Ka Leo o ka Lahui, Volume II, Number 298, 9 October 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II            HONOLULU, OKATOBA 9. 1891  HELU 26

 

He Moolelo Nanea no De Atanani

 

Ke Koa o ka Lio Olohe

A I OLE

NA KIAIEKOLU O FARANI

 

            He mau helelena o ka hauoli ka i uhola ae maluna o ka moi, iaia i ike aku ai i ka owaka hulali mai o na pihi daimana, me ka maopopo ole iaia ehia la ka nui, aka, koe wale no na ninau e uluku ana iloko o ua moi la, he 10 a i ole he 12 paha pihi maluna o ka moiwahine.

            Ua kani hoene ae la ka leo o ka pila kuolo, me ke mele e kinikohi ai ka niniu ana o ka hulahula La Melaisona.

            Ua lawe ae ka moi Lui ia Madame Peremere oia kona hoa hooniniu a o kekahi o na alii, i ka moi wahine Ane.

            Iloko o keia manawa e poahi a e hookikahakaha ana hoi ka poe hula, aia mau na maka o ka moi maluna o ka moiwahine kahi i nana ai, a oiai e niniu mau ana na hoa io a ia nei, no laila ua hiki ole i ka moi ke hoomaopopo, ehia la pihi maluna o ka aahu o ka moiwahine.

            Nolaila, i ka wa i hoomaha iho ai o ka hula iloko o na leo mahalo o ke anaina, ua hele pololei aku la ka moi imua o ka moiwahine, a pane aku la me keia mau huaolelo o ka hookohukou penei:

            E ka Madame, ke haawi aku nei wau i na mahalo ana nou, no kou hooko ana mai i kaʻu mau kauoha, aku e ka Madame, malia paha e makemake ana oe no kekahi mau pihi i koe elua, alaila, e hoihoi mai no au i mea me oe.

            Alaila, me kela mau olelo a ka moi, haawi aku la oia i ka moiwahine i na pihi daimana elua a ke Cadinela i haawi mai ai iaia, aka, ua pa koke mai la ia i na olelo mai ka moiwahine mai i ka pane ana mai:

            Heaha keia? He mau pihi hou anei? Alaila, i 14 anei pihi au i makemake ai noʻu?

            Na keia pane a ka moiwahine, ua haawi ae la na nana pono ana a ka moi maluna o na pihi e kau ana maluna o ka moiwahine, a iaia i ike aku ai aia no na pihi he 12, ua haikea koke ae ia kona mau helehelena me ke ano huhu a kahea aku la no ke Cadinela Roceliu:

            Heaha ke ano o keia mau hana a Monasiua Cadinela? wahi a ua moi la me ka leo okalakala.

            O ka hana hea kau e kamailio mai nei e ke alii, o keia mau pihi daimana anei; a e hoole mai ana anei ka moiwahine aole nona ua mau pihi la?

            Ae e ke Monasiua! wahi a ka moiwahine me ka leo ooleʻa o ke kuoo, ua hoomaunauana wale oe i kau dala no keia mau pihi wale iho no elua, a kou mau manao alunu i makemake ai.

            Ma keia mau olelo a ka moiwahine, kunou haahaa mai la oia i ka moi a me ua Cadinela la alaila, huli ae la ia a komo aku la iloko o kona keena hooluolu i hookaawaleia ai, no ka wehe ana ae i kona mau kahiko o ka hulahula ana, a malaila aku ua huli hoi loa aku la oia no ka halealii.

            Mamua ae o ka haalele ana iho o ka moiwahine i ka hotele de Ville, aia he kanaka opio me na maka makaleho, e au ana ma o a maanei o na paia o ka hotele a i ka wa a ua kanaka opio la i ike aku ai i ka moiwahine i ke komo ana aku iloko o ke keena hooluolu a kaua i ike mua ae nei e ka mea heluhelu, huli ae la ua kanaka opio la maluna o kona mau kapuai me ke manao e haalele iho i ka hotele, aia hoi, kalele iho la kekahi lima maluna o kona poohiwi, me ka hawanawana pu ana iho i keia mau huaolelo:

            E Atanani; ua huli ae la na kanaka opio nei maluna o ka mea nona ka leo a me ka lima i kalele iho ai maluna o kona mau poohiwi, aia hoi, ua halawai koke mai la me kona mau lena ike ua mea la, aole ia he mea okoa, aka, o ka ehakoni no ia a loko.

            E Conesetina, wahi a ua kanaka opio la i pane aku ai.

            A e Atanani,i panai mai ai ka lede opio.

            Alaila, ma keia e hoomanao iho ai kaua, o Atanani ke koa opio o ka lio olohe kela kanaka opio, a o ka Madame Ronacio, @ia @oi kela lede.

            Ia laua i launa mua loa ae ai me kela mau olelo, kono mai la ka Madame ia Atanani e ukli aku mahope o kona meheu, a oia ka ua koe opio la i hooko aku ai.

            Mahope o ka laua koke ana io a ianei, iuka a i kai, hoea aku la laua no ka ipuka a Sana Gemaine, alaila ,me na kapuai palanehe, lawe aela ua Madame nei i ke alahele o ke kui maluhia ma ka aa e hele imua o na koa kiai e holoholo ana ma ke alo o ka lakou kahua kiai.

            Nolaila, e na hoa hoinainau o keia nanea walohia, e kali malie iho ke koiikoi a kou puuwai no Atanani a oili hou aku ma ke kakahiaka Poakahi.

           

HE MOOLELO

no

MASEBA

 

Ka Olali o Denemada

A I OLE

Ke kaulio Keokeo!!

 

Kakauia na KA LEO O KA LAHUI

 

            A ma kona lima akau, e paa ana eia i kana pahikaua.

            Ma haʻi ae o na kanaka la, e ku ana he eono kanaka, ka pe hoi a ua haka Mokea nei i koho ino ai. He mau ukali lakou no ua ka aka la o ka lio ulaula.

            Wahi hou a ka haku Moneka i kona mau naita:

            E makaukau me ka oukou mau mea kaua, a e hoolohe no ka leo o ole hoailona no na minute a au o ka hana.            E hopuna i ka oukou mau pua kakaka me ka hale ole maluna o na Denemaka, e like me ka oukou hana mau maluna o ka hoailona maka o ka Bipv Bulu.

            Aohe kiina hala

            A ka maluakele

            O ka poke mua loa o ke kukala kaua oia ka Moneka e wehe aku ana i keia minute, a ina nele au e koho kuihewa o ka moi Carlo no kela kanaka o k lio ulaula, alaila ma ona ala au e haawi aku ai kaʻu puupuu mua loa o ke kukala ana aku.

            Me kela mau huaolelo ae la a na haku Moneka nei, hoihoi iho la ia i kaa pahi kaua iliko o ka wahi laila, lalau iho la ia i kana kakaka e kau ana ma ka aoaao o kona noho.

            Hapai ae la ia i kana @ liuna,  mau iho la i ka pua iloko, alaila, kaohi hope mai la ia me ke ikaika nui o ka mea i piha na olona me na haawina wikani oolea o ka ikaika.

            He aina he @, hemo aku la ka pua ua Maneka nei me ka hikiwae loa, alaila, hooho ae la ia me ka leo nui:

            No lilo ia Moneka ka Hanohanoa o ka wehe mua loa ana o ke kukala kaua me kana pua kakaka, a ke manaolana kuhihewa ole nei au aole kela pua oe nele me na haawina o ka pomaikai.

            A o ua pomaikai nei hoi, o ia no ke kiola ana aku i kela kau lio ulaula ialo o ka lepa no kena aho hope loa.

            Emoole, mahope iho o ka hopuka ana ae o ka haku Moneka i kana mau huaolelo ike ia akau la ke kanaka o ka lio ulaula i ka wale ana aku a haule ialo mailuna aku o kona lio, a ia wa i hooho ae ai ua haku Moneka nei:

            Helu ekahi o Moneka i keia la iluna me ka hae eleele! i mua me ka olelo hoohiki o ke kokoQ ke ola no ke a o ke koko no ke koko!

           

            Ka poka mua o ke kukala kaua

            Ma ka waho o na pukuniahi

            O ka haule welwele pahu ana aku o ke kanaka o ka lio ulaula, a me k wel kapalili ana ae o ka hae eleele hookahe koko o ka haku Moneka, oia ka mea nana i hoike aku i ka aoao o na Denemaka, ua lilo e ka hanohano o ka wehe ana o ke kukala kaua ma ka aoao o na enemi.

            No laila, me ka pukuniahi hoailona i ki ia ae ai mai ke kahua hoomoana ae o ka mo Carlo, kipapa like mai la na kahua hoolulu a pau i ka wa hookahi, no na wehe ana i ke kipoka kukala kana mawaena o na koe Denemaka a me ka haku Moneka ka weli.

            Ma ka oaao o Denemaka, he mau poka pukuniahi ka lakou, a ma ka aoao hoi o ka haku Moneka, he pua kakaka wale iho no ma ko lakou aoao.

            I ke kipa mua loa oa ke kukala i wehe ia mai ai e na Denemaka, ua pau he 50 o na koa naita o ka haku Moneka i ka make.

            Alaila, me ka leo o ke kauha, no ke ki na ak o kona mau naita i ka lakou mau pua kakaka.

            E lie me ka leo kauoha, pela ka pua kakaka a na naita kau lio i hemo like aku ai.

            A na pouli o ka uwahi pauda i hoonalwaeale iho i ke kahua mai ka ike ana aku a na aoaao a elua, i kahi a me kukahi.

            Koe wale no na olapa ahi e poha mai ana mai na pukuniahi mai a na enemi i ka wa e ki mai ai.

            E hihio hele ana ka lakou mau puka ma kela a me keia wahi o ua kula kaula la me k weliweli nui, e hewa ole ai ke olelo ae:

            Haehae ka manu,

            Aleale i ka wae

            I loko o keia mau haawina weliweli o na poka pukuniahi a na Denemaka, aole loa i haule hope ka haku Moneka ma ka haawi ana i ke kauoha a me na olelo hoolana i kona naita no ke omo ana i ke koko.

            Aole i pau

 

HE HOOLAHA I KA AKEA

 

            E ke auanei na ano lahui a pela e noho ana ma ke Aupuni Hawaii, mai na kane, wahine, a ne ma keiki i loaa i na maʻo o kela a me keia anom e naue mai i koʻu Keena hana, a naʻu e hoopau aku i ka ehaeha a ka maʻi maluna o oukou e na makamaka, he hiki iaʻu ke lapaau i na ano maʻi a pau, maʻi iliko o ka opu, huʻi ke kino, aki iliko o ka iwi, eha o kepoo, maʻiwahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hue me ia ma na kukai olelo na; ua makaukau wae e pulama mai i na kono ano @ mai mai na mokuupuni maim  me ka eleu a me ka hiki wale loam he makemake a he hoaloha mai no oukou e na Hawaiii.

            Owau iho no

            DR. LEONG KENG PONG

Helu 40, Huina o na alanui Kamika me

Hotele, Honolulu, Oahu. Aug 31 1y

 

OLELO HOOLAHA

            Ua makaukau ka mea nona o inoa malalo iho, e hana i na Pua HAKU PUNA ELEELE A ME KA POHAKU E AE NO NA PA KUPAPAU, a me ka pohaku e ae no na pa kupapau a me na kahua kukulu kia hoomanao o ka poe makemake e waiho mai i ka lakou mau kauoha me Ioane Akina

            J BOWLER

            Sept 22, ʻ90  d-ly

 

Aila Kuai

UA LOAA NO MA KAHI O

J.F. COLBURN

 

EDONI KOLOBANA

 

Ma ke Kihi o na Alanui Nuuanu me Moi

 

            E loaa no no ke kumukuai haahaa kou o $2.50 o ka pahu. Hele mai hookahi hele mai elua, hele mai no a pau.

            Ko oukou hoaloha

            J. F. COLBURN

Honolulu, Iulai 8, 1891           212 dd

 

Hale Hana Wai Momona

WAI ANIANI

 

Sam had me John Ornee na Ona

 

Ka poe wale no na lakou e haba beu

NA WAI HOOMAEMAE KOKO KAULANA

 

oia hoi ka

SASEPARILA

A ME KA

WAI HAO

 

NA WAI MOMONA AWAPUHI

SASEPARELA, LEMI, WAI

PIPII, SODAMAOLI, SODA,

KAMEPENA

 

Mutual @-TELEPONA-Ball