Ka Leo o ka Lahui, Volume II, Number 310, 27 October 1891 — Page 3
| This text was transcribed by: | Kekai Robinson |
| This work is dedicated to: | Maiau Kalani Kawaiola Pili Robinson |
KA LEO O KA LAHUI.
"E Mau ke Ea o ka Aina i ka Pono."
Ke hooki nei au maanei, a me ka Lunahooponopono, a me na keiki oniu hua metala ko'u welina.
S. W. K. MOMONA.
Kalaupapa-waena, Molokai.
NUHOU KULOKO.
E na Luna Lawe Pepa o ka LEO O KA LAHUI, ke hai ia aku nei ka lohe ia oukou, ina he mau helu koe o ka la 3 o Augate nei, oia hoi ka Poakahi mua, alaila e pono e hoi hoi mai i keia keena.
I ko makou mau luna lawe nupepa ke hoike ia aku nei ka lohe ia oukou a pau, o ka luna a mau luna paha he koena pepa "Ka Leo" ka lakou o ka la 2 a me ka la 6 o Okatoba nei, e hoihoi mai ma keia keena. Ma ke Kauoha.
Ke kauoha ia aku nei na luna lawe nupepa a pau o Ka LEO, e hoihoi mai i na pepa o ka la 11, 14, 15, 16, 17 o Sepatemaba, ina he mau helu koe o keia mau la ia oukou. Ma ke Kauoha.
Ua makemake ia na lala a pau o ka Hui Aloha Aina e akoakoa mai ma kahi o ka Peresidena, ma ka Poaha, la 29 o keia malama i ka hora 10 a. m.
He 420 paona ke kaumaha o kela wahine loihi o ka puali keaka a Sell.
Ehia mea aloha o ka haule wale aku o ka hua i ke alaloa. Minamina wale!
I ka la apopo e alo aku ai ka mokuahi Iwalani no kona mau awa o Hamakua Hawaii.
Ua loaa iho la kekahi wahine Hawaii i ka ma'i huku mawaho iho o ka Hale Leta i ka Poaono nei.
Aole ka he ua ma na Koolau, he wahi ua uuku ma Waimanalo. Eia i ke kaona nei e alapine mau nei.
He 110 malihini ma ka papaaina o ka Hotele i ka Poaono nei. O ka hapanui, no ka Monowai mai no ia.
Moa liilii hauna ke kai ka olelo a kekahi wahine hoopuka ae ai i kona auna like. E aha ia ana no hoi!
No ka piha loa o ka Monowai, ua hiu ia ae la kekahi mau holoholona o ka puali keaka i ka oneki o luna.
Ma kekahi leta mai Nu Ioka, i loaa mai ai ka lohe, aia no ke Kuna Kaaka malalo o na hoomailo ana a ka ma'i.
Aole i paani na hui kinipopo ma ka Poaono nei; no ka nui o ka ua. Ina e malie i keia Poaono, mai poina i ka naue ae.
Ma ka @ Kuea ka Bana i ka po nei kahi i ulele ai. O ka ua nae ka mea naua i kaohi aku ka hiki nui ana ae o ka poe puni mele.
Ma ka Poaono nei, na hoopai ia e ka aha hoomalu, he ekolu pake me ke kanalima lala pakalii no ka ha'uha'u opiuma. Hai-a! nuinui pilikia no!
Ua hookohi ia aku o Mr. W. H. Daniels, i Kakauolelo no ka Aha Kaapuni Elua o Maui. E hoomaka ana oia e lawelawe i kana apana hana ma ka la 1 o Novemaba.
Ua haawi lokomaikai ae ka loaa mai o ka Hotele Hawaii he paina @ na keiki puhi ohe, mahope iho o ka pau ana o ka lakou hookahi ana malaila i ka po Poaono. Nui na mea ai ono loa, he palaoa lawaiu ono a ka ehu kekahi.
OLELO HOOLAHA.
E ike auanei na kanaka a pau, eia ma ka Pa Aupuni o Makiki, kekahi mau lio hele hewa; lio k melemele, keokeo lokihi ma ka lae, huelo poemuku, 2 wawae eleele mua, 2 wawae keokeo hope; hao kuni R H uha hope akau. Lio k eleele keokeo lokihi ma ka lae, 1 wawae keokeo hope hema, 3 wawae eleele; hao kuni D hope aku. O ka mea a mau mea nona keia mau lio e pono e kii koke mai o hala na la he 14, kuai kukala aku no wau ke hiki aku i ka la 31 o keia malama, ma ka hora 12 o ke awakea Poaono.
David Kaoao.
Luna Pa Aupuni.
Oct. 20, 1891. 304 3td.
OLELO HOOLAHA.
Owau o ka mea nona na aina o Makailio, Kamakalalaukalo, Kaluaopalena, ke papa akea aku nei i na mea a pau aolo e hele wale maluna o ka aina, a aole hoi e kuai i na loi ai oo a me Loi opiopio, me ka helel mua ole mai e kuka pu me a'u. O ka poe a pau e kue ana i keia olelo, maluna no o lakou ko lakou poho.
MELE AKONI ROSE.
Aug. 4, 1891. 251 3m-d*
OLELO HOOLAHA.
E ike auanei na kanaka a pau, eia ma ka pa aupuni o Makiki nei kekahi mau lio helehewa. Lio k, ulaula, 1 wawae keokeo mua ak, 3 wawae eleele, paa na wawae i ke kapuai hao, hao kuni ano e hope nema. Lio k lokia, 1 wawae keokeo mua hema, 1 wawae keokeo hope ak, neokeo uuku ma ka wawae hope hema, kiko keokeo ma ka lae, kiko keokeo ma ke kua, aohe he kuni o keia lio. O ka mea a mau mea paha nona keia mau lio, e pono e kii koke mai o hala na la he 15, e kuai kudala aku no au no ke hiki i ka la 31 o Okatoba, 1891.
D KAOAO.
Luna pa Aupuni
Oct. 15, 303-dtf.
HOOLAHA KAI KONOHIKI.
Ke pa leo aku nei ke Konohiki o Waialae, i kona mau hoaloha a me na hoaaina o kona Aina, ua hoolimalima aku oia i ke kai i keia manawa, a ua hookapu iho oia i ka hee nona iho, a nolaila, ke poloai aku nei oia e ike a hoomaopopo i keia leo ia.
Owau no,
PAULO ISENBERG.
3ms-d.
NA WAHI ME HUNTSMAN
NA LOIO LAHUI!
Ua makaukau maua e kokua aku i na poe o ka Lahui i loohia ia e na pilikia kivila a hewa paha; a e koi a e hoopii aku ma kekahi o ia mau ano imua o na Aha Kanawai, mamuli o na uku i aelike ia. Aia no ko mana keena Loio ma ke kihi akau o na alanui Moi a me Alakea maloko o ke kulanakauhale o Honolulu. Na hora hana mau mai ka hora 9 am, a 3 pm., ma ka Poaono nae, e pau ana i ka hora 12 m.
Hale Hana Wa Momona
WAI-ANIANI
Sam. @ me John Grace na Ona.
Ka poe wale no na lakou e hana nei. NA WAI HOOMAEMAE KOKO KAULANA oia hoi ka SASEPARILA A ME KA WAI-HAO. NA WAI MOMONA AWAPUHI, SASEPARELA, LEMI, WAI PIPII, SODA MAOLI, SIDA KAMEPENA, @. M@ 330-TELEPONA @
OLELO HOOLAHA.
E ike auanei na kanaka apau, eia ma ka Pa Aupuni o Makiki nei, kekahi lio hele hewa, lio w, ulaula, 4 wawae keokeo, kikokiko keokeo ma ke kua, kiko keokeo ma ka lae hao kuni ano-e hope ak. O ka mea a mau mea nona keia lio, e pono e kii koke mai, o hala na la he 14 e kuai kudala aku no au ke hiki aku i ka la 17 o Okatoba 1891.
D. Kaoao
Luna Pa Aupuni.
Honolulu, Okatoba 5, 1891. d-3ts.
Hoolaha Hookapu.
Ke hoike ia aku nei ka lohe i na ano kanaka a pau loa. Ua hookapu loa maua i ko maua mau Apana Aina ekolu i kapaia o Kalahea, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs C. I. HIRAM, a i ole ia, me DAVID DAYTON, a i ole ia KUKA.
Owau no me ka haahaa.
MRS. C. L. HIRAM.
Honolulu, Oahu, Oct. 8, 1891. 3ms-d.
KALOA & WAINEE.
NA KAMANA HUI KUKULU HALE.
(Me ka uku haaha.)
O na kauoha mai na mokupuni mai, e hoauna pololei mai i na mea no laua na inoa maluna ae, a e loaa no maua i kela Hale Hou ma ke kihi o na Alanui Nuuanu me Kukui ma Honolulu.
S. K. Kaloa. & Geo. Wainee.
w-4ts Sept 11, 1891.
Kauka Yong Kam Pung.
(APANA.)
Helu 53, Alanui Maunakea.
Ke Kauka Loea o ka
Aina Pua!
Ua hiki ke hoola ia kela a me keia ano ma'i, mai ko na kane, wahine a me na keiki liilii. O na mai'i ha-no ua hiki loa ia ke hoola ia me ka maalahi. A o na ma'i e pili ana i ka maka pau pu ia i ke ola. Ke hoike ia aku nei, eia ke ola ia nei, me ka oluolu pu o kahi auhau. Ka poe pilikia hanau keiki a hele nui paha ka hanau ana, paa paha o ka waiu, e hele nui mai i o'u nei.
E KIPA mai e ka poe i hooluuluu ia me na haawina pilihua a ka ma'i, a na'u oukou e hooluolu aku.
KAUKA YONG KAM PUNG.
Honolulu Sept. 2, 1891. 272-d3m*
I KA LEHULEHU HAWII
Ke hooiaio aku nei ka mea nona ka inoa malalo, ua hoolana ka'u wahine mai ka pilikia hoomailo a ka ma'i kokopaa, ka'u keiki elua, makahiki hoi mai ka aneane loa ana, e make i ka ma'i emi pu wale no o ke kino, oia hoi ka pilikia ai maloko o ke kino. Mai ke ola ana o ka ma'i a hiki i keia la, aole i hoea hou mai na pilihua o ia ano. Ke kono nei au i na makamaka Hawaii o'u e hele ae ia Kauka Apana (Yong Kam Pung) a e loaa no ka maha. Mai kanalua ma na ano elua - oia ka oluolu o na pilikia ma'i a me ka haahaa o na auhau ana.
Me ka oiaio,
F. M. AEA.
KUAI HOOPAU NUI.
Mai keia manawa aku a hiki i ko Makou hoonee
ana aku iloko o ko makou
HALEKUAI HOU
Ma ke Alanui Papu, -(NA HALE BURUA.
E hoolilo aku ana Makou i ko Makou waiwai a
pau o na ano Lole:
NA LOLE NANI,
NA LOLE I HUMUIA,
KAPU A ME PAPALE
PAHU LOLE, a pela aku
No na Uku Hooemi Loa Nae.
Egan & Gunn.
ALANUI MOI kokoke i ke ALANUI PAPU. tf-d.
Poino i ka Wai!
POINO I KA WAI!
E hoomaka ana keia mawaena o keia la a me ka Poalua a hiki mai o keia pule ae, me ka nana ole ia o na lilo.
N. S. SACHS
263-dtf. Honolulu.
HOOLAHA HOU
B. F. Ehlers & Co - PAINAPA
HELU 88 Alanui Papu.
IA OUKOU E NA MAKAMAKA A ME NA HOALOHA, OLAI HOI, UA makaukau makou i ke kuai hoopoho aku i na lole o na Wahine, Kane a me na Kamalii, oiai, e hoi mai ana o B. F. EHLERS me na lole hou ma keia moku mai a oia ke kumu o ko makou kuai hoopoho ana, i kaawale ai na wahi no na LOLE HOU.
E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.
Owau me ka oiaio,
B. F. EHLERS & CO. tf
He Kuai Nui Hoopau aku.
E HOOMAKA ANA I KEIA
POAONO AUGATE 1, 1891.
Ua Lilo ko makou Waiwai he mea Mohai wale!
Ua Hoemiia ke Kumukuai ilalo, aole i ko
Makou Pono, aka nou no
Papa Kumukuai no 30 La wale no:
200 paa lihilihi keokeo puka aniani...$@
20 i-a Kalakoa maikai...1.00
12 keokeo 1 i-a laula..1.00
8 keokeo 1 i-a laula...1.00
159 kakini lakeke o na Kamalii huluhulu... .45
93 kakini ka'e waihooluu o na wahine... @
Huluhulu no na paa lole kupono, .25 keneta e ka i-a, e kuai no makou i keia mau la no 7 i-a no...1.00
Papale Kula o na Kamalii... .25
Na Kawele nunui, 2 no...@
Kakini eleele maikai...@
Na Papale i kahiko maikai ia...@
LUMI HANA LOLE MALUNA, HOLOKU etc., HANA IA ME KA OLUOLU
LOA. E HOOPAA AKU NO MAKOU NO NA KUMUKUAI MALIUNA
NO 30 LA. NO KE DALA KUIKE WALE NO KEIA KUAI ANA.
C. J. Fishel
Ka makamua o na Hale lako o na Wahine, oia hoi ma alanui @ Hotele, kahi i hanau ia ai na kuai hoop@ a ano nui no hoi. @