Ka Leo o ka Lahui, Volume II, Number 309, 26 ʻOkakopa 1891 — Page 3

KA LEO O KA LAHUI.

"E Mau ke Ea o ka Aina i ka Pono."

            HEAHA KEIA?

Ma ka nupepa "Hawaii Holomua" o ka la inehinei, ua ike iho makou i ka hoike o na loaa, a me na lilo a keia elua makahiki e hele nei.

 O keia hoike, mai kekahi aku no ia o na Luna Aupuni  i kuleana i'o iloko o keia pepa, a ma keia, ua maopopo o keia mupepa oia no ke aupuni a me ka poe waiwai, a e kakoo ana hoi ia lakou, a mamuli o keia mau hana, ua hiki ia oukou e ka lehulehu ke ike, me ka hoohewahewa ole.

Nolaila, e na hoaloha, na makamaka, eia mai ka LEO, a me ka OIAIO, na kiai oiaio ou e ka Lahui Hawaii ponoi, aole laua i ike i ka hoopilimeaai, a kokua paha i kekahi poe kakaikahi, aole, aole aka, eia oia ma ke kahua o ke kaulike e hele nei, a e huai pau nei i na mea huna o kela a me keia ano e loaa aku ana iaia a ma keia, e olelo ia mai ana makou, he ohumu, he kuhalahala a pela wale aku.

Eia ka makou pane, aole makou i ike ia mea he kuhalahala, oiai, aia ko makou pono i ka lahui a o lakou ko makou mau haku, a o ma kou hoi na lima hana no ka lehulehu, a e paio ana makou ma na ano a pau.

NUHOU KULOKO.

E na Luna Lawe Pepa o ka LEO O KA LAHUI, ke hai ia aku nei ka lohe ia oukou, @a he mau helu koe o ka la 3 o Augate nei, oia hoi ka Poakahi mua alaila e pono e hoi hoi mai i keia keena.

I ko makou mau luna lawe nupepa, ke hoike ia aku nei ka lohe ia oukou a pau, o ka luna a mau luna paha he koena pepa "Ka Leo" ka lakou o ka la 2 a me ka la 6 Okatoba nei, e hoihoi mai ma keia keena.  Ma ke Kauoha.

Ke kauoha ia aku nei na luna lawe nupepa a pau o KA LEO, e hoihoi mai i na pepa o ka la 11, 14, 15, 16, 17 o Sepatemaba, ina he mau helu koe o keia mau la ia oukou.  Ma ke Kauoha

Apopo makou e hoopuka aku ai i na Kanawai e hoololi ia ana.

Aia ka Hamuku ma na Koolau kahi i kaapuni ai i keia mau. Aohe hewa o ia.

Ano oehuehu ka ka moana ma kiea hoi ana mai nei a na mokuahi piliaina o kakou.

He omaimai ko ka Hon. W. J. Smith, kakauolelo o ka papa hoonaauao i keia mau la.

Piha pono ka luawai o ka lehulehu i keia kuaua iho nei. Pau ae la ka uwe ana i ka pilikia wai.

Ke mau mai nei no ke ano poluluhi ua o keia mau la. a hakukele no hoi na alanui o ke kulanakauhale nei.

Ma ka Malulani o ka Poalima nei i ku mai ai ke Kuhina Kalaiaina, C. N. Spencer mai kana huakai aku nei i Hawaii.

Ku ka hohono o luna o ka Monowai i keia ku ana mai nei. No ka nui launa ole mai no o na holoholona o kela puali keaka.

I keia mau la, ke olelo nei kahi poe, o ka mea ka i ua ai, no ka hoo pahupahu ia ana ka me ke dainamita ma Waimanalo. He mua ka ua ana, he hope iho ia.

He 175 ka nui o na wahine me na kane o ka Hui Keaka lio. Nui kela.

Hookahi olelo nui ma ka waha o na kanaka a pau i keia mau la, oia ke kamailio ana no na wahi kanaka liilii, i ka maikai a pela aku.

Ua ane like me Halemano na helehelena o kela wahine loihi o ka puali keaka a Sell, haule iho no ke kaikamahine o Hana, oi ae la no keia.

Ua lohe mai makou, ua nohae pu ka lima o ka palule o kekahi kanaka i na maiuu o ka Liona oiai oia e lalama wale aku ana no mawaho o ka hale o ua holoholona weliweli nei. He ike ala, mai noho a hana hou aku.

E HOAKOAKOA E NA MEKANIKA A ME NA PAAHANA.

E malama ana ka Hui Mekanika a me na Paahana i kekahi halawai ma ka rumi halawai Robikana, kihi ewa o alanui Moi a me Nuuanu, i keia ahiahi Poaha, Oct. 15, hora 7:30. Ke poloai ia aku nei na hoa a pau e hele mai, a ke poloai pu ia aku nei no hoi ka lehulehu,

Ma ke Kauoha.

Haule! Haule!

$5.60 Makana   $5.00 Makana.

E HAAWI ia no keia uku makana i ka mea e hoihei mai ana i kekahi pale-noho ili noho paniolo i haule i ka piina ana mai o ka Nuku o Nuuanau. E hoihoi ia mai ma keia Keena ke loaa.   286 1w.

HOOLAHA PA AUPUNI.

E ike auanei na kanaka a pau, eia ma ka pa aupuni o Makiki nei kekahi mau lio helehewa, lio k hulupala, keokeo loihi ma ka lae, hao kuni C. S. uha hope aku akau. Lio k hulupala, keokeo loihi ma ka lae, 1 wawae hulupala hope hema, ekolu wawe keokeo, hao kuni ano e uha hope ak. O ka mea a mau mea nona keia mau lio, e pono e kii koke mai o hala na la he 15, e kuai kudala aku no au ke hiki aku i ka la 7 o Novemaba, 1891, i ka hora 12 awakea Poaono.

D. Kaoao.

308-dtf.                                                                                                          Luna Pa Aupuni.

OLELO HOOLAHA.

E ike auanei na kanaka a pau, eia ma ka pa aupuni o Makiki nei kekahi mau lio helehewa. Lio k, ulaula, 1 wawae keokeo mua ak, 3 wawae eleele, paa na wawae i ke kapuai hao, hao kuni ano e hope nema. Lio k lokia, 1 wawae keokeo mua hema 1 wawae keokeo hope ak, neokeo uuku ma ka wawae hope hema, kiko keokeo ma ka lae, kiko keokeo ma ke kua, aohe he ku ni o keia lio. O ka mea a mau mea paha nona keia mau lio, e pono e kii koke mai o hala na la he 15, e kuai kudala aku no au no ke hiki i ka la 31 o Okatoba. 1891.

D KAOAO.

Oct. 15, 303-dtf.                                           Luna pa Aupuni.

NA WAHI HUNTSMAN

NA LOIO LAHUI!

Ua Makaukau maua e kokua aku i na poe o ka Lahui i loohia ia e na pilikia kivila a hewa paha; a e ko@ a e hoopii aku ma kekahi o ia mau ano imua o na Aha anawai, mamuli o na uku i aelike ia. Aia no ko maua keena Loio ma ke kahi akau o na alanui Moi a me Alakea maloko o ke lulanakauhale o Honolulu. Na hora hana mau, mai ka hora 9 am, a 3 pm., ma ka Poaono nae e pau ana  ka hora 12 m.

OLELO HOOLAHA.

E ike auanei na kanaka apau, eia ma ka Pa Aupuni o Makiki nei, kekahi lio hele hewa, lio w, ulaula, 4 wawae keokeo, kikokiko keokeo ma ke kua, kiko keokeo ma ka lae hao kuni ano-e hope ak. O ka mea a mau mea nona keia lio, e pono e kii koke mai, o hala na la he 14 e kuai kudala aku no au ke hiki aku i ka la 17 o Okatoba 1891.

D. Kaoao

Luna Pa Aupuni.

Honolulu, Okatova 5, 1891. d-3ts.

Hoolaha Hookapu.

Ke hoike ia aku nei ka lohe i na ano kanaka a pau loa. Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs C. I. HIRAM, a i ole ia, me DAVID DAYTON,  a i ole ia KUKA.

Owau no me ka haahaa,

MRS. C. I. HIRAM.

Honolulu, Oahu, Oct. 8. 1890.   3ms-d.

KALOA & WAINEE.

NA KAMANA HUI KUKULU HALE.

(Me ka uku haaha.)

O na kauoha mai na mokupuni mai, e hoauna pololei mai i na mea no laua na inoa maluna ae, a e loaa no maua i kela Hale Hou ma ke kihi o na Alanui Nuuanu me Kukui ma Honolulu.

S. K. Kaloa. & Geo. Wainee.

w-4ts Sept 11, 1891.

Kauka Yong Kam Pung.

(APANA.)

Helu 55, Alanui Maunakea.

Ke Kauka Loea o ka

Aina Pua!

Ua hiki ke hoola ia kela a me keia an@ ma'i, mai ko na kane, wahine a me na keiki liilii. O na m'i ha-no ua hiki loa ia ke hoola ia me ka maalahi. A o na ma'i e pili ana i ka maka pau pu ia i ke ola. Ke hoike ia aku nei. eia ke ola ia nei, me ka oluolu pu o kahi auhau. Ka poe pilikia hanau keiki a hele nui paha o ke koko, a paa a lohi paha ka hanau ana, paa paha o ka waiu, e hele nui mai i o'u nei.

E KIPA mai e ka poe i hooluuluu ia me na haawina pilihua a ka ma'i a na'u oukou e hooluolu aku.

KAUKA YONG KAM PUNG.

Honolulu Sept. 2, 1891.                 272-D3M*

I KA LEHULEHU HAWII

Ke hooiaio aku nei ka mea nona ka inoa malalo, ua hoolaia ka'u wahine mai ka pilikia hoomailo a ka ma'i kokopaa, ka'u keiki elua makahiki hoi mai ka aneane loa ana e make i ka ma'i emi pu wale no o ke kino, oia hoi ka pilikia ai maloko o ke kino. Mai ke ola ana o ka ma'i a hiki i keia la, aole i hoea hou mai na pilihua o ia ano. Ke kono nei au i na makamaka Hawaii o'u e hele ae ia Kauka Apana (Yong Kum Pung) a e loaa no ka maha, Mai kanalua ma na ano elua- oia ka oluolu o na pilikia ma'i a me ka haahaa o na auhau ana.  Me ka oiaio,

P. M. AEA.

KUAI HOOPAU NUI.

Mai keia manawa aku a hiki i ko Makou @oonee ana aku iloko o ko makou

HALEKUAI HOU

Ma ke Alanui Papu, (NA HALE BURUA.

 E hoolilo aku ana Makou i ko Makou waiwai a pau o na ano Lole:

NA LOLE NANI,

NA LOLE I HUMUIA,

KAPU A ME PAPALE

PAHU LOLE, a pela aku

NO na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU.                   tf-d.

Poino i ka Wai!

POINO I KA WAI:

E hoomaka ana keia mawaena o keia la a me ka Poalua a hiki mai o keia pule ae, me ka nana ole ia o na lilo.

N. S. SACHS.

263-dtf.                                 Honolulu.

HOOLAHA HOU

B. F. Ehlers & Co. - PAINAPA

HELU 99 Alanui Papu.

IA OUKOU E NA MAKAMAKA A ME NA HOALOHA, OIAI HOI, UA  makaukau makou i ke kuai hoopoho aku i na lole o na Wahine, Kene a me na Kamalii, oiai, e hoi mai ana B. F. EHLERS me na lole hou ma keia moku mai a oia ke kumu o ko makou kuai hoopoho ana, i kaawale ai @@ wahi no na LOLE HOU.

E kipa mai e na makamaka, i hoopau ia ai @@ oukou kanai@@ @@ ka makou kuai hoopoho aku ia oukou.  Owau me ka oiaio,

t@                                                                                           B. F. EHLERS & CO.