Ka Leo o ka Lahui, Volume II, Number 290, 28 September 1891 — Page 1

KA LEO O KA LAHUI.

                              "E Mau ke Ea o ka Aina i ka Pono." 



                                     He Moolelo Nanea. 
                                             NO 
                                         De Atanani. 
                                      Ke Koa o ka Lio 
                                            Olohe, 
                                        ---A I OLE--- 
                                       NAKIAIEKOLU 
                                         O FARANI. 

     Wahi a ua Duke nei o Bakinehama i pane mai ai: 
     Eia ka mea au i kii mai nei o keia mau nihi daimana, ka mea hoi a’u i hoopaa ai i ka’u hoohiki, e ka nu pu ia lakou me a’u iloko o ko’u halelua lepo. 
     Aka, e hoomaikai ia na lani, na ka moiwahine no i haawi mai ia’u, a nana no i kii hou mai la, o kona makemake ke hana ia e like no ko na lani makemake. 
     Alaila, honi pakahi iho la ia maluna o ua mau pihi la me na nanaina o ka makee a me ka minamina nui, a hooho ae la oia i kekahi mau olelo o ka mea i hoehaeha ia o ka naau. 
     O keia leo hooho o ke Duke, oia ka Atanani i ninau aku ai me na olelo o ke pahaohao: 
     Heaha keia o ka haku Miloda? 
     Ua nalowale! ua nalowale he elua o na piha daimana ! wahi a ke Duke i pane mai ai ine ka haikea pu ana ae o kona mau helehelena me he mea make la. 
     Ua nalowale maoli anei laua a i ole, ua aihue maoli ia paha? wahi a ka ninau a Atanani. 
     Ua aihue ia laua! wahi a ko Duke i pane mai ai, a me he mea ala na ke Cadinela no keia mau hana, e nana mai ua oki upa maoli ia ka lipine. 
     Ina pela kou manao o ka Miloda, alaila, eia no ua mau piha la ke paa ia nei e na lima o ka pakaha a me ka powa. 
     Ke hoomanao ala au---wahi a ke Duke i pane mai ai, o ko’u kahiko hope loa aua i keia mau pihi, oia no ka aha hulahula i malama ia ai ma ka halealii Windsor. 
     Ma ua aha hulahula ala, ua hoea pu ae me ke Kauna wahine De Wineta, kekahi hoi o n@ lede i awaiaulu ia iloko o na manao lili no’u, a ma ia mau po hou mai, aole loa au i ike hou nona a hiki i keia la, a o ua kauna wahine la, oia kekahi o na paalalo o kela Cadinela. 
     Alaila, ua piha ke ao holookoa me na paalalo o ke Cadinela a ka pakaha nui wale, wahi a Atanani i kamailio ae ai. 
     Ae, e kuu hoaloha opio wahi a ke Duke o Bakinehama me ka nau ana iho o kona mau ku’i.  He kanaka kepolo maopopo oia i kau ia kona weli a puni ke ao no kana mau hana, aka, e kuu haloha opio no ka wa hea e malama ia ai keia aha hulahula e haawi ia aku ana no ka hanohano o ka moiwahine Ane. 
     Pane aku la o Atanani, no keia Poakahi ae! 
     No keia Poakahi ae ! i hooho ae ai ke Duke, alaila, he elima la i koe heea mai ia manawa. 
     Alaila, ma keia e ka mea heluhelu e ike iho ai kaua, o ka Poakolu ka la a ke koa opio Atanani i hehi ku aku ai i ka lepo o Enelani. 
     Nolaila, i ka wa a ke Duke i pane mai ai i kela mau olelo, huli ae la ia maluna a kona mau kapuai a kahea ae la ma ka inoa o kona kanaka hookomo kapa. 
      Paterika, wahi a ua Duke la, a iloko o ka hapalua minute, komo mai la kona kanaka hookomo kapa a haawi mai la i na kunou haahaa ana i kona haku. 
     E hoomanao ia e ka mea heluhelu o keia no ke kanaka hookomo kapa a kaua i haalele aku ai ma ke kakela alii o Windsor no ka @@@ ana aku i ka moi i na kauoha@ ko na haku. 
     
                                    OLELO HOOLAHA. 

     E ike auanui na kanaka @@@ eia ma ka pa aupuni o Mak@@ kekahi mau lio helehewa.  Lio @ niuula kikokiko keokeo ma ka lae, ekolu, wawae eleele hookahi wawae keokeo hope hema, hao kuni ano o uha hope akau, hao kuni ano e uha hope hema.  Lio @ ulaula, hauliuli keokeo loihi ma ka lae, eha wawae keokeo, hao kuni ano e ma na aoao a elua o ka a-i.  O ka mea a mau mea paha nona keia mau lio, e pono e kiui koke mai o hala na la he 15, e kuai kudala @@ no au no @ hiki i ka la 10 o Okatoba, 1891. 
                                                              D. Kaaao. 
 Sept. 23, 380-dl                                         Luna @a Aupuni. 


                                      HE HOOLAHA I KA AKEA. 

     E ike auanei na ano lahui a pau, e noho ana ma ke Aupuni Hawaii, mai na kane, wahine a me na keiki; i loaa i na ma’i o kela a me keia ano, e nano mai i ko’u Keena hana, a na’u e hoopau aku i na ehaeha a ka ma’i maluna o oukou e na makamaka, he hiki ia’u ke lapaau i na ano mai’i a pau, ma’i iloko o ka pu, hu’i ke kino, aki iloko o ka iwi, eha o ke poo, ma’iwahine a pela aku.  Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii. 
                                                             Owou iho no, 
                                                     DR. LEONG KENG PONG. 
 Helu 40, Huina o na alanui Kamika me Hotele, Honolulu, Oahu.  Aug. 31.                 ly. 


                                          OLELO HOOLAHA. 

     Ua makaukau ka mea nona Oinoa malalo iho, e hana i na Pna HAKU PUNA ELEELE a me ka pohaku e ae no na pa kupapau, a me na kahua kukulu kia-hoomanae.  O ka poe makemake e waiho mai i ka lakou mau kauoha me Ioane Akina 
                                                                 J. BOWLER. 
                                    Sept. 22, ’90, d----ly* 


                                         Aila Kuai. 

                                  E LOAA NO MA KAHI O 

                                    J. F. COLBURN. 
                                (KEONI  KOL@PANA.) 
                      Ma ke Kihi o na Alanui Nuuanu me Moi. 

     E loaa no no ke kumukuai haahaa loa o $2.50 o ka pahu.  Hele mai hookahi, helemai elua, hele mai no a pau. 
     Ko oukou hoaloha, 
                                          J. F. COLBURN. 
 Honolulu, Iulai 8, 1891.                                                          232 dti 


                                     Hale Hana Wai 
                                             Momona 
                                               WAI-ANIANI 

                             @@@ @@@me John @@@@@@@@@ 

 Ke poe wale no na lakou o hana n@@ @ WAI HOOMAEMAE KONO KAULANA  @@ hoi ka 
                                  SASEPARILA 
                                         ---a me ka--- 
                                                  WAI-HAO. 
                 NA WAI MOMONA AWAPUHI, 
                   SASEPARELA, LEMI WAI 
                      PIPII, SODAMAOLI, 
                        @INA, KAMEPENA,@ 

 @@@ TELEPONA @@@@