Ka Leo o ka Lahui, Volume II, Number 283, 18 September 1891 — Page 2
| This text was transcribed by: | Connie Watanabe |
| This work is dedicated to: | Edna Sadako Shiroma Sakamoto |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA.
Ua hookohu ia aku i keia la o Mr. Keaka Honokaupu, i Luna Pa Aupuni no Huelo, Mok@puni o Maui, ina kahi o N. Opunui, i waiho mai.
C. N. SPENCER,
Kuhina Kalaiaina.
Keena Kalaiaina, Sept. 18, 1891.
KA LEO O KA LAHUI.
JNO. E. BUSH.
Lauahooponopono a me Puuku.
POALIMA, SEPATEMABA 18, 1891.
HEAHA KA MEA I HOOLE IA'I KA MEA MAOPOPO ?
Ia makou i kaalo aku ai ma Aliiolani Hale, he elua la mamua iho o nehinei, ua halawai mai la ko makou kiionohi me kekahi keonimana a me kona loio, ka nu'a lehua o Mokaulele.
Ua ninau aku ko makou kiu ia laua, heaha ka olua mea hou? Ua pane ia mai la ka ninau me ka moa kaka o ka haina:
Eia ka mea hou, imua aku nei maua o ka Aha Kiekie kahi i hoohiki ai i kekahi palapala hopu, i hoole ia e ka lunakanawai apana o ke kulanakauhale nei.
A pehea mai nei ? wahi hou a ka ninau.
Ua pono mai nei i ka Aha Kiekie, a ua pau i ke kakauinoa ia, a aia aku nei i ka makai.
Ninau, no ke aha i hoole ai ka lu nakanawai apana ?
Ka, no ka ae ole ana mai ka o ke keena o lalo, oia ka ke kumu i hoole ai.
Ma keia mea, ua kahaha loa ia ke kiu, oiai, o ka mea i hoopii ia, e koi ia nei e keia keonimana, mahope iho o ka maopopo ana mai iaia o ka moolelo piha, oia ka mea nana i hoeha i kekahi keiki makai ae nei o Kakaako, oia maoli no ka i ae aku imua o ka poe nana e hooko aku i ke kanawai; aka, i ka wa o ka makuakane o ua keiki la i koi ai ma o kona loio la i palapala hopu no ka hewa hoeha, ua hoole ia mai.
A mamuli o ia hoole ia ana, ua oni ae la kona makuakane imua o ka Aha Kiekie, a o ka hopena, ua ae ia mai.
O keia ka mea a makou e a'o pinepine nei i na wa a pau, e hookoia ke kanawai maluna o ka poe e kue ana i ke kanawai. Aole hoi e pono e hooko ia ke kanawai mamuli o na lili pilikino, o hu hewa auanei, poohu mai ka lae a kahi ke pohue.
O oukou hoi e na lima hooko o ke kanawai, mai manao oukou, ua hiki wale no ia oukou ke hana e like me ko oukou makemake, a e manao iho ai hoi oukou, he poe oukou i kaa aku mawaho o na palena o ia mea, aole loa pela.
Mamuli o ka loaa ana ia makou o keia ouli hou, nolaila makou i ninau ai, heaha ka mea i hoole ia'i. Oiai, aole keia o ke au o Waawaaikinaaupo ma; aka, o ke au keia o ka malamal ma olinolino o ka la i ke awakea; nolaila e hoopono ma ka hana oia ka mea maikai, aole o ke kuapapanui wale aku.
Ke hoomaka ia nei ka hana ia o ke uwapo o Kapiolani Paka.
HEAHA KEIA?
I ka Lakapule aku nei i hala, ua heoluu ia iho la i ke kai e Waikiki ka Rev. G. Kalai o ka makani Apaapaa o Kohala, e ka luna olelo o ka hoomana o na la hope Haws. O keia Rev. i hooluu ia iho la, oia kekahi o na loea baibala i ike nui ia, a hoike euanelio hoi i na la i aui aku la, a aia no maluna ona ka oihana laa kahi i hekau ai, a he kanaka hoi oia i hoanaauao nui ia, aka i keia mau la, ua kapakahi aku la Manuia, o Keoko'i ka moku.
O ka elua keia o kona mau haku o ka noho ana, oia hoi kana i hoike e mai ai i kinohi, aole e pono i ke kanaka ke malama i na Haku elua oiai oia i huli aku la ma kela hoomana hou, a haalele hoi i kahi nana oia i hoonaauao i kinohi, a o,a ka makou i minamina ai iaia.
Oiai, o kana mau a'o ana mamua ua lilo i mea ole, aole na ha'i i lu ia pono ana i luhi ai, aka, nana ponoi no, a he mea maopopo, ua pouli kana mau a'o ana mamua.
O ke kumu o ka pouli, mamuli no ia o na ao ana, oiai, o ka hooluu ia ana, aole a makou kue no ia mea oiai, ua like ko makou manao no ke ano o ka huaolelo bapetizo, o kona ano maoli no ia.
Aole hoi he pi-pi, a aole no hoi iloko o ke kiaha, aka, i ka lokowai a moakawai paha e hooluu ia ai, i like ai hoi me ka keiki a ke Akua, ua make oia ala hou mai, pela hoi ka mea i hooluu ia a ala hou mai.
Aole makou e nema wale aku ana, aka, e hoike ana makou i kona ano o na la i hala; aka hoi, ina oia ka ka Uhane Hoola i hoike aku ai iaia, alaila, ua maemae lea kela; aka, iha mamuli o na kokoia o na makelia o keia au e nee nei, alaila, aole i maemae, na ka hopena e hoike mai i na mea a pau; oiai hoi, he lunaikehala iloko o kela a me keia kanaka, nana e koho nona iho.
KA MOIWAHINE KANE MAKE KAPIOLANI NO WAIKIKI.
Ma ke kakahiaka onehinei, ua hoohala aku la ka Moiwahine kane make Kapiolani, i kona manawa no ka olu kohai o ka malu lau niu o Muolaulani Hale, a ua hului pu aku la oia i kona mau ai alo no ka luakaha pu ana me ia malaila.
Ua ukali pu aku kana Keikialii i kona mau kapuai, no ka hoolaulea ana iaia, oiai, aia no iloko o kona puuwai ka makolukolu o ka eha eha, no ka hoomanao ana ae i kana Lani Moi, i hala aku, oia hoi ko kakou Moi i aloha nui ia, ka hiki mua hoi o na Moi oluolu loa o ko Hawaii nei Pae Aina; nona hoi ka puuwai hamama o ke aloha kanaka, a na ke kanaka no i hoohemahema i kona pono.
O keia huakai a ua makuahine alii nei o kakou, mamuli no ia o na kauoha a kona kauka, a oia kana i hooko ai; a ma ke ahiahi ana iho, ua huli hoi mai la kana huakai alii no kona Home ma Honuakaha ae nei, ua hele wale a mo'a unounoo Puna i ka pehia e na huna kai o Kalehuawehe, a oia ka makou i hoomanao ae ai i keia wahi hooheno eaea kai no nae ua 'lii wahine.
He mau hiona mohaha maikai kona, pela kana keiki, a pela pu no hoi me ka huakai holookoa a pau. Nolaila, ke hoomanao nei makou i keia mele i hooheno ia e ko kakou la ai i moe aku la----
"O ke Alii wale no ka'u makemake
O ka luhi o maua me ia nei
O ko makou lealea no ia."
KA MOIWAHINE LILIUOKALANI.
I keia mau la, ua hoonala aku ko kakou Moiwahine i kona manawa ma kona Home ponoi ma Wasinetona Hale; a aia oia malaila e hooipo nei, o ka lua keia o na Moiwahine kane make o keia lahui.
Ma keia home no hoi i kaihi ia aku ai ka hanu ola o kana alii kane, a hoi aku la ke kino no kahi mau o na mea a pau, oiai, mamuli o ka lono i loaa mai ia makou, na ke Kauka ka o ke alo alii keia kuhikuhi, a ua a'o pu ia aku no hoi oia aole e uhauha wale i kona manawa, a e malama hoi i kona ola kino pono iho, ma ka ai pakiko ana, a aole hoi e hoopau manawa wale ma na mea ano ole, o ko makou lohe kiea.
Nolaila, ke hoike aku nei makou i ko makou minamina i kela moto ana i koho ai i kinohi, ana no hoi i hoole ai, a makou i hoike pau aku ai imua o ka lehulehu.
Oiai hoi, o kela moto ana i koho ai i kinohi, oia hoi ka "Pono" a me ka "Hoopono," he moto oi kelakela kela a kona au hooponopono aupupuni, aka, i ka wa i hoole ia ai ka olelo a ke Akua Kiekie loa, oia ka wa i lohea mai ai, he omaimai ko ka Moiwahine.
Nolaila, mamuli o keia onawaliwali o kona ola kino, ke kono aku nei makou i ka pohai o ke alo alii e anee nui nei, e huli ke alo @oi lau nui, i kulike ai hoi me kela olelo kahiko o Hawaii nei----
"Iluna no ka ua
Waele e no ke pulu."
Nolaila, e kela pohai i hoonele ia i ke ola uhane, eia mai ka olelo a ke Keiki Hipa a ke Akua ola, a malaila e na na iho ai. Mataio. Mokuna V., Pauku 33, a hiki i ke 48. Mataio Makuna VI, Pauku 5 a hiki i ka 15, no ka mihi ana, a aia pu hoi malaila ka pule a ka Haku i waiho mai ai i keia ao oia ka pule oiaio e loaa ai ke ola o ke kino, a na ka mana hoi @ ka Haku e kaka mai i na hala a pau.
Oia no hoi ke kahuna lapaau oi aku o ka ike a me ke akamai, oiai, oia ke kokua kokoke loa no ka wa popilikia, oia hoi ka puuhonua kahi e maha ai.
O ka makou ao keia, a ina aole e lawe ia, me oukou aku no ia, oiai, o ko makou aloha keia e pahola aku nei, e like me kana moto oia ka Hoopono.
E aloha aku oe i kou Akua me kou naau a pau, a e aloha aku hoi oe i kou hoa launa e like me oe ia oe iho.
HE KAHU AUPUNI HOU.
Ua lohe wale mai makou ke noonoo ia nei ke Aliiwahine Kaaniau i Kahu Aupuni. Ua lohe hou mai makou ua kipa aku ka Moiwahine e ike ia Aliiwahine o lakou, no ka wa mua mahope o kona noho alii ana. He mea hou keia, a heaha aku la koe, e hoike ana ua moe ka oe e ke kai.
HALAWAI A KA HUI A NA LAHUI.
E malama ia ana he halawai ma ka hora 7:30 o ke ahiahi Poaono, ma ka Hale International alanui Betela. E haiolelo ana kekahi mau hoa ma na ninau Kalaiaina, nolaila e akeakea ae na hoa Hawaii a pau. Ma ke kauoha.
He Kuai Nui Hoopau aku.
E HOOMAKA ANA I KEIA
POAONO, AUGATE 1, 1891.
Ua Lilo ko makou Waiwai he mea Mohai wale!
Ua Hoemiia ke Kumukuai ilalo, aole i ko
Makou Pono, aka nou no
Papa Kumukuai no 30 La wale no:
200 paa lihilihi keokeo puka aniani . . . . . . . . . . . . . . . . . . . . . . . . . . . . . . . . . . . . . . . . . . . . $ .90
20 i-a Kalakoa maikai. . . . . . . . . . . . . . . . . . . . . . . . . . . . . . . . . . . . . . . . . . . . . . . . . 1.00
12 keokeo 1 i-a laula . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 1.00
8 keokeo 1 i-a laula . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 1.00
159 kakini lakeke o na Kamalii (huluhulu . . . . . . . . . . . . . . . . . . . . . . . . . . . . . . . . . . . . . . . . . .45
93 kakini ka'e waihooluu o na wahine . . . . . . . . . . . . . . . . . . . . . . . . . . . . . . . . . . . . . . . . . . .05
Huluhulu no na paa lole kupono, .25 keneta o ka i-a, e kuai no makou i keia mau la no 7 i-a no . . . . . . . . . . . . . . . . . . . . . 1.00
Papale Kula o na Kamalii . . . . . . . . . . . . . . . . . . . . . . . . . . . . . . . . . . . . . . . . . . . . . . . . .25
Na Kawele nunui, 2 no . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .25
Kakini eleele maikai . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .25
Na Papale i kahiko maikai ia . . . . . . . . . . . . . . . . . . . . . . . . . . . . . . . . . . . . . . . . . . . . . . . 2.50
RUMI HANA LOLE MALUNA, HOLOKU etc., HANA IA ME KA OLUOLU
LOA. E HOOPAA AKU NO MAKOU NO NA KUMUKUAI MALUNA
NO 30 LA. NO KE DALA KUIKE WALE NO KEIA KUAI ANA.
C. J. Fishel
@ Ka makamua o na Hale lako o na Wahine, oia hoi ma alanui Papu a me Hotele, kahi i hanau ia ai na kuai hoopono a ano nui no hoi. 249-dt
OLELO HOOLAHA
Ua makemake ia i 50,000 kawowo Alani momona, aole e emi malalo o 6 iniha ke kiekie, a e uku ia no he 5 keneta o ke kumu hookahi. No na mea ae i koe, e pono e hele ae e kuka pu me Dilinahama.
B. F. DILINAHAMA.
Luna Nui O. R. & L Co.
OLELO HOOLAHA.
Owau o ka mea nona na aina o Makailio, Kamakalalaukalo, Kaluaopalena, ke papa akea aku nei i na mea a pau aole e hele wale maluna o ka aina, a aole hoi e kuai i na loi ai oo a me loi opiopio, me ka hele mua ole mai e kuka pu me a'u. O ka poe a pau e kue ana i keia olelo, maluna no o lakou ko lakou poho. MELE AKONI ROSE.
Aug. 4, 1981. 251 3m-d*
OLELO HOOLAHA.
NA HOA HUI MEKANIKA!
E malama ia ana he halawai na ka Hui Paahana Mekanika ma ka Hale Huilahui, kihi e Alanui Hotlel a me Betela, ma ke ahiahi Poaha, Sepatemaba 17, 1891, hora 7.
28@-2@td. Ma ke kauoha.
I keia la, ua hookohu ia aku o JACOB KALA ESQ., i Agena haawi Palapala Mare, no ka Apana o Koloa, Mokupuni o Kauai.
C. N. SPENCER.
Kuhina Kalaiaina.
Keena Kalaiaina, Aug. 31, @91. 271-d3t.
Ka Buke Akeakamai.
. . . . . . AO . . . . . .
KE KI GULA
NO KEKAHI MUA MEA HUNA POHIHIHI
I HULIIA E KA NOEAU
O KE KANAKA
KAKAU mua ia e ka Mea Hauohan DAVID KALAKAUA a me kekahi poe e ae he nui, a i Hoouluia, Hoo ponoponoia, a Hoomahuahua hou ia e Levi-i- Levi ole ia ka Akea@ mai Hawaii o ke Ke@eturia 19.
Mahele o ka Buke.
MAHELE I.
VIOIA----Hoike Ouli ma na ka u Oulin oALO lana Mahina.
GZO@ILA----HokeADALEka@ G
oke kanaka.
MAHELE III.
METRAGARATIMA----Ka hoike Ouli ma
ka Hoonohonoh
Huahelu ma ka
Helu Kabala.
MAHELE IV.
ONEIROLOGI.
MAHELE V.
Ka Papa Konane Hoailona Pomaikai.
1 keia la ua hookohu ia aku o W. Von Gravemeyer Esq., i hoa no ka Papa Alanui o Hana, Mokupuni o Maui, ma kahi o P. M. Rooney i waiho mai.
Eia aa hoa o na Papa la:
DAVID CENTER----Luna Hoomalu.
OSCAR
W. VON. GRAVEMEYER.
C. N. SPENCER.
Kuhina Kalaiaina.
Keena Kalaiaina, Aug. 28, 1981. St@.