Ka Leo o ka Lahui, Volume II, Number 292, 1 October 1891 — Page 2

KA LEO O KA LAHUI.

"E Mau ke Ea o ka Aina i ka Pono."

MA KE KAUOHA

Ua hookohu ia I keia la o Mr. S.E. Kaiue I Komosina Ala Liilii a me pono wai no ka Apana o Wailuku, Mokupuni o Maui, ma kahi o Eugene Bal I waiho mai.

                        C.N. SPENCER

                        Kahuina Kalaiaina

Keena Kalaiaina, Sept. 30,1891

            293 3tsd.

I kulike ai me ka Pauku 1, Mokuna XXXV o ke kanawai o ka makahiki 1888.  Ua loaa ia ke kuleana e mahele I na Pa Aupuni o Kekaha I elua apana, o kekahi apana aina aupuni makai o ke alanui aupuni o Kamanamana ma Kaloa Kona Akau, Hawaii.

I kulike ai me ka Pauku 2, Mokuna XXXV o ke kanawai o ka makahiki 1888. I kei la, ke hookohu ia aku nei o Mr. C.K. Kapa, I Luna Pa Aupuni no Kamanamana, Koloa, Kona Akau Hawaii.

C.N. SPENCER

                        Kahuina Kalaiaina

Keena Kalaiaina, Sept. 29,1891

            291 3tsd.

KA LEO O KA LAHUI

-

JNO.E.BUSH

Lunahooponopono a me Puuku

POAHA, OKATOBA 1, 1891

HAUNAELE

-MA-

KAHAKAAULANA!

He heluna nui o na tiui opiuma I loaa aku.

 

Ma Kaha@aaulana I ke awakea o ka Palua nei, ua ulu ae he haunaele mawaena o na pake me na lima koko kauoha o ka Papa Ola. O ke kumu o keia, no ka imi ia ana o ko lakou mau pahu, paiki, a me kekahi mau mea liilii e ae, a ua hoomaka koke mai la ua poe nei o ka Aina Pua e okaka a, eia ka auanei no ka minamina I na tini epiuma a lakou I lawepu mai nei, o lilo mai I na makai o ke aupuni oia ke kumu o keia hoohaunaele.

Ua hai koke ia mai ka lono I ka Ilamuku, a ua kauoha koke ia na makai, e kai aku no kahi o ka haunaele me ko lakou makaukau, ia hiki ana ahu o ka Ilamuku, ua hai mai la o Mr. Reynolds o ka Papa Ola, no ka opiuma ke kumu o na pake I huhu ai.

Nolaila, ua hoomaka koke ia ka imi ana, a loaa aku la kekahi pahu e waiho hookah ana I waho I ka la ua paa I ka wahi ia I ke kapolena, I waiho ia paha I maopopo ole ka ona nana ua pahu la, ua kauoha aku la ka Ilamuku e wehe ia a hemo, ua loaa iho la he lole me ka pepa ma luna, a malalo iho e hulali ae ana I ka la he heluna nui o na sini opiuma I hiki aku ka waiwai io ka $14.000.

Aka, ua hoʻomau ia aku la no ka imi ia ana mawaena o na pake e haukawewe nei, a ua loaa hou aku la kekahi uha puaa hane, a iloko o ua uha hame nei, I manao ia ai he hame io, eia ka auanei he tini me 10 paona opiuma iloko, a ua loaʻa aku no he iputi me kahi no e kahe mai ai ke ti, eia ka auanei he 15 paona iloko olaila, a ua loaa hou aku he popo waiu-paa, a ua loaa aku he 3 paona iloko olaila, a he mau mea Akamai e iho no kekahi I hoolilo ia mawaho he mea okoa a maloko nae he mau tiui opiuma a paona opiuma paha.

Ua nui no ke Akamai o keia ano lahui I ka imi ana I wahi e komo mai ai o ua laau punahele noi a lakou iloko o keia aupuni, aka, ua hoohoka ia, nae ka lakou I manao ai, no ka mea, ua hului pau ia mai e na Iima hooko o ke aupuni, a ua ike pua ia aku la no hoi kekahi poe pake e nana mai ana me na helehelena kaumaha I ka wa I loaa aku ai o ka opiuma, aole nae e hiki ke pane mai, naʻu ia mau tini, o paa pu aku auanei.

 

Ua Ahai ka Pupuhi

 

            Ua lohe mai makou, ua ahai aku la ka pupuhi I kekahi kanaka maʻI lepera, ma ka Panalaau aku o Kalaupapa, a o ua kanaka la, he hueu ia no ke kuahiwi o Haleakala, he kanaka eu hoi no ke pani wai o Iao, he aloalo kuaua no na wai-eha, he hiʻa pai ole no ka ua ukiukiu o Makawao.

            O keia hueu, oia kekahi o na keiki lala wai o ua mau wai kaulana ia o ka malu he kuawa.

            O keia lono I loaa mai ai, main a ale ahiu mai no ia o Pailolo, a o kahi o keia repela I pae ai, aole I maopopo ia makou

            O keia kekahi o na mai I lawe ia aku mai Honolulu aku nei, a Kalaupapa, a ilaila aku la hoi puehu, maka apua aku la ke ola la e na pokii.

            Aole nae makou I mahalo iki I ka hana a keia mea maʻI, oiai o kona holo pee ana e like mekeia, he hoike ana mai ia ona, I kona naaupo  oiai, aole oia e lilo I kanaka lanakila. aka, o kona kulana e loaa ana iaia, he poo nui I ka pee mau I ka nahele.

            Me he mea la, o ke kumu nui paha o kona palahiu ana, no ke aloha I kana wahine, oiai hoi oia I hoomaewaewa ia aku ai e ka Papa Ola, ma o kela palapala  la a makou I hoolaha mua aku ai oia hoi kela palapala apuhi a ka nonohua I noho ai.

            Nolaila, he mea pono e hooko pono ia ke kanakwai, aole hoi mawaho o ka ili oka buke e hamo ai, oiai ua ae ia na kokua e hele e malama I ka lakou mau maʻI ponoi iho, malalo o na hoopono ana a ka Papa Ola.

            Aka, aole nae I ike ia pela, o ka mea I ike ia, o ka hoohoka ia mai a me he mea la o ke kumu iho la ia. Nolaila, ina iʻo o ke kumu ia, alaila, e pono ka Papa Ola e hoi pono ae iluna o ke kanawai, o kela ke alakai ana e loaa ai ke kaulike, a me ka maluhia.

 

HE KAMAAINA UA HALA

            I ka po o ka Poakahi nei a ao ae Poalua, ua kii mai la ka anela menemene ole o ka make a lawe kohana aku la I ka hanu o Maraea Boyd.

            Aole paha i poina ka lehulehu I kana kane i hala e aku mamua, oia hoi o Ailuene Boyd, Puuku o ka Moi Kalakaua, i ka makamua o kona noho ana ae i ka noho Moi, a he kanaka no hoi i mahalo nui ia e ua alii a me na poe i kamaaina iaia no kona lokomaikai, a o kona kokoolua keia i ukali aku la ma ia ala hookahi, he mau la loihi ka mai i hoomailo ai i kona kino, a kuu aku la kona luhi, pau hoi ka ika ana i na ehaeha o keia ao.

            Ua waiho iho oia he ohana keiki nui me na moopuna hoi e ka@kau aku me ka ehaeha no kona nalo ana aku.

            Aloha no paha ia makamaka maikai, ka hale kipa hoi o kela a me keia e hiki aku ai ma kona home Koolau ma Maunawili, ua hala aku la ia puuwai hamama a heahea i na malihini.

            Ua pani ia ke keena Kalaiana no ke komo ana aku o na hoa i ke kumakeha me kekahi o ko lakou hoaloha maikai Col. J. H. Boyd, no ke kumakena ana i kona mama i hala aku ma kela aoao ma o ko ke kanaka ola ana. O ka LEO kekahi e komo pu aku ana me ka ohana o ka mea i hala i ka u a me ka luuluu. A oia ka ka buke nui i olelo mai ai: “Na ke Akua i haawi mai a nana no i lawe aku, e hoomaikai ia ka Haku ma nalani keikie loa.”

            Ma ka hora 4 o ka auina la i manele ia aku ai kona kino ma kahi maa mau; ua nui na makamaka a me na hoaloha i ukali aku i kona huakai hoolewa, a ilaila hoi oia e moe malie ai a hiki hoi i ke kani ana mai o ka pu a ka anela nui no ka la hookolokolo nui e hiki mai ana.

 

NUHOU KULOKO

 

            I ka la apopo e ku mai ai ka mahimahi o na Ko@a.

            Ina e paa pono ana ka uwapo o Kapiolana Paka, e akea ana a hiki ke kaa alahao ke holo mao a puni ka Paka.

            Ma ka ponei, ua haawi ae ka Bana Hawaii he puhi ohe ma ka Hotele Hawaii no ke kapena a me na aliimoku o na manuwa e ku nei i ke awa nei.

            Ke uluhua mai nei ko Ewa poe no ka loaa ole aku o ko lakou lunakanawai, loaa ae nei hoi ko na apana e ae koe hoi ko laila. Heaha mai nei hoi keia?

            Ua hoopii ia o L. Aseu no ke apuka kolohe i kekahi mau limahana pake ana i lawe mai nei mai Kina mai, aia i ka la 8 o keia hina e hoolohe ia ai kona hihia, ua kii ia aku nei na koike i Kohala.

            Ma ke awakea Poalua nei ua loaa iho la kekahi Iapana i ka poino, mao ka haule ana mai luna iho o ke kaa kiki wai alahao, ua lawe loa ia ka Iapana no ka Halemai, a ua oki ia kona wawae malalo iho o ke kuli.

            Ua lohe ia mai, ua kuai aku la o G.W. Makapolena i kona kuleana iloko o ka Hotele Hawaii ia Mr. Hamiletona Johnson ka ona hoi nona o Waikiki Villa a me Hamiletona Hale, a e hoohui ia aku ana o Waikiki Villa me ka Hotele Hawaii a pani ia ka puka o Hamiletona Hale.  E hoomaka aku ana o Mr. Johnson e noho luna nui no ka Hotele Hawaii i keia la mua o keia mahina.

            He hu no hoi ka aka i ka olelo a kekahi nupepa o Kaleponi no ka mea e pili ana i ke kanaka Hawaii me ke Kalekona, oia hoi: I ke ku hope ana mai nei o ke Kaletona ua make ke kane a kealii, a i ka ike aku ka o na kanaka i ke kino wailua o ka Moi e holoholo mai ana iluna o ua manuwa nei, a ina ka e uku ia kekahi kanaka i ka puu dala e holo iluna o ke Kaleona ma hope iho o ka napoo ana o ka la aole ka e ae ana a me ka pule o kanaka aole e hoi hou mai ke Kaleona ma Hawaii nei.

 

He Kuai Nui Hoopau aku.

E HOOMAKA ANA I KEIA

POAONO, AUGATE 1, 1891

 

Ua Lilo ko makou Waiwai he mea Mohai wale!

 

Ua Hoemiia ke Kumukuai ilalo, aole i ko Makou Pono, aka nou no

 

Papa Kumukuai no 30 La wale no:

 

200 paa lihilihi keokeo puka aniani...............................$  .90

 20 i-a Kalakoa maikai ................................................1.00

 12 keokeo 1 i-a laula ..................................................1.00

  8 keokeo 1 i-a laula ...................................................1.00

159 kakini lakeke o na Kamalii (huluhulu).................... .45

 93 kakini kaʻe waihooluu o na wahine ......................... .05

Huluhulu no na paa lole kupono, .25 keneta o ka i a, e kuai no makou i kei mau la no 7 i-a no .................... 1.09

Papale Kula o na Kamalii .........................................  .25

Na Kawele nunui, 2 no .............................................  .25

Kakini eleele maikai .................................................  .25

Na Papale i kahiko maikai ia .................................... 2.50

 

RUMI HANA LOLE MALUNA, HOLOKU etc., HANA IA ME KA OLUOLU LOA. E HOOPAA AKU NO MAKOU NO NO KUMUKUAI MALUNA NO 30 LA. NO KE DALA KUIKE WALE NO KEIA KUAI ANA

                                                C.J. FISHE@

 

Ka makamua o na hale lako o na Wahine, oia hoi ma alanui @@@pu a me Hotele, kahi i hanau ia ai na kuai hoopono a ano nui no hoi                               249.dt

 

I keia la, ua hookohu ia aku o JACOB KALA ESQ., i Agena haawi Palapala Mare, no ka Apana o Koloa, Mokupuni o Kauai,

                                    C.N. SPENDER

                                    Kuhina Kalaiaina

                        Keena Kalaiaina, Aug. 31, ʻ91    271-d3t

 

Ka Buke Akeakamai

 

    Ao

 

KE KI GULA

 

NO KEKAHI MUA MEA HUNA POHIHIHI I HULUA E KA NOE AU O KE KANAKA.

 

Kakau mua ia e ka Mea Hanoh@ n@ DAVID KALAKAUA a me kekahi poe e ae he nui, a i Hoouluia, Hooponoponoia, a Hoomahuahua hou ia e Levi-i-Levi ole ia ka Akeakamai Hawaii o ke Keneturia 19.

 

Mahele o ka B@ke

MAHELE 1

VIOIA- Hoike Oulia ma na @kau Oulina  oA LO    Iana Mahina.

GZO@ ILA – HokeADAIEka@@@     G

       oke kanaka.

 

MAHELE III

METRAGARATIMA – Ka hoika Ouli ma ka Hoonohonoho Huahelu ma ka Helu Ka@@@@la

 

MAHELE IV

ONEIROLOGI

 

MAHELE V

Ka Pepa Konane Hoailona Pomaikai

 

OLELO HOOLAHA

    Ua makemake ia i 50,000 kawaowao Alani momona, aole e emi malalo o 6 iniha ke kiekie, a e uku ia no he 5 keneta o ke kumu hookahi.  No na mea ae i koe, e pono e hele ae ekuka pu me Dilinahama.

                                                            B.F. DILINAHAMA

                                                            Luna Nui O.R. & L Co.

 

Hoolaha Hookapu.

   Ke hoike ia aku nei ka lohe i na ano kanaka a pau loa.  Ua hookapu loa maua i ko maua mau Apana Aina ekolu i kapa ia o Kalahea, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia K@leau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ka kuhikuhi a ke kanawai.  O na poe a pau e makemake ana e komo iloko o keia Hui, e pono lakou e hele mai e hui pu me Mrs. C.I. HIRAM, a i ole ia, me DAVID DAYTON, a i ole ia KUKA.

                                    Owau no me ka haahaa

                                                Mrs. C. I. HIRAM

                                                Honolulu, Oahu, Oct 8,1890      Sme-d

 

OLELO HOOLAHA

            Owau o ka mea nona na aina o Makakilo, Kamakalalukalo, Kaluaopalena, ke papa akea aku nei i na mea a pau aole e hele wale maluna o ka aina, a aole hoi e kuai i na loi ai oo a me loi opiopio, me ka hele mua ole mai e kuka pu me aʻu. O ka poe a pau e kue ana i keia olelo, maluna no o lakou ko lakou poho.       MELE AKONI ROSE

Aug. 4,1891   251 3m-d*