Ka Leo o ka Lahui, Volume II, Number 289, 25 September 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

NUHOU KULOKO.

Ke hoike ia aku nei ka lohe i na poe lawe pepa a pau a Mr. Palao, ua hoopau ia kona lawe ana i ka nupepa "Ka Leo," a ua oki ia aku kona inoa mai na, luna aku no keia peps; nolaila, o ka poe i aie i keia pepa, e oluolu e hookaa mai ma keia keena. Ma ke Kauoha.

I ka poluluhi wale ia no ka ia ka la inehinei a po wale no.

Ua hoihoi hou ia aku kekahi wahi Iapana holo mahuka o ka mahiko o ewa.  Haule ka manaolana ia wahi @ata.

He wahi luana hoonanea ka kekahi poe lede ma ka home o Mrs. Thos. Hobron iuka o  Nuuanu i ke ahiahi o nehinei.

He halawai ka ka Hui Kalaiaina i ka po Poakahi ae nei, ma ka hale paikau ma alanui Moiwahine I ka hora 7:30 ahiahi.

Ua loaa mai ka makou leta mai Kau mai, e hoike mai aua i ka ha­ na mao ole a ka ua ma ia aina i ke la mau pule aku nei,

I keia kakahiaka hora 10, e oili pulelo aku ai ke kahili alii o na Kona Kai-opua-i-ka-la’i, no kona mau awa maa mau o Hawaii.

I ka la inehinei, ua hoopai ia iho la e ka Aha Hoomalu kekahi man kanaka no ka hihia piliwaiwai cifa, he $250 o ka mea hookahi. He nui kela!

I ka la i ho la inehinei, i haalele mai ai i keia awa ka mokuahi Monowai no ka ipuka gula o Kaleponi.  Mai ka Puanalaau mai oka hema mai oia.

Mai poina e na makamaka no ka holo ana maluna o ke kaa ahi no ke kulanakauhale Momi; e loaa no na tikiki ma ke keena o Mr. J.F. Morgan.

Ua haalele mai i keia ola ana o Mr. Geo Williams i ka la inehinei, ma koua wahi noho ma alanui Papu, i ke 65 o kona mau makahiki, a kuu aku la kona luhi.

He huakai hele ka kekahi poe opio i ka wanaao o ka Lapule ae nei no na Koolau ae nei, maluna o na lio, a e huli hoi mai ana no i k a iho na la.  He huakai nui ana no keia.

O Kum Yum, ka pake i hopu ia ai no ke komo aihue ana i kahi o Paul Numana ma Waikiki, ua hoo kolokolo ia i ka Poakolu iho nei, a ua hoomoe ia aku a hiki i ke kau kiure ae nei.

Ua hope ia kekahi mau Iapana ma Ewa ae nei ika poalua nei, no ka manao ia nana i pehi a make i kona hoakanaka ma wailuku, Maui, a ua hopu pu ia no hoi kekahi Iapana ma Lahaina no ia kumu hookahi no.

He elua maua a ka lio e hooiho aku nei i keia kakahiaka, hui pu mai hoi me oe akolu kakou.  Kamau iho hoi kahi pola kope o kakahiaka, heaha-la-ia, mikomiko pono iho hoi paha ka nuu ana i na ono o ka makou mau papaaina.

O kekahi lede opio i kamaaina nui ia ma na anaina maikai o Geremania, ua oki ia iho la kona wawae hema e ke kauka, o ke kumu no kona komo i ke kakini silika ulaula, no ka mea, o ka wai hooluu o na ano a pau, he laau make kekahi i awili pu ia, a me he ala, oia ke kumu i loaa ai iaia keia poino.

Ke pa’u nei maua la, a pehea hoi oe o kuu hoa?

I ka la 23 iho nei o keia mahina, ua hanau mai na ka wahine a Dr. Hammond, he kaikamahine nui mohaha.

Ua hookomo ia aku kekahi mau kekahi mau keiki holomalu i ke Kula hoopololei o Keoneula no eono mahina.  O kahi kupono ia no na keiki hele auwana a hookuli i ka leo a’o ka makua.

Ua nui na palapalai Hawaii  o kakou nei i lawe ia aku nei e ka Monowai no ka aina gula o Kalepono na Mr. Stevens i hoiliili i keia mau mea kanu a no luna o Mauna Tantalus kahi kahi i loaa ai iaia.

Ua loaa aku iloko o ka puka ki o kekahi pahu hao iloko o ke keena hookolokolo a ka Aha Kiekie kekahi makapahi haki.  Me he mea ‘la, na na hoa pili keia o BIlakamaaole.  Maka’u ole no hoi ke kolohe la.

I ka la apopo e wehe ia ai ka hoikeike a ka Hui Kaawai Helu 1; no laila, ua oluolu ia ka poloai ana aku i na makamaka a me na hoaloha, no ka naue ana ae e ike maka i na hana hookalakupua a keia Hui Kinaiahi.

Haule! Haule!

$5.00 Makana $5.00 Makana

E Haawi ia no keia uku makana i ka mea e hoihei mai ana i kekahi pale-noho ili noho paniolo i haule i ka piina ana mai o ka Nuku o Nuuanu.  E hoihoi ia mai ma keia Keena ke loaa.  286 1w.

LEI PU-PU! LEI PU-PU!!

Ua makemake ka Hui o Hakama, i 100 Le-i Pu-pu i hakuia, mai ka elua a ekolu papa o ka lei hookahi.  Ina o ka poe e loaa ana o keia mau lei, e hoike ae ia.

Haka Ma.

Hale Aiwaihau, alanui Hotele.

Sept. 23, 1891, 286-d3ts.

 

I keia la ua hookohu ia aku o W. Von Gravemeyer, Esq., i hoa no ka Papa Alanui o Hana, Mokupuni o Maui, ma kahi o P.M. rooney i waiho mai.

Eia na hoa o @ Papa la:

DAVID CENTER – Luna Hoomalu.

OSCAR

W. VON GRAVEMEYER.

C.N. SPENCER.

Kuhina Kalaiaina.

Keena Kalaiaina, Aug. 28 1891  3ts-d.

 

OLELO HOOLAHA

E ike auanei na kanaka a pau, eia ma ka pa aupuni o Makiki nei kekahi mau lio helehewa.  Lio-k, ulaula kikokiko keokeo ma ka lae, ekolu wawae eleele hookahi wawae keokeo hope hema, hao kuni ano e uha hope akau, hao kuni ano e uha hope hema.  Lio w ulaula, hauliuli keokeo loihi ma ka lae, eha wawae keokeo, hao kuni ano e ma na aoao a elua o ka a-i.  O ka mea a mau mea paha nona keia mau lio, e pono e kii koke mai o hala na la he 15, e kuai kudala aku no au no ke hiki i ka la 10 o Okatoba, 1891.

D. Kaoao.

Sept. 23, 286-d1w. Luna pa Aupuni.

 

KALOA & WAINEE

NA KAMANA HUI KUKULU HALE

(Me ka uku haaha.)

            O na kauoha main a mokupuni mai, e hoauna pololei mai i na mea no laua na inoa maluna ae, a e loaa no maua I keia Hale Hou ina ke kihi o na Alanui Nuuanu me Kukui ma Honolulu.

S.K. Kaloa & Geo. Wainee

W04ts Sept 11, 1891.

 

OLELO HOOLAHA.

 

            E ike auanei na kanaka a pau, eia ma ka pa aupuni o Makiki nei kekahi mau pipi hele hewa. 1, pipi keiki k eleele, aole kuni, O oki loihi mawaena o na pepeiao elua. 2, pipi keiki w ulaula, aole kuni, 0 oki loihi mawaena o na pepeiao elua 3, pipi w ulaula kua keokeo, keokeo ka opu, hao kuni BS ak hope, hao kuni ano e uha mua ak, hao kuni ano e uha hope hema.  4, pipi w ulaula, keokeo ka lae, hao kuni BS ak hope, hao kuni ano e uha mua ak, hao kuni ano e uha hope hema.  5, pipi w keokeo, kikokiko eleele ma ka a-i, pela na wawae hao kuni BS ak hope hao kuni ano e uha ak, hao kuni ano e uha hope hema, elua oki malalo o ka pepeiao ak ka hema. 6, pipi keiki k ulaula, hao kuni BS hope ak.  7, pipi keiki ka puakea, haokuni BS hope ak.  O ka mea a mau mea nana keia mau pipi e kii koke mai o hala na la he 15 e kuai kudala aku no au, ke hiki aku i ka la 3 o Okatoba 1891, hora 12 awakea Poaono.

 

D. Kaoao

Sept. 18. 283d3t. Luna Pa Aupuni

 

 

KAUKA YONG KAM

PUNG.

(APANA)

Helu 53, Alanui Maunakea.

 

Ke Kauka Loea o ka

Aina Pua!

 

Ua hiki ke hoola ia kela a me keia ano ma’i, mai ko na kane, wahine a me na keiki liilii.  O na ma’i ha-no ua hiki loa ia ke hoola ia me ka maalahi.  A o na ma’i e pili ana i ka maka pau pu ia i ke ola.  Ke hoike ia aku nei, eia ke ola ia nei, me ka oluolu pu o kahi auhau.  Ka poe pilikia hanau keiki a hele nui paha o ke koko, a paa a lohi paha ka hanau ana, paa paha o ka waiu, e hele nui mai i o’u nei.  E KIPA mai e ka poe i hooluu lau ia me na haawina pilihua a ka ma’i a na’u oukou e hooluolu aku.

 

KAUKA YONG KAM PUNG.

Honolulu Sept. 2, 1891. 272-d3m

 

 

I KA LEHULEHU HAWII

 

            Ke hooiaiao aku nei ka mea nona ka ino malalo, ua hoolaia ka’u wahine mai ka pilikia hoomailo a ka ma’i kokopaa, ka’u keiki elua makahiki hoi mai ka aneane loa ana’e make i ka ma’i emi pu wale no o ke kino, oia hoi ka pilikia ai maloko o ke kino.  Mai ke ola ana o ka ma’i a hiki i keia la, aole i hoea hou mai na pilihua o ia ano.  Ke kono nei au i na makamaka Hawaii o’u e hele ae ia Kauka Apana (Yong Kum Pung) a e loaa no ka maha.  Mai kanalua ma na ano elua – oia ka oluolu o na pilikia ma’i a me ka haahaa o na auhau ana.

 

Me ka oiaio,

P.M. AEA

 

KUAI HOOPAU NUI

 

Mai keia manawa aku a hiki i ko Makou hoonee ana aku iloko o ko makou

 

HALEKUAI HOU

 

Ma ke Alanui Papu, (NA HALE BURU)

E hoolilo aku ana Makou i ko Makou waiwai a pau o na ano Lole:

NA LOLE NANI,

NA LOLE I HUMUIA,

KAPU A ME PAPALE

PAHU LOLE, a pela aku

 

No na Uku Hooemi Loa Nae.

 

Egan & Gunn.

ALANUI MOI kokoke i ke ALANUI PAPU. tf-d.

 

 

Poino i ka Wai!

POINO I KA WAI!

 

            E hoomaka ana keia mawaena o keia la a me ka Poalua a hiki mai o keia pule ae, me ka nana ole ia o na lilo.

 

N.S. SACPS.

263-dtf. Honolulu

 

 

HOOLA HOU

B.F. Ehlers & Co. – Painapa.

 

HELU 99 Alanui Papu.

 

            IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai hoopoho aku i na lole o na Wahine, Kane a me na Kamalii, oiai, e hoi mai ana o B.F. EHLERS me na lole hou ma keia moku mai a oia ke kumu o ko makou kuai hoopoho ana, i ke kaawale ai na wahi no na LOLE HOU.

            E kipa mai e na makamaka i hoopau ia ai ko oukou kapalua no ka makou kuai hoopoho aku ia oukou.

            Owau me ka oiaio

B.F. EHLERS & CO.