Ka Leo o ka Lahui, Volume II, Number 306, 21 October 1891 — Page 3
| This text was transcribed by: | Kerry Iwamuro |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
NUHOU KULOKO.
E na Luna Lawe Pepa o ka LEO O KA LAHUI, ke hai ia aku nei ka lohe ia oukou, me he mau helu koe o ka la 3 o Augate nei, oia hoi ka Poakahi mua, alaila e pono e hoi mai i keia keena.
Ke kauoha ia aku nei na luna lawe nupepa a pau o KA LEO, e hoihoi mai i na pepa o ka la 11, 14, 15, 16, 17 o Sepatemaba, ina he mau helu koe o keia mau la ia oukou. Ma ke Kauoha.
Ke hoike ia aku nei ka lohe i na poe lawe pepa a pau a Mr. Palao, ua hoopau ia kona lawe ana i ka nupepa "Ka Leo", a ua oki ia aku kona moa mai na luna aku no keia pepa e oluolu e hookaa mai keia keena. Ma ke Kauoha.
I ko makou mau luna lawe nupepa ke hoike ia aku nei ka lohe ia oukou a pau, o ka luna a mau luna paha he koena pepa "Ka Leo" ka lakou o ka la 2 a me ka lao 6 o Okatoba nei, e hoihoi mai ma keia keena. Ma ke Kauoha.
Ke hoi hou mai nei ka ua io kakou kei i keia mau la, pela hoi ka wela, e like me na la i hala aku la.
Ma Kulaokahua ae nei, mai ka puhaka mai o Mrs S. Mahelona, he keikikane, i ka la 18 o keia mahina.
No ka aihue ana o Ah Loy pake i kekahi mau puolo lole, mai kekahi mai o kona hoa pake. Ua hoopai ia he hookahi makahiki ma ka oolea me ke $80 kamau wale aku. Haia.
Ua hoopai ia e ka Aha Hoomalu, o Mariano Pukiki, no ka aihue ana i kekahi huewai ie rama o Lovejoy & Co. He umi la hoopaahao ma ka hana oolea, me ka uku pu i $40 me na koina. Nui kela.
Ua loaa mai ka lohe, aia ka ohana o Hon. F.H. Hayselden ke ulupa ia la e ka ma'i, Maleria fiva, a oia no hoi kona kumu i hiki ole mai ai, ma ka hihia opiama o T.E. Evans, oiai oia kekahi i makemake ia i hoike.
Ua loaa aku o Edward Asher, kela paahao i mahuka ai mai Kawa mai i ka kakahiaka lapule nei, i kekahi makai Hawii, iloko o ka hale inu rama o ka Emapaea. A ua hului hou ia aku la no ke kakela pohaku o Capt. Tripp.
Ma ka Hale Mele Hou, ka bana kahi i kokua ai i na hana keaka a na hoahanau Silbons i ka ponei. O ko lakou po hope loa iho la ia e haawi ai i ka lakou mau hana hoolealea i ke taona nei, a kau aku maka mokuahi Monowai no Ausetralia.
Ma ka Poalua nei hookolokolo ia ai ka hihia opiuma o Mr. T.E. Evans, a i ka hora 4 o ka auina la, ua komo aku la na jiure ma ko lakou keena, e noonoo ai no keia hihia, a ua puka mai la ka lakou olelo hooholo, e hookuu ana i ka mea i hoopii ia.
Ma ka hoolohe ia ana o ka Palapala Hooilina o ka waiwai o L. Kapoli Kamakau i make, imua o ka Aha. Ia Miss Hana Kamaiopili, he hoahanau nona, ka waiwai a pau ma Oahu nei, a ia Umi Kukailan, he kahu nona ka waiwai a pau ma Molokai.
Ua nui ka poe akoakoa ae ma ka Y.M.C.A. Hall, i ka po Poakahi nei, no ka hoolohe ana i ka haiolelo a ke Ka@ikela Amerika, J.L. Stevens, no ka mea e pili ana i ka "Noho'na hoahanau o ke kanaka", ua olelo ia, o kekahi keia o na haiolelo maikai loa, i hai ia maloko o keia hale.
I na hora like ole o ka la inehinei, i puehu aku ai keia mau moku malalo iho, no ko lakou mau awa maa mau: C.R. Bihopa, no Waia lua me Koolau i ka hora 9 a.m.; Kalaudine, no Maui me Hawaii hora 2 p.m.; Likelike ko Maui hora 5 p.m.; Waialeale no Nawiliwili, Kilauea a me Hanalei hora 5 p.m; Akamai, no Koolau; Kuna Levina, no Laie, Kuna Kawailani, no Koolau. Nui na moku i haalele mai i ke awa la'i o Kou nei.
HALAWAI KOMITE KUMAU
HUI KALAIAINA
Ke poloai ia aku nei na lala a pau he 15 o ke Komite Kumau o ka Hui Kalaiaina, ma ke ahiahi Poakolu o ka la 21 o Okatoba, ma ka rumi Robikana, kihi o na alanui Moi a me Nuuanu, maluna. E hiki mai na hoa a pau, a ina e haule kekahi hoa, na ka Peresidena e hoo piha ia makalua, oiai, he hana ano nui loa ko ia po. 302-d5ts.
OLELO HOOLAHA
E ike auanei na mea a pau, owau ka mea nona ka inoa malalo nei, ke hoolaha aku nei au ma ke akea i ka waiwai o AIAU pake, i noho hoolimalima, ma kuu hale e ku nei ma ke Alanui Kekaulike, no ka hookaa ole ana i na dala he $14.00, o na mahina 6. Nolaila, ua makau kau wau e kuai kudala aku i na waiwai a pau e paa nei ma kuu lima, ke hala na la he 15 mai keia la aku; a oia iho keia mau waiwai:
1 Moe paiua 2 Hainaka pakeke
1 Pela moe 1 Pakumakika
2 Kihei halii 3 Huluhulu moe
2 Pahu ili 1 Kihei puu
1 Kuka huluhulu 4 Palaka pake
2 Palule 3 Paleili
2 Puliki 13 Lei a-i
1 Kaawe 2 Hinaka pakeke
6 Paa kakini 5 Paa Kamaa
1 Kawele 1 Ie paalima
1 Mamalu 1 papale puako
1 Laau kau lole 1 Pahi liilii
1 Kini pana 2 Lolewawae huluhulu
1 Owili lopi kilika
O keia ka nui o na waiwai.
2w- 5tsd. 105 WONG LEONG.
OLELO HOOLAHA.
E ike auanei na kanaka a pau, eia ma ka pa aupuni o Makiki nei kekahi mau lio helehewa. Lio k, ulaula, 1 wawae keokeo mua ak, 3 wawae eleele, paa na wawae i ka kapuai hao, hao kuni ano e hope nema. Lio k lokia, 1 wawae keokeo mua hema, 1 wawae keokeo hope ak, neokeo uuku ma ka wawae hope hema, kiko keokeo ma ka lae, kiko keokeo ma ke kua, aohe he kuni o keia lio. O ka mea a mau mea paha nona keia mau lio. e pono e kii koke mai o hala na la he 15, e kuai kudala aku no au no ke hiki i ka la 31 o Okatoba, 1891.
D KAOAO
Oct. 15, 303-dtf. Luna pa Aupuni.
NAWAHI ME HUNTSMAN
NA LOIO LAHUI!
Ua makaukau maua e kokua aku@i na poe o ka Lahui i loohia ia e na pilikia kivila a hewa paha: a o koi a e hoopii aku ma kekahi o ia mau ano imua o na Aha Kanawa@, mamuli o na uku i aelike ia. Aia no ko maua keena Loio ma ke k@hi akau o na alanui Moi a me Alakea maloko o ke kulanakauhale o Honolulu. Na hora hana mau, mai ka hora 9 am, a 3 pm, ma ka Poano nae, ana i ka hora 12 m.
OLELO HOOLAHA.
E ike ananei na kanaka apau, eia ma ka Pa Aupuni o Makiki nei, kekahi lio hele hewa. lio w, ulaula, 4 wawae keokeo, kikokiko keokeo ma ke kua, kiko keokeo ma ka lae hao kuni ano-e hope ak. O ka mea a mau mea nona keia lio, e pono e kii koke mai, o hala na la he 14 kuai kudala aku no au ke hiki aku i ka la 17 o Okatoba 1891.
D. Kaoao
Luna Pa Aupuni.
Honolulu: Okatoba 5, 1891. d-3ts.
Hoolaha Hookapu
Ke hoike ia aku nei ka lohe i @a ano kanaka a pau loa. Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuoihala no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na hooholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs C.I. HIRAM, a i ole ia, me DAVID DAYTON, a i ole ia KUKA.
Owau no me haahaa,
MRS. C.I. HIRAM.
Honolulu, Oahu. Oct. 8, 1890 2ms-d.
KALOA & WAINEE
NA KAMANA HUI KUKULU HALE.
(Me ka uku haaha.)
O na kauoha mai na mokupuni mai, e hoauna pololei mai i na mea no laua na inoa maluna ae, a e loaa no maua i kela Hale Hou ma ke kihi o na Alanui Nuuanu me Kukui ma Honolulu.
S.K. Kaloa. & Geo. Wainee.
w-4ts Sept 11, 1891.
Kauka Yong Kam
Pung.
(Apana)
Helu 53, Alanui Maunakea.
Ke Kauka Loea o ka
Aina Pua!
Ua hiki ke hoola ia kela a me keia ano
ma'i, mai ko na kane, wahine a me
na keiki liilii. O na ma'i ha-no
ua hiki loa ia ke hoola ia me
ka maalahi. A o na ma'i
e pili ana i ka maka
pau pu ia i ke
ola. Ke ho-
ike ia aku nei.
eia ke ola ia nei, me
ka oluolu pu o kahi au-
hau. Ka poe pilikia hanau
keiki a hele nui paha o ke koko,
a paa a lohi paha ka hanau ana, paa
paha o ka waiu, e hele nui mai i o'u nei.
E KIPA mai e ka poe i hooluu
l@u ia me na naawina pilihua a ka ma i,
a na'u oukou e hooluolu aku.
KAUKA YONG KAM PUNG.
Honolulu Sept. 2, 1891. 272-d3m
I KA LEHULEHU HAWII
Ke hooiaio aku nei ka mea nona ka inoa malalo, ua hoolaia ka'u wahine mai ka pilikia hoomailo a ka ma'i kokopaa, ka'u keiki elua makahiki hoi mai ka aneane loa ana e make i ka ma'i emi pu wale no o ke kino, oia hoi ka pilikia ai maloko o ke kino. Mai ke ola ana o ka ma'i a hiki i keia la, aole i hoea hou mai aa pilihua o ia ano. Ke kono nei au i na makamaka Hawaii o'u e hele ae ia Kauka Apana (Yong Kum Pung) a e loaa no ka maha. Mai kapalua ma na ano elua - oia ka oluolu o na pilikia ma'i a me ka haahaa o na auhau ana. Me ka oiaio,
@.M. AEA.
KUAI HOOPAU NUI.
Mai keia manawa aku a hiki i ko Makou hoonee
ana aku iloko o ka makou
HALEKUAI HOU
Ma ke Alanui Papu, - (NA HALE BURUA.
E hoolilo aku ana Makou i ko Makou waiwai a
pau o na ano Lole:
NA LOLE NANI,
NA LOLE HUMUIA.
KAPU A ME PAPALE
PAHU LOLE, a pela ak@
No na Uku Hooemi Loa Nae.
Egan & Gunn.
ALA NUI MOI kokoke i ke ALANUI PAPU. tf - d.
Poino i ka
Wai!
POINO I KA WAI!
E hoomaka ana keia mawaena o keia la a me ka Pualoa a hiki mai o keia pule ae, me ka nana ole ia o na lilo.
N.S. SACHS.
263-dtf. Honolulu.
HOOLAHA HOU
B.F. Ehlers & Co-PAINAPA
HELU 99 Alanul Papu.
IA OUKOU E NA MAKAMAKA A ME NA HOALOHA, OIAI HO@, UA
makaukau makou i ke kuai hoopoho aku i na lole o ua Wahin@, Kane a me na Kamalii, oiai, e hoi mai ana o B.F. EHLERS me na lole hou ma keia moku mai a oia ke kumu o ko makou kuai hoopoho ana, i kaawale ai na wahi no na LOLE HOU.
E kipa mai e na makamaka, i hoopau ia ai ko oukou kanalua no ka makou kuai hoopoho aku ia okou. Owau me ka oiaio.
tt B.F. EHLERS & CO.