Ka Leo o ka Lahui, Volume II, Number 298, 9 October 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

NUHOU KULOKO.

 

            Ma Ema Hale ka bana i ka po nei.

            O ka uwila no paha o keia, ua like a like!  U-la-la-he-ho!

            Ma Kapaau. Kohala, na ka wahine a Mr. G. P. Tulloch he kaikamahine nui mohaha.

            Ua huli hoi mai nei o Mr. Ben Hogan mai ka lua o Pele mai, ma keia ku ana mai nei a ke Kelaudine.

            He ma‘i pilikia loa ko Mr. A. L, Smith, he ha-no i hui pu ia me ka luai koko, a he ma‘i kulipolipo keia.

            I keia kakahiaka hora 10, e digup ai na lapuwale ha‘iha‘i kanawai imua o ka aha hookolokolo hoomalu.

            Ua lohe mai makou, e hoi aku ana o Mr. H. F. Poor ma ka halekuai kudala o Mr. Lewis J. Levey e noho hana ai.

            E akahele kamalii aihue moa o keia mau po, eia ko makou makai kiu ke hanu nei mahope o ko oukou mau meheu.

            O ka hihia o H. Vida, no ka hoeha ana i kekahi pake ma Ewa i ka la 4 o Oct., ua hoopanee ia aku la a keia kau kiure aku.

            Ua lohe mai makou, e hiu ia aku ana no ka aina kaili la kekahi hapa o ka hui himeni Kawaihau, no ka la hauoli o ke keiki Ialawai Paulo o ua aina nei.

            Ua hoopai ia o Paakaula he hookahi mahina ma ka hana oolea me na koina o ka Aha.  O ke kumu no kona haalele i ka poli pumehana o kona heapili he kane, a ua haawi ia aku na ke kanawai e ao mai.

            Ma ke ahiahi Poalua nei, ua holo pukaka ae lo kekahi kaa huila lua.  Ma alanui Alapai keia kaa o ka holo ana mai a holo ma alanui Moi, a mai poino ke ola o kekahi haole me kano mau moopuna liilii.  No Mr. Sam Kamaka keia kaa, a o ka elua iho la ka keia o ka manawa o kona holo ana e like me keia.  He mea maikai no i ka poe mea kaa e makaala i ko lakou mau lio, o puiwa a poino m@wale ke ola o ka poe e hele ana ma ke alanui.

            Ma ka lumi hookolokolo iluna o ka hale aupuni, imua o Lunakanawai Pekekona, ua waiho ia mai ka hihia koi poho $8,000 a Mr. M. Rose, i ke kauka Trousseau, ka ma lama waiwai hoi o ka moi Kalakaua i make.  O keia hoopii, na ka makuakane no ia o ke keiki haole i hoi pu mai ai me G. W. Makapolena, a ua olelo hoi ka Moi, e lawe i kela keiki e like me he keiki ponoi ala nana e malama maikai iaia, a hiki i ka piha ana o kona mau makahiki, aka ua kii e mai ka make a lawe aku la iaia, a ina no paha ia e ola ana, aole no e nele kona hooko i kana mea i olelo ai, oiai, he Alii lokomaikai oia.  Akua hooholo na kiure ma ka aoao o ka mea i hoopii ia, he 9 ma ke kue a he 3 ma ka hooko aku i keia koi poho. 

            Ke hoike ia aku nei ka lohe i na poe lawe pepa a pau a Mr. Palao, ua hoopau ia kona lawe ana i ka nupepa "Ka Leo," a ua oki ia aku kona moa mai na luna aku no keia pepa; nolaila, o ka poe i aie i keia pepa, e oluolu e hookaa mai ma keia keena.  Ma ke Kauoha.

 

HOOLAHA KAI O HEE.

 

            Ke hoike ia aku nei ka lohe i na poe a pau e makemake ana e o hee, e hele mai ma ko‘u wahi, oiai e o ana ka hee o ke kai o Koula, ina la 24, 26 a me 27, no ka uku $2.00 o ka mea hookahi no keia mau kakahiaka ekolu, e hui mua me a‘u mamua o ka hele ana iloko o ke kai, a e uku mua ia mai hoi ka auhau.               D. Kailimai.

297-3tsd.*

 

OLELO HOOLAHA.                       

 

            Owau o ka mea nona na aina o Makailio.  Kamakalaukalo, Kaluaopalena, ke papa akea aku nei i na mea a pau aole e hele wale maluna o ka aina, a aole hoi e kuai i na loi ai oo a me loi opiopio, me ka hele mua ole mai e kuka pu me a‘u.  O ka poe a pau e kue ana i keia olelo, maluna no o lakou ko lakou poho.                      MELE AKONI ROSE.

Aug. 4, 1891.              251      3m-d*

 

OLELO HOOLAHA.                       

 

            E ike auanei na kanaka a pau, eia ma ka pa aupuni o Makiki nei kekahi mau lio helehewa.  Lio k, ulaula kikokiko keokeo ma ka lae, ekolu wawae eleele hookahi wawae keokeo hope hema, hao kuni ano e uha hope akau, hao kuni ano e uha hope hema.  Lio w ulaula, hauliuli keokeo loihi ma ka lae, eha wawae keokeo, hao kuni ano e ma na aoao a elua o ka a-i.  O ka mea a mau mea paha nona keia mau lio, e pono e kii koke mai o hala na la he 15, e kuai kudala aku no au no ke hiki i ka la 10 o Okatoba, 1891.

                        D KAOAO.

Sept. 23, 286--dlw.  Luna pa Aupuni.

 

NAWAHI ME HUNTSMAN

 

NA LOIO LAHUI!

 

            Ua makaukau maua e kokua aku i na poe o ka Lahui o loohia ia e na pilikia kivila a hewa paha; a e koi a e hoopii aku ma kekahi o ia mau ano imua o na Aha Kanawai, mamuli o na uku i ae ike ia.  Aia no ko mana keena Loio ma ke kihi akau o na alanui Moi a me Alakea maloko o ke kulanakauhale o Honolulu.  Na hora hana mau, mai ka hora 9 am, a 3 pm., ma ka Poaono nae, e pau ana i ka hora 12 m.

 

HOOLAHA KAI KONOHIKI.

 

            Ke pa leo aku nei ke Konohiki o Waialae, i kona mau hoaloha a me na hoaaina o kona Aina, ua hoolimalima aku oia i ke kai i keia manawa, a ua hookapu iho oia i ka hee nona iho, a nolaila, ke poloai aku nei oia e ike a hoomaopopo i keia leo la.                   Owau no,

3ms-d.             PAULO ISENBERG.           

 

LEI PU-PU!  LEI PU-PU!!

 

            Ua makemake ka Hui o Haka ma, i 100 Le-i Pu-pu i hakuia, mai ka elua a ekolu papa o ka lei hookahi.  Ina o ka poe e loaa ana o keia mau lei, e hoike ae ia

            HAKA MA.

Hale Aiwaihau, alanui Hotele.

Sept. 23, 1891.  286-d3ts.

 

Haule!  Haule!

$5.00 Makana  $5.00 Makana.

 

            E HAAWI ia no keia uku makana i ka mea e hoihei mai ana i kekahi pale-noho ili noho paniolo i haule i ka piina ana mai o ka Nuku o Nuuanu.  E hoihoi ia mai ma keia Keena ke loaa.                       286 tw.

 

NALOWALE.

 

            Ua haule ka Buke Banako Hale Leta Helu 2222.  E oluolu i ka mea e loaa ana e hoihoi mai ma keia keena pa‘i.                 247-tf.

 

OLELO HOOLAHA.

 

            E ike ananei na kanaka apau, eia ma ka Pa Aupuni o Makiki nei, kekahi lio hele hewa, lio w@ ulaula, 4 wawae keokeo, kikokiko keokeo ma ke kua, kiko keokeo ma ka lae hao kuni ano-e hope ak.  O ka mea a mau mea nona keia lio, e pono e kii koke mai, o hala na la he 14 e kuai kudala aku no au ke hiki aku i ka la 17 o Okatoba 1891.

                        D. Kaoao

                        Luna Pa Aupuni.

Honolulu, Okatoba 5, 1891.               d-3ts.

 

Hoolaha Hookapu

 

            Ke hoike ia aku nei ka lohe i oa ano kanaka a pau loa.  Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Punoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai.  Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai.  O na poe a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole ia, me DAVID DAYTON, a i ole ia KUKA.

                        Owau no me ka haahaa.

                        MRS. C. I. HIRAM.

Honolulu. Oahu. Oct. 8. 1890.                       3ms-d.

 

KALOA & WAINEE.

NA KAMANA HUI KUKULU HALE.

(Me ka uku haaha.)

 

            O na kauoha mai na mokupuni mai, e hoauna pololei mai i na mea no laua na inoa maluna ae, a e loaa no maua i kela Hale Hou ma ke kihi o na Alanui Nuuanu me Kukui ma Honolulu.

                        S. K. Kaloa & Geo. Wainee.

w-4ts Sept 11, 1891.

 

Kauka Yong Kam Pung.

(APANA.)

 

Helu 53, Alanui Maunakea.

Ke Kauka Loea o ka

Aina Pua!

 

Ua hiki ke hoola ia kela a me keia ano

ma‘i, mai ko na kane, wahine a me

na keiki liilii.  O na ma‘i ha-no

ua hiki loa la ke-hoola ia me

ka maalahi.  A o na ma‘i

e pili ana i ka maka

pau pu ia i ke

ola.  Ke ho-

ike ia aku nei.

eia ke ola ia nei, me

ka oluolu pu o ka‘u au-

hau.  Ka poe pilikia hanau

keiki a hele nui paha o ke koko,

a paa a lohi paha ka hanau ana, paa

paha o ka waiu, e hele nui mai i o‘u nei.

            E KIPA mai e ka poe i hooluna luu ia me na naawina pilihua a ka ma‘i, a na‘u oukou e hooluolu aku.

KAUKA YONG KAM PUNG.

Honolulu Sept. 2, 1891.                      272-d3m*

 

I KA LEHULEHU HAWII

 

            Ke hooiaio aku nei ka mea nona ka inoa malalo, ua hoolaia ka‘u wahine mai ka pilikia hoomailo a ka ma‘i kokopaa, ka‘u keiki elua makahiki hoi mai ka aneane loa ana e make i ka ma‘i emi pu wale no o ke kino, oia hoi ka pilikia ai maloko o ke kino.  Mai ke ela ana o ka ma‘i a hiki i keia la, aole i hoea hou mai na pilihua e ia ano.  Ke kono nei au i na makamaka Hawaii o‘u e hele ae ia Kauka Apana (Yong Kum Pung) a e loaa no, ka maha.  Mai kanalua ma na ano elua---oia ka oluolu o na pilikia ma‘i a me ka haahaa o na auhau ana.                 Me ka oiaio,

                        P. M. AEA.

 

KUAI HOOPAU NUI.

 

Mai keia manawa aku a hiki i ko Makou hoonee

ana aku iloko o ko makou

 

HALEKUAI HOU

 

Ma ke Alanui Papu,---(NA HALE BURUA.

 

E hoolilo aku ana Makou i ko Makou waiwai a

pau o na ano Lole:

 

            NA LOLE NANI.

                        NA LOLE I HUMUIA.

                                    KAPU A ME PAPALE

                                                PAHU LOLE, a peia aku

 

No na Uku Hooemi Loa Nae.

                        Egan & Gunn.

ALANUI MOI kokoko i ke ALANUI PAPU.

 

Poino i ka Wai!

POINO I KA WAI:

            E hoomaka ana keia mawaena o keia la a me ka Poalua a hiki mai o keia pule ae. me ka nana ole ia o na lilo.

                        N.  S. SACHS.

263-dtf.                       Honolulu.

 

HOOLAHA HOU

B. F. Ehlers & Co---PAINAPA.

HELU 99  Alanui Papu.

 

            IA OUKOU K NA MAKAMAKA A ME NA HOALOHA, OI @ HOI, UA makaukau makou i ke kuai hoopoho aku i na lole o ua @ e a me na Kamalii, oiai, e hoi mai ana o B. F. EHLERS me na lole hou ma keia moku mai a oia ke kuina o ka makou kuai hoopoho ana, i kaawale ai na wahi no na LOLE HOU.

            E kipu mai e na makamaka, i hoopau ia ai ko oukou kanaina no ka makou kuai hoopoho aku ia oukou.                 Owau me ka oiaio.

                                    B. F. EHLERS & CO