao, e wae oukou no oukou iho. He make@ @ i ike ole ia kona lua, oiai, o keia kuai he haawi wale no. O @ no a pau, he aulii maoli no. O ka papale no hoi keia o na keikikane, he p@ ke @ aku oe, eia he 50 keneta wale no ke kumukuai. E @ ao ma @ o.

--: N. S. SACHS :--

318-dtf. 104 Alanui Papu, Honolulu

____________

HOOLAHA HOU

____________

B. F. Ehlers & Co – Painapa

____________

HELU 99 Alanui Papu.

IA OUKOU E NA MAKAMAKA A ME NA HOALOHA O@ MOI, UA makauka@ makou i ke kuai hoopoho aku i na lole o na W@ K@ a ma @ Kamalii, oiai, e hoi mai a@ o B. F. EHLERS me na lole hou ma keia meka @ a oia ke kum@ o ko makou kuai hoopoho ana, i kaa wale ai na wahi no na LOLE HOU.

E kipa mai e na makamaka, i hoopau ia ai ko oukou kane@ @ ka makou kuai hoopoho aku ia oukou. Owau me ka oiaio.

R. F. EHLERS & CO.

____________

He Kuikahi hoonaueue,