Ka Leo o ka Lahui, Volume II, Number 291, 29 September 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

He Moolelo Nanea.

No

De Atanani.

--

Ke Koa o ka Lio Olohe,

A i ole

NA KIAIEKOLU O FARANI.

--

 

I ua kanaka hookomo kappa nei i komo aku ai, ua pane hou mai la ua Duke la me keia mau huaolelo o ke kauoha:

E Paterika, e lawe mai i kuu kanaka hana gula a me kuu kakauolelo.

Me ka pane leo ole aku ma kanaka hookomo kappa nei, haawi mai la oia i na kunou hoomaikai ana i kona haku, a hemo kou aku la oia no waho o ka puka me ka pani ana mai i ka puka mahope ona.

A no kekahi mau minute pokole, aia hoi, komo mai la ke kakauolelo a ua Duke nei.

Ua loaa aku iaia ke Duke e noho ana ma ka aoao o ke pakaukau, me kekahi palapala kauoha i kakau ia e kona lima ponoi.

A i ua Duke nei i ike mai ai i ko na kakauolelo, pane mai la oia imua ona penei:

E Mr. Iakekona, e lawe aku i keia palapala imua o ka haku kiekie o na aha kau kanawai, a e ha'i aku iaia, ua makemake au e hoolilo ia na olelo o keia palapala i mea ole, a e hoolaha ia hoi ma ke akea e pono ai.

Aka e kuu haku, wahi a ke kakauolelo i pane mai ai, ina paha e ninau mai ana ka lunakanawai i na hooia ana mai ia oe mai, alaila, heaha ka'u e pane aku ai:

O ko'u kuleana ia, a aole hoi au e hai aku i kekahi kanaka i ko'u manano.

Alaila, o ka'u pane anei ia? Aole anei e hoike aku na haku la o na mana hookolokolo imua o ka moi no keia mea.

Mamuli auanei, lilo mai i mea na ka moi e hoohuoi ai, no ke aha la i ae ole ia ai na moku o kela a me keia ano e haalele iho ai i na kapakai o Enelani nei!

Ua pololei io oe e Iakekona, aka, i ka wa a ua haku la e ninau mai ai ia oe, e ha'i aku oe, o ke kahua mua loa keia a ke Duke o Bakinehama i lawe mai ai i na hoolala ana o kana mau papa kuhikuhi ka ua kue i ke aupuni kalaunu o Farani, malalo o na lawelawe ana a na mana alunu o kela Cadinela Rooeliu.

Ua haawi mai ke kakauolelo i na hoomaikai ana no kona haku Duke ma ke kunou poo ana, alaila, haale le iho la ia i ke keena no ka hooko ana i ka hanohano o kana misiona nuhou nui.

I ke kakauolelo i hala aku ai, hu li mai la ua Duke nei maluna o ke koa opioa pane mai la i na huaolelo penei:

Ua maalahi a palekana kaua, ina aole kela mau pihi daimana i aihue ia ai i hala aku nei no Parisa alaila, aole loa e hoea aku ana ilaila a hiki i kou hoea mau ana aku, ke ole lakou e lawe i ke alahele o ka holomahuka ana.

Aka, ua haawi aku nei nae au i ke kauoha no ka hoopaa ana i na awa kumoku a pau o Enelani, aole loa e haalelel ia e kekahi moku me ka loaa ole o kekahi palapala ae mai ia'u aku.

A o ka maoku e hapai kue ana i ka'u mau kauoha, e hopu ia no lakou no ke kipi ma ka inoa o ka moi a me ke aupuni o Enelani.

Ua haka pono aku ke koa opio maluna o ke Duke o Bakinehama, iaia i hoopuka mai ai i kela mau olelo, a oia hoi ka ua Duke nei i pa ne hou mai ai me keia mau olelo penei:

Ae e kuu hoaloha opio, o ka moi wahine Ane o Auseturia, o kuu moiwahine oiaio ia, ina he hookahi huaolelo mai iaia mai, a e kumakaia aku au i kuu aina, kumakaia aku au i kuu moi, a kumakaia hoi i kuu akua.

Ua noi mai oia ia'u aole e hoouna aku i na koa kokua Porosetana o La Rocela,e like hoi me ia a'u i hoohiki ai.

Aka, heaha ka'u i hana ai, ua uhaki au i ka'u i hoohiki ai, a o ko na aloha, oia ka'u i hoolohe, a heaha na mea i loaa ia'u. Ha! Okela kii, o kela hookahi wale iho no ka makana a ke aloha ma ia hana ana a'u!

Me ka pau pono ole o na mea a ua Duke nei i manao ai e kamailio, aia hoi, komo mai la ke kanaka ha na gula.

He kanaka Irelani oia ma ka ha nau ana, aka nae, he limahei maopo?opo ma kana hana ike, a ua loaa iaia he $1000 o ka makahiki mai ke Duke aku.

Ua haawi aku la ua kanaka nei i ke aloha i ke Duke, a ua panai ia mai l?no hoi me ke aloha o ke Duke.

Wahi a ua Duke nei i apne mai ai:

E Reli, e haawai i na nana pono ana maluna o keia mau pihi daimana, a e hai mai heaha la ka waiwai io o ka mea hookahi.

E like me ke kauoha a ua Duke la, pela ka mea hana gula i haawi iho ai i na kilo ana maluna o ua mau pihi daimana nei.

A no kekahi mau minute, huli mai la ia maluna o ke Duke a pane mai la:

He tausani elima haneri pisetole ka waiwai io o ke pihi hookahi o keia ano.

He 1500 pisetole! Alaila e Reli, ehia la au e hana ai a paa elua mau phi hou e like me kena poe pihi? He elua i koe a'u i makemake ai ia oe e hana.

Panemai la ke kanaka hana gula, he hookahi pule mai keia ia aku a e pau no ua mau pihi la i ka hana ia.

Alaila e Reli, aole anei e hiki ia oe ke hana i ua mau pihi la a paa iloko o elua la a o ka uku no ke pihi hookahi au e hana ai, he 3000 pisetole.

O keia uku kiekie a ke Duke o Bakinehama i haawi aku ai i ke ka naka hana gula, oia ka ua Duke la i haawi hou iho ai i na nana pono ana maluna o na pihi daimana.

Alaila, huli hou mai la ia maluna o ke Duke, a oia kana i pane mai ai:

E kuu kahu, o kou make make ke hooko ia.

Na keia pane a ke kanaka hana gula, na ia mea i hoouwila ae i na helehelena o ke Duke, no ka haule a walawala pahu ana iaia o ke papap hoolalal alunu a ke Cadinela ma o ke kauna wahine Wineta la nolaila, me ke leo akahele o ke kauoha, pane hou aku la ua Duke la penei:

E Reli, he haku oe no na mea hana gula, a he kanaka hoi i poni ia me na haawina ike o ia hana.

Aole hoi oia wale ka'u i makema ke ai e hoonaauao aku ia oe, aka, ua makemake pu au ia oe e hana ia hela mau pihi maloko ponoi nei o ko'u halealii.

Ae e kuu haku, a ke hooia aku nei au imua o kou kahnhano, aole loa au imua o kou hanohano, aole loa he hanaka hana gula a puni o Enelani nei e hiki ke hana i keal mau pihi a kou hanohano i makemake ai a kulike loa me keia mau pihi, owau wale iho no o kaukauwa.

Nolaila e kuu haku, heaha la ka mea i koe a kou hanohano i makemake as na Reli e hooko aku?

O kou lilo he paahao na'u a hiki i ka paa ana o keia mau pihi, oia ka mea i koe a'u i makemake ai, a mai keia minute aku a hiki i ka pau ana o kau hana, aole loa oe e puka hou aku ana iwaho, a o kau mau mea paahana a pau au i makemake ai no kau oihana, na'u no ia e hoouna aku; ano e Reli, ua lohe aku ia anei oe i ka'u mau olelo aku nei ia oe?

O keia mau olelo o ke kauoha a ke Duke i pane aku ai, oia ka Reli i hoomaopopo iho ai, he mau olelo ia e hiki ole ai iaia ke pale ae, oiai ua Duke nei oia kekahi o na mana nui e noho hoomalu ana maluna o ko Enelani mau mana kaua ma ke ano alihikaua.

Nolaila, i ka wa a ke Duke i haawai aku ai i kela mau olelo, pane mai la ua Reli nei:

E kuu haku Duke, e hiki ana no anei ia'u ke ike aku i ka maka o ka'u wahine?

Ae e Reli, ma na ano a pau, ua ae ia oe e ike aku i kau wahine, aka, o ka hanohano o ka hana a'u i waiho aku nei nau e hooko, aole loa i amea e puai mai kou lehelehe ae.

Ke pu-a kekahi mea o keia hana, alaila e Reli, he kanaka make oe a weluwelu hoi imua o ka waha o na tausani pu, a e Reli, eia ka hapamua o kou uku he ekolu tausani pisetole.

Me keia mau olela a ua Duke la huki mai la oia i ka ume oke pakaukau a ka'ika'i ae la iwaho i kekahi eke dala, a panee aku la imua o ke kanaka hana gula.

O kela eke dala a ke Duke i panee aku ai imua o Reli, ua lilo ia i mea nana e hoophaohao aku i na noonoo ana imua o ka opio, a oia kana i namunamu iho ai iaia iho penei:

Aole ke Duke o Bakinehama i noho alii wale no maluna o ka hanohano o kona inoa Duke a me ka haaheo o ka lilo ana he alakai a ke Kenerala nui o ko Enelani mau ma na kaua.

 

OLELO HOOLAHA

E ike auanei na kanaka a pau, eia ma ka pa aupuni o Makiki nei kekahi mau lio helehewa. Lio k, ulaula kikokiko keokeo ma ka lae, ekolu wawae eleele hookahi wawae keokeo hope hema, kaho kuni ano e uha hope akau, hao kuni ano e uha hope hema.  Lio w ulaula, hauliuli keokeo loihi ma ka le, eha wawae keokeo hao kuni ano e ma na aoao a elua o ka a-i.  O ka mea a mau mea paha nona keia mau lio, e pono e kii koke mai o hala na la he 15, e kuai kudala aku no au no ke hiki i ka la 10 o Okatoba, 1891.

D Kao?o

Sept. 23, 386- dlw. Lunapa Aupuni.

 

HE HOOLAHA I KA AKEA

E ike auanei na ano lahui a pau, e noho ana ma ke AUpuni Hawaii, mai na kane, wahine a me na keiki; i loaa i na ma'i o kela a me keia ano, e naue mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwi, eha o ke poo, ma'iwahine a pela aku.  Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mok?puni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.

Owou iho no,

DR. LEONG KENG PONG.

Helu 40, Huina o na alanui Kamika me Hotele, Honolulu, Oahu.  Aug. 31, 1y.

 

OLELO HOOLAHA.

Ua makaukau ka mea nona O-inoa mallo iho, e hana i na Pna HAKU PUNA ELEELE a me ka pohaku e ae no na pa kupapau, a me na kahua kukulu kia-hoomanao.  O ka poe makemake e waiho mai i ka lakou mau kauoha me Ioane Akina

J. BOWLER.

Sept. 22, '90, d--1y*

 

Aila Kuai.

--

E LOAA NO MA KAHI O

J.F. COLBURN

(KEONI, KOLOBANA.)

Ma ke Kihi o na Alanui Nuuanu me Moi.

--

E loaa no no ke kumukuai haahaa loa o $2.50 o ka pahu.  Hele mai hookahi, hele mai elua, hele mai no a pau.

Ko oukou hoaloha,

J.F. COLBURN.

Honolulu, Iulai 8, 1891.    232 dtf.

 

--

Hale Hana Wai

Momona

Wai-aniani

--

Sam, ?ad me John Graee na Ona.

--

Ka poe wale no na lakou e hana nei

NA WAI HOOMA?MAE KOKO KAULANA

Oia hoi ka

 

SASEPARILA

-A ME KA-

WAI-HAO

--

NA WAI MOMONA AWAPUHI,

SASEPARELA, LEMI, WAI

PIPII, SADAMAOLI, SI-

DA, KAMEPENA,ao.

--

?utual 330- TELEPONA- ??? ???