Ka Leo o ka Lahui, Volume II, Number 287, 24 September 1891 — Page 2
| This text was transcribed by: | Joyce Yoshimoto |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA.
Ua hookohu ia aku i keia la o Mr. Keaka Honokaupu, i Luna Pa Aupuni no Huelo, Mokupuni o Ma@@@@@pia kahi o N. Opunui, i wai@@@@.
C. N. SPENCER, Kuhina Kalaiaina.
@al@iuna, Sept. 18, 1891.
KA LEO O KA LAHUI.
JNO. E. BUSH,
Lunahooponopono a me Puuku.
POAHA, SEPATEMARA 24, 1891.
AOAO LAHUI HAWAII LIBERALA.
E ka Lahui Hawaii aloha, ke pahola ia aku nei ka lohe ia oukou a pau, e like me ka oukou i koi mai ai, e kahea ia ona Halawai Makaaina. Nolaila, ke hoike aku nei makou ia oukou a pau loa, a na kela a me keia e wae nona iho, oiai, ua halawai iho nei ke Komite ku waena o ka Hui Kalaiaina Hawaii o ka Mokupuni o Oahu nei, a ua hooholo lakou i kekahi mau kumu hana, a o ua mau kumuhana la, e waiho ia aku ana ia imua o ka halawai nui e kahea ia aku ana ma ka Poakahi e hiki mai ana, Sepatemaba 28. O kahi e malama ia ai keia Halawai, ma ka hale paikau no ia o ke Aupuni, maluna ae o kahi o Burua ma, ma ke Alanui Moiwahine. O ka manawa o ka halawai e malama ia ana, oia no ka hora 7:30 P.M.
A nolaila, ke hoolaha aku nei makou i kekahi mau kumuhana i hooholo ia e ua halwai la o na Komite Ku waena o ka Hui Kalaiaina Hawaii, i mea no kakou a pau e ike ai, a e hiki ai hoi ke koho me ka manao kuokoa, aole hoi me ka manao hoopili meaai--
NA HOOMAEMAE OIHANA HOOKOLOKOLO.
1. Ua kupono e waiho ia no ka hooponopono piha hou ana, ke ano o ko kakou oihana hookolokolo a me ke ano o na rula o ka hoohana ia ano o ka oihana i kumu e loaa ai kekahi hooponopono emi a eleu ana o ke kanawai, me ke kaawale mai na manao pili hoomana, a i mea e hooi ae ai i ka mana o ka Lehulehu maluna ponoi o na Lunakanawai; e kokua no hoi makou i ka unuhi hoakea hou ana o na olelo Kumukanawai e hiipoi ana i ke keakea ole ia o na olelo ana, a me ka papapa’i.
NA AUHAU ANA.
2. E hookumu ia hoi kekahi kahua o ka Auhau ana i oi aku ka pono a me ka maikai, e hoopau i na paewaewa e ku nei, nona mai hoi ka auhau hookoikoi ia o ka poe ilihune, a e hoemi ia nei a hoopakele loa ia ai hoi ka waiwai o ka mea nui o ka waiwai mai na auhau, nolaila, e koi aku ana no makou e hooholo ia na kanawai i hiki ai ke hookau ia na auhau kupono maluna o ka waiwai o ka poe waiwai a me na hui a Ahahui nui hoi e like me ke kuleana o ko ke aupuni hoomalu ana, a haawi pu ana aku hoi i na hooluolu kupono i ka uoe ilihune; a i kumu hoi kekahi e hoo pau ia ai na hana nana e paa nei na aina nunui i mahi ole ia, e kau ia kekahi auhau e ae, mawaho o na auhau mau, e like hoi me ke ano o ka momona o ka lepo. E kokua no hoi makou i kekahi hoauhau papa ana maluna o na loaa makahiki, a ma ia mea e loaa ai na dala e lawa pono ai no ka hookele ana i ke aupuni a me ka malama ana hoi i na hana kupono o ke aupuni me ka hooauhau ole ana aku maluna o ka lahui.
KA HOOMALU ANA I KA PONO O NA LUNA HANA.
3. E kokua no makou i na mea a pau e hana ia ana no ka hoomaikai ana ae i ka noho ana o na limahana o ka aina, a no ia mea, me ka hoopoino ele ana i na kuleana i ili mai, e hooikaika no makou e hana ia na kanawai e hoopau aku ai i ka hoopae hou ana mai a hoohana ia ana o na limahana aelike o kela a me keia ane, e pae nei malalo o na kumu e hiki ai ke lawe ia mai a paio me na hoopoino a me na hoohaahaa ana i na limahana Hawaii a haole hoi. E nonei, aku ana no hoi makou, ma o ke kuleana e hoopakele oi aku ai i ka poe ilihune, e hoomama hou ia ae na mea e pili ana i ka waiwai o ka poe ilihune, mai na kuai ana mamuli o ke koi a ke kanawai, a mai na hoopaa ana hoi mamuli o na hooponopono banekarupe ana.
NA MAHINAAI LIILII – A ME NA APANA AINA HOME.
4. Ua kaomi hoi kekahi mahele uuku o ka poe waiwai o ko kakou heluna kanaka, ma keia mua iho nei, i ka ulu ana o kekahi mahele makaainana kuokoa; ua apu ia aku hoi na aina aupuni a eia ke paa ia nei maloko o ka lima a kekahi poe uuku, a i ole, ua mahelehele ia e like me ka makemake o na punahele, a ua kipaku ia hoi na kanaka mahiaina liilii a me ke kanu ko e ka poe hui a e ka poe hoohuihui dala: aka, oiai o na mahi liilii ka mea nana e hoopuipui aku i ka pono nui o ka aina, he kupono no e hoohoihoi hou ia aku hoi me kekahi kanawai Aina Home i oi loa aku ka maikai, i lilo ai hoi i mea hiki ke noho a ona ia na apana aina liilii e na kanaka o ko kakou lehulehu e noho nei ano,--a o ka oi loa hoi i loaa aku i na Hawaii ponoi i hoonele ia i ka aina a me ka home e noho ai. No ia kumu, he kupo no e hoolilo ia na aina aupuni a me na Aina Lei Alii i mea mahelehele aina home no ka poe e makemake ana e noho maoli a hookuonoono maluna o ka aina, (e like me ka hiki me ke kue ole i na pono mua o kekahi poe) me ka hookuu ia o na auhau no kekahi mau makahiki kupono. A he hana kupono hou aku no hoi no ke aupuni e hoomaka koke aku hoi e hana, a hooponopono hou i na kumu e hiki ai ke lawe ia ka waiwai me ka oluolu ma na makeke – ma ka apana, ma ka paeaina a me na alanui moana pili aupuni hoi.
NA PONO KOHO.
5. Ua manao makou o ka hoopono a me ke ano hoopololei o ke kanaka, oia iho la ke ana o ke kuleana e koho ai ke kanaka i ke alii a me ka lunamakaainana, aole hoi o ka waiwai ana, i hoopaa ia he ana me ka lima nui; a aole hoi e hooi ia aku ke kuleana o ka balota koho o ke kanaka waiwai mamua o ko ka mea ilihune. O na hoaui pono ole ana i hana ia iloko o ka kakou Kumukauawai ano, he kue loa ia i na kumu mua lo, o ka pono a me ke kaulike, a no ia mea, he kupono e hoopau loa ia. No keia hopena e kokua no makou i na hookaulike ana i na hoano e, mamuli o ka waiwai e ku nei i keia wa, mawaena o na mahele o ka Lehulehu kanaka, e hoano e ana i ko kakou kanawai e pili ana i ka pono no ke koho ana i na ‘lii, a ma ia mea hoi e hoihoi aku ai i na Hawaii ponoi, i na pono i pili ia lakou iloko o ko lakou aina ponoi, ka mea hoi i lawe kupopono ole ia ae mai ia lakou ae.
NA HANA KULOKO.
6. E kokua ana no makou i na hoolilo ana i na dala mahuahua kupono e loaa ai kekahi mau hana hou i ike ia ke kupono ma Oahu, a ma na mokupuni e aku; na kula, na alanui-hao, na awa a me na uwa po-pae, na ipukukui o ka lehulehu, a me na hoopenupono ana hoi i na ano hana o ka oihana wai, aole wale no Honolulu, aka, no na wahi a puni mokupuni.
KE AKE MAI NEI KA LAHUI
E WEHE IA I HALAWAI MAKAAINANA NUI MA HONOLULU NEI.
E na hoa makaainana, no oiwi ponoi o ka aina, ka poe hoi nona na kupuna i eha ai i ka ihe laumeki, i ka na’i ana i neia mea he aina, a ma o ko kakou mau kupuna ala hoi, i loaa ai ka noho’na kaulike o keia mau Paemoku. Oia mau la i aui wale aku la, oia na la o ka ehaeha i manao ia ai, a hoea mai la hoi ka malamalama e like me ia e ike ia nei, alaila, palekana kakou; eia ka auanei, o ke au aku keia o ka ehaeha i oi akui ko ke au i hala.
Nolaila, e no hoa makaainana, ka poe e auamo pu ana i na maewa o keia ola ana, a kakou no hoi e ike pu nei i keia mau la. Ke ake mai nei oukou e noho ai o ka halawai makaainana nui, no ka noonoo ana i na moho a ka lahui i makemake ai, a e kuka pu ai hoi no na kumuhana e hooholo like ia ana.
Nolaila, e kali oukou me ka hoomanawanui oukou, a o kakou pu no a pau, iloko o ia haawina hookahi, a aole no he wa i koe, a e lohea auanei ka wa e noho ai ua halawai ala.
A oia halawai e hoea mai ana, he halawai ia no ka poe aloha lahui, aloha aina, a aloha alii oiaio, aloha hoi i ke Akua a pela hoi i kona hoa kanaka; aole hoi i makemake ia ka poe hoopilimeaai, ka poe puni dala ka poe hoi i ike ole i keia mea he aloha, aole, aole, aole loa.
Nolaila, ma keia hoike ana, e pau ai ko kakou pohihihi, e na makamaka, a e uiha ole ai hoi i ke kali aku.
O keia ka hoike a ke kiai o ka lahui e pahola ia aku nei iwaena o oukou a pau. Na ke akua Kiekie Loa e kiai mai ia oe e Hawaii, a e hooponopono hoi ia oe e malalo o Kona Mana Loa.
OLELO HOOLAHA.
E ike auanei na kanaka a pau, eia ma ka pa aupuni o Makiki nei kekahi mau lio helehewa. Lio k, ulaula kikokiko keokeo ma ka lae, ekolu wawae eleele hookahi wawae keokeo hope hema, hao kuni ano e uha hope akau, hao kuni ano e uha hope hema. Lio w ulaula, hauliuli keokeo loihi ma ka lae, eha wawae keokeo, hao kuni ano e ma na aoao a elua o ka a-i. O ka mea a mau mea paha nona keia mau lio, e pono e kii koke mai o hala na la he 15, e kuai kudala aku no au no ke hiki i ka la 10 o Okatoba, 1891.
D KAOAO,
Sept. 23, 286—dlw. Luna pa Aupuni.
Ua nui na loio i huli hoi mai nei ma ka Malulani o ka Poalua nei, mai ka aha kaapuni maio Waiohinu, Kau Hawaii.
He Kuai Nui Hoopau aku.
E HOOMAKA ANA I KEIA
POAONO, AUGATE 1, 1891.
Ua Lilo ko makou Waiwai he mea Mohai wale!
Ua Hoemiia ke Kumukuai ilalo, aole i ko Makou Pono, aka nou no-
Papa Kumukuai no 30 La wale no:
200 paa lihilihi keokeo puka aniani.......................................................$ .90
20 i-a Kalakoa maikai........................................................................... 1.00
12 keokeo 1 i-a laula .......................................................................... 1.00
8 keokeo 1 i-a laula.......................................................................... 1.00
159 kakini lakeke o na Kamalii (huluhulu......................................... .45
93 kakini ka’e waihooluu o na wahine........................................... .05
Huluhulu no na paa lole kupono, .25 keneta o ka i a, e kuai no makou i keia mau la
no 7 i-a no................................................................................... ... 1.00
Papale Kula o na Kamalii................................................................. .25
Na Kawele nunui, 2 no........................................................................ .25
Kakini eleele maikai............................................................................ .25
Na Papale i kahiko maikai ia................................................................ 2.50
RUMI HANA LOLE MALUNA, HOLOKU etc., HANA IA ME KA OLUOLU LOA. E HOOPAA AKU NO MAKOU NO NA KUMUKUAI MALUNA NO 30 LA. NO KE DALA KUIKE WALE NO KEIA KUAI ANA.
C. J. Fishel
Ka makamua o na Hale lako o na Wahine, oia hoi ma alanui Papu a me Hotele, kahi i hanau ia ai na kuai hoopono a ano nui no hoi. 249-dt
I keia la, ua hookohu ia aku o JACOB KALA ESQ., i Agena haawi Palapal Mare, no ka Apana o Koloa, Mokupuni o Kauai.
C. N. SPENCER.
Kuhina Kalaiaina.
Keena Kalaiaina, Aug. 31, ’91. 271-d3t.
Ka Buke Akeakamai.
.................. A O ...................
KE ‘KI GULA
NO KEKAHI MUA MEA HUNA POHIHIHI I HULIIA E KA NOEAU O KE KANAKA.
KAKAU mua ia e ka Mea Hanohan DAVID KALAKAUA a me kekahi poe e ae he nui, a i Hoouluia, Hoo ponoponoia, a Hoomahuahua hou ia e Levi-i-Levi ole ia ka Akeaka mai Hawaii o ke Keneturia 19.
Mahele o ka Buke.
MAHELE I.
VIOLA—Hoike Ouli ma na kau Oultu oALO lana Mahina.
GZOi ILA—Hoke ADAIEka@U G
oke kanaka.
MAHELE III.
METRAGARATIMA – Ka hoike Ouli ma ka Hoonohouoh Hu@elu ma ka Hou Kabala.
MAHELE IV.
ONEIROLOGI.
MAHELE V.
Ka Papa Konane Hoailona Pomaikai.
OLELO HOOLAHA.
Ua makemake ia i 50,000 kawowo Alani momona, aole e emi malalo o 6 iniha ke kiekie, a e uku ia no he 5 keneta o ke kumu hookahi. No na mea ae i koe, e pono e hele ae e kuka pu me Dilinahama.
B. F. DILINAHAMA.
Luna Nui O. R. & L Co.
Hoolaha Hookapu.
Ke hoike ia aku nei ka lohe i oa ano kanaka a pau loa. Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole ia, me DAVID DAYTON, a i ole ia KUKA.
Owau no me ka haahaa,
Mrs. C. I. HIRAM.
Honolulu, Oahu, Oct. 8. 1890. 8me-d.
OLELO HOOLAHA.
Owau o ka mea nona na aina o Makailio, Kamakalalaukalo, Kaluaopalena, ke papa akea aku nei i na mea a pau aole e hele wale maluna o ka aina, a aole hoi e kuai i na loi ai oo a me loi opiopio, me ka hele mua ole mai e kuka pu me a’u. O ka poe a pau e kue ana i keia olelo, maluna no o lakou ko lakou pohe. MEL@ AKONI ROSE.
Aug. 4, 1891. 251 8 m-d*