Ka Leo o ka Lahui, Volume II, Number 316, 4 November 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

BUKE II.                                HONOLULU, NOVEMABA 4, 1891.                     Helu 316

 

He Moolelo

––: no :––

MASEPA.

Ka Olali o Denemada!

––: a i ole :––

Ke Kaulio Keokeo!!

Kakauia no Ka Leo o ka Lahui .

            Ua hoao ae na koa o ka moi Carlo e hopu pio ia’u a me ka lio keokeo, aka e like me ka hikiwawe o ka pua kakaka, pela au i oili aku ai a nalu aku la iloko o ka pouli.

            Ia’u i pakele mai ai ma ka apua hookani pakolu ae la au i ka’u huipa no ka haawi ana i hoailona i kia lio keokeo, ua makemake ia oia e uhai aku mahope o ka meheu o ka lio eleele e uwila la mamua iloko o ka pouli.

            O ka pouli o na po la, oia ka mea nana i hoonalowale aku i kuu luaui mai ka ike ana aku a ko’u mau maka, aka, o ke poha paapaaina nae o na kapuai o Puahiohio, aole loa ia i kaawale mai ia’u aku a hiki i ke ao ana.

            E uhai hele ana au io a ia nei, ma kela a me keia wahi a ke pohapoha kapuai o ka lio eleele e holo ai, aka nae, o ko’u pili a lihi launa aku, ua hiki ole ia ia’u ke olelo ae, e hooko ia ana.

            Ua hoao au me ko’u ikaika a pau e pili aku ma ka aoao o ka lio eleele Puahiohio, aole nae i ko, a pela iho la maua i lilo ai io a ia nei a hiki wale i ka wa a na hu’i iniki kehau o ka wanaao i hoike mai ai ua hala na palena o ka po, a eia maua ke hele aku nei i ka pili o ko ao––

Ao maua me ka inuwai

Ua pa ka makani he kilipoe.

            O ka hu’i iniki a ke ahe kehau, me ka hapahapai mau mai a na manao lokuloku a ke aloha makua, na ia mea i kono mai ia’u e haawi aku i na hooikaika nui ana e pakele ai kuu makuakane mai ke kua @ai o ka lio eleele, aolaila, kahea

ae@ la au me ka leo nui ma ka inoa o ku @luaui, aka nae, he ole ka @ane ia mai, a kana paha la e houheuh@e @ae ai i keia mau wahi lalani mele––

H@a aku au e huli mai oe

He@ ole nae ko mea a maliu mai.

            Ua pinepine ka’u mau kahea ana no kuu luaui, aka e like me na haawina mua o ka nele, pela no keia.

            O ka loaa ole mai o na pane leo mai lluu luaui mai oiai ka’u mau kahea ana no na manawa he lehulehu, na ia mea i hoike mai ia’u, aole kuu makua me na haawina o ke kanaka o@a, aka he kanaka oia i hoomaha me na luhi o keia ola ana.

            O keia mau manao i ulu ae la iloko o ko’u mau noonoo ana, oia ka’u i hookani ae ai i ka’u huina hololio no ke kauoha ana ia Wiliahiu e ku iho.

            E like me ka leo poha kauoha o ka’u huipa, pela ka lio keokeo i ku iho ai me he la i hoopaa ia iho ia i kahi hookahi, a ma ia wahi au i hoomalia iho ai a hiki i ka malamalama loa ana.

            Alaila e Moneka kuu hoaloha, ua hoomau hou aku la au i ko’u alahele huli ma ka meheu o kuu luaui makuakane; a oiai, ua maa a kuluma ka lio keokeo Wiliahui i ka hanu ana no kuu luaui e like me na mea i ao ia ai iaia, nolaila, ua hoopokole ia ko’u luhi, aka he haawina nae o ka manaonao a me ka weliweli.

            Ma hoea aku le mana ma kekahi kahawai kuhoho a ma ke ka’e o na kahawai la halawai mai la me ko’u mau ike ana na moowa meheu makamaka hou me he la o na meheu no ia o ka lio eleele Puahiohio.

            A e Moneka kuu hoaloha, ma ke ia wahi i holo puanuanu ae ai ka pana o ko’u puuwai, na ka haalulu ae la kuu kino, a o ke aloha o kuu luaui makuakane, aia oia ke papale mai la i na maka.

            Lele iho la au ilalo mai luna iho o Wiliahiu, alaila leha ae la ko’u mau maka iluna o na lani a puana poloke ae la i keia mau huaolelo, “O ka hopena anei keia o kuu luaui makuakane?

            Me keia mau olelo pokole a’u imua o na lani, huli ae la au a kamailio aku la ia Wiliahiu me ke kani poha o ka’u huipa, no ke kauoha ana aku iaia e kali oia ia’u malaila a hiki i ko’u huli hoi ana mai.

            Me na mau huaolelo hope la a’u ia Wiliahiu, huli ae la au maluna o ko’u mau kapuai a@ iho aku la no lalo o ke kahawai.

            He wa loihi keia iho ana a’u, hoea aku la au ilalo, a iloko o ko’u weliweli nui halawai mai ia me a’u na helehelena manaonao o kuu makuakane.

            Ua weluwelu kona mau helehelena a me kona kino holookoa, mai na lala laau wanawana aku, a o ka lio eleele Puahiohio na loaa no hoi iaia ia mau haawina like me ko kuu makuakane.

            Ia’u i ike aku ai i keia mau hiona hoomanaonae e kau ana maluna o kuu makuakane, ua aneane e hiki hou ole ia’u ke nana hou aku maluna ona.

            Hoea aku la au ma kahi e waiho oni ole ana o ko laua mau kino kupapau, a haawi ae la i na leo kahoa hoa o ke kaumaha nui no kuu makuakane me na waimaka e hiolo makawalu ana.

            He aneane paha e piha ka elua hora o ko’u uwe a me ka noho kaumaha ana ma kahi o ke kino make o kuu makuakane, alaila wehewehe ae la au i na kaula i hoopaa ia ai maluna o kona kino, a maloko o ke kahi ana pohaku e pili kokoke mai ana, waiho aku la an@i kona kino oepo no ka wa hope loa a hiki i ka wa’a na lani e kahea mai ai.

            Aole i pau.

 

He Moolelo Nanea.

NO

De Atanani.

Ke Koa o ka Lio Olohe.

––a i ole––

            NA KIAI EKOLU O FARANI.

            Ua haawi aku ke koa opio i na hoomaikai ana no ka ona hotele me ka panai ana aku i keia mau olelo, akahi no a pakele kou poo mai ka lilo ana he luahi na ka’u pahikaua; ano e Mr. Ona hotele, na huikala ia oe mai kou lilo ana he pio na’u.

            Me keia mau olelo a Atanani, lohe aku la oia i kekahi haluiu nui ma kekahi aoao o na Keena la La Fere e noho ana, @ oia ka ua koa opio nei i hooho ae ai:

            Halo!  He haluiu aha ke@a?

            Ma kahi o ka loaa ana mai o ka pane, aia @a koa opio nei iluna o ke kahua o ka hana me kana pahikaua, ua makaukau o oni kapalili imua o ka mea nana e kue mai ana i kana mau kauoha.

            Ua halawai mai me na lena ike o na koa opio la, he elua mau kanaka Pelekane, a o kekahi o laua ka mea nana na olelo a ke koa opio i lohe aku ai i ka hooho ana ae ma ka olelo Farani, a na ia mau olelo a na kanaka la i hoouna aku i ke koa opio o ka hoolohe me he tiga la no mua o ke alo o una mau kanaka la.

            Wahi a ua koa opio la i pane aku ai; aole loa he koko o koa Farani e hookane ia maanei, ina he mea ia no ke poo o ke kanaka Pelekane e puhi ia aku ai iloko o ka lewa ma ka waha o keia mau pupanapana.

            Ua hoopahaohao loa ia na kanaka Pelekane e keia mau hana eleu loa a ke koa opio Atanani.

            Mamua ae o ka hiki ana ia laua ke makaukau no laua iho, aia ke kiko o na pu panapana a ke koa opio ua makaukau e hamare iho i ke kukaepele, a hoouna aku i ko la ua mau poka ma kahi a ko laua hookapuhi i makemake ai.

            O ka hamau a me ka hakanu oia na mea i kauhola iho ia mau minute, mawaena o na kanaka Pelekane a me ke koa opio, a na na olelo kau oha o ke koa opio i kana kauwa i wawahi ae @ mau minute o ka hamau.

            E Palaneke, wahi a ua koa opio la, e haawi i kou kiai ana me ka makaala no keia mau kanaka, a ke hoao laua e kue i kau mau kauoha, alaila ma ka hooko ana i ka hanohano o ka kaua misiona, e ki-poka koke aku i ko laua mau poo.

            Me keia mau olelo a Atanani, waiho aku la ia i na Pelekane malalo o ka Palaneke hoomalu ana, oiai oia ua lawe ae la i kona kulana o ke komo ana aku e halawai pu me kona hoaloha La Fere.

            O ka halawai ana ae o na mau hoaloha la iloko o na paili o ke aloha lulu lima, oia ka lana i halawai mua loa ae ai me keia mau olelo o ka launa:

            Atanani––  La Fere––

            Mahope o ka hui aloha ana ae o ua mau hoaloha la, ua lilo e aku la ka ninau o ka hanohano ia La Fere ka wiwo ole, ma na mea e oili ana i ka Atanani huakai o ka hooko kauoha i Ladana.

            E like me ka La Fere ninau, pela o Atanani i hoike aku ai i na mea a pau, a i ka hope loa o ka Atanani hoike ana i ka olelo poina ole o kana huakai hooko kauoha i Ladana, apo mai la na lima o ua koa La Fere la ka wiwo ole; a me na huaolelo o ka hoohanohano pane mai la oia:

            He wiwo ole oe o na wiwo ole e Atanani kuu hoaloha; a ina @aha he mea hiki ia’u ke hoolilo aku ia oe i alii no ka o@ali Legeona hanohano ina la i keia la he k@n@ia oe no ka uali kiai aahu @ le.

            O ka hana au i hooko ai e kuu hoaloha opio, he hana ia e hiki ole ai i ka nohoai@ @ Farani nei ke poina, a ina aole na manao wiwo ole o ke koa me oe, ina aole he moiwahine o Farani nei i keia la.

            Ua haawi aku ke koa opio i na hoomaikai ana no keia mau olelo hoohanohano a La Fere, alaila huli ae la ia a kahea aku la i kana wahi kauwa no ka hookuu ana aku i kana mau pio.

            E like me ke kauoha, pela o Palaneke i hoihoi iho ai i ka waha o kana mau pupanapana ilalo, a me ka leo oolea o ke kauoha, pane ako aku la oia i na wahi Pelekane:

            Ua huikala ia olua, a ano e hele a mai @no hou olua e limaikaika maluna o ke koko Farani.

            Ua haalele iho na kanaka Pelekane i kahi a laua i hoopaa pio ia ai e ka waha o ka pupanapana a Palaneke me na huaolelo na m@amu ma ko laua mau lehelehe.

            I na wahi Pelekane i hala aku ai, kahea ae la o Atanani i ka ona hotele no ka lawe ana mai i omole waina no laua, a i ua ona hotele nei i hoea aku ai imua o Atanani ma, nana pono mai la o La Fere maluna ona me na maka oole’a,

a i ka wa a ua wahi ona hotele nei i huli ae ai maluna o kona mau kapuai no ka haalele ana iho i ke keena, ia wa i pane koke mai ai o La Fere me na olelo oole’a o ke kauoha:

            O Mr. Ona hotele, wahi a ua La Fere nei, iloko o 12 la i hala ae nei ua lilo aku la malalo o kou mal@ ka’u wahi aa moni, a maloko a ua wahi eke la he kanaono dala piaeto le, na dala hoi au i wahahoe ai he mau dala ino ia?  Ano e hai mai aia i hea ua eke la a me kela mau dala?

            E kala mai ia’u e ka monasiua ma ka pane ana aku i kau mau ninau, wahi a ka haku hotele me ka hoomau ana aku i ke kamailio ana.

            O ka mea au i nanau mai nei, ua waiho ia aku ia e a’u iloko o na lima o ka mana hookolokolo, mamuli o ko’u manao kuhihewa he mau dala inoino io ia, aka i ko’u ike ana i ko’u kuhihewa nui, mihi hou iho ia au no ka’u mau hana o ka puapuahulu ana, a o na olelo i hai mua ia mai ai ia’u, he wahahee wale iho no ia a me ka apuka.

            Alaila, aole anei e hiki hou ia oe ke kii a hoihoi hou mai i keia mau dala?  i ninau mai ai o La Fere–

            Aole e hiki e ka monasiua, a ke kaumaha loa nei au no ia mea, a ke hoahewa loa ne ai no ia mea.

            Alaila, no keaha hoi i hiki hou ole ai ia oe ke kii hou aku i na mau dala la, oiai nau maoli no hoi i haawi aku i ka mana hookolokolo?

            Aole i pau.

            E paka ino ana kahi @ilikimana mahope.  O@e ka oi.