Ka Leo o ka Lahui, Volume II, Number 284, 21 September 1891 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.           HONOLULU, SEPATEMABA 21, 1891.    Helu 284

 

He Moolelo No KAMAPUAA.

 

KE KEIKI PUAA A KAHIKIULA ME HINA - KA MOOPUNA PUAA A KAMAUNUANIHO -KA HOA PAIO HOI O PELE KA WAHINE O KA LUA I KILAUEA, A HALA LOA AKU INA KUPUNA O KUKULU O KAHIKI.

 

O oe ia e Haunuu, e Haulani

E Haalokuloku

Ka Mano e ka I'a nui

E ui, e Uilani

Ko inoa Puaa ia e o mai.

 

            Pane hou aku la o na o Kamapuaa i kona kaikoekoe; e, o kela poe alii o Oahu, au hoi e makemake nei e kii wau e pepehi, e aho nau ia e kii e pepehi, ua lawa iho la no hoi ko'u wahi ikaika i keia poe a'u i luku iho nei me ko'u mau lima ponoi.

            Ua kulou iho la ke poo o Kaneiki ilalo, me ke ekemu ole i hookahi huaolelo, a liuliu wale, ea ae la ke poo o Kaneiki iluna, a nana mai la kona mau maka maluna o kona kaikoeke puaa, a pane mai la penei:

            E oluolu oe e kuu kaikoeke aloha nui, ina ua hewa ko'u manao e kena aku nei ia oe e pepehi i kela poe alii o Oahu; ina ua hewa ia i kou hanohano, e oluolu oe e kala mai i ko'u hewa, ina ua hewa wau ma ia mea.

            Ua manawa i olelo aku ai o Kamapuaa ia Kaneiki, aole paha ia he hewa nou, no ka mea, o oe wale no ka mea mana ma ke kahua kaua nei, he koa kokua wau ana kou aoao, no ka la hoouka @ aka, e hoike aku wau ia oe i ke kumu o ko'u kii ole aku i kela poe e pepehi a make; penei no ia:

            O kela kanaka, o @ kena inoa, o ko'u @ ponoi no ia, o Kahikihon@ ko makou mua ia, o Keke@ kona hope aku, a o wau no hoi ko makou hope loa.

            Ke hoomaopopo pono mai la no anei oe i ka'u mea e kamailio aku nei oo?

            Ae, e kala mai oe ia'u ma keia mea, ua hewa loa ia wau, ae manao nei la wau he mau alii okoa loa no la keia, eia ka auanei o kou ohana ponoi loa no ka keia a'u e hapa aku nei i ka mea pono ole imua ou.

            He mea kupanaha loa no paha i ko'u noonoo, i ko'u ike ana aku ia oe, i ka helelei ana iho o na waimaka ou, i ka wa o ka enaena o na mea kaua e hiolo ana, eia ka ke ku mu o ka hiolo ana o kou waimaka, o kou i'o ponoi loa no kela ma kela aoao.

            Nolaila, e olelo aku oe i kou mau ohana, e hoopau ko kakou mau manao kue, e hoopau na manao mokuahane, e noho kakou me ka oluolu, a e noho alii kakou ma keia Mokupuni, o oe no maluna o makou, a e noho kanaka aku makou malalo ou.

            Ina aole oe ma keia kaua ana, alaila, he mea maopopo, aole makou ma keia ao, ua hala aku la makou ma keia aoao o ka hopena o keia ao, e like me ka kakou e ike nei i ko kakou mau hoa kanaka, e waiho mokaki mai nei imua o ko kakou alo.

            I manawa i kauoha aku ai o Kamapuaa i kona mau ohana ponoi, e hele mai a e hui pu me Kaneiki, ma ka hoolauna ana, me ka haawi ana o na lulu lima aloha mawaena o lakou a me ko lakou mau koa.

            Ua hookoia ia manao o Kamapuaa, a ua hui io ae la lakou me ke aloha nui loa, o Kahikiula me kana keiki aloha Kamapuaa a pela pu no hoi me Kahikihonuakele, ke kaikuaana o ua Kamapuaa nei.

            Ua uwe ae la lakou me na leo kuwo, o ke aloha makua i ke keiki, a pela no hoi ke keiki i ka makua.

            A mahope o ka pau ana o ka lakou nei uwe ana, ua hoomakaukau iho ia na koa i na mea ai na lakou e paina iho ai i ko lakou aina-awa kea.

            I ka makaukau ana o na mea ai, ua noho iho la lakou e hoopiha i ka lua o ka inaina, a i ko lakou maona ana, ua noho iho la lakou hoomaha i kekahi mau hora o ua la ala.

            A i ke kuu ana iho o ko lakou maona, ua liuliu ae la lakou e hoi no Huleia i kela ia, oiai ka la e iho ana makai o lakou nei, a he wa mai kai hoi ia o ka hoi ana.

            Ua malu na pali i kela manawa a lakou e hoi nei, aohe hoi he kulu hou e kahe iho ana ma ko lakou ili i ka hao a ka olu me ka hu'i, me ha mea la e i mai ana, e hoi mai  kaua a e pili.

            Ua huli hoi pu mai la me ka oha na o Kamapuaaa ma ia ahiahi no Huleia.

Aole i pau.

_____

He Moolelo Nanea.  NO  De Atanani.

 

Ke Koa o ka Lio Olohe, A I OLE

NAKIAIEKOLU O FARANI.

 

            E like me ka hikiwawe o na kau oha a ke keonimana malihini i kamailio ae ai i kana kauwa, pela no hoi me ke koa opio i haawi ao ai he hoailona i kana kauwa me ka welelau o kona lima, a i ka imo ana a ka maka, walawala pahu aku la ke kauwa a ke keonimana malihini ilalo o ka honua.

            Mamuli o keia mau hana eleu loa a Palaneke, ua hiki ole i ke keo nimana malihini ke hokaulua iho me kana pahi.

            Oniu hikiwawe ae la ia i kana pahi a hou pololei mai la i ka puuwai o ke koa opio o ka lio olohe.

            Aka, e like me ka haawina mau i loaa ia Atanani o ka piha eleu a me ka wiwo ole, nolaila, i ka ma a ke keonimana malihini i oniu ae ai i kana pahi, aia hoi, ua niniu pu ae la me ka Atanani pahi, a koele ae la ko laua mau welelau medala kila iloko o ka lewa me ka ikaika nui.

            No ke sakona hookahi, aia ka welelau o ka pahi a ke koa opio o ka lio olohe, ua komo aku la iloko o ka umauma o ke kanaka malihini a oia ka Atanani i hooho ae ai:

            Ha! helu ekahi no La Fere!

            No ke sekona elua, kapalili hou aku la ka pahi a ua koa opio nei iloko o ka umauma o ua kana@ keonimana @ nei, a ia wa i hooho hou @ :

            Helu @

            Me keia mau huaolelo e ua opio nei, unohi hou mai la ia i kana pahi a hoouna aku la i ke keonimana malihi a ia wa i hooho hou ae ai o Atanani.

            No @ keia helu!

 

            I ke keonimana malihini i haule pahu aku ai ilalo o ka honua, ua hawahawa koke aku la na lima o ke koa Atanani maluna o ke kino e ua keonimana la a kaili ae la i ka palapala pasepota o ua kanaka nei.

            Mamuli o keia puapuahulu loa o ke koa Atanani ua hoomaopopo ole oia no na poino e hiki mai ana.

            Nolaila, i ka wa ana i hoomaka aku ai i ka huli i ke kino o ke kanaka ana i hoeha ai, aia hoi me ka hikiwawe pahu ae la ua kanaka la i kana pahi ia Atanani me ka hooho ana ae.

            A! hookahi hoi helu ia'u.

            Ua loaa i ke koa Atanani he wahe eha ma kona umauma, aka aole aole nae ia i lilo i mea nui na ua koa nei e noonoo ai, oiai ua haawi aku la oia i kekahi o kana mau puupuu konahao maluna o ke poo o ua kanaka nei a newa aku la oia me ka pau o ka ike.

            Alaila, huli ae la ua koa opio nei a nana iho la i ka inoa o ka mea nona ka palapala pasepota, o Kauna De Wada ka inoa e kau ana a o kekahi hoi o na kanaka a Ua Atanani nei i lohe ai, he paalalo oia no na hana pakaha a alunu a ke Cadenela.

            O ka hookokoke mau mai o ua hora o ke ano liula o ke ahiahi he kokua nui loa ia no na hana a ua koa nei.

            Nolaila, me ka hookaulua ole iho no kekahi manawa hou aku, haa lele iho la laua i ke kahua hookakahe koko a kamoe awiwi aku la laua i ko laua mau kapuai no kahi o kahi o ke kiaaina.

            Ia laua i hiki aku ai ua hoolauna mua loa aku la o Atanani iaia iho malalo o ka inoa apuka o ke Kauna De Wada, a oia ka ke kiaaina i ninau mai ai me na olelo mua loa o ke kauoha.

            He palapala pasepota anei kou i kakau inoa ia e ke Cadinela?

            Ae e ke kiaaina, eia ua palapala.

            Aha! he palapala no kekahi misiona nui ke ole au e kuhihewa.

            Ae, malalo o ka'u mau hooko ana kekahi mau kauwa hoolohe me ka hooko pono.

Aole i pau

_____

Hoolaha Hookapu.

           

            Ke hoike ia aku nei ka lohe i na ano kanaka a pau loa.  Ua hookapa loa mana i ko mana mau Apana Aina ekolu i kapaia o Kalaheo, Kahaleula a me Puuoihala, no lakou na oka 202 e waiho la ma ka Paa, Kailua, Koolaupoko, Oahu, i hoolimalima ia e mana mai ia Keleau (w) mai.  Nolaila, ke papa loa ia aku nei na holoholona o kela a me keia ano, aole e hookuu wale ia maluna o @ mau Apana Aina la, a o ka mea a mau mea paha o kue ana i keia, e hopu ia no e maua, a i ole ia, e ko mana mau hope paha, a e hooko ia e like me ke kuhikuhi a ke kanawai.  O na poe a pau e makemake ana e komo iloko o keia Hui, e pono lakou e hele mai e hui pu me Mrs. C.I. HIRAM, a i ole ia, me DAVID DAYTON, a i ole ia KUKA.

            Owau no me ka haahaa.

MRS. C.I. HIRAM,

Honolulu, Oahu, Oct. 8, 1890.           3msd.

____

HE HOOLAHA I KA AKEA.

           

            E ike ananei na ano lahui a pau, e noho ana ma ke Aupuni Hawaii, mai na kane, wahine a me na keiki i loaa i na ma'i o kela a me eia ano, e nane mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino oki iloko o ka iwi, eha o ke poo ma'i wahine a pela aku.  Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau ke hui me ia ma na kukui olelo ana; ua makaukau wau e pulima mai i na kono ana mai mai na Mokupuni mai, me ka ele a me ka kikiwawe loa, he makamaka a he hoaloha maikai no oukou e na Hawaii.

            Owou iho no,

DR. LEONG KENG PENG,

Helu 40, Huina o na alanui Kamika me Hotele, Honolulu Oahu, Aug.31, 1y.

_____

OLELO HOOLAHA.

 

            Ua makaukau ka mea nona O inoa malalo iho, e hana i na Pua HAKU PUNA ELEELE a me ka pohaku e ae no na pa kupapau, a me na kahua kukulu kia hoomanao.  O ka poe makemake e waiho mai i ka lakou mau kauoha me Ioane A@

J. BOWLER.

Sept. 22, '90, d-1y*

_____

Aila Kuai

 

E LOAA NO MA KAHI O J.F. COLBURN.

(KEONI KOLOBANA.)

 

Ma ke Kihi o na Alanui Nuuanu me Moi.

 

            E loaa no no ke kumukuai haahaa loa o $2.50 o ka pahu.  Hele mai hookahi, hele mai elua, hele mai no a pau.

            Ko oukou hoaloha.

J.F. COLBURN.

Honolulu, Iulai 8, 1891.          232 dtf.

_____

Hale Hana Wai Momona WAI-ANIANI

 

Sam. Lad me John Grace na Ona.

 

Ma poe wale no na lakou e hana nei NA WAI HOOMAEMAE KOKO KAULANA oia hoi ka SASEPARILA  A ME KA WAI-HAO.

 

NA WAI MOMONA AWAPUHI SASEPARILA, LEMI, WAI PIPII, SODA MAOLI, SIDA, KAMEPENA, ao

 

Mutual @ -TELEPONA- @