Ka Leo o ka Lahui, Volume II, Number 287, 24 Kepakemapa 1891 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.           Honolulu Sepatemaba 24, 1891          Helu 287

 

He Moolelo No KAMAPUAA

 

KE KEIKI PUA’A KAHIKIULA ME HINA – KA MOOPUNA PUAA A KAMAUNUANIHO – KA HOA PAIO HOI O PELE, KA WAHINE O KA LUA I KILAUEA, A HALA LOA AKU I NA KUPUNA O KUKULU O KAHIKI.

 

O oe ia e Haunuu, e Haulani E Haalokuoku Ka Mano e ka i a nui E ui, e Uilani Ko Inoa Puaa ia e o mai.

 

            Ina o kaawale aku ko’u kaikoealoha ai ia kakou aku, alaila, e noho no kakou me ka maikai, aole he mea nana oukou e hoopilikia, e noho kakou a hiki i ka wa e hooluolu ai o ko kakou mau kino ma keia aina.

            A ina he mau ohana ko oukou ma ka mokupuni o Oahu, e kauoha aku ia lakou, e hoi mai ka kou a noho pu i kahi hookah.

            Noho iho la o Kaneiki Ilalo me ka helelei pu aua iho o kona mau waimaka; a he wa no hoi ia no ke anaina kanaka I hoopiha ia me na manao walohia o ke aloha, mawaena o na alii, a me na makaainana.

            A mahope oia Manawa, ua hookuu ia ke anaina kanaka, e hele aku ma kahi o na mea ai i hoomakaukau ia no lakou e ai ai.

            Ua ku ae la na alii, a nie na makaainana, a hele aku la e hoopiha i ka lua o ka inaina, a mahope iho o ko lakou maona ana, ua hapai ia na hana lealea o kela a me keia ano, ka hula alaapapa, hula kilo, hula pa’i-umauma, hula ka-laau, hula oniu, hula ululi.

            Ua hoohala ia ia Manawa o ka la, a hiki loa i na hora wehe’na kaiao o ka wanaao, a ua hookuu ia na makaainana, e hoi kela mea keia mea ma kona wahi pakahi iho.

            Ua noho iho la no hoi na alii e like no hoi me ko lakou ano mau.

            A ua noho pu iho la no hoi o Ka mapuaa me kona ohana, a me kana mau wahine no hoi, me ka oluolu o ko lakou noho ana.

            A i ka hala ana o na anahula elima o ko lakou noho ou ana, ua olelo aku, la oia i kana mau wahine me na huaolele e mae ai hoi na helehelena nohenohea o ua mau kaikamahine nei, penei:

            E haalele ana wau ia oukou, a e noho no hoi oukou i ko kakou nei aina, aohe mea hou nana e kaua hou i ko kakou aina, ua pau loa lakou i ka make.

            Nolaila, e hele wau i ka’u huakai hele, mai noho no hoi olua a aua ia’u, a e Malama hoi olua I ko’u mau wahi ohua.

            I ka lohe ana no o kana mau wahine, ua nui loa ko laua uwe no ka lana kane.

            Aole keia e paa ia laua, no ka mea, he Ula o Kamapuaa no ka naele.

            Ua holo ae la ia lohe a puni ka mokupuni o Kauai, a ua hoopiha hou ia kahi o na ‘lii e noho ana i na kanaka a puni ka aina.

            O ke kumu o ka hele ana mai o na makaainana, no ko lakou aloha no ia Kamapuaa, i ko lakou koa i loaa ai ka lanakila ma ko lakou aoao, a lilo ai ko lakou mau enemi i mea ole.

            Ua noho pun a makaainana me na alii, a me Kamapuaa iloko o ohoo kahi anahulu.

            Ma ka la mua o ka lua o ke anahulu, oia ka la a Kamapuaa I ike hope ai i kana mau wahine, a me kona mau ohana, kona kaikoeke, a me na makaainana a pau o Kauai holookoa.

            Haawi aku la oia i kona aloha hope loa i na mea a pau, a kaha aku la oia hele no kai o Hanamaulu.

            A ma ka lae pohaku o Hanamaulu, e poi ia ana e ke kai, malala o Kamapuaa i ku hope ai, a nana ae la hoi kona mau maka ma o a maanei o ka aina.

            O kona ike hope loa ana ia ia Hawaii nei, a hoololi ae la i kona kino kananka, a lilo i kino i’a , a iho aku la oia iloko o ke kai, a komo aku la oia @loko o ka i’a, oia hoi ka Humuhumunukunukuapuaa.

            Holo aku la oia no kukulu o Kahiki, he elua mau anahulu po a me elua mau anahulu ao, pae aku ia ua Kamapuaa nei I ka lae kahakai, ma ka wehe@na kakahiaka nui.

            Iaia nei e okuu ana ia kakahiaka, hoea ana kekahi mau wahine hele ku’i opihi a me ka limu.

            I ke kaa’pono ana mai o ua mau wahine la ma ka ia nei wahi e noho ana, ua hui ae la lakou, ua haawi aku la o Kamapuaa i kona aloha i ua mau wahine la, pela no hoi laua i panai mai ai no ka ia nei aloha ana aku.        Aole i pau.

 

He Moolelo Nanea, No De Atanani.

Ke Koa o ka Lio Olohe,

A L@OLE

NA KI AI EKOLU O FARANI.

 

Oiai, aia maa ia mea ma ko lakou umauma @aai i hiipoi ai, wahi a Atanani.

            Ua nana kapakahi mai la kahi kamaka Peleka@e me ke ano pupuku ana iho o kona mau ku’emaka, alaila, pahu ae @’oia i kona mau sopa ma ka ao@le kona lio, a holo aka la oia me @

ne hope ana mai:

            E hoolauna aku ana au ia oe imua o kuu haku Duke. Me kau mau olelo haahaa o ka paikano a haakei.

            E like me na olelo a ua kanaka nei, pela no oia i hoike aku ai imua o ke Duke.

            A ia wa i ike koke aku ai ua kanaka la i ka hohola ana ae o na helehelena hainea maluna o kona haku, a liuliu, pane mai la ua Duke nei:

            Aia mahea ua kanaka opio malihini nei?

            O keia ninau a ke Duke, oia ka kona kanaka lawlawe i pane aku ai:

            Aia oia ma ke ala e hoea mai ai anei!

            Ina pela, e hele aku kaua e hui me ua kanaka opio nei, wahi a ke Duke i pane mai ai me ka umoki ana iho i kona mau sepa ma ka aoao o kona lio.

            Emoole, hala ma la ua Duke nei me kana kauwa ma ke ala kahi a Atanani e hele mai ana, a me ka haaheo o ka makakila, halawai mua loa ae la ua koa opio nei me ke Duke, ma ka oniu aloha ana me ka laua mau pahi.

            Alaila, pane mua mai la ke Duke o Bakinehama:

            He manao nui anei ko kau huakai i hiki mai nei?

            Ao e ke Duke, he hana nui, aia mawaena o ka moikane a me ka moiwahine a ua makemake ia kou hanohano e kokua mai e like me ka manao o keia palapala.

            Ana! O na kokua ana a Keoki Vilelia, oia anei kau i makamake ai a! me kuu naau a pau, ma o na lani la, na hamama na @alena a pau o ke aupuni @no ke kokua ana i ka moiwahine Ane o ke aupuni o @.

            Aka e ke koa opio pehea @ oe i pakele ai mai ka waha@

E ha i mai e na’i mai o Atanani?

            Ma Kani o ka panai ana aku no na olelo a ke Duke, ua wehe ao ke koa opio i ka leta, a haawi aku la iaia, me ka pa@ai pu ana aku i keia mau wahi olelo pokole:

            E lawe aku i keia wahi leta mai ia u aku.

            Mai ia wai mai koia leta? Wahi a ke Duke i pane mai ai.

            Mai ka moiwahine Ane mai o Farani:

            Mai ka moiwahine mai@ i pane mai ai ke Duke me ka loo @hoihoi me ka hahae pu ana ne i ke @la@

            Ua haawi aku ke koa opio i ka ae ma ke kunou ana ak@ o kona poo, a oia hou ka ke Duke i ninau mai ai:

            A he puka aha hoi kela ma ka umauma o kou kuka?

            Ua alawa wikiwiki iho ke koa opio ma kahi a ke Duke i kuhikuhi mai ai, a ike io iho la ia, @ puka io ka umauma o kona kuka, a oia kana i pane koke aku ai i ke Duke:

            He moku pahi keia ia Kauna de wada, iaia i hou ai ia’u, oiai maua i hakaka ai ma ka la inehinei.

            Aka e ke Duke ua haawi aku au iaia me kekkahi o ka’u mau puupuu hamare helu ekahi, a ua kauna de Wada la e poina ole ai i na la a pau o kona ola ana, a ke loaa hou aku oia ia’u ma keia mua akuk, alaila, @ hamare hou aku no au i kona lae me kekahi o ka’umau kalopaa.

            Ua akaaka ae ke Duke o Bakinehame no keia mau olelo a Atanani, me ka pane pu ana mai:

            Ua eha ia pahaoe?

            Aole e ka Miloda Duke, he wahi manuhe’u uuk@ wale no.

            Mamuli o keia hoole ana aku a Atanani. Heluhelu iho ia ua Duke la i ka leta, a no ka hapalua minute wale no, hooho ae la ia me keia mau olelo:

            Auwe! Heaha keia? Heaha ke ano o ka’u mea i heluhelu iho la?

            @ li ae la ia maluna o kona kauaka hookomo lele, a kauoha aku la no kona lawe ana aku i ka lohe i ka moi, ua huli hoi aku oia no Ladana no kekahi hana ano nui.

 

HE HOOLAHA I KA AKEA.

 

            E @ pau, e noho ana ma ke Aupuni Hawaii, mai na kane, wahine a me na keiki, @ i na ma’i e kela a me kia ano, e pane mai i ko’u Keana hana, a na’u e hoopau a@ i na @oha@ ke ma’i  malana o oukou e na makainaka. @he hiki ia’u ke lapaau i @, hu’i ke kino @ iloko o ka iwi, eha o ke @, ma@ a pela @.  Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka @ ko hui me ia ma na kukui olelo @, ua makaukau wau e pulama @ mai na @kupuni mai me ka @kiwaw@ he makamaka @ hoaloha maikai no oukou e na Hawaii.

            @ DR. LEONG KONG PONG , Helu 40, Huina o na alanui Kamika me @, Honolulu, Oahu       @

 

OLELO HOOLAHA

 

Ua Makaukau ka mea nona Omoa malalo @ HAKU@ ka pohaku e ae no @ a me na kahua @ kia hoomanao.  O ka poe ana @ e waiho mai i ka @ A@ina @

 

 

Aila Kuai.

E LOAA NO MA KAHI O J.F. COLBURN.

(KEONI KOLOBANA.)

Oahu

Ma ke Kihi O na Alanui Nuuanu me Moi.

 

 

            E loaa no @o ke kumukuai haahaa loa o $2.50 o ka pahu.  Hele mai hookahi, hele mai elua, hele mai no a pau.

            Ko oukou hoaloha.

J.F. COLBURN.

Honolulu, Iulai 8, 1891.          232 d@

 

Hale Hana Wai Momona WAI-ANIANI

Sam @ John Grace na Ona

 

Ka poe @ kakou e hana nei NA WA@ KAULANA @

SASEPARILA A ME KA WAI-HAO.

 

NA WAI MOMONA AWAPUHI SASEPARELA, LEMI, WAI PIPII, SODAMAOLI @@

 

Mutual @ TELEPONA @