Ka Leo o ka Lahui, Volume II, Number 292, 30 September 1891 — Page 3
| This text was transcribed by: | Melissa Eskaran |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
NUHOU KULOKO
Ke hoike ia aku nei ka lohe i na poe lawe pepa a pau a Mr. Palao, na hoopau ia kona lawe ana i ka nupepa “Ka Leo,” a ua oki ia aku kona inoa mai na luna aku no keia pepa; nolaila, o ka poe i aie i keia pepa, e oluolu e hookaa mai ma keia keena. Ma ke Kauoha.
Ke kauoha ia kau nei na luna lawe nupepa a wau o KA LEO, e hoihoi mai i na pepao ka la 11, 14, 15, 16, 17 o Sept. nei, ina he mau helu koe o keia mau la ia oukou.
Ma ke Kauoha.
Aole a kakou Atanani o keia kakahiaka.
Ke lohea hou ia mai nei, eia ae i ka moana kai uli kai hohonu he 3 moku kaua hou, mai na aupuni like ole mai.
Eia mai na kumuhana a ka aoao Lahui Liberela, ke hoolaha akea ia aku nei, i mea e ike ai na mea a pau, oia ka moto o ka lahui.
I ka la inehinei, ua ulu ae he haunaele ma Kahakaaulana, mawaena o na limahana paka mai nei a me ke komisina kalepa pake.
E na luna lawe pepa o ka LEO, ina he mau helu i koe o ka la 23 a me 25 o Sep. e paa ia nei me oukou e oluolu e hoihoi mai ma ke keena aei.
Ma ke Kauoha.
Ua lohe mai makou, e hoao ana ka na auna elepaio wahakani, e kue i ka oiaio o ka makou i hoike aku a. Aole no he hewa o ia, eia iho no i ka heka i kahi luhi ole.
Owai la hoi kela wahi eepa e hoao ana e hanakuli i ka halawai a ka lahui i ka po onehinei, pakele nae mai kau i ka pua, e ole o ulili, kanaha’i ai ka lahui.
O na kumuhano a pau i hoike ia aku ai imua o ka halawai makaainana o Sept. 28, hora 7:30 pm., ua hooholo lokahi ia e kekahi huina kanaka nui o 500 a oi i akoakoa ae.
Ma ka huli hoi ana mai a kela huakai nui aku nei i Koolau i ka Lapule iho nei, i lohe mai ai makou mai kekahi mai o lakou, he maikai maoli no ka ke alanui pali i keia manawa
Ua nalo, ua hala, ua kuu ka luhi o Mrs. Maraea Boyd, oiai, ua kipa ae ka anela o ka make i ona la i ka po onehinei, a kaihi aku la i kona hanu ola mai iaia aku, a i ka auina la o neihinei kona manele ia ana’ku no kona halelua, a he makuahine oia i aloha nui ia. Aia a loaa ka wa pono, alaila, hoolaha aku makou i kona moolelo uiha.
NALOWALE
Ua haule ka Buke Banako Hale Leta Helu 2222. E oluolu i ka mea e loaa ana e hoihoi mai ma keia keena pa’i. 247-tf
Haule! Haule!
$5.00 Makana $5.00 Makana
E HAAWI ia no keia uku makana i ka mea e hoihei mai ana i kekahi pale noho ili noho paniolo i haule i ka piina ana mai o ka Nuku o Nuuanu. E hoihoi ia mai ma keia Keena ke loaa.
286 1w
Ka Uku o na Hoolaha
6 lalani Luapai .50 1.00 2.00 3.00
12 lalani Luapai 1.00 2.00 3.00 4.00
24 lalani Luapai 1.50 2.50 3.50 4.50
36 lalani Luapai 2.50 3.00 4.50 5.50
48 lalani Luapai 3.50 4.50 5.50 5.50
He uku emi mai no hoi ko na hoolaha oihana, na hana kalepa, na hale kuaio kela a me keia ano. O na hoolaha mai na apana mawaho aku o ke kulanakauhale nei, e hoouna pu ia mai ka uku, e like me ia i olelo ia ae la.
HOOLAHA KAI KONOHIKI
Ke pa leo aku nei ke Konohiki o Waialae, i kona mau hoaloha a me na hoaaina o kona Aina, ua hoolimalima aku oia i ke kai keia manawa, a ua hookapu iho oia i ka hee nona iho, a nolaila, ke poloai aku nei oia e ike a hoomaopopo i keia leo la.
Owau no,
3ms-d PAULO ISENBERG
HOOLAHA PA AUPUNI
E ike auanei na kanaka, a pau eia ma ka Pa Aupui o Makiki, kekahi mau lio elua. Keokeo eha wawae paa i kapuai hao, hao kuni ano e. Lio k ulaula, elua wawae keokeo ma ka hema, hao AE, lio k ahinahina elua wawae keokeo hope, hao kuni ano e hema. O ka mea a mau mea paha nona keia mau lio, e pono e kii koke mai o hala na la he 13, alaila, e kuai kudala aku no au ma ka la 1 o Augate, 1891, hora 12 awakea Poaono.
David Kaoao
Luna Pa Aupuni
Iulai 22, 1891 242 3td
LEI PU-PU! LEI PU-PU!
Ua makemake ka Hui o Haka ma, i 100 Le-i Pu-pu i hakuia, mai ka elua a ekolu papa o ka lei hookahi. Ina o ka poe e loaa ana o keia mau lei, e hoike ai ia
HAKA MA
Hale Aiwaihau, alanui Hotele
Sept. 23, 1891 286-d3ts
NAWAHI ME HUNTSMAN
NA LOIO LAHUI!
Ua makaukau maua e kokua aku i na poe o ka Lahui i loohia ia e na pilikia kivila a hewa paha; a e koi a e hoopii aku ma kekahi o ia mau ano imua o na Aha Kanawai, mamuli o na uku i ae’like ia. Aia no ko maua keena Loio ma ke kihi akau o na alanui Moi a me Alakea maloko o ke kulanakauhale o Honolulu. Na hora hana mau, mai ka hora 9 am, a 3 pm., ma ka Poaono nae, e pau ana i ka hora 12 m.
OLELO HOOLAHA
E ike auanei na kanaka a pau, eia ma ka pa aupuni o Makiki nei kekahi mau lio helehewa. Lio k, ulaula kikokiko keokeo ma ka lae, ekolu wawae eleele hookahi wawae keokeo hope hema, hao kuni ano e uha hope akau, hao kuni ano e uha hope hema. Lio w ulaula, hauliuli keokeo loihi ma ka lae, eha wawae keokeo, hao kuni ano e ma na aoao a elua o ka a-i. O ka mea a mau mea paha nona keia mau lio e pono e kii koke mai o hala na la he 15 e kuai kudala aku no au no ke hiki i ka la 10 o Okatoba, 1891.
D. KAOAO.
Sept. 23, 286-d1w Luna pa Aupuni.
KUAI KUDALA.
Poaha, Augate 13, 1891, hora 12 awakea.
Elua Pahale Iliwai na Alanui Guarrg he 50x130. He wai a na pa ia.
Elua Pahale Iliwai ma Alanui Magazine, 50x200 Paia.
@ kudala kuike, ke koena no 1, 2, 3 makahiki ma ka ukupanee 7 keneta pahaneri.
Hale a me Pa ma Alanui Green, e kokoke la i ke kiho o Alanui Kapiolani. Hookahi hapakolu uku kuike. Koena no 1 2 a me 3 makahiki, 7 keneta pa haneri ukupanee.
He hiki ke ike maikai ia ka moana mai keia mau pa aku.
He wa maikai loa keia e loaa ai na kuai makepono loa –
E ninau ia,
J. F. MORGAN
KALOA & WAINEE
NA KAMANA HUI KUKULU HALE.
(Me ka uku haaha.)
O na kauoha mai na mokupuni mai, e hoauna pololei mai i na mea no laua na inoa maluan ae, a e loaa no maua i kela Hale Hou ma ke kihi o na Alanui Nuuanu me Kukui ma Honolulu.
S. K. Kaloa & Geo. Wainee.
w4ts Sept 11, 1891
OLELO HOOLAHA
E ike auanei na kanaka a pau, eia ma ka pa aupuni o Makiki nei kekahi mau pipi hele hewa. 1, pipi keiki k eleele, aole kuni, O oki loihi mawaena o na pepeiao elua. 2, pipi keiki w ulaula, aole kuni, O okiloihi mawaena o na pepeiao elua. 3, pipi w ulaula kua keokeo, keokeo ka opu, hao kuni BS ak hope, hao kuni ano e uha mua ak, hao kuni ano e uha hope hema. 4, pipi w ulaula, keokeo ka lae, hao kuni BS ak hope, hao kuni ano e uha mua ak hao kuni ano e uha hope hema. 5, pipi w keokeo, kikokiko eleele ma ka a-i, pela na wawae, hao kuni BS ak hope, hao kuni ano e uha ak hao kuni ano e uha hope hema, elua oki malalo o ka pepeiao ak, ka hema. 6, pipi keiki k ulaula, hao kuni BS hope ak. 7, pipi keiki k puakea, haokuni BS hope ak. O ka mea a mau mea nana keia mau pipi e kii koke mai o hala na la he 15, e kuai kudala aku no au, ke hiki aku i ka la 3 o Okatoba 1891, hora 12 awakea Poaono.
D. Kaoao.
Sept. 18 283d3t Luna Pa Aupuni
Kauka Yong Kam Pung
(APANA)
Helu 53, Alanui Maunakea
Ke Kauka Loea o ka
Aina Pua!
Ua hiki ke hoola ia kela, a me kei ano
ma’i, mai ko na kane, wahine a me
na keiki liilii. O na ma’i ha-no
ua hiki loa ia ke hoola ia me
ka maalahi. A o na ma’i
e pili ana i ka maka
pau pu ia i ke
ola. Ke ho-
ike ia aku nei.
eia ke ola ia nei, me
ka oluolu pu o kahi au-
hau. Ka poe pilikia hanau
keiki a hele nui paha o ke koko,
a paa a lohi paha ka hanau ana, paa
paha o ka waiu, e hele nui mai i o’u nei.
E KIPA mai e ka poe i hooluu luu ia me na haawina pilihua a ka ma’i, a na’u oukou e hooluolu aku.
KAUKA YONG KAM PUNG
Honolulu, Sept. 2, 1891 272-d3@
I KA LEHULEHU HAWAII
Ke hooiaio aku nei ka mea nona ka inoa malalo, ua hoolaia ka’u wahine mai ka pilikia hoomailo a ka ma’i kokopaa, ka’u keiki elua makahiki hoi mai ka aneane, loa ana e make i ka ma’i emi pu wale no o ke kino. Mai ke ola ana o ka ma’i a hiki i keia la, aole i hoea hou mai na pilihua o ia ano. Ke kono nei au i na makamaka Hawaii o’u e hele ae ia Kauka Apana (Yong Kam Pung) a e loaa no ka maha. Mai kanalua ma na ano elua – oia ka oluolu o na pilikia ma’i a me ka haahaa o na auhau ana.
Me ka @,
P. M. AEA
KUAI HOOPAU NUI
Mai keia manawa aku a hiki i ko Makou hoonee
ana aku iloko o ko makou
HALEKUAI HOU
Ma ke Alanui Papu, - (NA HALE BURUA)
E hoolilo aku ana Makou i ko Makou waiwai a
pau o na ano Lole:
NA LOLE NANI,
NA LOLE I HUMUIA,
KAPU A ME PAPALE,
PAHU LOLE, a pela aku
No na Uku Hooemi Loa Nae.
Egan & Gunn
ALANUI MOI kokoke i ke ALANUI PAPU tf-d
Poino i ka
Wai!
POINO I KA WAI!
E hoomaka ana keia mawaena o keia la a me ka Poalua a hiki mai o keia pule ae, me ka nana ole ia o na lilo.
N. S. SACHS
263-dtf Honolulu
HOOLAHA HOU
B. F. Ehlers & Co. – PAINAPA
HELU 99 Alanui Papu
IA OUKOU E NA MAKAMAKA A ME NA HOALOHA, OIAI HOI UA makaukau makou i ke kuai hoopoho aku i na lole o na Wahine, Kane a me na Kamalii, oiai, e ho@ ana o B. F. EHLERS me na lole hou ma keia moku mai a oia ke kumu o ko makou kuai hoopoho ana, i kaawale ai na wahi no na LOLE HOU.
E kipa mai e na makamaka, i hoopau ia ai ko oukou kanaina no ka makou kuai hoopoho aku ia oukou.
Owau me ka oiaio,
B. F. EHLERS & CO.