Ka Leo o ka Lahui, Volume II, Number 289, 25 September 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

BUKE II                     HONOLULU, SEPATEMABA 25. 1891                 Helu 289

 

HE MOOLELO

NO

KAMAPUAA

KE KEIKI PUAA A KAHIKIU

LA ME HINA

KA MOOPUN PUAA A KAMAUNUANIHO

KA HOA PAIO HOI O PELE,

KA WAHINE O KA LUA I KILAUEA,

A HALA LOA AKU I NA KUPUNA O KUKULU O KAHIKI

O oe ia e Haunuu, e Haulani

E Haalokuloku

Ka Mano e ka I a nui

E ui, e Uilani

Ko inoa Puaa ia e o mai.

            Ninau mai la ua mau wahine nei iaia nei:

            E aha ana oe maanei, a mai hea mai nei oe?

            E noho ana no wau maanei, a maanei mai nei no hoi au i hele mai nei.

            Aohe kanaka o nei aku e like me oe, no ka mea, ua kamaaina maua i na kanaka a puni keia aina, aohe e like me oe ke kanaka ui a mano e ike nei i kela wa.

            Ina e ike mai na alii wahine o makou i kou ano, alaila, e lilo ana oe i kane na ko makou mau alii.

            Ea, mahea mai nei hoi oe o keia wahi i hele mai nei?  wahi hou a ua mau wahine nei.

            No ka pakela noohune loa mai o ua mau wahine nei i ka laua ninau, nolaila, ua hoike aku la o Kamapuaa i ka mea oiaio:

            Makai mai nei wau i hele mai nei, a hui ihola no hoi kakou ma keia wahi.

            Ae, makai io mai nei oe, a owai kou inoa?

            O Kanakaokai ko’u ina, wahi a Kamapuaa.

            E hoohihi ana ka hoi na alii wahine o makou ia oe, e hiu ia ana oe a wela, a e lawe ana laua ia oe a lilo.

            Nihau aku la o Kamapuaa i ua mau wahine nei:

            Heaha ka laua hana o keia wa e laua e noho nei i ko oukou aina?

            Aohe hana, he noho @ iho, no e like me ko laua kulana mau he ahi, wahi a ua mau wahine nei, me ka haimalule ana o ko laua mau pauku kino.

            Aohe ka a laua kane e noho mai nei?

            Aohe kane a laua i keia wa, ua haalele ia laua e ke kane, a o ke kane hoi a kekahi ua make, i hakaka no me ke kanae a kekahi o laua.

            No keaha iho la hoi ke kumu o ka pepehi ana o ke kane a kekahi i ke kane a kahi?

            No keaha hoi, aohe maua i ike, wahi a na wahine.

            Mali’a paha, ua kolohe aku la kela kanaka i ka wahine a kekahi o laua?  wahi a Kamapuaa e hoopahele olelo nei.

            Uoki hoi oe e ke kanaka ui, e kamailio mai pela, no ka mea, aohe maua i ike aku i kela mea.

            Ia lakou nei no e kamailio nei, ua ike mai la kekahi kanaka i keia mau wahine, a me keia kanaka e noho pu la ma ka lae kahakai.

            Ua hele aku la ua kanaka nei a ku ana imua o ka Ilamuku o ke alo alii, a hoike aku la i ka Ilamuku i kana mea i ike.

            Ua ike oia i kahi kanaka e noho pu ana me kekahi mau wahine ma ia kakahiaka.

            He kapu ka noho pu ana o na kane me na wahine ma kahi mehamena, a he kanawai paa ia no ko lakou aina.

            I ka lohe ana o ka ilamuku i keia mea hou ano nui i hoike ia aku la imua ona, ua kena koke aku la oia i kekahi mau kanaka koa elima e kii i kela kanaka a lawe mai imua o kona alo, no keia wa ano me ke kali ole.

            Ua hooko ia ke kauoha, a i ka hoea ana aku o ua poe kanaka nei, a hui pu me Kamapuaa, a me na wahine e noho pu ana me ua o Kamapuaa.

            Ua hoopuiwa nui ia na kanaka koa i hoouna ia mai ai, i ko lakou ike ana mai i keia kanaka maikai a ka launa ole mai, e noho mai ana me ua mau wahine kamaaina nei.

            Haawi aku la ua poe kanaka nei i ko lakou aloha i ke kanaka malihini, a na haawi aku la no hoi o Kamapuaa i kona aloha ia lakou.

            Mahope iho o ka pau ana o ka lakou nei panai aloha ana, na olelo aku la kekahi kanaka ia Kamapuaa:

            Ua hoounma ia mai nei makou e ko makou ilamuku, e kii mai ia oe a e hele aku imua o kona alo i keia manawa.                                                          Aole i pau.

            Ke kauoha ia aku nei na iuna lawe nupepa a wao o Ka Leo, o hoihoi mai i na pepa, o ka la 11, 14, 15, 16, 17 o Sept. nei, ina he mau helu koe o keia mau la ia oukou.           Ma ko Kauoha

 

He Moolelo Nanea

NO

De Atanani

Ke Koa o ka Lio

Olohe

A I OLE

NA KIAI EKOLU

O FARANI

            A huli mai la oia maluna o ka opio, a kono mai la iaia ma ko laua huli hoi ana aku no Ladana.

            Ka haealii o Bakinohama        Ke Kauna wahine De Wineta.

            Oiai ke Duke a me ka opio Atanani ma ko laua alahele e hoea aku ai i ke kulanakauhale o Ladana, ua hooniele mai ua Duke la no na mea e pili ana i kana misiona a hiki i kona hehi ana i ka lepo o Enelani.

            A oia hoi ka ua opio nei i pane aku ai ma ka hoike ana i na mea a pau.

            Ua haawi mai na Duke nei o Bakinehaina i na hoolohe ana me ka hiaai nui no na olelo a ke koa opio Atanani.

            A oia hoi ka ua Duke nei i ike iho ai i ke koa a me ka wiwo ole maoli no o keia kanaka opio o 20 wale no makahiki.

            O kahi i oi loa aku ai o ka piha pahaohao o ua Duke nei, oia no ke aa ana o keia kanaka opio e lawe i ke ala o ke kipoka a me ka hopu pio ia e na mana alunu o ke Cadinela.

            I hoonoho ia ai hoi na kiai ma kela a me keia palena o Farani, aka nae, ua puhalahi’u mai la oia malalo o ka inoa a me ka palapala pasepota apuka.

            Ana hoi i kaili lima nui mai ai mai ia kauna de Wada ak kekahi o na kanaka a kakoo ikaika me ka aoao o ke Cadinela.

            O ka hoea koke aku i ke kulanakauhale o Ladana, oia ka ua Duke nei i ake nui loa ai, nolaila, me na olelo pokole i hoopuka ia mawaena o laua, kuupau aku, la ua Duke ne i ka holo o kona lio, me ke kono pu ana mai i ke koa opio e ukali aku i kona kulana.

            He puahiohio ana me he makani ala, he maa@o ana ao imua @ ka puahi pela iho la ka lio o ke Duke a me ko ke koa opio ia mau minute a laua e huli hoi nei no ke kulanakauhale o Ladana, a @loko-o ka manawa aole i loihi loa, hoea aku la laua no Ladana.

            Ua manao iho ke koa opio, o ko laua hoea ana aku no ke kulanakauhale, e hookaohi ike mai ana la hoi ke Duke i ka holo o kona lio, eia nae, he mau manao kuhihewa ia o ua koa opio la, oiai, e like me ko laua kulana mua o ka puahia i Kinohi pela no keia, a na ko laua hoea ana aku no ka halealii o ua Duke nei i hooki iho i ka holo o ko laua mau lio.

            Ua lele iho ua Duke nei ilalo a komo aku la iloko o ka hale, a iaia i huli hou mai ai ihope, ike mai la oia i ke ano hookunana o ke koa opio, kahea ma; la oia me na olelo makamaka:

            E komo mai! e komo mai, a ina e loaa ia oe ka huakai huli hoi me ka palekana, alaila, e ha’i aku i kou moiwahine no ne mea a pau au i ike iho nei.

            Ua komo aku ke koa opio e like me ke kono a ka haku hale, alaila, papani mai la ua Duke nei i ka pu ka mahope o Iaua.

            Ua au ae la na maka o ke koa opio ma o a maanei, a hoomaopopo ihe la oia, aia laua iloko o kekahi wahi keena uuku i hele a luhiehu me na mea nani, e laa na pa-ku sili ka a me na velevea naui o ke aupuni o Peresia.

            Aia ma ka paia o ua keena la, e ku ana kekahi wahi kuahu uuku, a maluna iki ae o na kuahu la i uhi ia me kekahi lole veleveta holu, a i hoolupalupa ia hoi e kekahi mau hulu keokao nani a me ka ulaula, e kau ana ke kii hooleleaka o ka moiwahine Ane.

            Maluna o ke kuahu, e kau ana he wahi pahu holowaa uuku i kinohinohi ia me na mea nani he lehulehu.

            He eehia a me ka ihiihi maoli no keia wahi keena a ke koa opio Atanani e hoomaopopo ala, a oia kana i hoomanao ao ai, aole i oi ao ka ihi kapukapu o ka halealii Louvre mamua o keia keena hookahi o ka halealii Bakinehama.

            Ua haule iho ke Duke ilalo mala lo o kona mau kuli imua o ua wahi kuahu ala e like me ka hana a @ kahuna oihopa imua o na kuahu a me na wahi hoano.

            Alaila, lalau ae la na lima o ua Duke la i kahi holowaa, q wehe ae la i ke pani, a mailoko mai o @ Duke nei, huki ae la oia i kekahi @ pine holu nani, a maluna o ua lipine la, a alohi anapanana, kekahi mau @ @ me he @ @ no ka la ka @.

 

HE HOOLAHA I KA AKEA

            E ike auanei na ano lahui a pau, e nohoana ma ke Aupuni Hawaii, mai na kane, wahine, a me na keiki; i loaa i na ma’i o kela a me keia ano, e nane mai i ko’u Keena hana, a na’u e hoopau aku i na ehaeha a ka ma’i maluna o oukou e na makamak, he hiki ia’u ke lapaau i na ano ma’i a pau, ma’i iloko o ka opu, hui ke kino, aku iliko o ka iwi, eha o ke poo, ma’iwahine a pela aku.  Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na ukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.                                                                            Owon iho no

                                                                                                DR. LEONG KENG PONG

Helu 40 Huina o na alanui Kamika me Hotele, Hononlulu, Oahu.  Aug. 81.            ly

 

OLELO HOOLAHA

            Ua makaukau ka mea nona.  O inoa malalo iho, e hana i na Pua HAKU PUNA ELEELE a me ka pohaku e ae no na pa kupapau, a me na kahua kukulu kia-hoomanao.  O ka poe makemake e waiho mai i ka lakou mau kauoha me Ioane Akina                       J. BOWLER.

Sept. 22, 90. d-ly

 

AILA KUAI

E LOAA NO MA KAHI O

J. F. COLBURN

(KEONI KOLOBANA)

Ma ke Kihi o na Alanui

Nuuanu me Moi

            E loaa no no ke kumukuai haahaa loa o $2.50 o ka pahu.  Hele mai hookahi, hele mai elua hele mai no a pau.

            Ko oukou hoaloha,                                                      J. F. COLBURN

Honolulu, Iulai 8, 1891                                                                                              232 dti

 

Hale Hana Wai Momona

WAI-ANIANI

Sam @ me John Grace na Ona.

            Kapoe wale no na lakou e hana nei na wai hoomaemae koko kaulana @ hoi ka

SASEPARILA

ME KA

WAI-HAO

NA WAI MOMONA AWAPUNI

SASEPARILA LEME WAI

PIPII, SODA MAOLI SIDA, KAMEPENA

 

@@@