Ka Leo o ka Lahui, Volume II, Number 318, 6 November 1891 — Page 3
| This text was transcribed by: | Kate Motoyama |
| This work is dedicated to: | honpa hongwanji mission |
KA LEO O KA LAHUI.
"E Mau ke Ea o ka Aina i ka Pono."
UA LALAU O T. KAPUHILANI.
--
Ua ike iho makou i ka hoolaha o ka la 5 iho nei, e pane ana no ka hale hoohanau. No keia mau olelo e i ana, ua olelo o Meleana Kane, no ka malama kupono ole o ka mea nana e malama nei ia hale, ke i aku nei maua, aole a maua olelo pela. eia wale no ka maua, he mahalo a he maikai ka noho ana ma ia wani, he malama ia oe i ka ai a me ka i'a, na mea a pau loa, a he malama ia ke keiki hanau mai, a hiki i ka wa e hookuu ia mai ai.
Ua lawa au maanei, me ka maha lo i KA LEO O KA LAHUI, a e haawi i ko'u aloha i na keiki oniu hua me tala. Kane w.
--
NUHOU KULOKO.
--
Ua makemake ia na Luna lawe pepa a pau o ka LEO O KA LAHUI, e hoihoi mai i na helu o na la, 19, 20, 26, 27 o Okatoba nei, ma keia keena nei; in a nae he mau helu koe ia oukou.
--
Ua makemake ia na Luna Lawe Pepa a pau o ka LEO a me ka OIAIO, e akoakoa mai ma ke keena nei, i ka hora 10 a. m., o ke kakahiaka Poalima, no ka noonoo ana i kekahi hana i manao ia.
--
Maikai ka haioielo a Mr. Ttar i malama ai ma ka Y. M. C. A. i ka po nei.
He 225 ahui maia me 200 tona kopaa a ka moku Irmard i hii aku ai no ka aina gula o Kaleponi i ka la inehinei.
He halawai ka ka hui kaawai Helu Elua i ka po Poakolu nei no ka noonoo ana i kekahi humuhana i makemake ia.
Eia na kiai o Hale Dute, ke hoaoao mai nei i ko lakou waapa mahu hou iloko nei o ke awa i keia mau kakahiaka.
E kuai kudala aku ana o Lewis J. Levey i ka waiwai o Ling Lee Chan &Co i banekarupa ia, he hiki ai i keia Poakolu ae.
Ma ka hora 9 o ka po Poakolu nei, ua ike ia aku la kekahi hoku welowelo ma ka hikina, kokoke i kahi e napoo ai o ka la.
E hiki mai ana ka hui kinipopo o Sana Jose i o kakou nei i keia la aku, no ka hoao ana me ko onei mau keiki olohu popo.
Ua hui na lala o ka halepule o Kaukeano ma ka po Poakolu no ka noonoo ana i ka mea e pili ana no ka okana o ko lakou luakini hou
Ua haawi makana aku o Messrs Douglas & Bloom, na on a o ka moku holo lealea Beagle he kiaha pua Bohemiana i ka Moiwahine Liliuokalani.
I ka la onehinei i haalele iho ai ka moku Velocity i ke awa lai o Kou nei no Honokaona. U ahuli hoi aku maluna on a he elua haneri kanalima pake no ko lakou one hanau.
Ma ke ku ana mai nei o ka mokuahi Hawaii mai Hamakua mai nei, i lohe ia mai ai ka nui o ka ua o ia aina, a he 69 pipi mai Kawaihae mai kana i lawe mai nei no ke kaona nei.
Ma ke awakea o nehinei i haalele iho ai ka moku holo lealea. Beagle i keia awa no ka hoomau ana aku ma kana huakai makaikai. Aole e nele ka mahalo o kona mau on a ia Hawaii nei.
Ua koke a paa ka waapa hou o ke aupuni e hana ia nei e kekahi opio Hawaii oia o Mr. Uwaia Napoliona. No ka pomaikai o ka hale ipukukui keia waapa e hana ia nei. Mahalo i ka holomua o keia Hawaii ma keia hana.
Aia ma ka halekuai o Messrs Lewia & Co., e ike ai ka lehulehu i kekahi mau kapiki nunui. O ko laua ko'iko'i he 59 paona. Ma ka hale hoomaha o ka Lua o Pele kahi i kanu ia ai; he mahalo ia mai no hoi ka ulu maikai o na mea kanu o ia wahi.
Ma ka Poaha nei ka la hanau o Miss Lucy Hayselden. Kaikamahine a ka lion. J. H. Hayselden o Lanai, ua haawi makana aku ia i na kumu a me na haumana o ke kula o Punahou i kekahi papaaina i luluu i na mea ai ono, e laa na pelehu me na puaa momona i hanai ia ma kona wahi ma Lanai.
Nui ka mahalo o na malihini i holo aku nei e makaikai i ka lua o Pele. O kekahi lede i holo pu aku ma keia huakai, o Mrs. Stewart kona inoa, o kona kaumaha, wa oi aku maluna o ka elua haneri paona, a ua manao oia e poho ana la kona manaolana no kona ike ole i ke ahi a ka wahine hookalakupua, no ia kumu, ua ninau aku ia i ka on a hotele, in a e loaa kekahi mau kanaka e anamo ai iaia ilalo o ka lua e ike ai i ke ahi; a ma ka lokomaikai o Mr. P. Lee, ua loaa iho la he eha mau kanaka, na lakou i hapai aku i ua lede nei me kona noho ana iluna o kekahi noho. A pau kona makemake ana e ike i ke ahi, ua hoihoi ia mai la ia me ka maikai.
--
HOOLAHA PA AUPUNI.
Ke hoolaha ia aku nei ma keia e kuai kudala ia aku ana no holoholona i hoakaka ia mahope nei, ma ka Poaono, Novemaba 14, 1891, ma ka hora 12 awakea, ma ka Pa Aupuni ma Makiki. ke ole e kii mua ia mai:
1 Lio kane keokeo leonalo hao ano e.
1 Lio wahine hauliuli, he eleele na wawae eha a puni a me ke kamaa hao, me kahi keokeo pohaka ma ka uha hope aoao hema; he eha ma ka aoao akau, ao le kuni.
E hookomo mai ka on a o keia mau holoholona iloko o umikumamalima la, i ko lakou kuleana. a i ole ia e kuai ia aku ana no ma ke kudala e like me maluna ae.
D. Kaoao
Luna Pa Aupuni.
Honolulu, Novemaba 5, 1891. d-3ts.
--
OLELO HOOLAHA.
E ike auanei na kanaka a pau, eia ma ka Pa Aupuni o Makiki, kekahi mau lio hele hewa; lio k melemele, keokeo lokihi ma ka lae, huelo poemuku, 2 wawae eleele mua, 2 wawae keoeko hope; hao kuni R H uha hope akau. Lio k eleele keokeo lokihi ma ka lae, 1 wawae keokeo hope hema. 3 wawae eleele; hao ku ni D hope akau. O ka mea a mau mea nona keia mau lio e pono e kii koke mai o hala na la he 14, kuai kukala akau no wau ke hiki aku i ka la 31 o keia malama, ma ka hora 12 o ke awakea Poaono.
David Kaoao.
Luna Pa Aupuni.
Oct. 20. 1891. 304 3td.
--
OLELO HOOLAHA.
E ike auanei na mea a pau, owau o ka mea nona ka inoa malalo nei, ke hoolaha aku nei au ma ke akea i ka waiwai o AIAC pake, i noho hoolimalima, ma kuu hale e ku nei ma ke Alanui Kekaulike, no ka hookaa ole ana i na dala he $14.00, o na mahina 6. Nolaila, ua makau kau wau e kuai kudala aku i na waiwai a pau e paa nei na kuu lima, ke hala na la he 15 maikeia la aku; a oia iho keia mau waiwai:
1 Moe paina 2 Hainaka pakeke
1 Pela moe 1 Pakumakika
2 Kihei halii 3 Huluhulu moe
2 Pahu ili 1 Kihei puu
1 Kuka huluhulu 4 Palaka pake
2 Palule 3 Paleili
2 Pulihi 13 Lei a-i
1 Kaawe 2 Hinaka pakeke
6 Paa kakini 5 Paa Kamaa
1 Kawele 1 Ie paalima
1 Mamalu 1 papale puako
1 Laau kau lole 1 Pahi liilii
1 Kini pana 2 Lolewawae hulu-
1 Oiwi lopi kilika hulu
O keia ka nui o na waiwai.
2w trsd. 105 WONG LEONG.
OLELO HOOLAHA.
Ua makaukau ka mea nona Oinoa malalo iho, e hana i na Pua HAKU PUNA ELEELE a me ka pohaku e ae no na pa kupapau, a me na kahua kukulu kia-hoomanao. O ka poe makemake e waiho mai i ka lakou mau kauoha me Ioane Akina.
J. BOWLER,
Sept. 22, '90, d--ly*
--
OLELO HOOLAHA HOOPAU
HOPE.
E ike auanei na kanaka a pau ma keia, mai keia la aku ua hoopau loa aku au i ko H. C. Ulukou noho Hope ana no'u ma na ano a pau loa e pili ana i ka malama ana ka hooponopono ana a me ka ohi ana i na auhau o ko'u mau waiwai a pau loa maloko nei o keia aupuni. O na poe a pau loa e paa ana he mau waiwai no'u ma ko lakou lima, e hoihoi ae lakou ia'u ponoi ma ko'u wahi noho ma Honuakaha, ma Honolulu, Oahu.
KAPIOLANI.
[Ma o Jos. Nawahi la.]
Honolulu Oct 31, 1891. 314-d3m
--
Aila Kuai.
--
E LOAA NO MA KAHI O
J. F. COLBURN.
(KEONI KOLOBANA.)
Ma ke Kihi o na Ala-
nui Nuuanu me Moi.
--
E loaa no no ke kumukuai haahaa loa o $2.50 o ka pahu. Hele mai hookahi, hele mai elua, hele mai no a pau.
Ko oukou hoaloha,
J. F. COLBURN.
Honolulu, Iulai 8, 1891. 232 dtf
HE HOOLAHA I KA AKEA.
E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano, e naue mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwi, eha o ke poo, ma'iwahine a pela aku. Mai hoolohe aku e na hoa, hele mai hookahi, hele mai elua, hele mai no a pau loa; he oluelu ka auhau, he hui me ia ma na kukai olelo ana; ua makaukau wau e pulama mai i na komo ana mai mai @ Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.
Owou iho no,
DR. LEONG KENG PONG.
Helu 40, Huina o na alanui Kamika me Hotele, Honolulu, Oahu. Aug. 31. 1y.
--
Hale Hana Wai
Mo'mona
WAI-ANIANI
--
Sam. Lad me John Grace na On a.
--
Ka poe wale no na lakou e hana nei
NA WAI HOOMAEMAE KOKO KAULANA
oia hoi ka
SASEPARILA
--A ME KA--
WAI-HAO
--
NA WAI MOMONA AWAPUHI,
SASEPARELA, LEMI, WAI
PIPII, SODAMAOLI, SI-
DA. KAMEPENA @
--
Matnai @ TELEPONA @e
Na Waiwai Hou!
A Aulii Hou!
NA PAIKINI HOU O KEIA KAU HOOILO
O KA MAKOU IA LA AULII KOLOMANU
KU KE PAI HANA KA HAAWE
NANI WALE KA IKE I NA MEA NANI O KA HAU OKI O KA A
NA GULA O KALEPONI--MA KA HALEKUAI WAI-
OLU NAWE MALIE O--
N. S SACHS.
Me oia mau no ke emi o ke kumukuai o ko makou mau waiwai, a ola @ o
ko makou paa mau ana i ka hana--A he wahi puka iki ko makou e @ mau
nei--Eia he heluna hou o na waiwai hou, ka makou o na nao like ole--Na MA
KALENA lau, a me na MAKALENA puu, o kela a me keia ano, o ke kino mai
kai loa.
Mai Puiwa Oukou! Mai Puiwa Oukou!!
EIA IHO KA PAPA LOHI O APUA, NA LOLE AAHU O NA LE-
DE I HANA MIKIOI IA MAI A AULII.
Na Muumuu o na Lede 40 keneta; Pulekoki aulii o na Lede 50 keneta; Na luhi! hu o ke ano ahiahi $1.00; Na Kihei kaekae huihui 40&50 keneta;Na Kawele hoomaemae ili o na Lede 60 keneta; Na Kaliki molina maikai loa 50 keneta, Na pui kini hou o na wahine ma ka hoopaa ana ia loko 50 keneta; Na Kakini Hlina pahee o na Lede, elua paa no ka 25 keneta.
NA PAIKINI AULII O NA KEIKI, NO NA KUMUKUAI HAAHAA
LOA, A EMI NO HOI.
Na aahu keokeo o na keiki 75 keneta; Na lole komo o na keiki 3 paa $1.00; Na Papale aulii o na keiki 25 keneta; Na kaliki o na kaikamahine 40 keneta; Na A-i kala o pa keikikane 25 keneta, na Muumuu o na pepe 25 keneta; na Papale Lilina maikai o na kaikamahine he 50 keneta, mamua he $1.00, na Papale aulii o na keikane he 50 keneta, mamua he $1.00
NA PAHOEHOE HULU PAHEE! NA PAHOEHOE HINUHINU!!
Ua piha u ko makou halekuai no! i na waiwai like ole o na ano a pau, o na hulu hoonani o na papale o na iwa maka onaona, eia ia ia makou nei la, ke hihi'o lua nei i Moeawakea, he eleele, he ahiehie, a nau e wae e like me kou makemake, he $1.00 wale no o ka lala hookahi, mamua he $2.00. O na papale keia o na huapala, he kau maoli no ka iwa he la makani, eia la ke ahu a lala kukui mai nei. E hele mai e ike kumaka i ka nani e alohi nei, he ole hoi ka lohe pepeiao, hele mai na makua me na keiki pu mai no, e wae oukou no oukou iho. He makepono keia i ike ole ia kona lua, oiai, o keia kuai he haawi wale no. O na ano no a pau, he aulii maoli no. O ka papale no hoi keia o na keikikane, he pani'o ia la ke nana aku oe, eia he 50 keneta wale no ke kumukuai. E loaa no ma kahi o
--:N. S. SACHS:--
318.dtf. 104. Alanui Papu, Honolulu.
--
KUAI HOOPAU NUI.
--
Mai keia manawa aku a hiki i ko Makou noonee
ana aku iloko o ko makou
HALEKUAI HOU\
Ma ke Alanui Papu,--(NA HALE BURUA.
E hoolilo aku ana Makou i ko Makou waiwai a
pau o na ano Lole:
NA LOLE NANI,
NA LOLE I HUMUIA,
KAPU A ME PAPALE
PAHU LOLE, a pela aku
No na Uku Hooemi Loa Nae.
Egan & Gunn.
ALANUI MOI kokoke i ke ALANUI PAPU. tf-d.
--
HOOLAHA HOU
--
B. F. Ehlers & Co--PAINAPA
--
HELU 99 Alanui Papu.
IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai hoopoho aku i na lole o na Wahine, Kane a me na Kamalii, oiai, e hoi mai ana o B. F. EHLERS me na lole hou ma keia moku mai a oia ke kumu o ke makou kuai hoopoho ana, i kaawale ai na wahi no na LOLE HOU.
E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou. Owau me ke oiaio,
tf B. F. EHLERS & CO.
--
He Kuai Nui Hoopau aku.
E HOOMAKA ANA I KEAI
POAONO, AUGATE 1, 1891.
Ua Lilo ko makou Waiwai he mea Mo-
hai wale!
Ua Hoemiia ke Kumukuai ilalo, aole i ko
Makou Pono, aka nou no-
Papa Kumukuai no 30 La wale no:
200 paa lihilihi keoeko puka aniani . . . $ .@0
20 i-a Kalakoa maikai . . . 1.00
12 keokeo 1 i-a laula . . . 2.00
8 keokeo 1 i-a laula . . . 1.00
150 kakini lakeke o na Kamalii (huluhulu . . .45
93 kakini ka'e waihooluu o na wahine . . . .04
Huluhulu no na paa lole kupono, .25 keneta o ka i-a, e kuai no mak@@ i keia
mau la no 7 i-a no . . . 1.00
Papale Kula o na Kamalii . . . .25
Na Kawele nunui, 2 @o . . .25
Kakini eleele maikai . . . .25
Na Papale i kahiko kaimai ia . . . $2.50
RUMI HANA LOLE MALUNA, HOLOKU etc., HANA IA ME KA OUOLU
LOA. E HOOPAA AKU NO MAKOU NO NA KUMUKUAI MALUNA
NO 30 LA NO KE DALA KUIKE WALE NO KEIA KUAI ANA:
C. J. Fischel,
Ka makama@ Hale @