Ka Leo o ka Lahui, Volume II, Number 316, 4 November 1891 — Page 3
| This text was transcribed by: | Renee Horie |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
Na Hana Lauwili.
Ua lohe mai makou, ke au'a nei o Mr. J.A. Kahoonei i ke dala o ka Hui Kalaiaina, a ke olelo mai nei hoi o Mr. Kamaile ka puuku, aole he hoihoi ia mai o ke dala iaia. Hewa no keia ina he oiaio, a ua makaukau hoi kekahi poe e hooia he oiaio. He hana Iimanui keia, a he kue i ke kahua o ka Hui Kalaiaina e ku nei, oia hoi, ua ku ke aupuni ma o ka Lahui, no ka lahui a ma o ka Lahui.
Eia Hou.
Ke hoole mai nei ka poe o Pauoa i na hana a ka Peresidena o ka Hui Kalaiaina malalo o keia kumu: Ua onou ia aku kekahi komite e he le e ohi dala ma Pauoa, a ua lilo keia hana i mea hoonaukiuki i na makaainana o ia apana. He mau hana no keia e hoowahawaha ia ai ka Hui Kalaiaina, oia hoi ke kohoia o kekahi mea mawaho loa o ko lakou poe iho.
NUHOU KULOKO.
Ua makemake ia na Luna lawe pepa a pau o ka LEO O KA LAHUI, e hoihoi mai i na helu o na la, 19,20,26,27 o Okatoba nei, ma keia keena nei; ina nae he mau helu koe ia oukou.
Ua makemake ia na Luna Lawe Pepa a pau o ka LEO a me ka OIAIO, e akoakoa mai ma ke keena nei, i ka hora 10 a.m., o ke kakahiaka Poalima, no ka noonoo ana i kekahi hana i manao ia.
He nui ka poe i holo aku no luna o ka mokukaua Penesekola, i ka Poakahi nei.
Ano puanuanu keia mau kakahiaka, i ahona i ka huluhulu palekehau o Eilohi.
Ua hookohu ia aku o A.W. Clarke i luna no ka hale dute, ma kahi o Lucas i haalele mai.
Ma Kukaiau, mai ka puhaka mai o ka wahine a Albert Horner, he keikikane nui mohaha. Owai hou aku!
Ma ka la inehinei i hoolewa ia aku ai ke kino make o Thomas Pedler, no kona home hooluolu hope loa.
Ua hookohu ia aku o George Nakapuahi i luna kiai awa no Hilo, a o John Stupplecen i luna dute nui, ma kahi o Mr. Crakbe i pau.
Maikai na wehewehe Baipala a Mr. Starr ma ka Y.M.C.A., i ka ponei. E malama hou ana no oia he halawai hou ma ia hale i ka po o ka la apopo.
Ua lohe wale ia, ua olelo aku kekahi o na Kuhina ia Kahoonei, ina e kapae ia ae na inoa o Buki, Wilikoki a me Nawahi, mai ke Komite mai, aiaila, e haawi mai no ia i puu dala no ka hui Kalaiaina.
Ua nui ka poe i hiki ae ma ka Ema Kuea i ka po Poakahi nei, aole hoi i nana wale ia ae ke ano hoopoluluhi ua, a noho ia aku kauhale, aia ka pono o ka lohe i na leo hoene o ka Bana, moe lealea ka po. Pela no paha ka hana ana.
Ma Kikako, ua lilo ke eo o na hana keaka ana ia Sarah Bernhardt ua olelo ia, iloko o na po eha o kona paani ana, ua hiki aku kona loaa i ka $29.000. Ua oielo pu ia no hoi, o ke kiekie iho la ia i ike ia mai keia mea he hana keaka, aohe ona lua.
Ma ka auina la inehinei, i ku mai ai ka Malulani, mai kana huakai makaikai aku nei i kona mau awa maa mau o Hawaii.
E malama ia ana he anaina ike a lealea Europa maluna o ka oneki o ka mokukaua Penesecola, i ka la apopo.
No ka maka'u loa o Mr. Hammond, o poino koua ola a me kona ohana, ua hiki mai ia imua o ka Ilamuku e hoopii i ke Alii Kunuiakea, no kona koopuiwa mau i ko Kapalama poe me kana pu, a ua noi pu mai ia e a'o ia oia aole e kiki wale me kana pu.
UA HALA MA O.
Ua haalele mai la i keia ola ana, o Miss Hana Mundon, ma ka hale kula ao hana lima a na kaikamahine ma Kawaiahao.
Ua loihi na la o ka hoomailo ana a ka ma i akepau ma kona kino, a no ia ike ia o kona pilikia, ua kano ha ia aku na makua e holo mai e ike, a ma ke kakahiaka lapule nei no hoi ko laua hiki ana mai, a ma ia auina la kora 2 i pauaho mai ai oia. Ua malama ia he haipule no kona kino maloko o ka Luakini o Kawaiahao, a @@@oi ia aku ia no kona one hanau ma Kauai e kanu ia ai. Aloha wale oia.
HOIKE PAU IA MAI.
E Mr. Lunahooponopo:
Aloha oe:
E oluolu oe e hookomo iho ma kahi wahi kaawale o ka kaua pukuniahi, i ike mai ai kuu makamaka, oia hoi o Mrs. S.I. Maikai i kela mau hua nui e kau ae la maluna, oiai, ma kau pane o ka la 10 o Augate, i ike ia iho ai ke ano nui o kou manao no ka Home Hoohanau, e kahea ana oe mai Hawaii a Kauai i na wahine a pau i loaa ka haawina e like me oe e hoi i Kapiolani Home, kahi hoi nana e malama me ka maikai, a he lako hoi i na mea a pau, me ka loaa pu hoi he mama nana e malama maikai me ka naau kunukunu ole i na mea a pau; e pane pu iho ana hoi oe no kauka Wahie, he oluolu a waipahe, a he mikioi hoi kana mau lawelawe ana, he kokua loaa wale hoi i na ma'i me ka uku ole, he maemae ka noho ana me ka lako i na mea a pau.
Nolaila, ua hiaai ko'u manao no kau mau hoakaka ana no ka home, nui ko'u paipai ana i ka'u wahine e hoi aku no ka home e like me kau kahea, aka, ua hoole mai ka'u Eva me ke kapa ana mai ia oe he hoopunipuni. E Mrs. S.I. Maikai, ua lohe ko'u wahine mai a Mrs. Meleana Hipa ka wahine a Kane, he nui ka hemahema a me ke ino o ua home nei, a me ka makuahine au e hapai mau nei, oia ka ka mea i pilikia ai o ka Hipa pepe, no ka malama maikai ole; ma ka mea ai ko Hipa mahalo i ka home, nolaila, ua paakiki loa ka'u wahine mamuli o kona lohe, me ka hoohiki pu mai aohe he oiaio o kau i hoolaha ae ai, oiai, o oe wale no ia e liki mai nei, aohe hoi hekokua mai o ko oukou poe i noho pu ai i ka home, e loaa ai la hoi he mau hoike ma kou aoao e ka makamaka.
Nolaila, kalai ia a pololei, hoike ia a pau pono, i hilinai ia ka oiaio i pau ka pohihihi o kekahi poe makuahine nana e hooulu ka lahui e like me oe e Mrs. S.I. Maikai, ka makia hoi o ko kakou lani Moi i haia. E oki au maanei, ke hea mai nei ka ua Apuakea ia'u. Me na keiki omu hua metala ko'u aloha hope.
T. KAPUHILANI. Nov. 1, 1891.
OLELO HOOLAHA.
Ua makaukau ka mea nona Oinoa malalo iho, e hana i na Pna HAKU PUNA ELEELE a me ka pohaku e ae o na pa kupapau, a me na kahua kukulu kia-hoomanao. O ka poe makemake e waiho mai i ka lakou mau kauoha me Ioane Akina.
J. BOWLER. Sept. 22. '90. d---ly*
OLELO HOOLAHA HOOPAU HOPE.
E ike auanei na kanaka a pau ma keia, mai keia la aku ua hoopau loa aku au i ko H.C. Ulukou noho Hope ana no'u ma na ano a pau loa e pili ana i ka malama ana ka hooponopono ana a me ka ohi ana i na auhau o ko'u mau waiwai a pau loa maloko nei o keia aupuni. O na poe a pau loa e paa ana he mau waiwai no'u ma ko lakou lima, e hoihoi ae lakou ia'u ponoi ma ko'u wahi noho ma Honuakaha, ma Honolulu, Oahu.
KAPIOLANI. [Ma o Jos. Nawahi la.] Honolulu Oct. 31, 1891. 314--d3m.
Aila Kuai.
E LOAA NO MA KAHI O
J.F. COLBURN.
(KEONI KOLOBANA)
Ma ke Kihi o na Alanui Nuuanu me Moi
E loaa no no ke kumukuai haahaa loa o $2.50 o ka pahu. Hele mai hookahi, hele mai elua, hele mai no a pau.
Ko oukou hoaloha, J.F. COLBURN. Honolulu, Iulai 8, 1891. 232 dtf
HE HOOLAHA I KA AKEA.
E ike auanei na ano lahui a pau, e noho ana ma ke Aupuni Hawaii, mai na kane, wahine a me na keiki; i loaa i na ma'i o kela a me keia ano, e naue mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwi, eha o ke poo, ma'iwahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.
Owou iho no, DR. LEONG KENG PONG.
Helu 40, Huina o na alanui Kamika me Hotele, Honolulu, Oahu. Aug. 31 1v.
Hale Hana Wai Momona
WAI-ANIANI
Sam. Lad me John Grace na Ona.
Ka poe wale no na lakou e hana nei NA WAI HOOMAEMAE KOKO KAULANA oia hoi ka
SASEPARILA A ME KA WAI-HAO
NA WAI MOMONA AWAPUHI, SASEPARELA, LEMI, WAI PIPU, SODAMAOLI, SIDA KAMEPENA, @c.
Mama@ @@0 TELEPONA Be
KUAI HOOPAU NUI.
Mai keia manawa aku a hiki i ko Makou hoonee ana aku iloko o ko makou
HALEKUAI HOU
Ma ke Alanui Papu -- (NA HALE BURUA.)
E hoolilo aku ana Makou i ko Makou waiwai a pau o na ano Lole:
NA LOLE NANI, NA LOLE I HUMUIA, KAPU A ME PAPALE, PAHU LOLE, a pe@a aku
No na Uku Hooemi Loa Nae.
Egan & Gunn. ALANUI MOI kokoke i ke ALANUI PAPU. tf--d.
Poino i ka Wai!
POINO I KA WAI:
E hoomaka ana keia mawaena o keia la a me ka Poalua a hiki mai o keia pule ae me ka nana ole ia o na lilo.
N.S. SACHS. Honolulu. 263--dtf.
HOOLAHA HOU
B.F. Ehlers & Co PAINAPA
HELU 99 Alanui Papu
IA OUKOU @E NA MAKAMAKA A ME NA HOALOHA, OIAI HOI, UA makaukau makou i ke kuai hoopoho aku i na lole o na Wahine, Kane, a me na Kamalii, oiai, e hoi mai ana o B.F. EHLERS me na lole hou ma keia moku mai a oia ke kumu o ko makou kuai hoopoho ana, i kaawale ai na wahi no na LOLE HOU.
E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou. Owau me ka oiaio, B.F. EHLERS & CO.
He Kuai Nui Hoopau aku.
E HOOMAKA ANA I KEIA
POAONO, AUGATE 1, 1891.
Ua Lilo ko makou Waiwai he mea Mohai wale!
Ua Hoemiia ke Kumukuai ilalo, aole i ko
Makou Pono, aka nou no
Papa Kumukuai no 30 La wale no:
200 paa lihilihi keokoo puka aniani $ .90
20 i-a Kalakoa maikai 1.00
12 keokeo 1 i-a laula 1.00
8 keokeo 1 i-a laula 1.00
159 kakini lakeke o na Kamalii (huluhulu) .45
93 kakini ka'e waihooinu o na wahine .05
Huluhulu no na paa @o@e kupono, .25 keneta o ka i-a, e kuai no makou i keia mau ia no 7 i-a no 1.00
Papale Kula'o na Kamalii .25
Na Kawele nunui, 2 no .25
Kakini eleele maikai .25
Na Papale i kahiko maikai ia 2.50
RUMI HANA LOLE MALUNA, HOLOKU etc., HANA IA ME KA OLUOLU LOA. E HOOPAA AKU NO MAKOU NO NA KUMUKUAI MALUNA NO 20 LA. @ NO KE DALA KUIKE WALE NO KEIA KUAI ANA, C.J. FISHE@
Ka makam@@, @@@@@ Hale lako@o na Wahine, @@ia hoi ma alanui Papu @ @ @ Hotele, kahi i hanau ia ai na kuai hoopono a ano, @@ no hoi. @@@